ప్రత్తిపాడు (గుంటూరు జిల్లా)

వికీపీడియా నుండి
ఇక్కడికి గెంతు: మార్గసూచీ, వెతుకు
ప్రత్తిపాడు (గుంటూరు జిల్లా)
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం ప్రత్తిపాడు
ప్రభుత్వము
 - సర్పంచి
జనాభా (2001)
 - మొత్తం 13,279
 - పురుషుల సంఖ్య 6,741
 - స్త్రీల సంఖ్య 6,538
 - గృహాల సంఖ్య 3,276
పిన్ కోడ్ 522019
ఎస్.టి.డి కోడ్ 0863
ప్రత్తిపాడు
—  మండలం  —
గుంటూరు జిల్లా పటములో ప్రత్తిపాడు మండలం యొక్క స్థానము
గుంటూరు జిల్లా పటములో ప్రత్తిపాడు మండలం యొక్క స్థానము
ప్రత్తిపాడు is located in ఆంధ్ర ప్రదేశ్
ప్రత్తిపాడు
ఆంధ్రప్రదేశ్ పటములో ప్రత్తిపాడు యొక్క స్థానము
అక్షాంశరేఖాంశాలు: 16°11′16″N 80°20′21″E / 16.187805°N 80.339041°E / 16.187805; 80.339041
రాష్ట్రం ఆంధ్ర ప్రదేశ్
జిల్లా గుంటూరు
మండల కేంద్రము ప్రత్తిపాడు (గుంటూరు జిల్లా)
గ్రామాలు 10
ప్రభుత్వము
 - మండలాధ్యక్షుడు
జనాభా (2001)
 - మొత్తం 49,070
 - పురుషులు 25,010
 - స్త్రీలు 24,050
అక్షరాస్యత (2001)
 - మొత్తం 58.23%
 - పురుషులు 69.05%
 - స్త్రీలు 47.07%
పిన్ కోడ్ 522019

ప్రత్తిపాడు, గుంటూరు జిల్లాలోని ఒక మండలం. పిన్ కోడ్ నం. 522 019., ఎస్.టి.డి.కోడ్ = 0863.

విషయ సూచిక

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ద్వారా ఉత్తర్వులు జారీ అయ్యాయి.[1]

ప్రత్తిపాడు మండలం[మార్చు]

ప్రత్తిపాడు మండలంలోని యనమదల, ఏదులపాలెం, కొండపాడు, గొట్టిపాడు, కొండజాగర్లమూడి, గణికెపూడి, నడింపాలెం, ప్రత్తిపాడు మరియు మల్లయ్యపాలెం గ్రామాలున్నాయి.

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

సమీప గ్రామాలు[మార్చు]

  • ఉన్నవ 5 కి.మీ
  • మల్లాయపాలెం 5 కి.మీ
  • గొరిజవోలుగుంటపాలెం 5 కి.మీ
  • ఏదులపాలెం 6 కి.మీ
  • కొండెపాడు 6 కి.మీ

సమీప మండలాలు[మార్చు]

  • పశ్చిమాన యడ్లపాడు మండలం
  • ఉత్తరాన ఫిరంగిపురం మండలం
  • దక్షణాన పెదనందిపాడు మండలం
  • తూర్పున వట్టిచెరుకూరు మండలం

గ్రామానికి రవాణా సౌకర్యాలు[మార్చు]

గ్రామంలో విద్యా సౌకర్యాలు[మార్చు]

  1. జిల్లా పరిషత్తు ఉన్నత పాఠశాల:- ఈ పాఠశాలలో ప్రస్తుతం 665 మంది విద్యార్థులు విద్యనభ్యసించుచున్నారు. [10]
  2. బి.సి.బాలుర వసతి గృహం.
  3. బి.సి.బాలికల వసతి గృహం.
  4. ఇండియన్ ఉన్నత పాఠశాల.

