అన్న తమ్ముడు (1958 సినిమా)

అన్న తమ్ముడు (1958 సినిమా) (1958 తెలుగు సినిమా)
దర్శకత్వం	సి.యస్.రావు
నిర్మాణం	కడారు నాగభూషణం
తారాగణం	నందమూరి తారక రామారావు, రాజసులోచన, కన్నాంబ
సంగీతం	అశ్వత్థామ
నిర్మాణ సంస్థ	శ్రీ రాజరాజేశ్వరి ఫిల్మ్స్
భాష	తెలుగు
ఐ.ఎమ్.డీ.బి పేజీ

అన్న తమ్ముడు శ్రీ రాజరాజేశ్వరి ఫిలింస్ పతాకంపై సి.ఎస్.రావు దర్శకత్వంలో 1958, ఫిబ్రవరి 15న విడుదలైన తెలుగు సినిమా.ఈ చిత్రంలో నందమూరి తారక రామారావు,రాజసులోచన, కొంగర జగ్గయ్య, పసుపులేటి కన్నాంబ,షావుకారు జానకి మొదలగు వారు నటించారు . ఈ చిత్రానికి సంగీతం గుడిమెట్ల అశ్వద్ధామ సమకూర్చారు.

నటీనటులు

• ఎన్.టి.రామారావు_రవి
• షావుకారు జానకి_రాణి
• మాలతి_శాంతమ్మ
• రాజసులోచన_వజ్రం
• జగ్గయ్య_రాజేంద్ర
• రేలంగి_ఉప్పలనాయుడు
• ముక్కామల
• గిరిజ_ పద్మ
• కె.వి.ఎస్.శర్మ
• నల్ల రామ్మూర్తి
• ఆర్.నాగేశ్వరరావు_ఇనస్పెక్టర్
• చదలవాడ కుటుంబరావు_ బ్రహ్మానందం
• ఎ.వి.సుబ్బారావు_ మాధవరావు
• మిక్కిలినేని_ పురుషోత్తమరావు
• రావి కొండలరావు
• పద్మనాభం_వంటవాడు
• బొడ్డపాటి
• సి.హెచ్.ప్రభావతి_ కామాక్షి
• కమల_ చెంచులక్ష్మి .

సాంకేతిక వర్గం

• దర్శకత్వం: సి.ఎస్.రావు
• సంగీతం: అశ్వత్థామ
• గీత రచయితలు:సముద్రాల జూనియర్, దైతా గోపాలం,ఆచార్య బి.వి.ఎస్ , కొసరాజు రాఘవయ్య చౌదరి,రావూరి సత్యనారాయణ రావు
• నేపథ్య గానం: ఘంటసాల వెంకటేశ్వరరావు, ప్రతివాది భయంకర శ్రీనివాస్, శిష్ట్లా జానకి, పిఠాపురం నాగేశ్వరరావు, జిక్కి, కె.జమునా రాణి, టి.ఆర్.తిలకం, నల్ల రామమూర్తి, కె.రాణి, మాధవపెద్ది సత్యం, పులపాక సుశీల
• మాటలు: పినిశెట్టి శ్రీరామమూర్తి, బి.వి.ఎస్.ఆచార్య
• ఛాయా గ్రహణం: షణ్ముగం
• ఎడిటింగ్: ఉమానాథ్
• నిర్మాణ సంస్థ: శ్రీ రాజరాజేశ్వరి ఫిలింస్
• నిర్మాత: కడారు వెంకటేశ్వరరావు
• విడుదల:15:02:1958.

కథ

ఇది ఒక కుటుంబానికి చెందిన రెండు తరాల కథ. పూర్వార్థంలో ఇద్దరన్నదమ్ముల కథను చిత్రించారు. అన్న బుద్ధిమంతుడుగా సన్మార్గంలో పయనించి న్యాయాధిపతిగా మంచి పేరు తెచ్చుకుంటాడు. తమ్ముడు దుర్మార్గుడు.తన వంతు ఆస్తిని కాజేసి ఆ తర్వాత అన్నకు విషంపెట్టి చంపి అతని ఆస్తిని కాజేస్తాడు. అన్న భార్యను, పిల్లలను కూడా మట్టుపెట్టాలని చూస్తాడు. కానీ అతని ప్రయత్నం ఫలించదు. జడ్జిగారి పెద్ద కొడుకు పేదవాళ్ళ మధ్య పెరిగి పేదవాడిగా ఉంటాడు. చిన్నకొడుకు అనాథ శరణాలయంలో పెరిగి చదువుకుని వృద్ధికి వస్తాడు. చివరకు ఇద్దరూ న్యాయస్థానంలో కలుసుకుంటారు. అక్కడ అన్న హత్యానేరంలో ముద్దాయిగా నిలబడతాడు. తమ్ముడు తీర్పు చెప్పవలసిన న్యాయాధికారిగా కూర్చుంటాడు. ఒక అబలను ఒక దుర్మార్గుడి బారినుండి కాపాడడానికి, తన ప్రాణం కాపాడుకోవడానికి ముద్దాయి హత్యచేసినా, న్యాయశాస్త్ర రీత్యా అది నేరం అని నమ్మి తమ్ముడు అన్నకు యావజ్జీవ కారాగారశిక్ష విధిస్తాడు.

పాటలు

ఈ చిత్రంలోని పాటలకు అశ్వత్థామ సంగీతాన్ని చేకూర్చాడు.

క్ర.సం	పాట	గాయనీగాయకులు	రచయిత
1	అనుకున్నదంతా జరిగిందిలే మన జీవితాలే	ఎస్.జానకి	సముద్రాల జూనియర్
2	అయ్యో పాపం తల్లిబిడ్డలకు ఆలికి ఎడబాటా	మాధవపెద్ది	దైతా గోపాలం
3	ఒక్క రక్తమే పంచుకుంటి నని..అయ్యో పాపం తల్లిబిడ్డ ( బిట్ )	మాధవపెద్ది	దైతా గోపాలం
4	క్రూర జన్మకె అన్యాయముగా ...అయ్యో పాపం తల్లిబిడ్డ ( బిట్ )	మాధవపెద్ది	దైతా గోపాలం
5	చిన్నారి చేతుల చిరుగాజు మ్రోతల చెలరేగు	పి.బి.శ్రీనివాస్, కె.రాణి	దైతా గోపాలం
6	చెంచులక్ష్మి ( నాటకం )	టి.ఆర్.తిలకం, నల్ల రామ్మూర్తి, మాధవపెద్ది బృందం	దైతా గోపాలం
7	తనయుడనుచు ఆ తల్లి..అయ్యో పాపం తల్లిబిడ్డలకు ( బిట్ )	మాధవపెద్ది	దైతా గోపాలం
8	త్వరపడవోయి త్వరపడవోయి నా రాజా పరువపు వయసిది	పి.సుశీల	దైతా గోపాలం
9	మ్రోగింపవే హృదయవీణ పలికింపవే మధుర ప్రేమ	జిక్కి	ఆచార్య బి.వి.ఎన్
10	రండిరండి పిల్లల్లారా ముందుకు - తీపిమిఠాయి తెలుగు	ఘంటసాల	కొసరాజు
11	రగులుతుంది రగులుతుంది ఎగురుతుంది	మాధవపెద్ది, జమునారాణి	కొసరాజు
12	వయసు మళ్ళిన వన్నెలాడి మనసు తుళ్ళి	పిఠాపురం, ఘంటసాల	రావూరి