గొట్టిపాడు (ప్రత్తిపాడు)

వికీపీడియా నుండి
Jump to navigation Jump to search
గొట్టిపాడు (ప్రత్తిపాడు)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం ప్రత్తిపాడు
ప్రభుత్వము
 - సర్పంచి
జనాభా (2011)
 - మొత్తం 5,615
 - పురుషుల సంఖ్య 2,772
 - స్త్రీల సంఖ్య 2,843
 - గృహాల సంఖ్య 1,570
పిన్ కోడ్ 522019
ఎస్.టి.డి కోడ్ 0863

గొట్టిపాడు, గుంటూరు జిల్లా, ప్రత్తిపాడు మండలానికి చెందిన గ్రామం. ఇది మండల కేంద్రమైన ప్రత్తిపాడు నుండి 4 కి. మీ. దూరం లోను, సమీప పట్టణమైన చిలకలూరిపేట నుండి 15 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1570 ఇళ్లతో, 5615 జనాభాతో 1441 హెక్టార్లలో విస్తరించి ఉంది. గ్రామంలో మగవారి సంఖ్య 2772, ఆడవారి సంఖ్య 2843. షెడ్యూల్డ్ కులాల సంఖ్య 2254 కాగా షెడ్యూల్డ్ తెగల సంఖ్య 356. గ్రామం యొక్క జనగణన లొకేషన్ కోడ్ 590329[1].పిన్ కోడ్: 522019. యస్.టీ.డీ.కోడ్ 0863.

విషయ సూచిక

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ద్వారా ఉత్తర్వులు జారీ అయ్యాయి.[2]

ప్రత్తిపాడు మండలం[మార్చు]

ప్రత్తిపాడు మండలంలోని యనమదల, ఏదులపాలెం, కొండపాడు, గొట్టిపాడు, కొండజాగర్లమూడి, గణికెపూడి, నడింపాలెం, ప్రత్తిపాడు మరియు మల్లయ్యపాలెం గ్రామాలున్నాయి.

గ్రామ భౌగోళికం[మార్చు]

సమీప మండలాలు[మార్చు]

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు ఆరు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి ప్రత్తిపాడులో ఉంది. సమీప జూనియర్ కళాశాల ప్రత్తిపాడులోను, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల‌లు తుమ్మలపాలెంలోనూ ఉన్నాయి. సమీప మేనేజిమెంటు కళాశాల తుమ్మలపాలెంలోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

జిల్లా పరిషత్తు ఉన్నత పాఠశాల[మార్చు]

  1. జిల్లాలోనే ఈ పాఠశాలకు ప్రత్యేకత ఉంది. వైజ్ఞానిక, వ్యవసాయ, వ్యాపార, వృత్తి పరమైన విద్యను అందించాలనే సంకల్పంతో, 14 మంది పెద్దలు కలిసి ఒక సంఘంగా ఏర్పడి, 1965,ఫిబ్రవరి-14న పాఠశాల నిర్మాణనికి తీర్మానం చేసి ఆమోదం తెలియజేసినారు. అప్పట్లో గ్రామ శివారులో ఉన్న పోరంబోకు 4.93 ఎకరాల స్థలంలో. 1965,ఫిబ్రవరి-25న ప్రత్తిపాడు పంచాయతీ సమితి అధ్యక్ష్లు శ్రీ గుంటుపల్లి సూర్యనారాయణతో శంఖ్స్థాపన చేయించారు. గ్రామస్థులు స్వయంగ ఎద్దులబండ్లు కట్టుకుని, బోయపాలెం వెళ్ళి, రాళ్ళు, దిమ్మెలు తీసికొనివచ్చి, పాఠశాల భవన నిర్మాణానికి భాగస్వాములైనారు. ఈ పాఠశాలలో ఇప్పటి వరకు, గొట్టిపాడు, గనికపూడి, ఉన్నవ, తుమ్మలపాలెం గ్రామాలకు చెందిన 5407 మంది విద్యార్థులు విద్యనభ్యసించారు. 17 మంది ప్రధానోపాధ్యాయులుగా పనిచేసారు. ప్రస్తుతం శ్రీమతి అనూరాధ ప్రధానోపాధ్యాయులుగా పనిచేస్తున్నారు. మొదటి సంవత్సరం 25 మంది విద్యర్ధులు చదువుకోగ అందరూ ఉత్తీర్ణులైనారు. నాటి నుండి ఫలితాలు ఆశాజనకంగా ఉన్నాయి. ఈ పాఠశాల పూర్వవిద్యార్థులలో ఎక్కువ మంది ఐ.ఏ.ఎస్., ఐ.పి.ఎస్., వైద్య, విద్యా, వ్యాపార రంగాలలో, ఉన్నతస్థాయిలో ఉన్నారు. ఈ పాఠశాల స్వర్ణోత్సవాలు, 2016,జనవరి-13,14 తేదీలలో నిర్వహించెదరు. [14]&[15]
  2. ఈ పాఠశాలలో 1967-68 సంవత్సరంలో విద్యనభ్యసించిన మొదటి సంవత్సరం పూర్వ విద్యార్థులు, పాఠశాల స్చర్ణోత్సవాలు జరుపుకుంటున్న తరుణంలో, 10 లక్షల రూపాయల అంచనా వ్యయంతో ఒక ఆడిటోరియం నిర్మించుచున్నారు. [12]
  3. పాఠశాల పూర్వవిద్యార్థి అయిన శ్రీ అంచా అయ్యేశ్వరరావు, ప్రస్తుతం కేంద్రప్రభుత్వ సర్వీసులో సీనియర్ ఐ.యే.ఎస్.అధికారిగా పనిచేస్తున్నారు. [14]

