కె. ఎల్. నరసింహారావు (కళాకారుడు)
| కె.ఎల్. నరసింహారావు | |
|---|---|
 | |
| జననం | కోదాటి లక్ష్మీనర్సింహారావు అక్టోబర్ 23, 1924 రేపాల గ్రామం, మునగాల మండలం, సూర్యాపేట జిల్లా, |
| మరణం | జూలై 22, 2003 |
| నివాస ప్రాంతం | హైదరాబాదు |
| ప్రసిద్ధి | తెలుగు నాటక రచయిత, నటుడు, నాటక సమాజ స్థాపకుడు రాష్ట్రస్థాయి నాటక పోటీల విజేతగా |
| మతం | హిందువు |
కె.ఎల్. నరసింహారావు (అక్టోబర్ 23, 1924 - జూలై 22, 2003) తెలుగు నాటక రచయిత, నటుడు, నాటక సమాజ స్థాపకుడు. ఆయన రాసిన పలు నాటకాలు ప్రదర్శనలు పొంది ప్రజాదరణతో పాటుగా పోటీలలో బహుమతులు కూడా సాధించాయి.[1]
జననం
[మార్చు]నరసింహారావు తెలంగాణ రాష్ట్రం, సూర్యాపేట జిల్లా, మునగాల మండలం, రేపాల గ్రామంలో 1924 అక్టోబర్ 23 న జన్మించాడు.
తెలుగు నాటకరంగ కృషి
[మార్చు]రేపాల గ్రామంలో ‘గ్రామ వెలుగు నాట్యమండలి’ అనే సంస్థను నెలకొల్పి, కొంతమంది నాటక మిత్రులను సమీకరించి, 1946 లో నాటక ప్రదర్శరనలను ప్రారంభించాడు. అంతేకాకుండా చుట్టుప్రక్కల గ్రామాలలో కూడా ప్రదర్శనలు ఇచ్చేవాడు. వీరి రచనలు చాలా వరకు గ్రామీణ నేపథ్యంలో సాగినవే.ఇతను సుమారు 25 నాటికలు, నాటకాలు రాశాడు. వాటిల్లో ఆదర్శ లోకాలు (1948), గెలుపునీదే (1952), గుడిగంటలు, అడుగుజాడలు (1956), క్రీనీడలు (1956), కొత్తగుడి (1957), కళాసౌధము (1958) మొదలైన నాటకాలు జనాదరణ పొందాయి.[2][3][4]
ఉద్యోగం
[మార్చు]ఉద్యోగం కోసం హైదరాబాదు వచ్చి, పత్రిక ఉపసంపాదకుడిగా పనిచేశాడు. తర్వాత ఆకాశవాణి, హైదరాబాదు కేంద్రంలో నాటక విభాగంలో పనిచేశాడు.
రచన రంగం
[మార్చు]ఆయన నాటకరచనకు పూనుకుని రాసిన తొలి రచన గెలుపు నీదే. ఆ నాటకం ఎలావుందోనన్న ఆలోచనతో వేరెవరికీ చూపించకుండా కొంతకాలం తనవద్దే దాచిపెట్టుకున్నారు. అనుకోకుండా తెలంగాణా విముక్తి పోరాటయోధులు, గ్రంథాలయోద్యమ ప్రముఖులు అయిన కోదాటి నారాయణరావు ఈ నాటకం గురించి తెలుసుకోవడంతో, వినిపించుకుని చదివి ప్రదర్శించమని ప్రోత్సహించారు. ఆ తర్వాతికాలంలో పలు నాటకాలు రచించారు. వాటిలోని అడుగుజాడలు నాటకం రాష్ట్ర ప్రభుత్వం నిర్వహించిన పోటీలో ప్రథమ బహుమతి పొందింది.[5]
పురస్కారాలు
[మార్చు]- రాష్ట్రప్రభుత్వం నిర్వహించిన దేశాభివృద్ధికి సహకరించే నాటకాల పోటీలో అడుగుజాడలు ప్రథమ బహుమతి పొందింది.[5]
మరణం
[మార్చు]మూలాలు
[మార్చు]- ↑ నమస్తే తెలంగాణ, సూర్యాపేట వార్తలు (23 October 2016). "తెలంగాణ మాండలిక తొలి నాటక రచయిత కేఎల్". www.ntnews.com. డా. భీంపల్లి శ్రీకాంత్. Archived from the original on 18 December 2019. Retrieved 18 December 2019.
- ↑ నవతెలంగాణ, సోపతి (25 March 2017). "నాటకం బ‌తికేవుంది". NavaTelangana. డా. జె. విజయ్ కుమార్జీ. Archived from the original on 2018-11-03. Retrieved 18 December 2019.
- ↑ మన తెలంగాణ, ఎడిటోరియల్ (28 November 2016). "సమకాలీనత గుబాళించిన తెలంగాణ సాంఘిక నాటకం". Archived from the original on 18 December 2019. Retrieved 18 December 2019.
- ↑ నమస్తే తెలంగాణ, నిపుణ విద్యా వార్తలు (9 September 2016). "జనచేతన నాటకాలు". www.ntnews.com. సిలివేరు లింగమూర్తి. Archived from the original on 18 December 2019. Retrieved 18 December 2019.
- ↑ 5.0 5.1 నరసింహారావు, కె.ఎల్. (9 December 1956). అడుగుజాడలు (నమస్కారం వ్యాసం). Retrieved 5 March 2015.
వెలుపలి లంకెలు
[మార్చు]- కె. ఎల్. నరసింహారావు, నాటక విజ్ఞాన సర్వస్వం, పొట్టి శ్రీరాములు తెలుగు విశ్వవిద్యాలయం ప్రచురణ, హైదరాబాదు, 2008., పుట. 359.