నీతూ సింగ్
నీతూ కపూర్ | |
|---|---|
 2012లో నీతూ కపూర్ | |
| జననం | హర్నీత్ కౌర్ 1958 జూలై 8 |
| జాతీయత | భారతీయురాలు |
| ఇతర పేర్లు | నీతూ సింగ్ |
| వృత్తి | నటి |
| క్రియాశీల సంవత్సరాలు |
|
| జీవిత భాగస్వామి | |
| పిల్లలు |
|
| బంధువులు | కపూర్ కుటుంబం |
నీతూ కపూర్ (జననం హర్నీత్ కౌర్; 1958 జూలై 8)[1], 1960ల చివరి నుండి 1980ల ప్రారంభం వరకు హిందీ చిత్రాలలో పలు పాత్రలు పోషించి ప్రసిద్ధి చెందిన ఒక భారతీయ నటి. 2012లో, ఆమె ముంబైలోని బాంద్రా బ్యాండ్‌స్టాండ్‌లోని వాక్ ఆఫ్ ది స్టార్స్ (Walk of the Stars) అనే ఎంటర్‌టైన్‌మెంట్ హాల్ ఆఫ్ ఫేమ్‌లోకి ప్రవేశించింది.[2]
ఆమె స్వాష్‌బక్లర్ చిత్రం సూరజ్ (1966)తో అరంగేట్రం చేసింది. ఆ తర్వాత రొమాంటిక్ కామెడీ దో కలియాన్ (1968)లో ద్విపాత్రాభినయం చేసింది. ఆమె విజిలెంట్ చిత్రం రిక్షావాలా (1973)తో పరిణతి చెందిన పాత్రలకు చిరునామాగా మారింది. నాసిర్ హుస్సేన్ మసాలా చిత్రం యాదోన్ కి బారాత్ (1973)తో ఆమె డ్యాన్సర్‌గా చేసింది. క్రైమ్ డ్రామా చిత్రం దీవార్ (1975), థ్రిల్లర్ చిత్రం ఖేల్ ఖేల్ మే (1975), సంగీత చిత్రం కభీ కభీ (1976), మసాలా చిత్రం అమర్ అక్బర్ ఆంథోనీ (1977), ఫాంటసీ చిత్రం ధరమ్ వీర్‌(1977), క్రైమ్ డ్రామా చిత్రం పర్వారిష్ (1977), భయానక చిత్రం జానీ దుష్మన్ (1979), విపత్తు చిత్రం కాలా పత్తర్ (1979)లలో ఆమె పాత్రలతో ప్రాముఖ్యతను సంతరించుకుంది. ఇక, సంగీత చిత్రం యారానా (1981)లో ఆమె నటన ప్రశంసించబడింది. కాలా పత్తర్ కోసం, ఆమె ఉత్తమ సహాయ నటిగా ఫిల్మ్‌ఫేర్ అవార్డుకు నామినేట్ చేయబడింది.[3]
1980లో, ఆమె నటుడు రిషి కపూర్‌ను వివాహం చేసుకుంది, ఆమెకు నటుడు రణబీర్ కపూర్‌తో సహా ఇద్దరు పిల్లలు ఉన్నారు. థ్రిల్లర్ చిత్రం గంగా మేరి మా (1983)లో కనిపించిన తర్వాత ఆమె కొంత విరామం తీసుకుంది. దాదాపు మూడు దశాబ్దాల తర్వాత, లవ్ ఆజ్ కల్ (2009)లో చిన్న పాత్రతో ఆమె తన నటనను పునరాగమనం చేసింది. అప్పటి నుండి ఆమె హాస్య చిత్రం దో దూనీ చార్ (2010)కి నాయకత్వం వహించింది, ఇది ఆమెకు జీ సినీ అవార్డు తెచ్చిపెట్టింది, యాక్షన్ చిత్రం బేషరమ్ (2013), రొమాంటిక్ డ్రామా జబ్ తక్ హై జాన్ (2012)లలో అతిథి పాత్రలో నటించింది. ఆమె జగ్జగ్ జీయో (2022) చిత్రంలో నటించింది. దీంతో, ఆమె ఉత్తమ సహాయ నటిగా ఫిల్మ్‌ఫేర్ అవార్డుకు మరో నామినేషన్‌ను సంపాదించింది.
