Jump to content

కోనేరు కోనప్ప

వికీపీడియా నుండి
కోనేరు కోనప్ప
అధికారంలో ఉన్న వ్యక్తి
అధికార ప్రారంభం
2014 - 3 డిసెంబర్ 2023
ముందు కావేటి సమ్మయ్య
తరువాత పాల్వాయి హరీష్ బాబు
నియోజకవర్గం సిర్పూర్ (టి)
2004 - 2009
ముందు పాల్వాయి రాజ్యలక్ష్మి
తరువాత కావేటి సమ్మయ్య
నియోజకవర్గం సిర్పూర్
వ్యక్తిగత వివరాలు
జననం అక్టోబర్ 07 , 1955
ఆదిలాబాద్, తెలంగాణ
జాతీయత భారతీయుడు
రాజకీయ పార్టీ భారత జాతీయ కాంగ్రెస్
ఇతర రాజకీయ పార్టీలు భారత్ రాష్ట్ర సమితి
సంతానం ప్రతిమ, వంశీకృష్ణ
నివాసం సిర్పూర్ కాగజ్ నగర్, తెలంగాణ

కోనేరు కోనప్ప, తెలంగాణ రాష్ట్రానికి చెందిన రాజకీయ నాయకుడు.[1] ప్రస్తుతం భారత్ రాష్ట్ర సమితి పార్టీ తరపున సిర్పూర్ శాసనసభ నియోజకవర్గం శాసనసభ్యుడిగా ప్రాతినిధ్యం వహిస్తున్నాడు. కోనేరు కోనప్ప 26 జనవరి 2022న కొమరంభీం జిల్లా, తెలంగాణ రాష్ట్ర సమితి పార్టీ అధ్యక్షుడిగా నియమితుడయ్యాడు.[2]

జీవిత విశేషాలు

[మార్చు]

కోనప్ప 1955, జూలై 10న సూర్యనారాయణ, కృష్ణవేణి దంపతులకు ఆదిలాబాదు జిల్లా, కాగజ్‌నగర్‌లో జన్మించాడు.[3][4] వ్యవసాయ కుటుంబానికి చెందిన కోనప్ప, 1975లో కాగజ్‌నగర్ లోని ప్రభుత్వ జూనియర్ కళాశాలలో ఇంటర్మీడియట్ పూర్తి చేశాడు.

వ్యక్తిగత జీవితం

[మార్చు]

కోనప్పకు రమాదేవితో వివాహం జరిగింది. వారికి ఒక కుమారుడు (వంశీకృష్ణ), ఒక కుమార్తె (ప్రతిమ) ఉన్నారు.

రాజకీయ జీవితం

[మార్చు]

పార్టీతో తన రాజకీయ జీవితాన్ని ప్రారంభించిన కోనప్ప, 2004లో కాంగ్రెస్ పార్టీ తరపున సిర్పూర్ శాసనసభ నియోజకవర్గం నుండి ఆంధ్రప్రదేశ్ 12వ శాసనసభకు ఎమ్మెల్యేగా పోటీ చేసి తెలుగుదేశం పార్టీ అభ్యర్తి పాల్వాయి రాజ్యలక్ష్మిపై గెలిచి తొలిసారిగా అసెంబ్లీలో అడుగుపెట్టాడు. 2009లో జరిగిన ఆంధ్రప్రదేశ్ శాసనసభ ఎన్నికలు (2009)లో, ఆ తరువాత 2010లో జరిగిన ఉప ఎన్నికల్లో తెలంగాణ రాష్ట్ర సమితి అభ్యర్థి కావేటి సమ్మయ్య చేతిలో ఓడిపోయాడు. తెలంగాణ ఉద్యమంలో పాల్గొన్నాడు. తరువాత కాంగ్రెస్ పార్టీకి రాజీనామా చేసి, బహుజన్ సమాజ్ పార్టీలో చేరాడు. 2014లో జరిగిన తెలంగాణ సార్వత్రిక ఎన్నికల్లో భాగంగా బహుజన సమాజ్ వాది పార్టీ టికెట్ పై పోటీ చేసి తెలంగాణ రాష్ట్ర సమితి పార్టీ అభ్యర్థి కావేటి సమ్మయ్యపై 8,837 ఓట్ల మెజారిటీతో గెలుపొందాడు[5] ఆ తరువాత తెలంగాణ రాష్ట్ర సమితి పార్టీలో చేరాడు. 2018లో జరిగిన తెలంగాణ ముందస్తు ఎన్నికలలో తెలంగాణ రాష్ట్ర సమితి పార్టీ టికెట్ పై పోటీచేసి సమీప కాంగ్రెస్ పార్టీ అభ్యర్థి పాల్వాయి హరీష్ బాబుపై 24,000 వేలకు పైగా ఓట్ల. మెజారిటీతో గెలుపొందాడు.[6][7]

