తాళి (సినిమా)
| తాళి (1997 తెలుగు సినిమా) | |
.jpg) | |
|---|---|
| దర్శకత్వం | ఇ.వి.వి.సత్యనారాయణ |
| తారాగణం | శ్రీకాంత్, రాజేంద్రప్రసాద్ |
| సంగీతం | విద్యాసాగర్ |
| నిర్మాణ సంస్థ | ఎం.ఆర్.సి.మూవీ క్రియెషన్స్ |
| భాష | తెలుగు |
తాళి 1997లో వచ్చిన సినిమా. దీనిని మాగంటి వెంకటేశ్వర రావు MRC మూవీ క్రియేషన్స్ నిర్మాణ సంస్థ [1] క్రింద నిర్మించాడు. ఇ.వి.వి.సత్యనారాయణ దర్శకత్వం వహించాడు.[2] ఇందులో శ్రీకాంత్, శ్వేత, స్నేహ, స్వాతి ప్రధాన పాత్రల్లో నటించారు. విద్యాసాగర్ సంగీతం సమకూర్చాడు.[3] ఈ చిత్రం బాక్సాఫీస్ వద్ద హిట్గా నమోదైంది.[4]
కథ
[మార్చు]బోసు బాబు (శ్రీకాంత్) పై ఒక గ్రామంలోని ధనవంతుడు. అతని ప్రత్యర్థి నిప్పుల అప్పారావు (కోట శ్రీనివాసరావు) కు ఇతడు కొరకరాని కొయ్య. కాబట్టి, అతని అడ్డు తొలగించుకోవటానికి, నిప్పుల అప్పారావు తన కుమార్తె స్వాతి (స్వాతి) కి బోసు బాబుతో పెళ్ళి చేయాలని అనుకుంటాడు. ఆ సమయంలో, బోస్ బాబుకు అతడి తండ్రి సన్నిహితుడు రామరాజు (మురళి మోహన్) కుమార్తె స్నేహ (స్నేహ) తో సంబంధం కుదిరిపోయిందని అతనికి తెలుసు. బోస్ బాబు రహస్యంగా రామరాజు ఇంటికి వెళ్లి, అక్కడున్న అతడి పెంపుడు కుమార్తె గంగ (శ్వేత) ను తనకు కాబోయే భార్య అని తప్పుగా అర్థం చేసుకుంటాడు.. తన వివాహం గురించి తెలుసుకున్న స్నేహ దాన్ని తిరస్కరిస్తుంది. కోపంగా ఉన్న రామరాజు ఆమెకు బోస్ బాబుతో బలవంతంగా పెళ్ళి చేస్తాడు. ఆ తరువాత, స్నేహ తాళిని తీసివేసి పారిపోతుంది. అది చూసి రామరాజు కుపకూలిపోతాడు. దానిని గుర్తించి, అతడి నమ్మకమైన సేవకుడు రాము (రాజేంద్ర ప్రసాద్) గంగకు ఆ తాళి ఇచ్చి, ఆమెను బోస్ బాబు నివాసంలో దించుతాడు. కోలుకున్న వెంటనే రాము, స్నేహ అత్తగారింట్లో సురక్షితంగా ఉందని రామరాజును మభ్యపెడతాడు
ఇంతలో, శివాజీ మోసగాడని స్నేహ తెలుసుకుంటుంది. అదే సమయంలో, గ్రామంలో, బోస్ బాబు గంగకు సన్నిహితం కావడానికి ప్రయత్నిస్తాడు, కానీ ఆమె అతన్ని పట్టించుకోదు. అకస్మాత్తుగా, ఒక రోజు, రామరాజు గ్రామానికి చేరుకుని, నిజం తెలుసుకుంటాడు. గంగను బోసుకు అధికారిక భార్యగా ప్రకటిస్తాడు. ఆ తరువాత, బోస్ బాబు & గంగా వారి కొత్త జీవితాన్ని ప్రారంభిస్తారు. ఆమె గర్భవతి అవుతుంది. బోస్ బాబు స్నేహతో కలిసి వచ్చి ఆమెను తన భార్యగా చెబుతాడు. అక్కడి నుండి కథ మలుపులు తిరిగి క్లైమాక్సుకు చేరుతుంది.
