ఊరుకొండపేట

వికీపీడియా నుండి
Jump to navigation Jump to search

ఊరుకొండపేట, (ఊర్కొండపేట), నాగర్‌కర్నూల్_జిల్లా, ఊర్కొండ మండలానికి చెందిన గ్రామం.[1]

ఊరుకొండపేట
—  రెవిన్యూ గ్రామం  —
ముద్దు పేరు: ఊరుకొండపేట్, ఊర్కొండపేట
రాష్ట్రం తెలంగాణ
జిల్లా నాగర్‌కర్నూల్ జిల్లా
మండలం ఊర్కొండ
ప్రభుత్వము
 - సర్పంచి
జనాభా (2011)
 - మొత్తం
 - పురుషుల సంఖ్య 1,426
 - స్త్రీల సంఖ్య 1,229
 - గృహాల సంఖ్య 621
పిన్ కోడ్ 509320
ఎస్.టి.డి కోడ్ 08549
వెబ్‌సైటు: https://urkondapeta.blogspot.in/

ఇది కల్వకుర్తి నుండి 12 కిలోమీటర్ల దూరంలో ఉండటం వల్ల ఎక్కువ రాకపోకలు కల్వకుర్తి నుండే జరుగుతాయి. కల్వకుర్తి నుండి ప్రతి రోజు తెలంగాణా రవాణ సంస్థ బస్సులు నడుస్తాయి.మొదటి బస్సు ఉదయం 7 నుండి, మరియు చివరి బస్సు రాత్రి 7కి ఉంది.ఇది మండల కేంద్రమైన ఉర్కొండ నుండి 15 కి. మీ. దూరం లోను, సమీప పట్టణమైన మహబూబ్ నగర్ నుండి 65 కి. మీ. దూరంలోనూ ఉంది.

గణాంక వివరాలు[మార్చు]

2011 భారత జనగణన గణాంకాల ప్రకారం ఈ గ్రామం 621 ఇళ్లతో, 2655 జనాభాతో 1965 హెక్టార్లలో విస్తరించి ఉంది. గ్రామంలో మగవారి సంఖ్య 1426, ఆడవారి సంఖ్య 1229. షెడ్యూల్డ్ కులాల సంఖ్య 618 కాగా షెడ్యూల్డ్ తెగల సంఖ్య 298. గ్రామం యొక్క జనగణన లొకేషన్ కోడ్ 575343[2].

ఊరుకొండపేట (ఊర్కొండపేట) గ్రామ చరిత్ర[మార్చు]

భోజరాయపల్లికి అతి సమీపంలో ఆనాడు అమ్మపల్లి అనే గ్రామం ఉంది. ఆ రెండు గ్రామాల ప్రజలు ఏదో విషయమై తగాదా పడి వారి గ్రామమును వీరూ, వీరి గ్రామంను వారు తగులపెట్టుకోవడంతో భోజ రాయలు గ్రామం ఖాళీ చేయించి గట్ల నడుమ ఇప్పచెట్లలో నూతన గ్రామం నిర్మింపచేసాడు. అదే నేటి గట్టు ఇప్పలపల్లి. భోజరాయలు శివోపాసకులు అయినందున గట్టు ఇప్పల పల్లిలో కాళికాదేవితో పాటు పంచలింగాలను ప్రతిష్ఠించారు. గ్రామములో ఆంజనేయస్వామి విగ్రహము ప్రతిష్ఠించతలచి తగిన శిలకై వెదుకుతూ వచ్చి ఇక్కడ ఊరుకొండపేట పై శిలను కనుగొన్నారు. ఆంజనేయ స్వామి విగ్రహమును మలచి తరలించుచుండగా స్వామి వారు భోజరాయలుకు కలలో కనిపించి నన్ను ఇక్కడే ప్రతిష్ఠించమని ఆదేశించగా అతడు ఆ విగ్రహాన్ని అక్కడే నిలిపాడు. ఆ విషయాన్ని తెలుసుకున్న గ్రామస్థులు స్వామివారికి ఆలయం కట్టించారని ఇతిహాసము. ఈ గ్రామపంఛాయతి పరిధిలో మరొ 2 గ్రామాలు వున్నయి అవి గుండ్లగుంటపల్లి, నర్సంపల్లి మరియు 2 తండాలు ఉన్నాయి.