2022లో ఆమె డ్యాన్స్ దీవానే జూనియర్స్ అనే సీరీస్ తో జడ్జిగా టెటివిజన్ రంగంలో అడుగుపెట్టింది.[4]
ప్రారంభ జీవితం[మార్చు]
ఆమె 1958 జూలై 8న న్యూఢిల్లీలో పంజాబీ జట్ సిక్కు తల్లిదండ్రులు దర్శన్ సింగ్, రాజీ కౌర్ సింగ్‌లకు హర్నీత్ కౌర్‌గా జన్మించింది.[5] తన తండ్రి మరణం తర్వాత చైల్డ్ ఆర్టిస్ట్‌గా నటించడం ప్రారంభించింది.[6][7]
వ్యక్తిగత జీవితం[మార్చు]
కభీ కభీ సినిమా నిర్మాణ సమయంలో, ఆమె నటుడు రిషి కపూర్ ఆఫ్ స్క్రీన్‌లో ప్రేమలో పడ్డారు. ఈ జంట 1980 జనవరి 22న వివాహం చేసుకున్నారు. ఈ జంటకు ఇద్దరు పిల్లలు రిద్ధిమా కపూర్ సాహ్ని, రణబీర్ కపూర్. ఫ్యాషన్ డిజైనర్ గా స్థిరపడ్డ రిద్ధిమా 2006 జనవరి 25న ఢిల్లీకి చెందిన పారిశ్రామికవేత్త భరత్ సాహ్నిని వివాహం చేసుకుంది. వారికి, సమర సాహ్ని అనే కుమార్తె ఉంది. ఇక, రణబీర్ 2022 ఏప్రిల్ 14న నటి ఆలియా భట్ని వివాహం చేసుకున్నాడు, వారికి రాహా కపూర్ అనే కుమార్తె ఉంది.
న్యూయార్క్ నగరంలో లుకేమియాతో బాధపడ్డ రిషి కపూర్ 2020 ఏప్రిల్ 30న మరణించాడు.[8] డిసెంబరు 2020లో చండీగఢ్‌లో జగ్ జగ్ జీయో చిత్రీకరణ సమయంలో, కోవిడ్-19కి ఆమె గురయ్యింది.[9] అయినప్పటికీ, ఆమె ఒంటరిగా ఉండి కొంత కాలం తర్వాత కోలుకుని జనవరి 2021లో సినిమా సెట్స్‌కి తిరిగి వచ్చింది.
పురస్కారాలు[మార్చు]
| సంవత్పరం | పురస్కారం | కేటగిరి | సినిమా | ఫలితం | మూలాలు |
|---|---|---|---|---|---|
| 1980 | ఫిల్మ్‌ఫేర్ అవార్డులు | ఉత్తమ సహాయ నటి | కాలా పత్తర్ | నామినేట్ చేయబడింది | [10] |
| 2011 | స్క్రీన్ అవార్డులు | ఉత్తమ నటి | దూ దూని ఛార్ | నామినేట్ చేయబడింది | [11] |
| స్టార్‌డస్ట్ అవార్డులు | ఉత్తమ నటి | విజేత | [12] | ||
| జీ సినీ అవార్డులు | ఉత్తమ జీవితకాల జోడి (రిషి కపూర్‌తో) | విజేత | [13] | ||
| 2023 | ఫిల్మ్‌ఫేర్ అవార్డులు | ఉత్తమ సహాయ నటి | జగ్జగ్ జీయో | నామినేట్ చేయబడింది | [14] |
మూలాలు[మార్చు]
- ↑ Farook, Farhana (8 July 2018). "Diving deep into the stardom of the spice girl Neetu Singh". Filmfare.
- ↑ Raheja, Dinesh (9 April 2003). "The unforgettable Neetu Singh". Rediff.com. Retrieved 25 July 2016.
- ↑ "Check out the complete list of Filmfare Awards Winners from 1953 to 2020". Filmfare. Retrieved 14 September 2020.
- ↑ "Here's what Neetu Kapoor thinks about venturing into TV space as a judge in Dance Deewane Juniors". Pinkvilla. 10 April 2022. Archived from the original on 8 July 2022. Retrieved 10 May 2022.
- ↑ "Diving deep into the stardom of the spice girl Neetu Singh". filmfare.com (in ఇంగ్లీష్). Retrieved 2024-02-06.
- ↑ "Neetu Singh on how she coped up after Rishi Kapoor's death: 'I started socialising, worked on movies'". PINKVILLA (in ఇంగ్లీష్). 2022-04-08. Archived from the original on 8 April 2022. Retrieved 2023-01-12.
- ↑ Service, Tribune News. "Neetu Kapoor's answer to trolls who wished her 'cry and suffer as Rishi Kapoor's widow'". Tribuneindia News Service (in ఇంగ్లీష్). Retrieved 2023-01-12.
- ↑
- ↑ "Neetu Kapoor confirms she has tested positive for Covid-19, says she is 'feeling better' now". Hindustan Times (in ఇంగ్లీష్). 10 December 2020. Retrieved 24 January 2021.
- ↑ "Check out the complete list of Filmfare Awards Winners from 1953 to 2020". Filmfare. Retrieved 14 September 2020.
- ↑ "Nominations for 17th Annual Star Screen Awards 2011". Bollywood Hungama. 3 January 2011. Archived from the original on 4 February 2018. Retrieved 4 February 2018.
- ↑ "Stardust Awards Winner 2011". Stardust. 9 February 2011. Archived from the original on 12 February 2011. Retrieved 4 February 2018.
- ↑ "Hrithik, SRK top Zee Cine Awards". Hindustan Times (in ఇంగ్లీష్). 15 January 2011. Retrieved 24 November 2019.
- ↑ "Nominations list for the 68th Filmfare Awards 2023". filmfare.com (in ఇంగ్లీష్). Retrieved 28 December 2022.