పొన్నూరు

వికీపీడియా నుండి
ఇక్కడికి గెంతు: మార్గసూచీ, వెతుకు
పొన్నూరు
—  రెవిన్యూ గ్రామం  —
Gunturu mandals outline48.png
పొన్నూరు is located in ఆంధ్ర ప్రదేశ్
పొన్నూరు
అక్షాంశరేఖాంశాలు: 16°04′03″N 80°32′53″E / 16.067506°N 80.547938°E / 16.067506; 80.547938
రాష్ట్రం ఆంధ్ర ప్రదేశ్
జిల్లా గుంటూరు
మండలం పొన్నూరు
ప్రభుత్వము
 - సర్పంచి
జనాభా (2011)
 - మొత్తం 1,23,060
 - పురుషుల సంఖ్య 61,810
 - స్త్రీల సంఖ్య 61,250
పిన్ కోడ్ 522 124.
ఎస్.టి.డి కోడ్ 08643.

పొన్నూరు, గుంటూరుకు 31 కి.మీ. దక్షిణాన ఉన్న ఒక చారిత్రక పట్టణము.పురపాలకసంఘం మరియు మండల కేంద్రం. పిన్ కోడ్ నం. 522 124., ఎస్.టి.డి.కోడ్ = 08643.

  • పూర్వము పొన్నూరు స్వర్ణపురి (బంగారు భూమి) అని పిలవబడేది. తరువాత స్వర్ణపురి తమిళరాజుల పరిపాలనలోకి వెళ్ళింది. అప్పుడు ఈ ఊరిని, "పొన్నూరు"(పొన్ను+ఊరు) అని పిలవడం ప్రారంభించారు. తమిళంలో "పొన్ను" అంటే బంగారం అని అర్థం. పొన్ను+ఊరు, అంటే స్వర్ణపురి అని అర్థం వస్తుంది. కాలక్రమేణా ఇదే పేరు వాడుకలో అలాగే నిలిచిపోయింది. [1]
  • ఈ పట్టణం గుంటూరు, చీరాల రాష్ట్ర రహదారి పై ఉంది. చెన్నై-కోల్‌కతా రైలు మార్గం ఈ పట్టణం గుండా పోతుంది.
బస్టాండ్ సెంటర్
  • పొన్నూరు ఒక శాసనసభ నియోజకవర్గ కేంద్రము. గుంటూరు జిల్లా లోని ముఖ్య పురపాలక సంఘాలలో ఒకటి. నిడుబ్రోలు పొన్నూరును ఆనుకుని ఉన్న ఒక ప్రముఖ గ్రామం. ఒకదానితో ఒకటి కలిసిపోయి ఒకే పట్టణం వలె అనిపిస్తాయి. రైల్వే స్టేషను నిడుబ్రోలు పేరిటే ఉంటుంది. అలాగే చుట్టుపక్కల ఉన్న ఎన్నో వ్యవసాయ ఆధారిత గ్రామాలకు పొన్నూరు కేంద్రంగా ఉంది.
  • పొన్నూరు పురపాలకసంఘం (మున్సిపాలిటీ) ఏర్పడి, 2014,సెప్టెంబరు-20 నాటికి 50 సంవత్సరములు పూర్తి అయినవి. ఈ సందర్భంగా 2014, అక్టోబరు-6,7,8 తేదీలలో, పురపాలక సంఘ స్వర్ణోత్సవాలు వైభవంగా నిర్వహించారు. [2] & [3]
  • బస్టాండ్

విషయ సూచిక

పట్టణములోని దర్శనీయ ప్రదేశములు/దేవాలయములు[మార్చు]

శ్రీ సాక్షి భావన్నారాయణ స్వామి వారి దేవాలయ గాలి గోపురం
శ్రీ సాక్షి భావన్నారాయణ స్వామి వారి ఆలయ ప్రాకారం
మండపం మరియు గాలి గోపురం భావన్నారాయణ స్వామి వారి
శ్రీ సాక్షి భావన్నారాయణ స్వామి వారి గాలి గోపురం

శ్రీ వినాయకస్వామివారి ఆలయం[మార్చు]

ఈ ఆలయం పొన్నూరు పట్టణంలోని నిడుబ్రోలులో ఉంది.

