వట్టిచెరుకూరు

వికీపీడియా నుండి
Jump to navigation Jump to search
వట్టిచెరుకూరు
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం వట్టిచెరుకూరు
ప్రభుత్వము
 - సర్పంచి శ్రీమతి నాదెండ్ల శ్రీలత
జనాభా (2001)
 - మొత్తం 3,850
 - పురుషుల సంఖ్య 1,918
 - స్త్రీల సంఖ్య 1,891
 - గృహాల సంఖ్య 1,088
పిన్ కోడ్ 522212
ఎస్.టి.డి కోడ్ 08644

వట్టి చెరుకూరు గ్రామము, వట్టి చెరుకూరు మండల కేంద్రము. ఇది సమీప పట్టణమైన గుంటూరు నుండి 16 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 1120 ఇళ్లతో, 3850 జనాభాతో 1559 హెక్టార్లలో విస్తరించి ఉంది. గ్రామంలో మగవారి సంఖ్య 2009, ఆడవారి సంఖ్య 1841. షెడ్యూల్డ్ కులాల సంఖ్య 1112 కాగా షెడ్యూల్డ్ తెగల సంఖ్య 135. గ్రామం యొక్క జనగణన లొకేషన్ కోడ్ 590319[1].పిన్ కోడ్: 522212. ఎస్టీడీ కోడ్ = 08644.

విషయ సూచిక

గ్రామ చరిత్ర[మార్చు]

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.[2]

గుంటూరు జిల్లా పరిధిలోని మండలాలు[మార్చు]

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామం పేరు వెనుక చరిత్ర[మార్చు]

పూర్వం ఈ ప్రదేశంనందు వెర్రిచెరుకు (పస/రుచి లేనిది) ఉండేదని, కాలాంతరంలో అది వట్టిచెరుకూరు గా మారిందని తెలుస్తుంది.

గ్రామ భౌగోళికం[మార్చు]

సమీప గ్రామాలు[మార్చు]

సమీప మండలాలు[మార్చు]

విద్యా సౌకర్యాలు[మార్చు]

గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు నాలుగు, ప్రైవేటు ప్రాథమిక పాఠశాల ఒకటి , ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల గుంటూరులోను, ఇంజనీరింగ్ కళాశాల వింజనంపాడులోనూ ఉన్నాయి. సమీప మేనేజిమెంటు కళాశాల వింజనంపాడులోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

వట్టిచెరుకూరులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ముగ్గురు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని శుద్ధి ప్లాంట్‌లోకి పంపిస్తున్నారు. గ్రామం సంపూర్ణ పారిశుధ్య పథకం కిందకు రావట్లేదు. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

వట్టిచెరుకూరులో పోస్టాఫీసు సౌకర్యం, సబ్ పోస్టాఫీసు సౌకర్యం ఉన్నాయి. పోస్ట్ అండ్ టెలిగ్రాఫ్ ఆఫీసు గ్రామానికి 5 కి.మీ. లోపు దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 నుండి 10 కి.మీ. దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత ఉన్నాయి. వాణిజ్య బ్యాంకు గ్రామం నుండి 5 నుండి 10 కి.మీ. దూరంలో ఉంది. ఏటీఎమ్, సహకార బ్యాంకు గ్రామం నుండి 10 కి.మీ.కి పైబడిన దూరంలో ఉన్నాయి. వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉంది.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సినిమా హాలు గ్రామం నుండి 5 నుండి 10 కి.మీ. దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 20 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

వట్టిచెరుకూరులో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 129 హెక్టార్లు
  • సాగులో లేని భూముల్లో బీడు భూములు కానివి: 15 హెక్టార్లు
  • బంజరు భూమి: 34 హెక్టార్లు
  • నికరంగా విత్తిన భూమి: 1379 హెక్టార్లు
  • నీటి సౌకర్యం లేని భూమి: 260 హెక్టార్లు
  • వివిధ వనరుల నుండి సాగునీరు లభిస్తున్న భూమి: 1169 హెక్టార్లు

నీటిపారుదల సౌకర్యాలు[మార్చు]

వట్టిచెరుకూరులో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 1169 హెక్టార్లు

ఉత్పత్తి[మార్చు]

వట్టిచెరుకూరులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, ప్రత్తి, మిరప

పారిశ్రామిక ఉత్పత్తులు[మార్చు]

బియ్యం

గ్రామంలోని విద్యా సౌకర్యాలు[మార్చు]

