భారత దేశపు వాణిజ్య బ్యాంకులలోఆంధ్రా బ్యాంకు ఒకటి. ఈ బ్యాంకును 1923, నవంబరు 20న ప్రముఖ స్వాతంత్ర్య సమర యోధుదు, మేధావి, బహుముఖ ప్రజ్ఞాశాలి అయిన భోగరాజు పట్టాభి సీతారామయ్య మొట్టమొదట మచిలీపట్నంలో స్థాపించాడు. 1980లో ఈ బ్యాంకు జాతీయం చేయబదింది. 1981లోక్రెడిట్ కార్డు లను జారీ చేయుటం ద్వారా భారత దేశానికి క్రెడిట్ కార్దు వ్యవస్థను ఈ బ్యాంకు పరిచయం చేసింది. 2003 నాటికి నూరు శాతం కంప్యూటరీకరణ సాధించింది. 2007లో బయెమెట్రిక్ ఏటిఎంలను భారతదేశానికి పరిచయం చేసింది. సెప్టెంబర్2007 నాటికి ఈ బ్యాంకు 1,289 (Rural-396, Semi-urban-376, Urban-338, Metro-179) బ్రాంచీలతో 99 ఎక్స్‌టెంషన్ శాఖలతో, 37 సాటిలయిట్ ఆఫీసులతో,505 ఏటిఎంలతో, 22 రాష్ట్రాలలో, రెండు కేంద్ర పాలిత ప్రాంతాలలో విస్తరించి వుంది. పెట్టుబడులను రాబట్టటంలో ఈ బ్యాంకు ఆసియాలోనే ప్రథమ స్థానంలో ఉంది. భారతదేశం మొత్తంలో ఈ బ్యాంకుకు 1,30,000 షేర్‌హోల్డర్స్, 13.72 మిలియన్ల ఖాతాదారులు ఉన్నారు. ప్రారంభం నుండి నేటి వరకు మొత్తం ఋణాలలోకనీసం 50 శాతానికి తగ్గకుండా ఋణాలను గ్రామీణ భారతానికే అందిస్తున్నబ్యాంక్ ఇది. దేశంలో బ్యాంకుల జాతీయీకరణం చేసిన తర్వాత క్రమబద్దంగా నడుస్తున్న జాతీయ బ్యాంకులలో ఇది ప్రధానమైనది. ఆంధ్రుల అభిమాన బ్యాంక్ ఆంధ్రాబ్యాంక్.
హైదరాబాదు, భారతదేశం