శ్రీ వరసిద్ధి వినాయకస్వామివారి ఆలయం[మార్చు]

స్థానిక రెండవ వార్డులోని సిద్ధి వినాయకనగర్‌లో వేంచేసియున్న ఈ ఆలయంలోని స్వామివారి విగ్రహ పునఃప్రతిష్ఠా మహోత్సవం, 2017,మార్చి-1వతేదీ బుధవారంనాడు వైభవంగా నిర్వహించారు. ఈ సదర్భంగా ఆలయంలో హోమాలతోపాటు ప్రత్యేకపూజలు నిర్వహించారు. [9]

శ్రీ సుందరవల్లీ రాజ్యలక్ష్మీ సమేత శ్రీ సాక్షి భావనారాయణస్వామివారి ఆలయం[మార్చు]

ఈ ఆలయం చాలా ప్రసిద్ధి చెందినది. ఈ స్వామివారిని సాక్షిభావనారాయణుడని అంటారు. శ్రీ భావనారాయణస్వామి దేవస్థానం కార్యనిర్వణాధికారి ఫోన్ నం.08643/242021. ఈ ఆలయంలో స్వామివారి వార్షిక బ్రహ్మోత్సవాలు నిర్వహిస్తారు.

ఈ ఆలయప్రాంగణమున ఉన్న ఇతర ఆలయాలు[మార్చు]

  1. శ్రీ రాజ్యలక్షీ అమ్మవారి ఆలయం.
  2. శ్రీ కాశీవిశ్వేశ్వరాలయము.
  3. శ్రీ విశాలాక్షి అమ్మవారి ఆలయం.

శ్రీ సహస్ర లింగేశ్వరస్వామి దేవస్థానం[మార్చు]

ఈ ఆలయం, 1961లో నిర్మితమైనది. 1961 లో నిర్మితమైన శ్రీ ఆంజనేయస్వామి, శ్రీ గరుత్మంతస్వామి ల విగ్రహ ప్రతిష్ఠ జరిగింది. ఈ విగ్రహాలు 30 అడుగుల ఎత్తు 24 అడుగుల ఎత్తుతో నయనానందకరముగా కనిపిస్తూ బహుళ ప్రసిద్ధికెక్కినవి.

  • దేవస్థానం ఫోన్ నం. 08643/247099.

ఈ ఆలయ ప్రాంగణంలో, వేంచేసియున్న శ్రీ మహావీర గరుత్మంతస్వామివారి పునఃప్రతిష్ఠా కార్యక్రమాలు, 2017,జులై-24వతేదీ సోమవారం నుండి 28వ తేదీ శుక్రవారం వరకు వైభవంగా నిర్వహించెదరు. ఈ సందర్భంగా ఆలయంలో మహా సంప్రోక్షణ, అభినవ విమాన శిఖర, జీవధ్వజ దండ, ఉత్సవ బింబ ప్రతిష్ఠ, మహాకుంభాభిషేక మహోత్సవాలు నిర్వహించెదరు. [15]

శ్రీ పద్మావతీ సమేత గోదాదేవి స్వర్ణ వేంకటేశ్వరస్వామివారి ఆలయం[మార్చు]

ఈ ఆలయం శ్రీ సహస్రలింగేశ్వరస్వామివారి ఆలయ ప్రాంగణంలో ఉంది. ఈ ఆలయంలో స్వామివారి వార్షిక బ్రహ్మోత్సవాలు, ప్రతి సంవత్సరం శ్రావణమాసంలో వైభవంగా నిర్వహించెదరు. [7]

శ్రీ కనకదుర్గ్గమ్మ అమ్మవారి ఆలయం[మార్చు]

ఈ ఆలయం పొన్నూరు పట్టణ శివారులో ఉంది.

శ్రీ తోటమ్మ తల్లి ఆలయం[మార్చు]

ఈ ఆలయంలో పట్టణంలోని జి.బి.సి.రహదారిపై ఉంది. ఈ ఆలయంలోని అమ్మవారి వార్షిక జాతర మహోత్సవం, 2017,ఏప్రిల్-23వతేదీ ఆదివారంనాడు వైభవంగా నిర్వహించారు. కనకతప్పెలు, మంగళ వాయిద్యాల మధ్య అమ్మవారి గ్రామోత్సవం నిర్వహించారు. అమ్మవారికి చీరె, సారె సమర్పించారు. తోటమ్మ తల్లి జాతర సందర్భంగా యువకులు ఉత్సాహంగా పాల్గొన్నారు. దేవాలయంలో ప్రత్యేకపూజలు నిర్వహించారు. [12]

శ్రీ షిర్డీ సాయిబాబా ఆలయం[మార్చు]