గ్రామములో మౌలిక సదుపాయాలు[మార్చు]

త్రాగునీటి సౌకర్యo[మార్చు]

  1. ఈ గ్రామంలో మూడు వడపోత బావులున్నవి.
  2. త్రాగునీటి బావి:- ప్రత్తిపాడు గ్రామములోని జెట్టిమిట్ల బజారులో శిథిలమైన నేల బావిని, దాత శ్రీ బృందావనం జనార్ధనాచర్యులు, తన తల్లిదండ్రులు శ్రీమతి రమణమ్మ, శ్రీ శ్రీనివాస వెంకటాచార్యుల ఙాపకార్ధం, ఒక లక్ష రూపాయల వ్యయంతో పునర్నిర్మించారు. వృధా నీటి వలన కోతకు గురికాకుండా చుట్టూ ఏడడుగుల ఎత్తయిన గోడ నిర్మించారు. [17]

వైద్య సదుపాయం[మార్చు]

  1. సామాజిక ఆరోగ్య కేంద్రం:- ఈ ఆసుపత్రిలో 30 పడకలుగలవు. 8 ప్రాథమిక ఆరోగ్య కేంద్రాలకు ఇది రిఫరల్ ఆసుపత్రి.
  2. సమగ్ర శిశు అభివృద్ధి కేంద్రం (ఐ.సి.డి.ఎస్):- సమగ్ర శిశు అభివృద్ధి కేంద్రం (ఐ.సి.డి.ఎస్):- 20012 లో కొత్తగా ఏర్పడిన ఈ కేంద్రం పరిధిలో, పెదనందిపాడు, వట్టిచెరుకూరు, ప్రత్తిపాడు మండలాలు ఉన్నాయి. ఈ ప్రాజెక్టు కొరకు, ప్రత్తిపాడు ఎస్.టి.కాలనీలో, ఒక నూతన భవన నిర్మాణానికై, 2015,సెప్టెంబరు-17వ తేదీనాడు, భూమిపూజ నిర్వహించెదరు. ఈ భవన నిర్మాణం పూర్తి అయినచో, ప్రత్తిపాడు, పెదనందిపాదు, వట్టిచెరుకూరు మండలాలలోని 135 మంది అంగనవాడీ కార్యకర్తలు, ఆయాలకు సమావేశాలు నిర్వహంచడానికీ, సరకులు నిలువ ఉంచడానికీ సౌకర్యాగ ఉంటుంది. [14]
  3. ప్రభుత్వ హోమియో వైద్యశాల:- ఈ వైద్యశాలకు ప్రతిరోజూ, ప్రత్తిపాడు మండలంనుండియే గాక, పెదనందిపాదు, వట్టిచెరుకూరు, గుంటూరు, పరుచూరు, ఇంకొల్లు మందలాలనుండి 100 మందికి పైగా రోగులు వస్తుంటారు. [13]

బ్యాంకులు[మార్చు]

స్టేట్ బ్యాంక్ ఆఫ్ ఇండియా:- గ్రామములో ఈ బ్యాంక్ శాఖను 1982,సెప్టెంబరు-27వ తేదీనాడు ప్రారంభించారు. [15]

గ్రామానికి సాగు/త్రాగునీటి సౌకర్యం[మార్చు]

మంచినీటి చెరువు.

గ్రామ పంచాయతీ[మార్చు]