తారాగణం
[మార్చు]- బోస్ బాబుగా శ్రీకాంత్
- గంగా పాత్రలో శ్వేత
- స్నేహగా స్నేహ
- స్వాతిగా స్వాతి
- రాముగా రాజేంద్ర ప్రసాద్
- రామరాజుగా మురళి మోహన్
- శివాజీగా శ్రీహరి
- కోట శ్రీనివాసరావు కోటగా నటించారు
- సూర్యారావుగా బ్రహ్మానందం
- మల్లికార్జున రావు
- సీతారత్నంగా శ్రీవిద్య
- ఫర్హీన్
సాంకేతిక వర్గం
[మార్చు]- కళ: కె.వి.రమణ
- పోరాటాలు: విజయ్
- నృత్యాలు: తరుణ్ కుమార్, డికెఎస్ బాబు, దిలీప్
- సంభాషణలు: పోసాని కృష్ణ మురళి
- సాహిత్యం: సిరివెన్నెల సీతారామ శాస్త్రి, సామవేదం షణ్ముఖ శర్మ
- నేపథ్య గానం: ఎస్పీ బాలసుబ్రహ్మణ్యం, చిత్ర, మనో, హరిహరన్, గంగాధర్, సుజాత, స్వర్ణలత
- సంగీతం: విద్యాసాగర్
- కూర్పు: కె. రవీంద్ర బాబు
- ఛాయాగ్రహణం: అడుసుమిల్లి విజయ్ కుమార్
- పబ్లిసిటీ డిజైనర్: సుజీత్
- ప్రెజెంటర్: ముళ్ళపూడి బ్రహ్మానందం
- సహ నిర్మాతలు: ఈవీవీ గిరి, శ్రీనివాస్
- నిర్మాత: మాగంటి వెంకటేశ్వరరావు
- కథ - చిత్రానువాదం - దర్శకుడు: ఈవీవీ సత్యనారాయణ
- బ్యానర్: MRC మూవీ క్రియేషన్స్
- విడుదల తేదీ: 1997 జనవరి 24
పాటలు
[మార్చు]| సం. | పాట | పాట రచయిత | గాయనీ గాయకులు | పాట నిడివి |
|---|---|---|---|---|
| 1. | "ఏమైందో ఏమోనమ్మా" | సిరివెన్నెల సీతారామశాస్త్రి | చిత్ర, హరిహరన్ | 5:20 |
| 2. | "పాపా నిన్నే పట్టుకోనా" | సామవేదం షణ్ముఖ శర్మ | ఎస్.పి. బాలసుబ్రహ్మణ్యం, చిత్ర | 5:02 |
| 3. | "ఉల్లె ఉలేలే" | సామవేదం షణ్ముఖ శర్మ | ఎస్.పి. బాలసుబ్రహ్మణ్యం, చిత్ర | 4:50 |
| 4. | "గుప్పు గుప్పు గుప్పుమంది" | సిరివెన్నెల సీతారామశాస్త్రి | మనో, స్వర్ణలత | 4:40 |
| 5. | "ముద్దుగుమ్మలిద్దరూ" | సిరివెన్నెల సీతారామశాస్త్రి | గంగాధర్, సుజాత | 4:10 |
| 6. | "గుంతలకడి గుమ్మాడి" | సిరివెన్నెల సీతారామశాస్త్రి | ఎస్.పి. బాలసుబ్రహ్మణ్యం, స్వర్ణలత | 5:12 |
| 7. | "ఓసోసి కన్నె శశి" | సామవేదం షణ్ముఖ శర్మ | ఎస్.పి. బాలసుబ్రహ్మణ్యం, చిత్ర | 4:40 |
| మొత్తం నిడివి: | 33:54 | |||
మూలాలు
[మార్చు]- ↑ "Thaali (Banner)". Chitr.com. Archived from the original on 2021-02-28. Retrieved 2020-08-30.
- ↑ "Thaali (Direction)". Spicy Onion. Archived from the original on 2021-03-03. Retrieved 2020-08-30.
- ↑ "Thaali (Cast & Crew)". gomolo.com. Archived from the original on 2021-03-07. Retrieved 2020-08-30.
- ↑ "Thaali (Review)". Know Your Films. Archived from the original on 2018-10-26. Retrieved 2020-08-30.