పొన్నూరు పట్టణంలోని సాయినగరులో ఉన్న ఈ ఆలయంలో, 2015,మే నెల-22వ తేదీ శుక్రవారంనాడు, ఈ ఆలయ 19వ వార్షికోత్సవాలు వైభవంగా నిర్వహించారు. [5]

శ్రీ జగన్నాధస్వామివారి ఆలయం[మార్చు]

ఈ ఆలయంలో జగన్నాధస్వామివారి 33వ జయంతి వేడుకలను 2015,ఆగష్టూ-16వ తేదీ ఆదివారంనాడు వైభవంగా నిర్వహించారు. [6]

శ్రీదేవీ భూదేవీ సమేత శ్రీ చెన్నకేశవస్వామివారి ఆలయం[మార్చు]

నిడుబ్రోలులో వేంచేసియున్న ఈ స్వామివారి ఆలయంలో, స్వామివారి వార్షిక బ్రహ్మోత్సవాలు, 2017,జూన్-6వతేదీ మంగళవారంనాడు అంగరంగ వైభవంగా ప్రారంభమైనవి. ఏడవతేదీ బుధవారం తెల్లవారుఝామున, ఆలయంలోని స్వామివారి మూలవిరాట్టుకు వేదమంత్రాలు, మంగళవాయిద్యాల మధ్య అభిషేకాలు నిర్వహించినారు. దేవాలయ ప్రాంగణంలో ప్రత్యేక మోమం చేసినారు. సాయంత్రం నవగ్రహోమాంతోపాటు, మంగళహారతి కార్యక్రమం నిర్వహించినారు. 8వతేదీ గురువారంనాడు స్వామివారి రథోసవం ఘనంగా నిర్వహించినారు. 9వతేదీ శుక్రవారంనాడు స్వామివారి కళ్యాణం, వేద మంత్రోచ్ఛారణలు, మంగళవాయిద్యాల మధ్య కన్నులపండువగా నిర్వహించినారు. రాత్రికి స్వామివారిని గజవాహనంపై పురవీధులలో ఊరేగించినారు. ఈ ఆలయంలో స్వామివారి బ్రహ్మోత్సవాలు, 10వతేదీ శనివారంతో ముగిసినవి. ముగింపురోజున ప్రతిష్ఠా మూర్తులకు సంప్రోక్షణ కార్యక్రమం నిర్వహించినారు. [13]

శ్రీకృష్ణ ఆలయం[మార్చు]

నిడుబ్రోలులోని రైల్వే స్టేషన్ సమీపంలో నూతనంగా నిర్మించిన ఈ ఆలయంలో, 2017,ఏప్రిల్-12వతేదీ బుధవారంనాడు, విగ్రహ ప్రతిష్ఠా మహోత్సవం శాస్త్రోక్తంగా, వైభవంగా నిర్వహించారు. మద్యాహ్నం, విచ్చేసిన భక్తులకు అన్నప్రసాద వితరణ నిర్వహించారు. [10]

శ్రీ చౌడీశ్వరీదేవి అలయం[మార్చు]

నిడుబ్రోలు.

శ్రీమద్విరాట్ పోతులూరి వీరబ్రహ్మేంద్రస్వామివారి ఆలయం[మార్చు]

నిడుబ్రోలు

శ్రీ పోలేరమ్మ తల్లి ఆలయం:[మార్చు]

పొన్నూరులో అబ్దుల్ కలాం రహదారిలో, భారత్ గ్యాస్ గోడౌన్ సమీపంలోని ఈ ఆలయంలో, అమ్మవారి వార్షిక తిరునాళ్ళ సందర్భంగా, 2017,ఏప్రిల్-17వతేదీ సోమవారంనాడు, ప్రత్యేకపూజలు నిర్వహించారు. మహిళలు పెద్దసంఖ్యలో, సామూహిక కుంకుమార్చనలో పాల్గొన్నారు. అర్చకులు అమ్మవారికి సహస్రానామార్చనతో పూజలు చేసారు. 18వతేదీ మంగళవారం ఉదయం 11 గంటల నుండి, ఆలయ ప్రాంగణంలో శ్రీ లక్ష్మీ గణపతి సమేత శ్రీ పోలేరమ్మ తల్లి మహామంత్ర హోమం నిర్వహించెదరు. [11]

పట్టణ ప్రముఖులు[మార్చు]

రవాణా వివరాలు[మార్చు]