2023 తెలంగాణ శాసనసభ ఎన్నికలలో ఆయన భారత్ రాష్ట్ర సమితి అభ్యర్థి గా పోటీ చేసి భారతీయ జనతా పార్టీ అభ్యర్థి పాల్వాయి హరీష్ బాబు చేతిలో 3043 ఓట్ల తేడాతో ఓడిపోయాడు.[8]

లోక్‌సభ ఎన్నికల నేపథ్యంలో 2024 మార్చి 5న బీఎస్పీ తెలంగాణ అధ్యక్షుడు ఆర్.ఎస్. ప్రవీణ్ కుమార్, బీఆర్ఎస్ అధ్యక్షుడు కేసీఆర్ భేటీ అయి 2024 పార్లమెంట్ ఎన్నికల్లో బీఎస్పీ పార్టీతో బీఆర్ఎస్ పొత్తు పెట్టుకోవటంతో మనస్థాపం చెంది కోనేరు కోనప్ప మార్చి 13న భారత్ రాష్ట్ర సమితి పార్టీకి రాజీనామా చేశాడు.[9][10]

కోనేరు కోనప్ప ఆ తరువాత 2024 మార్చి 15న మంత్రి సీతక్క సమక్షంలో భారత జాతీయ కాంగ్రెస్ పార్టీలో చేరి[11][12] పార్టీలో ప్రాధాన్యత తగ్లడంతో తీవ్ర అసహనంతో 2025 ఫిబ్రవరి 21న రాజీనామా చేసి పట్టభద్రుల ఎమ్మెల్సీ ఎన్నికల్లో పోటీ చేస్తున్న ప్రసన్న హరికృష్ణకు మద్దతుగా ప్రచారంలో పాల్గొన్నాడు.[13][14][15][16]

సామాజిక కార్యక్రమాలు

[మార్చు]

కోనప్ప ప్రతిరోజూ 1,000 మందికి ఉచిత ఆహారాన్ని అందించడం, పాఠశాలలకు టీవీ సెట్‌లను బహుమతిగా ఇవ్వడం, ఉపాధ్యాయులు, పోలీసు, మిలిటరీ, అటవీ ఉద్యోగాలకు హాజరయ్యే వారికి ఉచిత కోచింగ్ ఇవ్వడం, ఇంటర్మీడియట్ విద్యార్థులకు ఉచిత మధ్యాహ్న భోజనం, మహిళలకు పౌష్టికాహారం అందించడం వంటి సామాజిక కార్యక్రమాలు నిర్వహిస్తున్నారు.[17]

కాగజనగర్ ఆర్టీసీ బస్ స్టాండ్ దగ్గరలో కోనేరు నిత్య అన్నదానం సత్రం కోనేరు కోనప్ప ఏర్పాటు చేసి నిర్వహిస్తున్నారు.