  1. ఈ గ్రామ పంచాయతీ 1953లో ఏర్పడింది. 1955లో ఈ గ్రామ పంచాయతీకి జరిగిన తొలి ఎన్నికలలో అప్పటి బి.వి.రెడ్డి పాఠశాల భవనాల నిర్మాణ కమిటీ ఛైర్మనుగా ఉన్న శ్రీ గుజ్జుల చెన్నారెడ్డిని సర్పంచిగా ఎన్నుకోవడానికి నాటి మునసబు శ్రీ గింజుపల్లి బాపయ్య చౌదరి గ్రామస్తులను ఒప్పించి, ఈయనను ఏకగ్రీవంగా ఎన్నుకున్నారు. ఈయన సర్పంచి కాగానే పంచాయతీ కార్యాలయానికి స్వంత భవనం నిర్మించి అద్దె గృహం నుండి స్వంతభవనం లోనికి మార్చారు. గ్రామానికి విద్యుద్దీకరణ, అంతర్గత రహదారులను ఏర్పరచారు. నాడు చెన్నారెడ్డి చేతులమీదుగా రూపుదిద్దుకున్న పాఠశాలలో చదువుకున్న విద్యార్థులు ప్రస్తుతం వివిధ దేశాలలో ఉన్నత స్థాయిలో స్థిరపడినారు. నేటికీ 700 మంది విద్యార్థులతో ఈ పాఠశాల కళకళలాడుతున్నది. ఆయన సేవలను గ్రామస్థులు ఇప్పటికీ స్మరించుకుంటున్నారు.[4]
  2. 1966లో ఈ గ్రామ సర్పంచిగా ఎన్నికయిన శ్రీ బోలే పరమేశ్వరుడు యాదవ్, గ్రామపంచాయితీ భవనానికి 48 సెంట్ల స్థలాన్ని విరాళంగా ఇవ్వటమేగాక, భవననిర్మాణానికి కృషిచేశారు. ప్రస్తుతం ఈ భవనంలో, పంచాయతీ పాలనావ్యవహారాలతోపాటు, రైతులు, పొదుపు మహిళలూ సదస్సులు ఇక్కడే నిర్వహించుకొనుచున్నారు. తూర్పుపాలెం వెళ్ళేటందుకు కాలువకట్టపై రహదారి నిర్మాణం, రామవాగుపై లోతట్టు చప్టా ఏర్పాటుకు, కృషి చేశారు. [3]
  3. 2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి కారసాల శశిరేఖ సర్పంచిగా ఎన్నికైనారు. తరువాత వీరు ప్రత్తిపాడు మండల సర్పంచులసంఘం సంయుక్త కార్యదర్శిగా ఎన్నికైనారు. ఉపసర్పంచిగా శ్రీమతి నుదురుపాటి సుశీల ఎన్నికైనారు. [5]
  4. రావిపాటివారిపాలెం గ్రామం, ప్రత్తిపాడు గ్రామ పంచాయతీ పరిధిలోని ఒక శివారు గ్రామం.

గ్రామంలోని దర్శనీయ ప్రదేశములు/ దేవాలయాలు[మార్చు]

శ్రీ గంగాపార్వతీ సమేత దండేశ్వర స్వామి ఆలయం[మార్చు]

ఈ ఆలయం అతి పురాతనమైనది. దీనిని చోళరాజుల కాలంలో నిర్మించారు. పూర్వం ఈ ప్రాంతం అరణ్యంగా ఉన్న సమయంలో గౌతమ మహర్షి ఇక్కడ శివలింగాన్ని ప్రతిష్ఠించినట్లు చెపుతారు. ఈ ఆలయంలో భక్తులు, ఉదయం నుండి రాత్రి వరకు, నిరంతరం పూజలు చేస్తూనే ఉంటారు. సోమవారాలలో రద్దీ ఇంకా ఎక్కువగా ఉంటుంది. [9]

పూర్వం ఈ ఆలయాన్ని, "గండేశ్వరస్వామివారి ఆలయం" అని పిలిచేవారు. ఎవరికైనా ఆపద వస్తే, ఇక్కడకు వచ్చి స్వామివారిని తలచుకుంటే పోతుందని, "గండాలు" తొలగిపోతాయని భక్తుల విశ్వాసం. అందుకే వివిధప్రాంతాలనుండి భక్తులు ఇక్కడకు పెద్దసంఖ్యలో తరలివచ్చి, స్వామివారిని దర్శించుకుంటారు.

