జస్పాల్ రాణా
,_Shooter,_in_2007_(cropped).jpg)
జస్పాల్ రాణా (1976 జూన్ 28 - జూన్ 12, 2026) భారతదేశానికి చెందిన ప్రముఖ షూటింగ్ క్రీడాకారుడు. ఇతడు ముఖ్యంగా 25 మీటర్ల సెంటర్ ఫైర్ పిస్టల్ విభాగంలో ప్రసిద్ధుడు. 1994 ఆసియా క్రీడలలో, 2006 కామన్వెల్త్ క్రీడలలో, 2006 ఆసియా క్రీడలలో షూటింగ్లో స్వర్ణపతకాలను సాధించాడు. డెహ్రాడూన్ లో జస్పాల్ రాణా ఇన్స్టిట్యూట్ ఆఫ్ ఎడ్యుకేషన్ ఆఫ్ టెక్నాలజీలో శిక్షకుడిగా వ్యవహరించాడు. పారిస్ ఒలంపిక్స్ లో రెండు కాంస్య పతకాలు సాధించిన మను భాకర్ కు ఈయన శిక్షకుడిగా వ్యవహరించాడు. ఈయన జూన్ 12, 2026 లో అనారోగ్య కారణంగా మరణించాడు.[1]
క్రీడాజీవితం
[మార్చు]జస్పాల్ రాణా ముఖ్యంగా సెంటర్ పిస్టల్ విభాగంలో ప్రధాన విజయాలను సాధించిననూ ఎయిర్ పిస్టల్, స్టాండర్డ్ పిస్టల్, ఫ్రీ పిస్టల్, ర్యాపిడ్ ఫైర్ పిస్టల్ వుభాగాలలోనే రాణించాడు. అన్ని విభాగాలను కలిపి రాణా 600కు పైగా జాతీయ, అంతర్జాతీయ పతకాలను సాధించాడు.
1994లో జపాన్ లోని హీరోషిమాలో జరిగిన ఆసియా క్రీడలలో రాణా స్వర్ణపతకాన్ని ఎగరేసుకొచ్చాడు. 2006 కామన్వెల్త్ క్రీడలలో సమరేశ్ జంగ్ తో కలిసి 25 మీటర్ల సెంటర్ ఫైర్ పిస్టల్ (పెయిర్స్) విభాగంలో స్వర్ణపతకాన్ని సాధించగా, అదే ఏడాది దోహలో జరిగిన ఆసియా క్రీడలలో 25 మీటర్ల సెంటర్ ఫైర్ పిస్టల్ విభాగంలో 590 పాయింట్లను నమోదుచేసి బంగారు పతకాన్ని సాధించడమే కాకుండా ప్రపంచ రికార్డును కూడా సమం చేశాడు. 1995లో కోయంబత్తూరులోనూ, 1997లో బెంగుళూరు జాతీయ క్రీడలలోనూ అతడు ఇదే స్కోరును సాధించాడు. 2006 ఆసియా క్రీడలలో 25 మీటర్ల సెంటర్ ఫైర్ పిస్టల్ విభాగంలో మళ్ళీ స్వర్ణాన్ని సాధించాడు.
అవార్డులు, గుర్తింపులు
[మార్చు],_Shooting,_at_a_function,_in_New_Delhi_on_August_09,_2007.jpg)
- 1994లో జస్పాల్ రాణా సాధించిన విజయాలకు గుర్తింపుగా భారత ప్రభుత్వం రెండో అత్యున్నత క్రీడా అవార్డు అయిన అర్జున అవార్డు ఇచ్చి సత్కరించింది.
రాజకీయాలు
[మార్చు]2006 ఆసియా క్రీడల అనంతరం జస్పాల్ రాణా రాజకీయాలలో చేరి భారతీయ జనతా పార్టీ సభ్యుడయ్యాడు. 2009 లోక్సభ ఎన్నికల్లో తెహ్రీ నియోజకవర్గం నుంచి ఎంపీగా పోటీ చేసి కాంగ్రెస్ పార్టీకి చెందిన విజయ్ బహుగుణ చేతిలో ఓడిపోయాడు. 2012లో ఉత్తరాఖండ్ అసెంబ్లీ ఎన్నికల్లో బిజెపి టికెట్ నిరాకరించడంతో ఆ పార్టీకి రాజీనామా చేసి కాంగ్రెస్ లో చేరాడు. 2012 లో కాంగ్రెస్ పార్టీకి స్టార్ క్యాంపెయినర్ గా వ్యవహరించాడు. తర్వాత ఏర్పడ్డ హరీష్ రావత్ ప్రభుత్వంలో ఒక చిన్న పదవి కూడా దక్కింది.[2] 2017 ఎన్నికల్లో కూడా పార్టీ తరఫున ప్రచారం నిర్వహించాడు.[3]
మరణం
[మార్చు]భారత షూటర్ కోచ్ జస్పాల్ రాణా తేది: 12 జూన్ 2026 రోజున గుండె పోటుతో న్యూ ఢిల్లీలో ఒక ప్రయివేటు ఆసుపత్రిలో చికిత్స పొందుతూ తుదిశ్వాస విడిచారు[4][5].
మూలాలు
[మార్చు]- ↑ "Coach Jaspal Rana: మనుబాకర్ కోచ్ జస్పాల్ రాణా కన్నుమూత". EENADU. ఒరిజినల్ పేజీని చూసిన తేదీ: 2026-06-12.
- ↑ "Jaspal Rana quits BJP, joins Congress". The Hindu (in Indian English). 2012-01-10. ISSN 0971-751X. ఒరిజినల్ పేజీని చూసిన తేదీ: 2024-12-24.
- ↑ "Son Jaspal Rana to campaign for Congress as dad gets BJP ticket". The Times of India. 2017-01-18. ISSN 0971-8257. ఒరిజినల్ పేజీని చూసిన తేదీ: 2024-12-24.
- ↑ "జస్పాల్ రాణా మృతి వెనుక అసలు కారణమిదే! | Reasons-Here What Led To Former India Shooter Jaspal Ranas Death | Sakshi". www.sakshi.com. ఒరిజినల్ పేజీని చూసిన తేదీ: 2026-06-13.
- ↑ "Jaspal Rana: కూలిన షూటింగ్ శిఖరం". EENADU. ఒరిజినల్ పేజీని చూసిన తేదీ: 2026-06-13.