ఐతే

వికీపీడియా నుండి
Jump to navigation Jump to search
ఐతే
(2003 తెలుగు సినిమా)
దర్శకత్వం చంద్రశేఖర్ యేలేటి
నిర్మాణం గుణ్ణం గంగరాజు, వెంకట్ డేగా
తారాగణం పవన్ మల్హోత్రా, వీరేంధ్రచౌహాన్, మోహిత్.చడ్డా, శశాంక్, జనార్ధన్, అభిషేక్, సిందు తొలానీ
సంగీతం కళ్యాణీ మాలిక్
నేపథ్య గానం కీరవాణి
గీతరచన సిరివెన్నెల సీతారామ శాస్త్రి
సంభాషణలు గంగరాజు గుణ్ణం
ఛాయాగ్రహణం కె. కె. సెంథిల్ కుమార్
కళ రవీంధర్.ఆర్
కూర్పు సుధాకర్
నిర్మాణ సంస్థ జస్ట్ ఎల్లో ప్రెజంట్స్
దేశం భారతదేశము
భాష తెలుగు
ఐ.ఎమ్.డీ.బి పేజీ

ఐతే 2003 లో చంద్రశేఖర్ యేలేటి దర్శకత్వంలో విడుదలైన సినిమా. జస్ట్ యెల్లో మీడియా పతాకం పై గుణ్ణం గంగరాజు ఈ సినిమా నిర్మించాడు. ఈ సినిమా నలుగురు యువకుల, ఒక యువతిలకు సంబంధించిన కథ.

కథాగమనం[మార్చు]

సినిమాలో ఒక సన్నివేశం

రాము, కుమార్, శంకర్, వివేక్ మరియు అతిథి స్నేహితులు. అందరూ మధ్యతరగతి వారే ఎవరి ఖర్చులు వారికి భారంగా ఉంటాయి.

  • రాము (మొహిత్ చెడ్డా). తండ్రి కోరికపై పోలీస్ అవాలనుకొంటాడు. ఫిట్ నెస్ టెస్టులన్నీ పాసయినా మూడు లక్షల లంచం లేనిదే పనిజరగదని చెప్తారు.
  • వివేక్ (అభిషేక్). తల్లి తండ్రులు ఉపాధ్యాయులు. వారిమీద ఆధారపడకుండా సొంతంగా ఏదైనా చెయ్యాలనుకొంటాడు.
  • శంకర్ (జనార్ధన్). వ్యవసాయం చేసే బీద తల్లిదండ్రులు. ఉద్యోగం దొరక్క అప్పుతెచ్చి ఏజంటుకు కడతాడు. దుబాయ్ వెళ్ళాలనే కోరికతో.
  • కుమార్ (శశాంక్) అనాథ. ఏదైనా చేసేసి విపరీతంగా డబ్బు సంపాదించి ధనవంతుడవ్వాలనుకొంటాడు.
  • అతిథి (సిందు తొలానీ). పెయింటర్ సరైన అవకాశాలు దొరకక మంచి ఉద్యోగం కోసం వెతుకుతుంటుంది. ఆమె తండ్రికి కేన్సర్ కోసం ఆపరేషన్ రెండులక్షలు కావాలి.
సినిమాలో ఒక సన్నివేశం

ఇర్ఫాన్ఖాన్ (పవన్ మల్హోత్రా) ఒక దేశద్రోహి. అతడిని పట్టుకొంటే యాభై లక్షల బహుమతి ప్రకటిస్తుంది ప్రభుత్వం. అతడు దేశంనుండి తప్పించుకొని దుబాయ్ పారిపోవాలనే ప్రయత్నం చేసి ఇంటర్ పోల్ వలన విఫలమవుతాడు. మరొక లోపాలులేని ప్రయత్నం చేయాలనుకొంటాడు. దానికి నలుగురు కొత్తకుర్రాళ్ళను ఇబ్బందులు ఉండి డబ్బు అవసరం కలవాళ్ళను చూడమని చెప్తాడు తన అనుచరుడు ముషారఫ్ (వీరేంద్ర చౌహాన్) తో.

