ఎస్. వి. రామారావు

వికీపీడియా నుండి
Jump to navigation Jump to search

ఎస్. వి. రామారావు ప్రముఖ తెలుగు సినీ రచయిత.

ఎస్. వి. రామారావు
జననంఎస్. వి. రామారావు
(1940-02-02) 1940 ఫిబ్రవరి 2 (వయస్సు: 79  సంవత్సరాలు)
వృత్తిరంగస్థల నటుడు
తల్లిదండ్రులు
  • చంద్రమౌళి (తండ్రి)
  • కామేశ్వరమ్మ (తల్లి)

జీవిత విశేషాలు[మార్చు]

ఎస్.వి.రామారావు ఫిబ్రవరి 2 1940 న కామేశ్వరమ్మ, చంద్రమౌళి దంపతులకు జన్మించారు. తండ్రి ఉద్యోగి మరియు రంగస్థల నటుడు.తండ్రి ద్వారా నాటకరంగం పట్ల ఆసక్తిని అందుపుచ్చుకున్న ఆయన ఉన్నత పాఠశాలలో ఉండగానే "తారుమారు" అనే నాటకాన్ని రచించి, స్కూల్ మేట్స్ తో కలసి ప్రదర్శించారు.అప్పటి నుండి నాటకం ఆయన జీవితంలో ఒక భాగంగా మారింది.చిన్నతనంలో తన తల్లి కామేశ్వరమ్మతోపాటు సినిమాలు చూసేవారు. ఊహ వచ్చినప్పటి నుండి ఆ సినిమా కథ, కథనం పాత్రల చిత్రీకరణ పై చర్చించేవారు. ఆ విధంగా ఆయనకు నాటకం మరియు సినిమా రెండు కళ్ళులా మారాయి. 1960 సంవత్సరంలో ఏలూరు సర్ సి.ఆర్.రెడ్డి కళాశాల నుండి పట్టా పొందారు. సూపర్ స్టార్ కృష్ణ, మురళీ మోహన్ మరియు క్రాంతి కుమార్ వంటి సినిమా నటులు ఆయన సహాధ్యాయులు. చదువు పూర్తవ్వగానే ఖమ్మం జిల్లా మధిరలో టీచరుగా రెండేళ్ళపాటు పనిచేసిన ఆయన రిజిస్ట్రేషన్ మరియు స్టాంప్స్ శాఖలో సబ్ రిజిస్ట్రారుగా, ఆంధ్రా ఏరియా చిట్ రిజిస్ట్రారుగా పనిచేసి పదవీ విరమణ చేశారు. డిగ్రీ చదువుతున్నప్పుడు నాటకాలు వేయడంతో పాటు సినిమా పరిశ్రమపై కూడా దృష్టి పెట్టారు.

తెలుగు సినిమా చరిత్రకారుడు[మార్చు]

ప్రముఖ పత్రికలకు సినిమా సమీక్షలు రాయడం, సినిమాలపై విశ్లేషణ చేస్తూ ప్రసంగించడంతో ఈయనకు సినీ విశ్లేషకునిగా మంచి పేరు వచ్చింది.ఐదు దశాబ్దాల అనుభవంతో సినీ రంగంలోని వివిధ అంశాలపై 12 పుస్తకాలు రచించారు. కలవారి కుటుంబం, త్రిలోక సుందరితో సహా ఆరు సినిమాలకు స్క్రిప్టు రాయడంతో పాటు 15 సినిమాలలో నటించారు. పలు టెలివిజన్ ఛానళ్లలో సినిమాపై అనేక అరుదైన కార్యక్రమాలు నిర్వహించారు.అలాగే గుమ్మడి, జమున, డి.వి.యస్.రాజు మరియు కళాధర్ వంటి వారి జీవిత చరిత్రలకు రచనా సహకారం అందించారు.రేడియో శ్రోతలకు కూడా రామారావు చిరపరిచితులు.వీరికి నటన, నాటకం, సినిమా జర్నలిజం అభిమాన విషయాలు.వీరు 150 పైగా నాటకాలలో నటించారు మరియు కొన్ని నాటకాలలు రచించారు. వందేళ్ళ భారతీయ సినిమాను పురస్కరించుకొని ఆయన తీసిన డాక్యుమెంటరీ అమెరికాతో పాటు ఢిల్లీ వంటి ప్రధాన నగరాలలో ప్రదర్శింపబడి అందరి మన్ననలను అందుకున్నారు. తెలుగు సినిమా రంగానికి ఆయన చేసిన సేవలకు అనేక పురస్కారాలను అందుకున్నారు.

పురస్కారాలు[మార్చు]

తెలుగు సినిమాపై 13 పుస్తకాలు రచించి తెలుగుసినిమా చరిత్రకారునిగా వినుతికెక్కాడు. వాటిలో "తెలుగు తెర మరియు నాటి 101 చిత్రాలు" అనే పుస్తకానికి రాష్ట్ర ప్రభుత్వం నుండి 2006 మరియు 2011 లలో నంది పురస్కారాలు అందుకున్నారు. కొలసాని చక్రపాణి పురస్కారంతో పాటు మద్రాసు తెలుగు అకాడమీ, ఢిల్లీ తెలుగు అకాడమీ వారి నుండి గౌరవ ఉగాది పురస్కారాలు అందుకున్నారు. వంశీ ఇంటర్నేషనల్, ఆంధ్ర ప్రదేశ్ సినీ గోయల్స్ సంస్థల నుంచి ఉత్తమ సినీ జర్నలిస్టు పురస్కారాన్ని అందుకున్నారు. 2011 లో కెన్నెర-అక్కినేని స్వర్ణకంకణం అందుకున్నారు.2013 లో అమెరికా తానా సభలలో పాల్గొన్నారు.

అవార్డులు[మార్చు]