నాడు భక్తులవాడగా[మార్చు]

పురాతనకాలంలో ఈ ఆలయం దండకారణ్యంలో భాగంగా ఉండేది. గౌతమ మహర్షి ఇక్కడ ఘోరతపస్సు చేసి, శివదర్శనం పొంది శివలింగాన్ని ప్రతిష్ఠించారు. ఈ సమయంలోనే విదర్భరాజకుమార్తె సీమంతిని భర్తను, నాగకుమారులు బంధించి నాగలోకానికి తీసికొని వెళ్ళినారు. భర్తను వెతుకుతూ ఆ రాజకుమారి, గౌతమ మహర్షి ఆశ్రమం వద్ద ఉన్న శివాలయానికి చేరుకున్నది. తన భర్తను రక్షించి ఇంటికి చేర్చమని పరమశివుని ప్రార్థించింది. శివుడు ఆమెను మన్నించి, ఆమె భర్తను తిరిగి స్వస్థలానికి చేర్చి, "గండం" నుండి రక్షించాడు. దీనితో స్వామివారు, "గండేశ్వరస్వామి"గా ప్రసిద్ధి పొందినారు. ఇదే సమయంలో ఈ గ్రామాన్ని, "భక్తులవాడ"గా పిలిచేవారని చరిత్ర కథనం. నందిస్తంభం వద్ద సీమంతిని తల్లిదండ్రులు, సీమంతిని దంపతులు, వారి బంధువుల విగ్రహాలు నేటికీ కనిపిస్తుంటవి.

పుట్టను త్రవ్వి ప్రతిష్ఠించిన శివలింగం[మార్చు]

పురాధీశుడైన పరిశ్ఛేది కుసుమరాజు చోళదేశంపై దండయాత్రచేసి తిరిగి వెళుతూ ఒక రాత్రి ఇక్కడ విడిది చేసిసినాడు. స్వామివారు ఆరోజు రాత్రి కుసుమరాజుకు కలలో కనిపించి, దగ్గరలోని చెట్టుక్రింద ఉన్న పుట్టలో తాను ఉన్నట్లు ఆనవాలు తెలిపినారు. తెల్లవారుఝామున కుసుమరాజు, తన మంత్రి, సామంత, సైనికులతో ఆ పుట్టను త్రవ్వించాడు. ఆ పుట్టలో శివలింగం కనిపించడంతో, క్రీ.శ 1144 వ సంవత్సరంలో, ఇక్కడ దేవాలయాన్ని కట్టించినాడని చారిత్రిక ఆధారాలు తెలియజేయుచున్నవి.

దేవాదాయశాఖ పరిధిలోనికి[మార్చు]

కొండవీటి సామ్రాజ్యం శ్రీకృష్ణదేవరాయల ఆధీనంలో ఉన్నప్పుడు, ప్రత్తిపాడు మండలాధిపతి గింజుపల్లి అచ్చినాయుడు ఈ ఆలయ దక్షిణ ముఖ మండపాన్ని నిర్మించాడు. అనంతరం శ్రీకృష్ణదేవరాయల సోదరుడు సదాశివరాయలు పాలనలో 1476 లో పార్వతీదేవి అమ్మవారి విగ్రహన్ని ప్రతిష్ఠించారు. ఆంగ్లేయుల పాలనలో ఈ ఆలయం చిలకలూరిపాడు (నేటి చిలకలూరిపేట) జమీందారులైన వెంకటకృష్ణును అధీనంలోనికి వచ్చింది. వారి పాలనలో "శ్రీ మహా గండేశ్వరస్వామి ఆలయం"గా పిలుచుచూ సకల ఉత్సవాలు జరిపించేవారు. అనంతరం దేవాదాయశాఖ పరిధిలోనికి వచ్చింది. నేడు "శ్రీ గంగా పార్వతీ సమేత దండేశ్వరస్వామి"గా పిలువబడుచూ స్వామివారు పూజలందుకొనుచున్నారు.