  1. జిల్లా పరిషత్తు ఉన్నత పాఠశాల:- ఈ పాఠశాలలో ప్రస్తుతం 270 మంది విద్యార్థులు విద్యనభ్యసించుచున్నారు. [11]
  2. హెచ్.ఇ.పాఠశాల:- ఈ పాఠశాలలో స్వచ్ఛభారత్ నిధులతో, అధునాతన మరుగుదొడ్ల నిర్మాణాన్ని, 13,జులై-2015నాడు ప్రారంభించారు. [13]

గ్రామంలోని మౌలిక సదుపాయాలు[మార్చు]

ప్రాధమిక ఆరోగ్య కేంద్రం[మార్చు]

గ్రామములోని ఈ కేంద్రం రోగులకు సరిపోకపోవుటచో, ఒక నూతన అదునాతన వసతులతో గూడిన భవనం నిర్మించాలని, 90 లక్షల రూపాయల నిధుల కొరకు ప్రభుత్వానికి ప్రతిపాదనలు సంపినారు. ఈ నూతన భవన నిర్మాణానికై ఈ గ్రామానికి చెందిన దాత శ్రీ మన్నె సాంబశివరావు, గ్రామంలోని పాత పోలీసుస్టేషను రహదారిలో చివరన ఉన్న తన పొలంలో 24 సెంట్ల స్థలాన్ని వితరణగా అందజేసినారు. [14]

వంట గ్యాస్ సౌకర్యం[మార్చు]

ఈ గ్రామములో 2015,డిసెంబరు-28వ తేదీనాడు, భారత్ గ్యాస్ కంపెనీవారి కేంద్రాన్ని ప్రారరంభించెదరు. []

గ్రామ పంచాయతీ[మార్చు]

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి నాదెండ్ల శ్రీలత, సర్పంచిగా ఎన్నికైనారు. శ్రీ నాదెండ్ల శ్రీనివాసరావు ఉపసర్పంచిగా ఎన్నికైనారు. [5]&[9]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ గంగా భ్రమరాంబికా సమేత బ్రహ్మేశ్వర స్వామివారి ఆలయం[మార్చు]

ఈ ఆలయంలో స్వామివారి వార్షిక కల్యాణోత్సవాలు, 2014,జూన్-8, ఆదివారం రాత్రి, కన్నులపండువగా నిర్వహించారు. ఈసందర్భంగా ఆలయాన్ని అందముగా అలంకరించారు. ఈ ఆలయంలో నూతనంగా ప్రతిష్ఠించుటకు ఒక ధ్వజస్తంభాన్ని, రాజమండ్రి అటవీ ప్రాంతం నుండి దేవాదాయ శాఖవారు కొనుగోలు చేసి తీసికొని వచ్చి, కళ్యాణమంటపంలో ఉంచారు. ఈ ధ్వజస్తంభానికి 2014, అక్టోబరు-24, కార్తీకమాసం శుద్ధ పాడ్యమి నాడు పూజలు చేసారు. [4],[8]&[10]

ఈ ఆలయానికి, 14.53 ఎకరాల మాగాణి భూములూ మరియూ 24.07 ఎకరాల మెట్టభూములూ మాన్యం భూములున్నవి. [12]

ఈ ఆలయంలో నూతనంగా ఏర్పాటుచేసిన ధ్వజస్తంభంపై, 2015, అక్టోబరు-3వ తేదీనాడు, కలశ ప్రతిష్ఠ శాస్త్రోక్తంగా నిర్వహించారు. [15]

శ్రీ వేణుగోపాలస్వామివారి ఆలయం[మార్చు]

ఈ ఆలయంలో 2016,మే-21వ తేదీ శనివారం, వైశాఖపౌర్ణమినాడు, స్వామివారి కల్యాణోత్సవాలను కన్నులపండువగా నిర్వహించారు. [17]

శ్రీమద్విరాట్ పోతులూరి వీరబ్రహ్మేంద్రస్వామివారి ఆలయం[మార్చు]

ఈ ఆలయంలో స్వామివారి ఆరాధనోత్సవాలు, ప్రతి సంవత్సరం, వైశాఖ మాసంలో శుక్ల దశమి నాడు వైభవంగా నిర్వహించెదరు. [7]

శ్రీ నాగేంద్రస్వామి ఆలయo[మార్చు]

ఈ ఆలయంలో స్వామివారి బ్రహ్మోత్సవాలు, ప్రతి సంవత్సరం మాఘమాసంలో, నిర్వహించెదరు. [6]

శ్రీ పోలేరమ్మ తల్లి దేవాలయం[మార్చు]

