ఆరేపల్లి (చెరుకుపల్లి)

ఆరేపల్లి (చెరుకుపల్లి)
రెవెన్యూ గ్రామం
ఆరేపల్లి (చెరుకుపల్లి)
అక్షాంశ రేఖాంశాలు: 16°1′45.300″N 80°41′41.676″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	బాపట్ల
మండలం	చెరుకుపల్లి
విస్తీర్ణం	9 కి.మీ2 (3 చ. మై)
జనాభా  (2011)	5,538
• జనసాంద్రత	620/కి.మీ2 (1,600/చ. మై.)
అదనపు జనాభాగణాంకాలు
• పురుషులు	2,754
• స్త్రీలు	2,784
• లింగ నిష్పత్తి	1,011
• నివాసాలు	1,659
ప్రాంతపు కోడ్	+91 ( )
పిన్‌కోడ్	522309
2011 జనగణన కోడ్	590445

ఆరేపల్లి, బాపట్ల జిల్లా, చెరుకుపల్లి మండలానికి చెందిన గ్రామం. ఇది మండల కేంద్రమైన చెరుకుపల్లి నుండి 4 కి. మీ. దూరం లోను, సమీప పట్టణమైన రేపల్లె నుండి 18 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1659 ఇళ్లతో, 5538 జనాభాతో 900 హెక్టార్లలో విస్తరించి ఉంది. గ్రామంలో మగవారి సంఖ్య 2754, ఆడవారి సంఖ్య 2784. షెడ్యూల్డ్ కులాల సంఖ్య 605 కాగా షెడ్యూల్డ్ తెగల సంఖ్య 156. గ్రామ జనగణన లొకేషన్ కోడ్ 590445.ఎ

శివారు గ్రామాలు

ఊచావారిపాలెం, ప్రసాదంవారిపాలెం, వాకావారిపాలెం

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు ఆరు, ప్రభుత్వ ప్రాథమికోన్నత పాఠశాలలు మూడు, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి చెరుకుపల్లిలో ఉంది. సమీప జూనియర్ కళాశాల చెరుకుపల్లిలోను, ప్రభుత్వ ఆర్ట్స్ / సైన్స్ డిగ్రీ కళాశాల ఆరుంబాకలోనూ ఉన్నాయి. సమీప వైద్య కళాశాల గుంటూరులోను, పాలీటెక్నిక్‌ రేపల్లెలోను, మేనేజిమెంటు కళాశాల పొన్నపల్లిలోనూ ఉన్నాయి. సమీప వృత్తి విద్యా శిక్షణ పాఠశాల గూడవల్లిలోను, అనియత విద్యా కేంద్రం రేపల్లెలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

వైద్య సౌకర్యం

ప్రభుత్వ వైద్య సౌకర్యం

ఆరేపల్లిలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.

ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. డిస్పెన్సరీ, పశు వైద్యశాల గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం

గ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

ఆరేపల్లిలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 కి.మీ. లోపు దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. రోజువారీ మార్కెట్, వారం వారం సంత గ్రామం నుండి 5 కి.మీ. లోపు దూరంలో ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు ఉన్నాయి. గ్రామంలో గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆశా కార్యకర్త, ఆటల మైదానం గ్రామం నుండి 5 కి.మీ. లోపు దూరంలో ఉన్నాయి. సినిమా హాలు గ్రామం నుండి 5 కి.మీ.లోపు దూరంలో ఉంది.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 7 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

ఆరేపల్లిలో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 70 హెక్టార్లు
• సాగులో లేని భూముల్లో బీడు భూములు కానివి: 11 హెక్టార్లు
• నికరంగా విత్తిన భూమి: 817 హెక్టార్లు
• నీటి సౌకర్యం లేని భూమి: 123 హెక్టార్లు
• వివిధ వనరుల నుండి సాగునీరు లభిస్తున్న భూమి: 706 హెక్టార్లు

నీటిపారుదల సౌకర్యాలు

ఆరేపల్లిలో వ్యవసాయానికి నీటి సరఫరా కింది వనరుల ద్వారా జరుగుతోంది.

• కాలువలు: 704 హెక్టార్లు
• బావులు/బోరు బావులు: 2 హెక్టార్లు

ఉత్పత్తి

ఆరేపల్లిలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

వరి, మినుము, వేరుశనగ

గ్రామ పంచాయతీ

1. 2013 జూలైలో ఈ గ్రామ పంచాయతీకి జరిగిన ఎన్నికలలో బండికట్ల సత్యనారాయణ, సర్పంచిగా ఎన్నికైనారు.

దర్శనీయ ప్రదేశాలు/దేవాలయాలు

గ్రామదేవత శ్రీ నూకాలమ్మ అమ్మవారిఆలయం

ఆరేపల్లి గ్రామదేవత శ్రీ నూకాలమ్మ అమ్మవారి తిరునాళ్ళు ప్రతి సంవత్సరం వైశాఖ శుక్ల పౌర్ణమికి వైభవంగా నిర్వహించెదరు. ఈ తిరునాళ్ళ సందర్భంగా అమ్మవారిని ప్రత్యేకంగా అలంకరించి పూజలు నిర్వహించెదరు. గ్రామంలోని మహిళలు అమ్మవారికి పసుపు,కుంకుమలు సమర్పించి తమ మొక్కులు తీర్చుకుంటారు. ఈ తిరునాళ్ళకు పరిసర ప్రాంతాల ప్రజలు అధిక సంఖ్యలో తరలి వచ్చి, అమ్మవారిని దర్సించుకొని తీర్ధ ప్రసాదాలు స్వీకరించెదరు. [3]