నిత్యపూజలు[మార్చు]

ఈ ఆలయంలో ప్రతిదినం నిత్య పూజలు నిర్వహిస్తుంటారు. ప్రతి సోమవారం భక్తులు అధికసంఖ్యలో ఆలయానికి తరలి వచ్చి, దోషాల నివారణకు ప్రత్యేకపూజలు చేయించుకుంటారు. దసరా నవరాత్రులు, కార్తీక మాసంలో సోమవారం, కార్తీక పౌర్ణమితోపాటు నెల పొడవునా అభిషేకాలు నిర్వహించెదరు. శివరాత్రికి కళ్యాణం, ముక్కోటి ఏకాదశికి ప్రత్యేకపూజలు నిర్వహించెదరు. [16]

శ్రీ సీతా రామ లక్ష్మణ ఆంజనేయస్వామి వార్ల ఆలయం[మార్చు]

ప్రత్తిపాడు గ్రామంలో, శ్రీ పరమేశ్వర స్వామి ఆలయ సమీపంలో, నూతనంగా నిర్మించిన ఈ ఆలయంలో, విగ్రహ ప్రతిష్ఠా కార్యక్రమం, 2014,జూన్-20న నిర్వహించెదరు. ఈ కార్యక్రమంలో భాగంగా, 16వ తేదీన, వేదస్వస్థితో గ్రామ ప్రదక్షిణ, ఆలయ యాగశాల ప్రవేశం, విఘ్నేశ్వర పూజ తదితర పూజలు నిర్వహించారు. 19వ తేదీతో మండప దేవతా పూజలు, నీరాజన మహిమంత్రపుష్పాలతో ముగింపుకు చేరుకొనును. 20వ తేదీన యంత్రస్థాపన, విగ్రహాల ప్రతిష్ఠ, ప్రాణప్రతిష్ఠ, దిష్టికుంభం, పూర్ణాహుతి, అన్నదాన కార్యక్రమాలు నిర్వహించెదరు. ఈ సందర్భంగా పలు సాంస్కృతిక కార్యక్రమాలు నిర్వహించెదరు. [6]

శ్రీ వేణుగోపాల సీతారామస్వామివారి ఆలయం[మార్చు]

విశిష్టత గల ఈ పురాతన ఆలయాన్ని, అప్పటి ప్రభుత్వంలో జమీందారుగా ఉన్న, చిలకలూరిపేటకు చెందిన శ్రీ కొరుగంటి వెంకటరెడ్డి, 1364లో, గ్రామం మధ్యలో నిర్మించారు. అప్పటి రోజులలో వీరు గ్రామంలోని దండేశ్వరస్వామివారికి సకల ఉత్సవాలు నిర్వహించేవారు. మొదట స్వామివారి ప్రక్కన రుక్మిణీదేవి ఉండి, శ్రీ గోపీనాథస్వామిగా పూజలందుకునేవారు. అనంతరం శ్రీనివాస వెంకటాచార్యులవారు సత్యభామ విగ్రహాన్ని ప్రతిష్ఠించడంతో, శ్రీ రుక్మిణీ సత్యభామా సమేత శ్రీ వేణుగోపాలస్వామిగా పేరు వచ్చింది. 1760 లో శ్రీ వెంకటకృష్ణమ్మ ఈ దేవాలయాన్ని పునఃప్రతిష్ఠించారు. 1925 ఏప్రిల్-5 నుండి, ఆర్యవైశ్య సంఘం అధ్వర్యంలో ఈ ఆలయ కార్యకలాపాలు నడచుచున్నవి. ఈ అలయంలో స్వామివారి విగ్రహం ఉత్తర ముఖంగా ఉంటుంది. ముక్కోటి ఏకాదశి రోజున ఉత్తర ద్వారదర్శనానికి ప్రత్యేకత ఉంది. [18]

