అదృష్టదీపక్
అదృష్టదీపక్ | |
|---|---|
 | |
| జననం | 1950 జనవరి 18 |
| మరణం | 2021 మే 16 (వయసు 71) |
| మరణ కారణం | కోవిడ్-19 వ్యాధి (కరోనా) |
| విద్య | ఎమ్.ఎ. |
| వృత్తి | చరిత్ర అధ్యాపనం |
| సుపరిచితుడు/ సుపరిచితురాలు | హేతువాది సాహిత్యం, నాటకాలు, సినిమాలు |
| జీవిత భాగస్వామి | స్వరాజ్యం |
| పిల్లలు | చక్రవర్తి (కుమారుడు), కిరణ్మయి |
| తల్లిదండ్రులు | సత్తి సూరమ్మ (తల్లి) బంగారయ్య (తండ్రి) |
అదృష్టదీపక్ (1950 జనవరి 18 - 2021 మే 16) భారతీయ కవి.[1] ద్రాక్షారామం పీవీఆర్ జూనియర్ కళాశాలలో ఉపన్యాసకుడుగా 1979లో చేరి 2008లో ఉద్యోగ విరమణ పొందాడు. ఆయన సాహిత్యంపై మక్కువతో నాటకాలు, సినిమాల రంగాలలో విశేష కృషి చేసాడు.[2]
అచ్చయిన పుస్తకాలు
[మార్చు]- కోకిలమ్మ పదాలు (1972)
- అగ్ని (1974)
- సమరశంఖం (1977)
- ప్రాణం (1978)
- అడవి (2008) (1978-2008 మధ్యలో అచ్చయినవి, ప్రసారమైనవీ)
- సంపాదకత్వం : చేతన (అరసం కవితా సంకలనం)
అవార్డులు - రివార్డులు
[మార్చు]- ఆంధ్రప్రదేశ్ గవర్నర్ డాక్టర్ శంకర్ దయాళ్ శర్మ ద్వారా ‘నేటిభారతం’ చిత్రంలో ‘మానవత్వం పరిమళించే మంచి మనసుకు స్వాగతం’ గీతానికి ఉత్తమ గేయ రచయితగా మద్రాసులో ‘కళాసాగర్’ అవార్డు (1984)[3]
- ముఖ్యమంత్రి శ్రీ నారా చంద్రబాబునాయుడు ద్వారా రాష్ట్రప్రభుత్వ ఉత్తమ అధ్యాపక అవార్డు (2003)
- విశాలాంధ్ర ప్రచురణాలయం స్వర్ణోత్సవ వేడుకలలో కవిసత్కారం (2003)
- రామచంద్రపురం మోడరన్ ఫౌండేషన్ వారి ‘కళానిధి’ అవార్డు, సాహితీ పురస్కారం (2004)
- రావులపాలెం సి.ఆర్.సి. నాటక పరిషత్ కళాప్రాంగణంలో సినీ నటుడు, రచయిత తనికెళ్ళ భరణి సారథ్యంలో పౌరసన్మానం, ఉగాది పురస్కారం (2004)
- అనపర్తిలో ఆంధ్రప్రదేశ్ అసెంబ్లీ స్పీకర్ శ్రీ కే. ఆర్. సురేష్ రెడ్డి, రాష్ట్రమంత్రి జక్కంపూడి రామమోహనరావుల ద్వారా ఎస్.బి.ఎస్.ఆర్ కళాపీఠంవారి సాహితీ పురస్కారం (2004)
- తూర్పు గోదావరి జిల్లా అధికార భాషా సమీక్షా సంఘ సభ్యునిగా నియామకం ( 2006)
- రాష్ట్రప్రభుత్వం రాజమండ్రిలో నిర్వహించిన నంది నాటకోత్సవాలలో అభినందన సత్కారం (2008)
- అభ్యుదయ రచయితల సంఘం గుంటూరు శాఖ ఆధ్వర్యంలో అమరజీవి కొండేపూడి శ్రీనివాసరావు సాహితీ పురస్కారం[4] (2010)
- హైదరాబాద్‌లోని పొట్టి శ్రీరాములు తెలుగు విశ్వవిద్యాలయం వారు ‘‘సృజనాత్మక సాహిత్యం’’లో కీర్తి పురస్కారం (2010)
ప్రముఖుల అభిప్రాయాలు
[మార్చు]సామాజిక సమస్యలకు ప్రతిస్పందించే హృదయ సౌకుమార్యంవుంది అదృష్టదీపక్ కు. తన అనుభూతులకు కవితారూపం యిచ్చే నేర్పుకూడావుంది యితనికి.. -రాచమల్లు రామచంద్రారెడ్డి