మండల పరిషత్తు ప్రాథమిక పాఠశాల[మార్చు]

ఆది ఆంధ్రా కాలనీ.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

గొట్టిపాడులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉన్నాయి. డిస్పెన్సరీ గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి. దాతల సహకారంతో, 70 లక్షల రూపాయల వ్యయంతో, గొట్టిపాడు వాసులకు ప్రాథమిక ఆరోగ్య ఉపకేంద్రం ఏర్పడింది. ఈ భవనానికి కావలసిన 5 సెంట్ల స్థలాన్ని శ్రీ గుంటుపల్లి నాగేశ్వరరావు, వారి అత్తా మామలైన శ్రీ మండేపూడి వీరయ్య, రామతులశమ్మల ఙాపకార్ధం, విరాళంగా ఇచ్చారు. ప్రభుత్వ సహకారంతొ భవన నిర్మాణం పూర్తయి, ప్రారంభోత్సవం కోసం ఎదురుచూస్తున్నది. ఈ ఆసుపత్రికి కావలసిన 6 మంచాలు, పరుపులు, ఇ.సి.జి.యంత్ర పరికరాలు, ఫర్నిచర్ మొదలగునవి గూడా సిద్ధంగా ఉన్నాయి. ఈ కేంద్రం ప్రారంభమయినచో చుట్టుప్రక్కల గ్రామాలయిన గనికపూడి, కొప్పర్రు, ఉన్నవ, కారుచోల మొదలగు గ్రామాల ప్రజలకు గూడా వైద్యసౌకర్యం అందుబాటులోనికి వస్తుంది.

ప్రైవేటు వైద్య సౌకర్యం[మార్చు]

గ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని శుద్ధి ప్లాంట్‌లోకి పంపిస్తున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

గొట్టిపాడులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, సహకార బ్యాంకు, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత గ్రామం నుండి 5 కి.మీ. లోపు దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 కి.మీ. లోపు దూరంలో ఉంది. సినిమా హాలు, గ్రంథాలయం గ్రామం నుండి 5 కి.మీ.లోపు దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 21 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

గొట్టిపాడులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 108 హెక్టార్లు
  • బంజరు భూమి: 144 హెక్టార్లు
  • నికరంగా విత్తిన భూమి: 1188 హెక్టార్లు
  • నీటి సౌకర్యం లేని భూమి: 1328 హెక్టార్లు
  • వివిధ వనరుల నుండి సాగునీరు లభిస్తున్న భూమి: 4 హెక్టార్లు

నీటిపారుదల సౌకర్యాలు[మార్చు]

గొట్టిపాడులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 4 హెక్టార్లు

ఉత్పత్తి[మార్చు]