ప్రత్తిపాడులోని తూర్పుబజారులో ఉన్న ఈ ఆలయంలో శ్రీ సీతారామచంద్రస్వామి ఆలయశిఖరం, విగ్రహాల ప్రతిష్ఠ, 2014, జూన్-21, శనివారం వైభవంగా నిర్వహించారు. ఉదయం మంటపారాధనలకు నిత్యపూజ, గర్తన్యాసము, బీజన్యాసము, రత్నన్యాసము, ధాతున్యాసము, యంత్రప్రతిష్ఠ, విగ్రహ ప్రతిష్ఠ, సంపాతాజ్యపాతము, కళాన్యాసము, కళాహోమము, పూర్ణాహుతి, ధేనుదర్శనము, కుంభము మొదలగు పూజాకార్యక్రమాలు దంపతులచే నిర్వహించారు. పరిసర గ్రామాలనుండి భక్తులు పెద్దసంఖ్యలో తరలివచ్చి, ఈ ఉత్సవాన్ని తిలకించి, స్వామివార్లను దర్శించుకొని, తీర్ధప్రసాదాలను స్వీకరించారు. అనంతరం భక్తులుకు అన్నదానం నిర్వహించారు.ఈ ఆలయ ప్రథమ వార్షికోత్సవం సందర్భంగా, 2015,జూన్-9వ తేదీ మంగళవారంనుండి, 11వ తేదీ గురువారం వరకు, స్వామివారి బ్రహ్మోత్సవాలు, వైభవంగా నిర్వహించారు. మూడవరోజు గురువారం మద్యాహ్నం, విచ్చేసిన భక్తులకు అన్నదానం నిర్వహించారు. ఈ ఉత్సవాలకు, పత్తిపాడు గ్రామం నుండియేగాక, భక్తులు సమీప గ్రామాలనుండి గూడా అధికసంఖ్యలో తరలివచ్చారు. [8]&[12]

శ్రీ పోతురాజుస్వామివారి ఆలయం[మార్చు]

గ్రామంలోని మిట్టబజారులోని ఈ ఆలయంలో "కళాపకర్ష" కార్యక్రమాన్ని, 2014,జూన్-14, శనివారం నాడు నిర్వహించారు. ఈ ఆలయ పునర్నిర్మానానికి తీర్మానించడమైనది. ఈ నేపథ్యంలో స్వామివారికి ప్రత్యేకపూజలు నిర్వహించారు. గోపూజ నుండి కదిలించిన పోతురాజుస్వామి విగ్రహాన్ని పునర్నిర్మించేవరకు, అంకమ్మతల్లి ఆలయంలో ఉంచటానికి ఏర్పాటుచేసారు. [7]

శ్రీ గంగమ్మ తల్లి ఆలయం[మార్చు]

ఈ ఆలయ అష్టమ వార్షికోత్సవం సందర్భంగా, 2015,మే-29వ తేదీ శుక్రవారంనాడు, ఆలయంలో ఉదయం అమ్మవారికి పంచామృతాలతో అభిషేకాలు నిర్వహించారు. మహిళలు పెద్ద యెత్తున బిందెలతో జలం తీసికొనివచ్చి, అమ్మవారికి అభిషేకాలు నిర్వహించారు. అనంతరం పొంగళ్ళు వండి, మొక్కులు తీర్చుకున్నారు. ఈ కార్యక్రమానికి పలు గ్రామాలనుండి భక్తులు పెద్దయెత్తున తరలివచ్చి, అమ్మవారిని దర్శించుకొని పూజలు చేసారు. అనంతరం నిర్వహించిన కోలాటప్రదర్శన అందరినీ ఆకట్టుకున్నది. [11]

శ్రీ అద్దంకమ్మ తల్లి ఆలయం[మార్చు]

ప్రత్తిపాడు గ్రామంలో, రెడ్ల రామాలయం సమీపంలో నూతనంగా నిర్మించిన ఈ ఆలయంలో, విగ్రహ ప్రతిష్ఠా మహోత్సవాలలో భాగంగా, 2016,మార్చ్-1వ తేదీ మంగళవారంనాడు అద్దంకమ్మ తల్లి విగ్రహాన్ని మేళతాళాలు, మంగళ వాయిద్యాల నడుమ గ్రామోత్సవం నిర్వహించారు. 3వ తేదీ గురువారంనాడు ఉదయం 7 గంటలకు అద్దంకమ్మ, గోపయ్యస్వామివారల విగ్రహ ప్రతిష్ఠా మహోత్సవం వైభవంగా నిర్వహించారు. ఈ సందర్భంగా వేదపండితుల ఆధ్వర్యంలో, హోమాలు, మంటపారాధన, మహా కుంభం, పూర్ణాహుతి, కంకణ విసర్జన తదితర పూజా కార్యక్రమాలు శాస్త్రోక్తంగా నిర్వహించారు. [20]

