ప్రజా రాజ్యం పార్టీ
ప్రజా రాజ్యం పార్టీ | |
|---|---|
 | |
| స్థాపకులు | చిరంజీవి |
| స్థాపన తేదీ | 2008 |
| రద్దైన తేదీ | 2011 |
| విలీనం | భారత జాతీయ కాంగ్రెస్ |
| ప్రధాన కార్యాలయం | జూబ్లీ హిల్స్, హైదరాబాదు, తెలంగాణ, |
| రాజకీయ విధానం | సామాజిక న్యాయం, అవినీతి రహిత పాలన |
| Website | |
| http://www.prajarajyam.org | |
తెలుగు సినిమా నటుడు చిరంజీవి 26 ఆగష్టు, 2008 ప్రజా రాజ్యం అనే ప్రాంతీయ పార్టీని స్థాపించాడు.[1]. ప్రజా రాజ్యం లో ప్రజలే పాలకులు నేను వారధిని అనేది చిరంజీవి భావన. 2009లో జరిగిన ఉమ్మడి ఆంధ్రప్రదేశ్ సాధారణ శాసనసభ ఎన్నికల్లో పోటీ చేసిన 294 స్థానాలకు గాను 18 స్థానాలు గెలుచుకుంది. మొత్తం ఓట్లలో 18% ఓట్లు ఈ పార్టీ దక్కించుకుంది. పార్టీ అధ్యక్షుడు చిరంజీవి తిరుపతి, పాలకొల్లు నియోజకవర్గాల నుండి పోటీ చేయగా తిరుపతి స్థానం నుండి మాత్రమే గెలుపొందాడు. ఆగష్టు 2011 లో భారత జాతీయ కాంగ్రెసు పార్టీలో విలీనమయ్యింది[2]
స్థాపన
[మార్చు]2008 ఆగస్టు 26 తేదిన తిరుపతిలో జరిగిన మొట్టమొదటి బహిరంగ సభలో చిరంజీవి పార్టీని అధికారికంగా ప్రారంభించాడు. సుమారు పది లక్షల మంది హాజరైన ఈ సభలో చిరంజీవి పార్టీ పేరును, అజెండాను ప్రకటించాడు. పార్టీ పతాకంలో సుమారు మూడు వంతులు తెల్లని భాగం, దాని కింద ఒక భాగం పచ్చరంగు, మధ్యలో ఎర్రటి రంగులో సూర్యుడు, గుండ్రని భాగం చుట్టూ పసుపు బోర్డరు ఉన్నాయి.
విలీనం
[మార్చు]2011 ఫిబ్రవరి 6 వ తేదీన కాంగ్రెస్ అధ్యక్షురాలు సోనియాగాంధీతో భేటీ అనంతరం చిరంజీవి ప్రజారాజ్యం పార్టీని కాంగ్రెస్ పార్టీలో విలీనం చేస్తున్నట్లు ప్రకటించాడు. అప్పటి రక్షణ శాఖా మంత్రి ఎ. కె. ఆంటోనీ ఈ విలీన ప్రతిపాదన తెచ్చాడు.[3]
ప్రజారాజ్యంలో పని చేసిన నాయకులూ
[మార్చు]- చిరంజీవి
- కొత్తపల్లి సుబ్బా రాయుడు
- కాసుల బాల్‌రాజ్‌
- కొణిదెల పవన్ కళ్యాణ్
- పరకాల ప్రభాకర్
- అల్లు అరవింద్
ఎన్నికైన సభ్యుల జాబితా
[మార్చు]| క్ర.సంఖ్య | నియోజకవర్గం | పేరు |
|---|---|---|
| 1. | నిర్మల్ | ఏలేటి మహేశ్వర్ రెడ్డి |
| 2. | బాల్కొండ | ఈరవత్రి అనిల్‌ |
| 3. | భీమిలి | ముత్తంశెట్టి శ్రీనివాస రావు |
| 4. | గాజువాక | చింతలపూడి వెంకటరామయ్య |
| 5. | అనకాపల్లె | గంటా శ్రీనివాస రావు |
| 6. | పెందుర్తి | పంచకర్ల రమేష్ బాబు |
| 7. | పిఠాపురం | వంగ గీత |
| 8. | కాకినాడ గ్రామీణ | కురసాల కన్నబాబు |
| 9. | పెద్దాపురం | పంతం గాంధీ మోహన్ |
| 10. | కొత్తపేట | బందరు సత్యానంద రావు |
| 11. | తాడేపల్లిగూడెం | ఎలి వెంకట మధుసూధనరావు |
| 12. | విజయవాడ పశ్చిమం | వెలంపల్లి శ్రీనివాస రావు |
| 13. | విజయవాడ తూర్పు | యలమంచిలి రవి |
| 14. | గిద్దలూరు | అన్నా వెంకట్ రాంబాబు |
| 15. | నెల్లూరు నగరం | ముంగమూరు శ్రీధర కృష్ణా రెడ్డి |
| 16. | ఆళ్లగడ్డ | భూమా శోభా నాగి రెడ్డి |
| 17. | బనగానపల్లె | కాటసాని రామి రెడ్డి |
| 18. | తిరుపతి | కొణిదెల చిరంజీవి |
మూలాలు
[మార్చు]- ↑ "Chiranjeevi launches 'Praja Rajyam'". Press Trust of India. Chennai, India: The Hindu. 2008-08-26. Archived from the original on 2011-06-29. Retrieved 2008-08-26.
- ↑ "Praja Rajyam Party merges with Congress". Chennai, India: The Hindu. 2011-02-06. Retrieved 2011-02-26.
- ↑ "Praja Rajyam merges with Congress". The Hindu. Chennai, India. 2011-02-07. Archived from the original on 2013-01-25. Retrieved 2020-12-28.