గొట్టిపాడులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

ప్రత్తి, మిరప

గ్రామ పంచాయతీ[మార్చు]

  1. ఈ గ్రామ పంచాయతీకి 1955 లో తొలిసారి ఎన్నికలు జరిగినప్పుడు, గ్రామస్థులు చేతులెత్తటం ద్వారా అప్పటికి గ్రామంలో మూడు వందల ఎకరాల పంటపొలాలతో గ్రామంలో దానశీలిగా ఉన్న శ్రీ గుంటుపల్లి సూర్యనారాయణను సర్పంచిగా ఎన్నుకున్నారు. 1964లో ఆయన ప్రత్తిపాడు సమితి అధ్యక్షులుగా ఎన్నికవగా, సర్పంచి పదవికి రాజీనామా చేశారు. 1964 లో ఆయన తరువాత ఆయన తమ్ముడు శ్రీ గుంటుపల్లి వెంకటాప్పారావును సర్పంచిగా ఎన్నుకున్నారు. గుంటుపల్లి సూర్యనారాయణ 1962 నుండి 1967 వరకూ, 5 సం. పెదకాకాని శ్రీ భ్రమరాంబాసమేత మల్లేశ్వరస్వామి దేవస్థానానికి అధ్యక్సులుగా వ్యవహరించారు. 1969 నుండి 1972 దాకా అప్పారావు సర్పంచిగా చేశారు. అప్పారావు 1981 లో ప్రత్తిపాడు సమితి అధ్యక్షునిగా, 1993లో గుంటూరు జిల్లా కేంద్ర సహకార బ్యాంకు ఛైర్మనుగా నియమితులయ్యారు. 1981 లో అప్పారావు సోదరుడు జానకిరామయ్య, గొట్టిపాడు సర్పంచిగా, 1987 లో మండలాధ్యక్షుడిగా విజయం సాధించారు. 1989 లో జానకిరామయ్య సోదరుడు నాగేశ్వరరావును గ్రామ సర్పంచిగా ఎన్నుకున్నారు. 1996లో పిల్లి లాజరు, 2001 లో జొన్నలగడ్డ దయారత్నం, 2006 లో గుంటుపల్లి వెంకటసుబ్బమ్మ ఈ గ్రామానికి సర్పంచులుగా ఎన్నికైనారు. గుంటుపల్లి సూర్యనారాయణ కుటుంబసభ్యులు పేదలకు సహాయసహకారాలు అందించడం ద్వారా పేరు పొందారు. వీరికి ఉన్న 300 ఎకరాల పొలంలో 275 ఎకరాలు దానధర్మాలకూ, గ్రామంలో అభివృద్ధి పనులకూ, ఖర్చు చేశారు. వీరి పాలనలో మంచినీటి పథకం, జిల్లా పరిషత్తు ఉన్నత పాఠశాల, పశువైద్యశాల, 5 ప్రాథమిక పాఠశాలలూ, పంచాయతీ భవనం నిర్మించారు. ఇంకా మంచినీటి చెరువులో పూడికతీత, బోయపాలెం, అబ్బినేనిగుంటపాలెం, ప్రత్తిపాడు రహదారులు, విద్యుద్దీకరణ, ప్రత్తిపాడులో సమితి కార్యాలయభవన నిర్మాణం చేశారు. [3]
  2. గొట్టిపాడు పంచాయతీ 1955 లో ఏర్పడినప్పటి నుండి 51 సంవత్సరాలపాటు సర్పంచి పదవిని పురుషులే ఏలారు. తొలిసారి 2006 ఆగస్టులో జరిగిన పంచాయతీ ఎన్నికలలో మహిళలకు రిజర్వు అవగా, గ్రామానికి చెందిన గుంటుపల్లి వెంకటసుబ్బమ్మ సర్పంచి పదవికి పోటీచేసి గెలుపొందారు. వీరు రోజూ గ్రామంలో పర్యటించి, సమస్యలను గుర్తించి వాటి పరిష్కారానికి పంచాయతీ సమావేశంలో సూచనలు చేసేవారు. మండల కార్యాలయాలలో జరిగే సమావేశాలకు హాజరై పట్టుబట్టి నిధులు విడుదల చేయించేవారు. గ్రామంలోని 3,600 జనాభాలో ఎక్కువ మంది పేదలు. వీరు ఈ గ్రామంలో ప్రాథమిక ఆరోగ్య కేంద్రం ఏర్పాటు చేయించటానికి రు.30 లక్షల విలువైన తన స్వంత స్థలం, 30 సెంట్లను వితరణ చేశారు. స్వంత నిధులతో శుద్ధజలకేంద్రం, గ్రామం అంతటికీ సిమెంట్ బెంచీలు ఏర్పాటు చేశారు. కళ్యణ మంటప నిర్మాణానికి భారీ విరాళం అందజేసి గ్రామస్తులకు అండగా నిలిచారు. స్థానిక పాఠశాలలో ఉత్తమ విద్యార్థులకు నగదుబహుమతులు అందజేశారు. రక్షిత నీటి పథకం కోసం రు.30 లక్షలతో బాపన్నకుంట నుండి మంచినీటి పైపులైను ఏర్పాటు చేయించారు. గ్రామంలో సిమెంట్ రహదారులూ, రెండు సామాజిక సమావేశ మందిరాలనూ నిర్మించారు. [4]
  3. 2013 జూలైలో ఈ గ్రామ పంచాయతీకి జరిగిన ఎన్నికలలో శ్రీ గుంటుపల్లి బాబూరావు, సర్పంచిగా ఎన్నికైనారు. [7]