శ్రీ ముప్పాదేవర అమ్మవారి ఆలయం[మార్చు]

శ్రీ సువర్చలా సమేత శ్రీ అభయాంజనేయస్వామివారి ఆలయం[మార్చు]

ఈ ఆలయంలో స్వామివారి వార్షిక కళ్యాణోత్సవాలు 2017,మార్చి-10వతేదీ శుక్రవారం నుండి 13వతేదీ సోమవారం వరకు నిర్వహించెదరు. ఈ సందర్భంగా స్వామివారికి శాంతిహోమాలు నిర్వహించెదరు. ఆలయంలో మూడురోజులూ ప్రత్యేకపూజలు నిర్వహించేద్రు. [18]

గ్రామంలో ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

గ్రామ ప్రముఖులు[మార్చు]

శ్రీ మన్నె చిననాగయ్య[మార్చు]

ఈ గ్రామవాసులైన వీరు 1953 నుండి 1967 వరకూ ఈ గ్రామ సర్పంచిగా ఉన్నారు. 1967 నుండి 1972 వరకూ ప్రత్తిపాడు సమితి అధ్యక్షులుగా ఉన్నారు. తరువాత గుంటూరు తాలూకా పొగాకు బోర్డు సభ్యులుగా ఉన్నారు. తరువాత గుంటూరు జిల్లా కేంద్ర సహకార బ్యాంకు డైరెక్టరుగా పనిచేశారు. తరువాత స్వతంత్ర పార్టీ తరపున ప్రత్తిపాడు ఎం.ఎల్.ఏగా పోటీచేసి గెలుపొందారు. ఇప్పుడు 91 ఏళ్ళ వయసులోనూ అలుపెరుగని పోరాటం చేస్తున్నారు. 35 సం. వివిధ పదవులలోనూ రాణించి ప్రజాభిమానాన్ని చూరగొన్నారు. రైతు కుటుంబములో పుట్టిన ఆయన, అన్నదాతల అభివృద్ధికి అహర్నిశలూ పాటుబడ్డారు. ఆదర్శప్రజాప్రతినిధికి నిలువెత్తు ప్రతిబింబంగా నిలుస్తున్న ఆయన సేవలను ఇప్పటికీ ప్రజలు కొనియాడుచుండటం విశేషం. [3]

గ్రామ విశేషాలు[మార్చు]

గుంటూరు జిల్లా లోని ప్రధాన మండలాలో ఒకటిగా భాసిల్లుతున్నది. ఈ గ్రామములో సుమరుగా 5000 జనాభా కలరు. ఇక్కడి ప్రజల ప్రధానముగా వ్యవసాయము మీద అధారపడి జీవనము సాగిస్తున్నారు ప్రధాన పంతలు వరి,పత్తి,మిర్చి. ఈ వూరి కింద అత్యధిక ఆయకట్టు సాగవుతున్నది. ఈ వూరులో ఎంతో మంది విద్యాధికులు కూడా కలరు. ఈ గ్రామము ప్రశాంత జీవనానికి అలవాలమైనది. ఈ గ్రామములో కమ్మ సామాజిక వర్గమువారు ఎక్కువగా నివసించుచున్నారు. ఆ తరువాత మాదిగలు, మాలలు ఎక్కువగ ఉన్నారు. వీరిలోను చాల మంది విద్యవంతులు కలరు. ఈ గ్రామములో SC,BC VOTES ఎక్కువగ ఉన్నాయి.ఈ గ్రామము సామాజిక సహ జీవనానికి మారు పేరుగ ప్రసిద్ధి.

గణాంకాలు[మార్చు]

  • 2001 వ.సంవత్సరం జనాభా లెక్కల ప్రకారం
  • జనాభా 3809
  • పురుషుల సంఖ్య 1918
  • మహిళలు 1891
  • నివాస గృహాలు 1088
  • విస్తీర్ణం 1559 హెక్టారులు
  • ప్రాంతీయ భాష తెలుగు

గ్రామ గణాంకాలు[మార్చు]

మూలాలు[మార్చు]

మూస:Ref-list

వెలుపలి లింకులు[మార్చు]

  • గుంటూరు జిల్లా గ్రామ కైఫియత్తులు మొదటి భాగం పేజి నెం.81-82.
  1. "Office of the Registrar General & Census Commissioner, India - Village amenities of 2011".
  2. http://crda.ap.gov.in/APCRDA/Userinterface/ADMIN/DynamicHorizantalGovTab.aspx