  1. పొన్నూరు పట్టణం తోపాటు మండలం కూడా మంచి రవాణా వ్యవస్థ కలిగిఉంది. పట్టణం గుంటూరు-బాపట్ల-చీరాల రాష్ట్ర రహదారిపై ఉండటం చేత దూర, సమీప ప్రాంతాలతో చక్కని సంధానం కలిగిఉంది. ఆంధ్ర ప్రదేశ్ రాష్ట్ర రోడ్డు రవాణా సంస్థ యొక్క డిపో పొన్నూరు పట్టణంలో ఉండటంచేత పొన్నూరు, చుట్టుపక్కల గ్రామాలకు మంచి రవాణా వ్యవస్థ ఏర్పడింది.
  2. పొన్నూరు నుండి బయటకు వెళ్ళు రహదారులు :- గుంటూరు(31 కి.మీ.), విజయవాడ(60 కి.మీ.) : పచ్చలతాడిపర్రు గుండా; పెదనందిపాడు (25 కి.మీ.) : కసుకర్రు గుండా; రేపల్లె (26 కి.మీ.), తెనాలి(28 కి.మీ.) : నిడుబ్రోలు గుండా; బాపట్ల(19 కి.మీ.), చీరాల (34 కి.మీ.): చింతలపూడి గుండా;
  3. చెన్నై-కోలకతా ప్రధాన రైలుమార్గం పట్టణం గుండా పోతుండడం వలన రైలు సౌకర్యం కూడా బాగా ఉంది.

మండల వివరాలు[మార్చు]

అత్యధిక భాగం గ్రామీణప్రాంతమైన ఈ మండలంలో పొన్నూరు పట్టణంలోని 25 వార్డులు కూడా కలిసిఉన్నాయి. మండలం మొత్తం జనాభాలో పట్టణప్రాంత జనాభా 87%. ఆర్థికవ్యవస్థ వ్యవసాయ ఆధారితము. పట్టణములోని ముఖ్య ప్రాంతములు : పాత పొన్నూరు, గాజులపాలెం, షరాఫ్ బజార్, బ్రాహ్మణ బజార్, తెలగపాలెం, భావనగర్ కాలనీ, విద్యానగర్, నేతాజీనగర్, శ్రీనగర్ కాలనీ,వెంకటేశ్వర నగర్, అంబేద్కర్ కాలనీ,ఐలాండ్ సెంటర్. పట్టణములో4 సినిమా థియేటర్లు ఉన్నాయి. అవి : సుబ్బరాయ, శ్రీనివాస,శ్రీ లక్ష్మి, P.V.S..

మండల గణాంకాలు[మార్చు]

విద్యా సదుపాయాలు[మార్చు]

సంస్కృత కళాశాల[మార్చు]

పొన్నూరులోని శ్రీ సుందరవల్లీ రాజ్యలక్ష్మీ సమేత శ్రీ సాక్షి భావనారాయణసవామివారై దేవస్థానం ఆవరణలో 1937లో వేద పాఠశాలను స్థాపించినారు. తరువాత ఆ పాఠశాలను సాంస్కృత కళాశాలగా మార్చి ఉచితంగా విద్యనందించినారు. ప్రస్తుతం ఈ కళాశాల మూసివేతకు నిర్ణయించినారు. [14]

పాములపాటి బుచ్చినాయుడు డిగ్రీ కాలేజి[మార్చు]

నిడుబ్రోలులో డిగ్రీ కాలేజిని 50 సంవత్సరముల క్రిందట పాములపాటి బుచ్చినాయుడు అనే వితరణ శీలి ఏర్పాటు చేశాడు. ఒక పంచాయతి గ్రామంలో డిగ్రీ కళాశాల ఏర్పాటు గావడం ఒక విశేషం.

జిల్లా పరిషత్తు ఉన్నత పాఠశాల, నిడుబ్రోలు.[మార్చు]

అలపాటి సుబ్బారాయుడు బాలికల ఉన్నత పాఠశాల[మార్చు]

ఈ పాఠశాల స్థానిక సాయినగర్ లో ఉంది.

కొలను లక్ష్మీకాంతారావు మండల పరిషత్తు ప్రాధమిక పాఠశాల[మార్చు]

ఈ పాఠశాల పాతపొన్నూరులో 24వ వార్దులో ఉంది.

మౌలిక సదుపాయాలు[మార్చు]

బ్యాంకులు[మార్చు]

ఆంధ్రాబ్యాంకు నిడుబ్రోలు శాఖ ఫోన్ నం. 08643/242194.