ఊరుకొండపేట శ్రీ ఆంజనేయ స్వామి దేవాలయం[మార్చు]

ఊరుకొండపేటలో వెలసిన శ్రీ ఆంజనేయ స్వామి దేవాలయము అతి పురాతనమైంది, రోగాల నుండి ఉపషమనం కలిగించు దేవాలయంగా ప్రసిద్ధి చెందింది. ఈ ఆలయమునకు రెండు వైపులా రెండు ఎత్తైన కొండలు ఉండుటచే వాటికి ఊరుకొండలు (పెద్దకొండలు) అని పిలిచెవారు. ఆ కొండల మధ్యలో వెలసిన గ్రామమే ఊరుకొండపేట.

ఆలయ చరిత్ర : నిజం పాలనలో శిల్పులు తమ గ్రామాల్లో దేవాలయాలు నిర్మించుకోవడానికి విగ్రహాల కోసం కొండల వెంబడి వెతుకుసమయంలో ఊరుకొండపేట కొండపై లభించిన పెద్ద శిలపై ఆంజనేయస్వామి విగ్రహాన్ని మలిచారు. ఆ శిల్పాన్ని గట్టుఇప్పలపల్లికి తరిలించే సమయంలో ఊరుకొండపేట వద్ద విగ్రహం తీసుకొనివెళ్తున్న బండి కదలడానికి మొడికేసి ముందుకు సాగలేదు. వారు ఆ రాత్రికి అక్కడే విశ్రమించారు. శిల్పి భోజరాయలకు స్వామి కలలో కనిపించి విగ్రహాన్ని అక్కడే ప్రతిష్ఠించాలని ఆదేశించినట్లు, స్వామి ఆజ్ఞానుసారం అక్కడే విగ్రహాన్ని ప్రతిష్ఠించినట్లు కథ ప్రచారంలో ఉంది

కొండపై కోనేరు : అభయాంజనేయ స్వామి ఆలయానికి తూర్పు దిశలో కొండపై కోనేరు ఉంది. ఆ కోనేటిలో స్నానం చేసి స్వామి చుట్టూ 21 రోజుల ప్రదక్షిణ చేస్తే ఎలాంటి ఆపదలో ఉన్నవారికైనా క్షేమం కలుగుతుందని భక్తుల నమ్మకం.

శివుని విగ్రహం : శ్రీ ఆంజనేయ స్వామి దేవాలయం సమీపంలో 24 అడుగుల ఎత్తుగల శివుని విగ్రహం ఉంది. అభయాంజనేయ స్వామి దర్శనానికి వచ్చే భక్తులు శివుని విగ్రహాన్ని కూడా దర్శిస్తారు.ప్రతి సంవత్సరము పుష్య బహుళ ద్వాదశికి అనగా ఇంగ్లీషు క్యాలెండర్ ప్రకారం జనవరి లేదా ఫిబ్రవరి మాసాలలో శ్రీ ఆంజనేయస్వామి వారి బ్రహ్మోత్సవాలు 8 రోజుల పాటు ఘనంగా జరుగుతాయి. ఈ బ్రహ్మోత్సవాలకి చుట్టూ ప్రక్కల గ్రామలనుండే కాకుండా జిల్లా నలుమూలలనుండి అలాగే మహబూబ్‌నగర్, గద్వాల (జోగులాంబ), వనపర్తి, రంగారెడ్డి, హైదరాబాద్ జిల్లాల నుండి కూడా పెద్ద సంఖ్యలో భక్తులు ఆలయాన్ని దర్శించుకుంటారు.