శ్రీ వల్లీ దేవసేన సమేత సుబ్రహ్మణ్యేశ్వరస్వామివారి ఆలయం

ఈ ఆలయంలో 2014,నవంబరు-27,28 గురు, శుక్రవారాలలో స్వామివారి కళ్యాణ వేడుకలను ఘనంగా నిర్వహించారు. ఈ సందర్భంగా, శుక్రవారం ఉదయం, స్వామివారికి ప్రత్యేకపూజలు నిర్వహించారు. మహిళలు అధికసంఖ్యలో పాల్గొని స్వామివారి తీర్ధప్రసాదాలను స్వీకరించారు. ఆలయ ప్రాంగణంలోని శ్రీ నాగేంద్రస్వామివారి పుట్టలో పాలుపోసి, తమ భక్తి ప్రపత్తులను చాటుకున్నారు. [5]

శ్రీ గంగా పార్వతీ సమేత శ్రీ రామలింగేశ్వరస్వామివారి ఆలయం

17వ శతాబ్దానికి చెందిన ఈ పై 2 ఆలయాలలో 112 సంవత్సరాల తరువాత మూడవసారి, 2017,మార్చి-11వతేదీ శనివారం నుండి 13వతేదీ సోమవారం వరకు బ్రహ్మోత్సవాలు అత్యంత వైభవంగా నిర్వహించారు. 13వతేదీ సోమవారంనాడు, శివకేశవుల ఆలయాలలో నూతన ధ్వజస్తంభాల మహోత్సవాలు అత్యంత వైభవంగా నిర్వహించారు. ప్రతిష్ఠ అనంతరం పూర్ణాహుతి, మహదాశీర్వచనం, మంత్రపుష్పం, తీర్ధప్రసాదాలు అందజేసినారు. భక్తులతో గ్రామంలో ఆధ్యాత్మిక సందడి నెలకొన్నది. ఈ రకంగా శైవ, వైష్ణవ దేవాలయాలలో ఒకేసారి ఉత్సవాలు నిర్వహించడం చాలా అరుదు కానున్నది. [7]

కురప్పాలెం

ఆరేపల్లి శివారు గ్రామం. ఇక్కడి కురమ దేవుడు:: బీరయ్య స్వామి. "నూకలమ్మ" తల్లి గ్రామ దేవత.

అంకమ్మ తల్లి దేేవాలయం, రామాలయం

ప్రసాదం వారి పాలెం (ఆరేపల్లి శివారు గ్రామం)

అంకమ్మ తల్లి దేవాలయం. ప్రసాదం వారి పాలెం

ఆరేపల్లి శివారు ప్రసాదం వారి పాలెం గ్రామంలో ప్రసాదం వారి ఇలవేల్పు అంకమ్మ తల్లి దేవాలయం ఉంది. ఎక్కడెక్కడో నివాసముంటున్న ప్రసాదం కుటుంబీకులు వేలాదిగా వచ్చి కోరిన కోర్కెలు తీర్చే మహిమగల తల్లి యైన తమ ఇలవేల్పుకు పూజలు చేసి మొక్కులు తీర్చుకుంటూ ఉంటారు.

శ్రీరామ మందిరం.. ప్రసాదం వారి పాలెం.

ప్రసాదం వారి పాలెంలో గ్రామస్థులు దాతల సహకారం తో శ్రీరామ మందిరం నిర్మించుకున్నారు. ఈ గుడి చెరకుపల్లి నుండి నగరం వెళ్లే రహదారి పక్కనే ఉండటంతో ప్రాధాన్యతను సంతరించుకుంది.

గ్రామంలో ప్రధాన పంటలు

వరి, అపరాలు, కాయగూరలు

గ్రామంలో ప్రధాన వృత్తులు

వ్యవసాయం, వ్యవసాయాధారిత వృత్తులు

ప్రముఖులు

MATHI DIWAKAR RATHANA PRASAD(famous politician & S.M.R.M high school chairman & MPP cherukupalli mandal),

KOTHAPALLI CHINA BABU M-Tech(thermal engineering),NSL textiles boiler engineer,పొన్నపల్లి మధుసూదన్ విశాఖ ఉక్కుఫ్యాక్టరీ ఛైర్మన్

గ్రామ విశేషాలు

ఈ మారుమూల గ్రామానికి చెందిన శ్రీ మల్లెల భాస్కరశర్మ ఒక చిరుద్యోగి. వీరి సతీమణి శ్రీమతి నాగలక్ష్మి. వీరి కుమారుడు జగదీశ్ చిన్నప్పటి నుండి ప్రభుత్వ పాఠశాలలోనే చదివి తన కృషి పట్టుదలతో ఈ ఏడాది నిర్వహించిన గేట్ ప్రవేశ పరీక్షలో, ఇంజనీరింగు విభాగంలో, జాతీయస్థాయిలో 780వ ర్యాంక్ సాధించాడు. [6]

గణాంకాలు

2001 వ.సంవత్సరం జనాభా లెక్కల ప్రకారం గ్రామ జనాభా 5470. ఇందులో పురుషుల సంఖ్య 2772, స్త్రీల సంఖ్య 2698,గ్రామంలో నివాసగృహాలు 1531 ఉన్నాయి.