అనసూయ (2007 సినిమా)

అనసూయ
దర్శకత్వం	రవిబాబు
రచన	నివాస్ (సంభాషణలు)
స్క్రీన్ ప్లే	పరుచూరి బ్రదర్స్
కథ	రవిబాబు
నిర్మాత	రవిబాబు
తారాగణం	భూమిక చావ్లా, రవిబాబు, అబ్బాస్, అంకిత, నిఖిత, మల్లేశ్ బలష్టు, సుహాని కలిత
ఛాయాగ్రహణం	సుధాకర్ రెడ్డి
కూర్పు	మార్తాండ్ కె. వెంకటేష్
సంగీతం	శేఖర్ చంద్ర
నిర్మాణ సంస్థ	ఫ్లయింగ్ ఫ్రాగ్స్
విడుదల తేదీ	2007 డిసెంబరు 21 (2007-12-21)
భాష	తెలుగు

అనసూయ 2007లో రవిబాబు దర్శకత్వంలో వచ్చిన ఒక థ్రిల్లర్ సినిమా. ఇందులో భూమిక, రవిబాబు, అబ్బాస్ ప్రధాన పాత్రలు పోషించారు.సంగీతం శేఖర్ చంద్ర సమకూర్చారు.

కథ

అనసూయ ఒక అనాథ. క్రిమినల్ సైకాలజీ (నేరస్థుల మనస్తత్వ అధ్యయన శాస్త్రం) లో పీజీ పూర్తి చేసి ఓ టీవీ చానల్ లో రిపోర్టరు గా చేరుతుంది. తన వృత్తిలో భాగంగా వరుస హత్యలు చేస్తూ, శవాల్లోని కొన్ని అంతర్భాగాలు మాయమయ్యే ఒక విచిత్రమైన కేసు వెనుక రహస్యాన్ని పరిశోధించాల్సి వస్తుంది. హoతకుడు హత్య చేసిన తర్వాత ఆ స్థలంలో ఒక గులాబీ పువ్వు వదిలి వెళుతుంటాడు. ఈలోగా ఓ పోలీసు ఆఫీసరు కూడా హంతకుణ్ణి పట్టుకోవడానికి నియమితుడవుతాడు. వీటన్నింటికి కారణం గులాబీ పువ్వు గోవిందు అనే వ్యక్తి కావచ్చని నిర్ధారణకు వస్తుంది. అతని నేపథ్యాన్ని పరిశీలిస్తూ గోవిందు గతంలో ప్రేమించిన ఓ మెడికో అమ్మాయి గురించి వెతుకుతుంది. ఆ అమ్మాయి గోవిందు ప్రేమని అంగీకరించి ఉండదు. అసలు గోవిందు ఈ హత్యలు ఎందుకు చేస్తున్నాడు? అతన్ని అనసూయ ఎలా అంతమొందించిందీ అన్నది మిగతా కథ.

తారాగణం

• టీవీ రిపోర్టరు అనసూయ గా భూమిక
• గులాబీ పువ్వు గోవిందం గా రవిబాబు
• అబ్బాస్
• నిఖిత
• మెల్కోటే
• సమీర్
• చలపతి రావు
• హర్షవర్ధన్
• అంకిత
• రేవతి
• సుదీప

సాంకేతిక వర్గం

• దర్శకుడు: రవిబాబు
• కధ: రవిబాబు
• చిత్రానువాదం: పరుచూరి బ్రదర్స్
• మాటలు: నివాస్
• పాటలు: భాస్కరభట్ల రవికుమార్
• నేపథ్య గానం: వేణుగోపాల్
• సంగీతం: శేఖర్ చంద్ర
• ఛాయా గ్రహణం: సుధాకర్ రెడ్డి
• కూర్పు: మార్తాండ్ కె వెంకటేష్
• నిర్మాత: రవిబాబు
• నిర్మాణ సంస్థ: ఫ్లయింగ్ ఫ్రాగ్స్
• విడుదల:21:12:2007.

పాటల జాబితా

1.ఆకాశం మెరిసేను, రచన: భాస్కరభట్ల రవికుమార్, గానం.వేణుగోపాల్.