అదృష్టదీపక్ కు తన లక్ష్యం యేమిటో, దాన్ని యెలా సాధించాలో తెలుసు. వర్తమాన సమాజం పట్ల తీవ్ర అసంతృప్తి అంతరంగంలో ప్రజ్వలిస్తున్నా దాన్ని వ్యక్తీకరించడంలో ఎంతో నిగ్రహాన్ని ప్రదర్శిస్తాడు. "అక్షరాల రెక్కలు విప్పుకుని " "కన్నీళ్ళు కవిత్వంగా" మారుతాయంటాడు."కొడిగట్టిన ఆశను కొత్తకోరికలతో తిరిగి రగిలించు" అంటూ భవిష్యత్తు పట్ల అనంతమైన ఆశను ప్రకటిస్తాడు అదృష్టదీపక్.- గజ్జెల మల్లారెడ్డి
అదృష్టదీపక్ సముద్రాన్ని కమండలంలో ఇమిడ్చిన ఋషిలాగ...పైకి కనపడడు! ఆయనో చల్లని అగ్నిపర్వతం! వెచ్చని హిమాలయం! గులాబీలా కనిపించే విచ్చుకత్తి! మొగలిరేకులా అనిపించే మల్లెపువ్వు! ఆయన తక్కువే రాస్తాడు...ఎక్కువగా గుర్తుండి పోయేలాగ! ఆయనెప్పుడూ వీరబాహుడిలాగ - భుజాన కుండొకటి పెట్టుకొని తిరుగుతూ ఉంటాడు. ఎవరన్నా అభిప్రాయం అడిగితే - నిర్మొహమాటంగా ఆ కుండని మొహాన్న భళ్ళున కొడతాడు! నిజం చెప్పటం ఆయనకిష్టం. దానివల్ల ఆయన చాలా దెబ్బలు తినిఉండొచ్చు కానీ- ప్రతిదెబ్బా ఆయన పాలిట ఓ గోల్డ్ మెడల్ కదా! ఎంచేతంటే వీరుణ్ణి ఎప్పుడైనా గాయాలతోనేగదా గుర్తించాలి! - తనికెళ్ళ భరణి.
ఇంతమంది శత్రువుల్ని సంపాదించుకున్న అదృష్టదీపక్ ను ఇలాగే ఉండమని అభినందిస్తున్నాను...- బ్నిం
అదృష్టదీపక్ మంచి కవిమాత్రమే కాదు. నిజాయితీగల విమర్శకుడు కూడా అని అర్ధమవుతోంది.నిబద్ధత ముసుగులో ఉన్న కవులూ, రచయితలూ చాలామంది ఉన్నారు. కాని అదృష్టదీపక్ లోపలా, బయటా కూడా నూటికి నూరుపాళ్ళూ నిబద్ధుడైన రచయిత! - ద్వా.నా.శాస్త్రి
రసికుం డదృష్ట దీపకు డసమానమ్మైన కవిగ నాంధ్రావనిలో కుసుమించిన చెంగలువగ వసియించుచునుండు సతము ప్రజల మనములన్ - డాక్టర్ రాధశ్రీ
మూలాలు
[మార్చు]- ↑ ఆంధ్రజ్యోతి, చిత్రజ్యోతి (16 May 2021). "అభ్యుదయ రచయిత 'అదృష్టదీపక్' ఇకలేరు". www.andhrajyothy.com. Archived from the original on 16 May 2021. Retrieved 16 May 2021.
- ↑ "Adrushta Deepak Pallikonda Passed Away Due To Covid: సినీ గేయ రచయిత అదృష్ట దీపక్ కన్నుమూత - Sakshi". web.archive.org. 2024-01-15. Archived from the original on 2024-01-15. Retrieved 2024-01-15.
{{cite web}}: CS1 maint: bot: original URL status unknown (link) - ↑ "ప్రముఖ కవి అదృష్ట దీపక్ కోవిడ్ తో మృతి | TRENDING TELUGU NEWS". www.trendingtelugunews.com. 16 May 2021. Archived from the original on 16 May 2021. Retrieved 16 May 2021.
- ↑ పెనుగొండ లక్ష్మీనారాయణ (జనవరి 2020). గుంటూరుసీమ సాహిత్యచరిత్ర (1 ed.). గుంటూరు: ఆంధ్రప్రదేశ్ అభ్యుదయ రచయితల సంఘం, గుంటూరు జిల్లా శాఖ. pp. 283–284.