బుడ్డా రాజశేఖరరెడ్డి
బుడ్డా రాజశేఖరరెడ్డి కర్నూలు జిల్లాకు చెందిన రాజకీయ నాయకుడు. 2014 శాసనసభ ఎన్నికలలో శ్రీశైలం నియోజకవర్గం నుండి వైఎస్‌ఆర్ కాంగ్రెసు పార్టీ తరపున ఎన్నికయ్యాడు.[1][2]
జీవిత విశేషాలు[మార్చు]
బుడ్డా రాజశేఖర రెడ్డి 1967 మార్చి8 న కర్నూలు జిల్లా వెలుగోడు మండలం వేల్పనూరు గ్రామంలో బుడ్డా వెంగళరెడ్డి, ఓబులమ్మ దంపతులకు రెండవ కుమారునిగా జన్మించాడు. అతని తండ్రి ఆంద్రప్రదేశ్ రాష్ట్ర మంత్రిగా పనిచేసాడు.[3] అతని సోదరుడు బుడ్డా సీతారామిరెడ్డి ఆత్మకూరు శాసనసభ నియోజకవర్గానికి ప్రాతినిధ్యం వహించి అనారోగ్యం కారణంగా మరణించాడు. అతని రెండవ సోదరుడు బుడ్డా శేషారెడ్డి తండ్రి బుడ్డా వెంగళరెడ్డి హయం నుంచి రాజకీయాల్లో వుంటూ నియోజకవర్గంలో తనకంటూ ఒక ప్రత్యక స్థానం సంపాదించుకున్నాడు.[2] 2009 లో రాజశేఖర రెడ్డి ప్రజారాజ్యం పార్టీ తరపున తన సోదరునిపై పోటి చేశాడు. ఇద్దరు సోదరులు ఓటమి పాలైనారు.
బుడ్డా రాజశేఖరరెడ్డి 10 తరగతి వరకు వెలుగోడులో చదివి, ఉన్నత చదువులను బెంగళూరు హైదరాబాదు లలో పూర్తి చేశాడు.
రాజకీయ జీవితం [మార్చు]
బుడ్డా వెంగళరెడ్డి మరణంతో రాజకీయాల్లోకి వచ్చిన రాజశేఖర రెడ్డి మొదట కర్నూలు జిల్లా తెలుగు దేశం పార్టీ ఉపాధ్యక్షుడిగా పనిచేశాడు[4]. 2004 సాధారణ ఎన్నికల్లో అతని భార్య శైలజమ్మ పోటి చేసి ఓడిపోయింది.[5] తరువాతి కాలంలో బుడ్డా సోదరులిద్దరూ చెరొక పార్టీ నుంచి పోటీ చెయ్యడంతో ప్రత్యర్థి పార్టీ కాంగ్రెసు తరుపున పోటి చేసిన ఏరాసు ప్రతాపరెడ్డి గెలుపొంది[6] మంత్రి పదవి పొందాడు. తరువాతి కాలంలో యువజన శ్రామిక రైతు కాంగ్రెస్ పార్టీలో చేరి 2014 ఎన్నికల్లో గెలుపొందాడు[1]. ఆ తరువాత కర్నూలు జిల్లా వైకాపా అధ్యక్షుడుగా నియమితులైనాడు.
మూలాలు[మార్చు]
- ↑ 1.0 1.1 "Andhra Pradesh Assembly Election Results in 2014". Elections in India. Archived from the original on 2022-04-07. Retrieved 2022-06-07.
- ↑ 2.0 2.1 "టీడీపీ అభ్యర్థి అస్త్రసన్యాసం.. టికెట్ వచ్చాక బరి నుంచి బయటకు." News18 Telugu. Retrieved 2022-06-07.
- ↑ "Andhra Pradesh Assembly Election Results in 1983". Elections in India. Archived from the original on 2021-03-01. Retrieved 2022-06-07.
- ↑ Srinivas (2016-05-18). "ఫ్యామిలీలో చిచ్చు: జగన్‌కు షాకిచ్చిన బుడ్డాకు ఝలక్, వైసిపిలోనే సోదరుడు". telugu.oneindia.com. Retrieved 2022-06-07.
- ↑ "Andhra Pradesh Assembly Election Results in 2004". Elections in India. Archived from the original on 2021-01-20. Retrieved 2022-06-07.
- ↑ "Andhra Pradesh Assembly Election Results in 2009". Elections in India. Archived from the original on 2020-02-02. Retrieved 2022-06-07.