సినిమాలో ఒక సన్నివేశం

అతడు వీళ్ళను కుమార్ ద్వారా అప్రోచ్ అవుతాడు. ప్లానుకు ఒప్పుకొన్న వారు తరువాత మనసు మార్చుకొని కొత్త ప్లాను వేస్తారు. ఇర్ఫాన్ ఖాన్ యొక్క వివిధ రూపాల పొటోలను అతిధిచే గీయిస్తారు. అందరి వద్ద మరికొంత డబ్బు సేకరించి ఒక సారి విమాన ప్రయాణం చేసి అనుభవం సంపాదిస్తారు. తరువాత ఇర్ఫాన్ ఖాన్ మారువేషంలో తప్పించుకోవడానికి నేపాల్ భయలు దేరిన విమానంలో వీరూ భయలుదేరి ఎవరికీ తెలియకండా అతడికి మత్తు ఇచ్చి మా మామయ్యకు హార్ట్ ఎటాక్ వచ్చిందని నాటకమాడి అతనితో పాటుగా నలుగురూ హాస్పిటలుకు భయలుదేరి మధ్యలో అతడిని తప్పించి అడవిలో బంధిస్తారు. తరువాత అతిథి ద్వారా ఫోన్లో పోలీసులతో బేరాలు సాగిస్తారు. అయితే పోలీస్ కమీషనర్ ఇర్ఫాన్ ఖాన్ మనిషి కావడంతో బహుమతి డబ్బును ఇచ్చేందుకు ఒప్పుకొన్నట్టుగా నటించి ఇర్ఫాన్ ఖాన్ను అప్పగించమని చెప్తాడు. అడవి దారిలో ఒక ప్రదేశానికి డబ్బు తీసుకురమ్మని ఒకే ఒక కారులో రమ్మని చెప్తారు. చిన్న కొండపై ఇర్ఫాన్ ఖాన్ను ఉంచి క్రింద రోడ్దుపై ఇద్దరు కొంతదూరంలో ఒకరు ఎదురు చూస్తుంటారు. అప్పటికే ఈ గ్యాంగుపై అనుమానంతో పరిశోధన సాగిస్తున్న ఇంటర్ పోల్ వీరిని అనుసరిస్తుంటారు. ఆకొండ ప్రాంతం కొచ్చేసరికి వారికి వీరికి కాల్పులు జరుతాయి. ఇదంతా చూసిన నలుగురూ ఇర్ఫాన్ ఖాన్ను తప్పించే ప్రయత్నంలో అతడు పారిపోతాడు. అప్పటికి ఇర్ఫాన్ ఖాన్ ముఠాపై పై చేయి సాగించిన ఇంటర్ పోల్ డిప్యూటీ డైరెక్టర్ జహీర్ (శివాజీరాజా) తప్పించుకొని పారిపోయే ప్రయత్నంలో ఉన్న ఇర్ఫాన్ ఖాన్నుకూడా పట్టుకొంటాడు.

అవార్డులు[మార్చు]

నంది పురస్కారం[మార్చు]

  1. చంద్రశేఖర్ ఏలేటి - ఉత్తమ కథా రచయిత (2003)
  2. మధుసుధన్ రెడ్డి - ఉత్తమ ఆడియోగ్రాఫర్ (2003)
  3. పవన్ మల్హోత్రా - ప్రత్యేక జ్యూరీ అవార్డు (2003)

భారత జాతీయ చలనచిత్ర పురస్కారం[మార్చు]

  1. ఉత్తమ తెలుగు సినిమా (2003)

చిత్ర విశేషాలు[మార్చు]

"https://te.wikipedia.org/w/index.php?title=ఐతే&oldid=2188876" నుండి వెలికితీశారు