కులశేఖర్

వికీపీడియా నుండి
Jump to navigation Jump to search
కులశేఖర్
జననంవిశాఖపట్నం
నివాసంహైదరాబాదు
వృత్తిసినీ గీత రచయిత

కులశేఖర్ ఒక సినీ పాటల రచయిత.[1] సుమారు 100 సినిమాలకు పైగా గీత రచన చేశాడు.[2] ముఖ్యంగా దర్శకుడు తేజ, సంగీత దర్శకుడు ఆర్. పి. పట్నాయక్ దగ్గర అనేక విజయవంతమైన చిత్రాలకు పాటలు రాశాడు. చిత్రం, 10 క్లాస్, ఘర్షణ మొదలైనవి అతను పాటలు రాసిన కొన్ని సినిమాలు.

వ్యక్తిగత జీవితం[మార్చు]

కులశేఖర్ స్వస్థలం విశాఖపట్నం. తండ్రి అక్కడే ఓ గుడిలో పనిచేసేవాడు. కొన్ని సంవత్సరాల క్రితం ఆయన మరణించాడు.

2013 అక్టోబరు 24 న కాకినాడలో ఒక శ్రీబాలాత్రిపుర సుందరి అమ్మవారి శఠగోపాన్ని దొంగిలించినందుకుగాను పోలీసులు అతన్ని అరెస్టుచేసి ఆరునెలలు జైలు శిక్ష విధించారు.[3][4] తర్వాత అతని కేసును విచారించిన పోలీసులు మానసిక స్థితి సరిగా లేదని తెలియజేశారు. తర్వాత వైద్యం కోసం రాజమండ్రికి తరలించారు.[1]

హైదరాబాదులో ఉన్న అతని స్నేహితులు ఇచ్చిన సమాచారం ప్రకారం సుమారు 2008 లో అతను మెదడుకు సంబంధించిన వ్యాధి బారిన పడి జ్ఞాపకశక్తిని కోల్పోయాడు. ఆర్. పి. పట్నాయక్ కూడా కొన్ని సంవత్సరాల క్రితం ఓమూడు నాలుగు రోజులు వెళ్ళి వస్తాననీ చెప్పాడనీ, అతను ఎక్కడికి వెళుతున్నాడో అతనికే తెలీదని చెప్పాడు. ఇంకా అతని ఎరిగున్న వారు అతని తండ్రి మరణం గురించి అతనికి జ్ఞాపకం ఉండకపోవచ్చని తెలిపారు. హైదరాబాదులో ఉన్న కులశేఖర్ కుటుంబ సభ్యులు కూడా అతని గురించి పెద్దగా పట్టించుకోవడం లేదని అతని ఆప్తమిత్రుడొకరు దక్కన్ క్రానికల్ విలేకరికి తెలియజేశాడు. కులశేఖర్ భార్య ఓ ప్రైవేటు సంస్థలో ఉద్యోగం చేస్తూ ఇద్దరు పిల్లలను పోషిస్తోంది.

వైజాగ్ లో అతని సోదరులు ఉన్నా వారు ఇతని గురించి పట్టించుకోలేదు. హైదరాబాదులో కూడా అతనికి అప్పులు ఉన్నాయని అందుకనే అతన్ని ఎవరూ పట్టించుకోవడం లేదని స్నేహితులు తెలియజేశారు. గీత రచయితగా బిజీగా ఉన్నప్పుడే ప్రేమలేఖ రాశా అనే సినిమాకు దర్శకత్వం వహించాడు. ఆ సినిమా విడుదలకు చాలా ఆలస్యం కావడం వల్ల కూడా అతని మానసికంగా కుంగిపోయాడు.[3]

సినిమాలు[మార్చు]

  • చిత్రం
  • జయం
  • వసంతం
  • నువ్వు నేను
  • ఔనన్నా కాదన్నా
  • మృగరాజు

మూలాలు[మార్చు]

  1. 1.0 1.1 "The curious case of Kulasekhar". deccanchronicle.com. దక్కన్ క్రానికల్. Retrieved 24 October 2017.
  2. "Telugu Lyricist Kulasekhar Sentenced To 6-Month Jail …". filmibeat.com. ఫిల్మీబీట్. Retrieved 24 October 2017.
  3. 3.0 3.1 తెలుగు వెబ్ దునియా. "ఒకప్పుడు సినీగేయ రచయిత ఇప్పుడు మానసిక రోగి". telugu.webdunia.com. Retrieved 24 October 2017.
  4. "Tollywood Lyric writer Kulasekhar arrested". timesofindia.indiatimes.com. టైమ్స్ ఆఫ్ ఇండియా. Retrieved 24 October 2017.
"https://te.wikipedia.org/w/index.php?title=కులశేఖర్&oldid=2478898" నుండి వెలికితీశారు