గ్రామంలోని దర్శనీయ ప్రదేశములు/ దేవాలయాలు[మార్చు]

శ్రీ ప్రసన్నాంజనేయస్వామివారి దేవాలయం[మార్చు]

  1. దేవాలయంలో, ప్రతి సంవత్సరం, శ్రీరామనవమి సందర్భంగా, శ్రీ సీతారాముల కళ్యాణం, వైభవంగా నిర్వహించెదరు. [10]

శ్రీ కాశీవిశ్వేశ్వరస్వామి దేవాలయం[మార్చు]

ఈ దేవాలయంలో వైకుంఠఏకాదశి సందర్భంగా ప్రత్యేక పూజా కార్యక్రమాలు నిర్వహించెదరు. ఈ దేవాలయంలో మహాశివరాత్రి సందర్భంగా, స్వామివారికి, పంచామృత ఏకాదశ రుద్రాభిషేకం, అమ్మవారికి కుంకుమార్చన పూజలు చేయుదురు. [8]&[9]

శ్రీ విఘ్నేశ్వరస్వామివారి ఆలయం[మార్చు]

  1. స్థానిక శ్రీ కాశీవిశ్వేశ్వరస్వామివారి ఆలయం ఎదురుగా, మంచినీటి చెరువు కట్ట వద్ద ఉన్న ఈ ఆలయ పునర్నిర్మాణ పనులు గ్రామస్తులంతా కలిసి 15 లక్షల రూపాయల అంచనా వ్యయంతో చేపట్టినారు. [13]
  2. నూతనంగా పునర్నిర్మించిన ఈ ఆలయంలో, పునఃప్రతిష్ఠా మహోత్సవాలు 2016,ఫిబ్రవరి-26వ తేదీ శుక్రవారంనాడు ప్రారంభమైనవి. ఉదయం విఘ్నేశ్వరపూజ, పుణ్యాహవచనం, సాయంత్రం అగ్ని ప్రతిష్ఠ, శాంతికుంభస్థాపన, శాంతిహోమం నిర్వహించారు. 27వ తేదీ శనివారం విశేషపూజలు నిర్వహించి 28వ తేదీ ఆదివారం ఉదయం 7-29 కి శ్రీ విఘ్నేశ్వరస్వామివారి విగ్రహప్రతిష్ఠా మహోత్సవం వైభవంగా నిర్వహించారు. అనంతరం విచ్చేసిన భక్తూలకు భారీగా అన్నప్రసాద వితరణ నిర్వహించారు. [16]
  3. ఈ ఆలయ వార్షికోత్సవం సందర్భంగా, 2017,ఫిబ్రవరి 26వతేదీ ఆదివారంనాడు, స్వామివారికి ప్రత్యేకపూజలు నిర్వహించారు. ఈ కార్యక్రమానికి భక్తులు ఈ గ్రామం నుండియేగాక, చుట్టుప్రక్కల గ్రామాలయిన గనికపూడి, ప్రతిపాడు గ్రామాలనుండి గూడా అధికసంఖ్యలో విచ్చేసారు. ఈ సందర్భంగా భక్తులకు అన్నసమారాధన నిర్వహించారు. [17]