గ్రామంలో ప్రధాన పంటలు[మార్చు]

గ్రామములోని ప్రధాన వృత్తులు[మార్చు]

గ్రామములోని ప్రముఖులు (నాడు/నేడు)[మార్చు]

ఏ.పి.పి.ఎస్.సి. ఛైర్మన్, హేతువాది కులనిర్మూలన సంఘ అధ్యక్షుడు జాగర్లమూడి వీరాస్వామి స్వగ్రామం.

గ్రామ విశేషాలు[మార్చు]

గణాంకాలు[మార్చు]

గ్రామ గణాంకాలు[మార్చు]

  • 2001 వ.సంవత్సరం జనాభా లెక్కల ప్రకారం
  • జనాభా 13279
  • పురుషుల సంఖ్య 6741
  • మహిళలు 6538
  • నివాస గృహాలు 3276
  • విస్తీర్ణం 2255 హెక్టారులు
  • ప్రాంతీయ భాష తెలుగు
2011 వ.సంవత్సరం జనాభా లెక్కల ప్రకారం -- - మొత్తం - పురుషుల సంఖ్య - స్త్రీల సంఖ్య - గృహాల సంఖ్య

మండల గణాంకాలు[మార్చు]

మండలంలోని గ్రామాలు[మార్చు]

మూలాలు[మార్చు]

బయటి లింకులు[మార్చు]

[3] ఈనాడు గుంటూరు సిటీ; 2013,జులై-12; 8వపేజీ. [4] ఈనాడు గుంటూరు సిటీ; 2013,జులై-14; 8వపేజీ. [5] ఈనాడు గుంటూరు సిటీ/ప్రత్తిపాడు; 2013,డిసెంబరు-17; 3వపేజీ. [6] ఈనాడు గుంటూరు సిటీ/ప్రత్తిపాడు; 2014,జూన్-4; 2వ పేజీ. [7] ఈనాడు గుంటూరు సిటీ/ప్రత్తిపాడు; 2014,జూన్-15; 1వపేజీ. [8] ఈనాడు గుంటూరు సిటీ/ప్రత్తిపాడు; 2014,జూన్-22; 1వపేజీ. [9] ఈనాడు గుంటూరు సిటీ/ప్రత్తిపాడు; 2014,అక్టోబరు-27; 1వపేజీ. [10] ఈనాడు గుంటూరు సిటీ/ప్రత్తిపాడు; 2014,డిసెంబరు-22; 1వపేజీ. [11] ఈనాడు గుంటూరు సిటీ; 2015,మే-30; 25వపేజీ. [12] ఈనాడు గుంటూరు సిటీ; 2015,జూన్-12; 25వపేజీ. [13] ఈనాడు గుంటూరు సిటీ; 2015,జూన్-18; 27వపేజీ. [14] ఈనాడు గుంటూరు సిటీ; 2015,సెప్టెంబరు-17; 27వపేజీ. [15] ఈనాడు గుంటూరు సిటీ; 2015,సెప్టెంబరు-27; 26వపేజీ. [16] ఈనాడు గుంటూరు సిటీ; 2015,నవంబరు-16; 25వపేజీ. [17] ఈనాడు గుంటూరు సిటీ; 2015,డిసెంబరు-20; 25వపేజీ. [18] ఈనాడు గుంటూరు సిటీ; 2015,డిసెంబరు-21; 25వపేజీ. [19] ఈనాడు గుంటూరు సిటీ/ప్రత్తిపాడు; 2015,డిసెంబరు-21; 25వపేజీ. [20] ఈనాడు గుంటూరు సిటీ/ప్రత్తిపాడు; 2016,మార్చ్-2&4; 1వపేజీ.