  • లోక్‌సభ నియోజకవర్గం: గుంటూరు
  • శాసనసభ నియోజకవర్గం: పొన్నూరు
  • రెవిన్యూ డివిజను: తెనాలి
  • పొన్నూరులో గత 10 సంవత్సరముల క్రితం 7 సినిమా హాల్లు వుండేవి. ఆసియా ఖండంలోనే అపరాలు ఎగుమతిలో ప్రథమ స్థానం. తెలుగుదేశం పార్టీకి కంచుకోట. మూర్తిమహల్, అన్సార్,వెంకట సీతారామ హాల్ లు మూతపడిసవి.
  • పొన్నూరు పట్టణంలో కీ.శే.ధూళిపాళ్ళ వీరయ్య చౌదరి ఇండోర్ క్రీడామైదానం నిర్మాణం జరుగుచున్నది.

విశేషాలు[మార్చు]

నిడుబ్రోలులో ప్రభుత్వ మత్స్య శాఖ ఆధ్వర్యంలో, చేపపిల్లల ఉత్పత్తి కేంద్రం ఉంది.

పొన్నూరు పట్టణంలోని విద్యానగర్ లో ఉంటున్న శ్రీ షేక్ మహబూబ్ సుబానీ, భారత వాయుసేనలో ఎయిర్ వైస్ మాస్టర్ గా విధులు నిర్వహించుచున్నారు. వీరు తను పనిచేయుచున్న రంగంలో విశిష్టసేవలందించినందుకు గాను, 2016,మే-7న ఢిల్లీలో భారత రాష్ట్రపతి శ్రీ ప్రణబ్ ముఖర్జీ గారి చేతులమీదుగా అతివిశిష్ట సేవా పురస్కారాన్ని అందుకున్నారు.[1]

పొన్నూరుకు చెందిన శ్రీ ధూళిపాళ్ళ రమేష్‌బాబు, రత్నశ్రీ దంపతుల కుమారుడు బాలచంద్రప్రసాద్, ఇటీవల స్పెయిన్‌దేశంలోని బార్సెలోనాలో నిర్వహించిన చదరంగం పోటీలలో, అంతర్జాతీయ మాస్టర్స్ టైటిల్‌ను గెల్చుకున్నాడు. [2]

మండలంలోని గ్రామాలు[మార్చు]

మూలాలు[మార్చు]

  1. ఈనాడు గుంటూరు సిటీ; 2016,మే-9; 2వపేజీ.
  2. ఈనాడు గుంటూరు సిటీ/పొన్నూరు; 2017,జులై-17; 2వపేజీ.

బయటి లింకులు[మార్చు]

[1] ఈనాడు గుంటూరు రూరల్/పొన్నూరు; 2014,మార్చి-6; 1వ పేజీ. [2] ఈనాడు గుంటూరు రూరల్/పొన్నూరు; 2014,సెప్టెంబరు-20; 2వపేజీ. [3] ఈనాడు గుంటూరు సిటీ; 2014,అక్టోబరు-8; 2వపేజీ. [4] ఈనాడు గుంటూరు రూరల్/పొన్నూరు; 2015,మార్చి-21; 2వపేజీ. [5] ఈనాడు గుంటూరు సిటీ; 2015,మే-23; 29వపేజీ. [6] ఈనాడు గుంటూరు సిటీ; 2015,ఆగస్టు-17; 30వపేజీ. [7] ఈనాడు గుంటూరు సిటీ; 2015,సెప్టెంబరు-9; 29వపేజీ. [8] ఈనాడు గుంటూరు సిటీ/పొన్నూరు; 2015,మే-4; 1వపేజీ. [9] ఈనాడు గుంటూరు సిటీ/పొన్నూరు; 2017,మార్చి-2; 1వపేజీ. [10] ఈనాడు గుంటూరు సిటీ/పొన్నూరు; 2017,ఏప్రిల్-10; 1వపేజీ. [11] ఈనాడు గుంటూరు సిటీ/పొన్నూరు; 2017,ఏప్రిల్-18; 2వపేజీ. [12] ఈనాడు గుంటూరు సిటీ/పొన్నూరు; 2017,ఏప్రిల్-24; 2వపేజీ. [13] ఈనాడు గుంటూరు సిటీ/పొన్నూరు; 2017,జూన్-7,8,9,10&11; 1వపేజీ. [14] ఈనాడు గుంటూరు సిటీ/పొన్నూరు; 2017,జూన్-16; 2వపేజీ. [15] ఈనాడు గుంటూరు సిటీ/పొన్నూరు; 2017,జులై-17; 2వపేజీ.

చిత్రమాలిక[మార్చు]



"https://te.wikipedia.org/w/index.php?title=పొన్నూరు&oldid=2225477" నుండి వెలికితీశారు