శ్రీ లక్ష్మీతిరుపతమ్మ అమ్మవారి ఆలయం[మార్చు]

స్థానిక ప్రాథమిక ఆరోగ్య ఉప కేంద్రం ఎదురుగా ఉన్న ఈ ఆలయంలో ప్రతి సంవత్సరం మాఘశుద్ధపౌర్ణమికి అమ్మవారి కళ్యాణం వైభవంగా నిర్వహించెదరు. [15]

గ్రామములోని ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

గ్రామ విశేషాలు[మార్చు]

వ్యవసాయం:- ఈ గ్రామ రైతు శ్రీ కాటా సాంబశివరావు, ఆధునిక వ్యవసాయానికి పెట్టింది పేరు. తక్కువ ఖర్చుతో అధిక దిగుబడులు సాధించి, తోటిరైతులను ఆశ్చర్యపరచేచారు. ఆయన సేవలకు మెచ్చి కేంద్రప్రభుత్వం 2011లో బాబూ జగజ్జీవనరాం పురస్కారం ప్రకటించింది. నాటి వ్యవసాయమంత్రి శ్రీ శరద్ పవార్ చేతులమీదుగా రు.50,00 నగదు, ప్రశంసాపత్రం అందుకున్నారు. 2006లో డిల్లీ వ్యవసాయ విశ్వవిద్యాలయం తరఫున అఖిలభారత ఉత్తమరైతు పురస్కారాన్నీ, 2013లో హైదరాబాదులో తమిళనాడు గవర్నరు శ్రీ కొణిజేటి రోశయ్య గారి చేతులమీదుగా "రైతుబంధు" పురస్కారాన్నీ స్వీకరించారు. అంతరపంటల సాగులో చూపిన ప్రతిభకు 1997లో అప్పటి ముఖ్యమంత్రి శ్రీ నారా చంద్రబాబునాయుడు, గుంటూరు లోని లాం ఫాంలో ఉత్తమ రైతు పురస్కారం అందించి అభినందించారు. వీరు స్వగ్రామంలో పలు సేవా కార్యక్రమాలు చేశారు. 80 ఏళ్ళ వయసులోనూ ఆయన పొలాలకు వెళ్ళి, తోటి రైతులకు తక్కువ ఖర్చుతో అధిక దిగిబడులు సాధించేలాగా, వినూత్న సలహాలు ఇస్తుంటారు. ఆయన సూచనలను పాటించిన పలువురు రైతులు, తమ భూములలో సిరులు పండించారు. (5)

ఈ గ్రామానికి చెందిన గుంటుపల్లి బాబూరావు అను ప్రకృతి ప్రేమికుడు, 3 దశాబ్దాలుగా వివిధ రకాల మొక్కలు పెంచుతూ, తన ఇంటి ప్రాంగణాన్ని నందనవనంగా మార్చడమే గాకుండా, జీవకోటికి అవసరమైన ప్రాణవాయువును అందించడానికి తనవంతు కృషి చేస్తున్నారు. [7]

గణాంకాలు[మార్చు]

  • 2001 వ.సంవత్సరం జనాభా లెక్కల ప్రకారం
  • జనాభా 5608
  • పురుషుల సంఖ్య 2823
  • మహిళలు 2785
  • నివాసగృహాలు 1462
  • వుస్తీర్ణం 1441 హెక్టారులు
  • ప్రాంతీయ భాష తెలుగు
జనాభా (2011) - మొత్తం 5,615 - పురుషుల సంఖ్య 2,772 - స్త్రీల సంఖ్య 2,843 - గృహాల సంఖ్య 1,570

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. http://crda.ap.gov.in/APCRDA/Userinterface/ADMIN/DynamicHorizantalGovTab.aspx