మూలాలు

[మార్చు]
  1. ↑ "Koneru Konappa | MLA | Sirpur | Komaram Bheem | Telangana". the Leaders Page (in అమెరికన్ ఇంగ్లీష్). 2020-04-10. Retrieved 2021-09-25.
  2. ↑ Namasthe Telangana (26 January 2022). "టీఆర్‌ఎస్‌ జిల్లా అధ్యక్షులు వీరే.. ప్రకటించిన సీఎం కేసీఆర్‌". Archived from the original on 26 January 2022. Retrieved 26 January 2022.
  3. ↑ Andhrajyothi, Politicians Biography. "Koneru Konappa". www.andhrajyothy.com. Archived from the original on 14 December 2019. Retrieved 14 December 2019.
  4. ↑ https://www.telanganastateinfo.com/amp/tag/koneru-kannappa-cast/[permanent dead link]
  5. ↑ Sakshi (16 May 2014). "తెలంగాణలో విజేతలు". Archived from the original on 14 April 2022. Retrieved 14 April 2022.
  6. ↑ https://m.gulte.com/news/36735/BSP-Will-Be-A-History-in-Telangana[permanent dead link]
  7. ↑ https://www.news18.com/amp/news/politics/sirpur-election-result-201sirpur-election-result-2018-live-updates-koneru-konappa-of-trs-wins8-live-updates-koneru-konappa-of-trs-wins-1968559.html
  8. ↑ Eenadu (8 December 2023). "తెలంగాణ ఎన్నికల్లో విజేతలు వీరే". Archived from the original on 8 December 2023. Retrieved 8 December 2023.
  9. ↑ V6 Velugu (6 March 2024). "సీఎం రేవంత్ రెడ్డితో బీఆర్ఎస్ మాజీ ఎమ్మెల్యే కోనేరు కోనప్ప భేటీ". Archived from the original on 6 March 2024. Retrieved 6 March 2024.{{cite news}}: CS1 maint: numeric names: authors list (link)
  10. ↑ Mana Telangana (13 March 2024). "బిఆర్‌ఎస్‌కు కోనేరు కోనప్ప రాజీనామా". Archived from the original on 14 March 2024. Retrieved 14 March 2024.
  11. ↑ "కాంగ్రెస్‌లో చేరిన కోనప్ప". Sakshi. 15 March 2024. Archived from the original on 21 February 2025. Retrieved 21 February 2025.
  12. ↑ "సిర్పూర్ నియోజకవర్గ అభివృద్ధి కోసమే కాంగ్రెస్​లో చేరాను : కోనేరు కోనప్ప". ETV Bharat News. 15 March 2024. Archived from the original on 21 February 2025. Retrieved 21 February 2025. {{cite news}}: zero width space character in |title= at position 46 (help)
  13. ↑ "తగ్గేదేలే- సిర్పూర్ లో ఆసక్తికరంగా మారుతున్న కోనప్ప రాజకీయం..!". 16 February 2025. Archived from the original on 21 February 2025. Retrieved 21 February 2025.
  14. ↑ "ఎమ్మెల్సీ ఎన్నికల వేళ కాంగ్రెస్ కు కోనేరు కోనప్ప ఝలక్." 10TV Telugu. 21 February 2025. Archived from the original on 21 February 2025. Retrieved 21 February 2025.
  15. ↑ "కాంగ్రెస్ కు షాక్ - ఇలా చేరి అలా గుడ్ బై చెప్పిన మాజీ ఎమ్మెల్యే - బీఆర్ఎస్‌లోకేనా ?". ABP Desham. 21 February 2025. Archived from the original on 21 February 2025. Retrieved 21 February 2025.
  16. ↑ "దిగివచ్చిన రేవంత్‌ రెడ్డి.. బుజ్జగింపులతో కాంగ్రెస్‌ పార్టీలో మళ్లీ చేరిన కోనేరు కోనప్ప". Zee News Telugu. 22 February 2025. Archived from the original on 22 February 2025. Retrieved 22 February 2025.
  17. ↑ Telangana Today, Telangana (30 December 2020). "CM KCR's pat for MLA Koneru Konappa". Archived from the original on 31 December 2020. Retrieved 25 September 2021.
"https://te.wikipedia.org/w/index.php?title=కోనేరు_కోనప్ప&oldid=4429130" నుండి వెలికితీశారు