చింతకుంట విజయరమణారావు
| చింతకుంట విజయరమణారావు | |||
| పదవీ కాలం 2023 డిసెంబర్ 3 – ప్రస్తుతం | |||
| ముందు | దాసరి మనోహర్ రెడ్డి | ||
|---|---|---|---|
| పదవీ కాలం 2009 – 2014 | |||
| ముందు | గీట్ల ముకుందారెడ్డి | ||
| తరువాత | దాసరి మనోహర్ రెడ్డి | ||
| నియోజకవర్గం | పెద్దపల్లి | ||
వ్యక్తిగత వివరాలు
|
|||
| జననం | 1966 శివపల్లి, ఎలిగేడు మండలం, పెద్దపల్లి జిల్లా, తెలంగాణ రాష్ట్రం | ||
| జాతీయత |  భారతదేశం
| ||
| రాజకీయ పార్టీ |  కాంగ్రెస్ పార్టీ
| ||
| ఇతర రాజకీయ పార్టీలు |  తెలుగుదేశం పార్టీ
| ||
| తల్లిదండ్రులు | గోవింద రావు | ||
| జీవిత భాగస్వామి | పావని | ||
| సంతానం | గోపికృష్ణ & వైష్ణవి | ||
| నివాసం | shivapalli, | ||
| వృత్తి | రాజకీయ నాయకుడు | ||
చింతకుంట విజయరమణారావు తెలంగాణ రాష్ట్రానికి చెందిన రాజకీయ నాయకుడు. ఆయన 2009లో పెద్దపల్లి నియోజకవర్గం శాసనసభ్యుడిగా ప్రాతినిధ్యం వహించాడు.[1][2]
రాజకీయ జీవితం
[మార్చు]చింతకుంట విజయరమణారావు తెలుగుదేశం పార్టీ ద్వారా రాజకీయాల్లోకి వచ్చి పార్టీలో వివిధ హోదాల్లో పనిచేశాడు. అతను తెలుగుదేశం పార్టీ జూలపల్లి మండల పరిషత్ అధ్యక్షుడిగా పనిచేసి,1995లో జరిగిన స్థానిక సంస్థల ఎన్నికల్లో టీడీపీ తరపున జూలపల్లి జడ్పీటీసీ సభ్యుడుగా గెలిచాడు. విజయరమణారావు 2009లో జరిగిన అసెంబ్లీ ఎన్నికల్లో పెద్దపల్లి నియోజకవర్గం నుండి టీడీపీ అభ్యర్థిగా పోటీ చేసి తన సమీప ప్రత్యర్థి కాంగ్రెస్ అభ్యర్థి గీట్ల ముకుందారెడ్డి పై పై 23482వేల ఓట్ల మెజార్టీతో గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు.
చింతకుంట విజయరమణారావు తెలంగాణ ప్రత్యేక రాష్ట్రం ఏర్పడిన తర్వాత 2014లో తెలంగాణ శాసనసభకు జరిగిన ఎన్నికల్లో టీడీపీ తరపున పోటీ చేసి ఓడిపోయాడు. అతను 2010 నుండి 2016 వరకు కరీంనగర్ తెలుగుదేశం పార్టీ అధ్యక్షుడిగా, 2016 నుండి 2017 వరకు పెద్దపల్లి జిల్లా తెలుగుదేశం పార్టీ అధ్యక్షుడిగా పనిచేసి, 2017లో టీడీపీ పార్టీని వీడి కాంగ్రెస్ పార్టీలో చేరి 2018లో కాంగ్రెస్ తరపున పెద్దపల్లి నియోజకవర్గం నుండి పోటీ చేసి ఓడిపోయి ఆ తరువాత పెద్దపల్లి నియోజకవర్గం కాంగ్రెస్ పార్టీ ఇన్చార్జ్గా పని చేసి, 2023 శాసనసభ ఎన్నికల్లో పోటీ చేసి తన సమీప ప్రత్యర్థి బీఆర్ఎస్ అభ్యర్థి దాసరి మనోహర్రెడ్డిపై 55,108 ఓట్ల మెజారిటీతో గెలిచాడు.[3]
ఆయనను ప్రభుత్వ విప్గా నియమిస్తూ రాష్ట్ర ప్రభుత్వం 2026 మార్చి 19న ఉత్తర్వులు జారీ చేసింది.[4][5][6]
మూలాలు
[మార్చు]- ↑ Sakshi (8 November 2018). "పెద్దపల్లి పెద్దన్నలు". Archived from the original on 14 April 2022. Retrieved 14 April 2022.
- ↑ Sakshi (14 November 2018). "పాత ప్రత్యర్థుల..కొత్త పోరు." Archived from the original on 14 April 2022. Retrieved 14 April 2022.
- ↑ Andhrajyothy (4 December 2023). "పెద్దపల్లి పార్లమెంట్లో కాంగ్రెస్ క్లీన్ స్వీప్". Archived from the original on 4 December 2023. Retrieved 4 December 2023.
- ↑ "ఐదుగురు విప్ల నియామకం". V6 Velugu. 20 March 2026. Archived from the original on 26 March 2026. Retrieved 26 March 2026.
- ↑ "ఇద్దరు ఎమ్మెల్సీలు విప్లుగా నియామకం". Eenadu. 19 March 2026. Archived from the original on 26 March 2026. Retrieved 26 March 2026.
- ↑ "మండలి విప్లుగా అద్దంకి, బల్మూరి". Andhrajyothy. 20 March 2026. Archived from the original on 26 March 2026. Retrieved 26 March 2026.