ప్రసిద్ధి[మార్చు]

1. ఇక్కడ జిల్లాలో ప్రఖ్యాతిగాంచిన శ్రీ ఆంజనేయస్వామి వారి దేవాలయం ఉంది.

2. రాష్త్ర వ్యాప్తంగా పేరుగాంచిన ఎముకల ఆసుపత్రి కలదు (అనగా కాళ్ళు చేతులు విరిగిన వారికి గొల్ల భీమయ్య, అతని తనయులు ఇక్కడ కట్లు కడతారు)

ఇవి కాకుండా ఇక్కడ ఒక ప్రభుత్వ రంగ బ్యాంకు (తెలంగాణా గ్రామీణ వికాస్) కలదు, ఇది చుట్టుప్రక్కల గ్రామాల వారికి ఎంతో ఉపయోగంగా ఉంది.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాల, ప్రభుత్వ ప్రాథమికోన్నత పాఠశాల ఉన్నాయి.సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల కల్వకుర్తిలో, ఇంజనీరింగ్ కళాశాల మహబూబ్ నగర్లోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ మహబూబ్ నగర్లో ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల మహబూబ్ నగర్లో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

ఉర్కొండపేటలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఇద్దరు పారామెడికల్ సిబ్బందీ ఉన్నారు.సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది. బోరుబావుల ద్వారా కూడా ఏడాది పొడుగునా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

ఉర్కొండపేటలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

జిల్లా రహదారి గ్రామం గుండా పోతోంది. రాష్ట్ర రహదారి, ప్రధాన జిల్లా రహదారి గ్రామం నుండి 5 నుండి 10 కి.మీ. దూరంలో ఉన్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు ఉన్నాయి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు ఉంది. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి.

ఏటీఎమ్, సహకార బ్యాంకు, వ్యవసాయ పరపతి సంఘం గ్రామం నుండి 10 కి.మీ.కి పైబడిన దూరంలో ఉన్నాయి. రోజువారీ మార్కెట్, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 10 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

ఉర్కొండపేటలో భూ వినియోగం కింది విధంగా ఉంది:

  • వ్యవసాయం సాగని, బంజరు భూమి: 168 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 5 హెక్టార్లు
  • వ్యవసాయం చేయదగ్గ బంజరు భూమి: 21 హెక్టార్లు
  • సాగులో లేని భూముల్లో బీడు భూములు కానివి: 139 హెక్టార్లు
  • బంజరు భూమి: 920 హెక్టార్లు
  • నికరంగా విత్తిన భూమి: 708 హెక్టార్లు
  • నీటి సౌకర్యం లేని భూమి: 1328 హెక్టార్లు
  • వివిధ వనరుల నుండి సాగునీరు లభిస్తున్న భూమి: 440 హెక్టార్లు

నీటిపారుదల సౌకర్యాలు[మార్చు]

ఉర్కొండపేటలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 440 హెక్టార్లు

ఉత్పత్తి[మార్చు]

ఉర్కొండపేటలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, జొన్న, వేరుశనగ

పారిశ్రామిక ఉత్పత్తులు[మార్చు]

స్టోన్ క్రషింగు

రాజకీయాలు[మార్చు]

2017, మార్చ్ 7న జరిగిన గ్రామపంచాయతి ఉప ఎన్నికలలో రాములు సాగర్ సర్పంచిగా ఎన్నికయ్యాడు.[3]

మూలాలు[మార్చు]

  1. తెలంగాణ ప్రభుత్వ ఉత్తర్వులు GO. Ms. No. 243, Revenue (DA-CMRF) Department, Date: 11.10.2016  
  2. "Office of the Registrar General & Census Commissioner, India - Village amenities of 2011".
  3. ఈనాడు దినపత్రిక, మహబూబ్‌నగర్ జిల్లా టాబ్లాయిడ్, తేది 28-07-2013

వెలుపలి లింకులు[మార్చు]