పరిటాల

వికీపీడియా నుండి
Jump to navigation Jump to search
పరిటాల
—  రెవిన్యూ గ్రామం  —
రాష్ట్రం ఆంధ్రప్రదేశ్
జిల్లా కృష్ణా
మండలం కంచికచర్ల
ప్రభుత్వము
 - సర్పంచి శ్రీమతి తంగిరాల పద్మావతి
జనాభా (2011)
 - మొత్తం 9,726
 - పురుషులు 4,862
 - స్త్రీలు 4,864
 - గృహాల సంఖ్య 2,703
పిన్ కోడ్ 521180
ఎస్.టి.డి కోడ్ 08678.


పరిటాల కృష్ణా జిల్లా, కంచికచర్ల మండలం లోని గ్రామం. ఇది మండల కేంద్రమైన కంచికచర్ల నుండి 3 కి. మీ. దూరం లోను, సమీప పట్టణమైన విజయవాడ నుండి 32 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 2703 ఇళ్లతో, 9726 జనాభాతో 1998 హెక్టార్లలో విస్తరించి ఉంది. గ్రామంలో మగవారి సంఖ్య 4862, ఆడవారి సంఖ్య 4864. షెడ్యూల్డ్ కులాల సంఖ్య 1270 కాగా షెడ్యూల్డ్ తెగల సంఖ్య 257. గ్రామం యొక్క జనగణన లొకేషన్ కోడ్ 589166[1].పిన్ కోడ్: 521180, ఎస్.టి.డి.కోడ్ = 08678.

విషయ సూచిక

గ్రామ చరిత్ర[మార్చు]

గ్రామం సమీపంలోని వజ్రాల గనిలో ప్రపంచ ప్రఖ్యాతి చెందిన వజ్రాలైన కోహినూర్, గోల్కొండ, పిట్, ఆర్లాఫ్, నిజాం మొదలైన పేర్లుగలిగిన వజ్రాలు ఇక్కడే దొరికాయి. వీటి విలువ, ఆకర్షణ కారణంగా ఇవన్నీ సుప్రఖ్యాతమైనాయి.[2]

  • ప్రపంచ ప్రఖ్యాతి చెందిన వజ్రపు గనులకు నెలవు పరిటాల. కోహినూర్ వజ్రము, పిట్ వజ్రము, నిజాం వజ్రము, గోల్కొండ వజ్రము మున్నగు ప్రసిద్ధ వజ్రాలు ఇక్కడ దొరికాయి[3].
  • వజ్రాల గనులున్న ఈ ప్రాంతాన్ని భూగర్భ శాస్త్రజ్ఞులు కొల్లూరు-పరిటాల ప్రాంతము అంటారు[4].
  • నిజాము పాలనకు ఎదురొడ్డి వీరోచితముగా పోరాడి, హైదరాబాదు సంస్థానము విముక్తి చేయబడక ముందే పరిటాల రాజ్యమును (Paritala Republic) సాధించుకున్నారు ఈ గ్రామవాసులు[5][6].
పరిటాల వీర అభయ ఆంజనేయస్వామి విగ్రహం

సమీప గ్రామాలు[మార్చు]

[7]

  1. ఈ గ్రామానికి సమీపంలో కాచవరం, గొట్టుముక్కల, చేవిటికల్లు, దాములూరు, గనియతుకూరు గ్రామాలు ఉన్నాయి.
  2. పరిటాలకు 50 కీలోమీటర్లు దూరంలో పెనుగ్రంచి ప్రోలు అనే గ్రామము ఉంది.ఈ గ్రామం తర్వాత నందిగామ, కంచికచర్ల, కంచల మొదలైన గ్రామాలు వస్తాయి.

సమీప మండలాలు[మార్చు]

ఇబ్రహీంపట్నం, అమరావతి, తుళ్ళూరు, జి.కొండూరు

సమాచార, రవాణా సౌకర్యాలు[మార్చు]

పరిటాలలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. కంచికచెర్ల, ఇబ్రహీంపట్నం నుండి రోద్దురవాణా సౌకర్యం ఉంది. రైల్వేస్టేషన్ విజయవాడ 28 కి.మీ దూరంలో ఉంది.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు ఐదు, ప్రైవేటు ప్రాథమిక పాఠశాల ఒకటి , ప్రభుత్వ ప్రాథమికోన్నత పాఠశాల ఒకటి , ప్రైవేటు ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి, ప్రైవేటు మాధ్యమిక పాఠశాల ఒకటి ఉన్నాయి. ఒక ప్రైవేటు ఇంజనీరింగ్ కళాశాల ఉంది.గ్రామంలో ఒక ప్రైవేటు మేనేజిమెంటు కళాశాల ఉంది. సమీప బాలబడి కంచికచర్లలో ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల కంచికచర్లలోను, ఉన్నాయి. సమీప వైద్య కళాశాల విజయవాడలోను, పాలీటెక్నిక్ నందిగామలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం నందిగామలోను, దివ్యాంగుల ప్రత్యేక పాఠశాల విజయవాడ లోనూ ఉన్నాయి.

అమృతసాయి ఇంజనీరింగ్ కళాశాల[మార్చు]

జిల్లా పరిషత్తు ఉన్నత పాఠశాల[మార్చు]

పరిటాల గ్రామానికి చెందిన మాచవరపు నాగరాజు అను విద్యార్థి, స్థానిక పరిటాల జిల్లా పరిషత్తు ఉన్నత పాఠశాలలో ఏడవ తరగతి వరకు చదివినాడు. 8వ తరగతి నుండి ఇంటరు వరకు, ఖమ్మం జిల్లా లోని కొత్తగూడెంలో విద్యనభ్యసించినాదు. ఇటీవల తెలంగాణా విద్యాశాఖవారు విడుదలచేసిన ఇంటరుమీడియేట్ ఫలితాలలో ఇతడు, వేయి మార్కులకు గాను, 991 మార్కులు సంపాదించి ఆంధ్రప్రదేశ్ రాష్ట్ర ముఖ్యమంత్రి శ్రీ చంద్రబాబునాయుడుగారి ప్రశంసలనందుకున్నాడు. [2]

గ్రామ పంచాయతీ[మార్చు]

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి తంగిరాల పద్మావతి సర్పంచిగా ఎన్నికైనారు. [9]

గ్రామములోని దర్శనీయ ప్రదేశములు/దేవాలయాలు[మార్చు]

శివాలయం[మార్చు]

  1. పరిటాల గ్రామములోని ఈ పురాతన ఆలయం జీర్ణావస్థకు చేరడంతో, గ్రామస్థుల, భక్తుల విరాళలతో ఈ ఆలయాన్ని పునర్నిర్మించుచున్నారు. 2017, మే-12న ధ్వజస్తంభ పునఃప్రతిష్ఠ నిర్వహించెదరు. [10]

శ్రీ కృష్ణ మందిరం.[మార్చు]

వీరహనుమాన్[మార్చు]

ఆసియాలో పెద్ద 135 అడుగుల వీరహనుమాన్ విగ్రహం ఇక్కడ ప్రతిష్ఠించారు[8].

శ్రీ షిర్డీ సాయిబాబా మందిరం.[మార్చు]

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

పరిటాలలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది. డిస్పెన్సరీ గ్రామం నుండి 5 కి.మీ. లోపు దూరంలో ఉంది. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో4 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు ఇద్దరు, ఇద్దరు నాటు వైద్యులు ఉన్నారు. రెండు మందుల దుకాణాలు ఉన్నాయి.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

మార్కెటింగు, బ్యాంకింగు[మార్చు]

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు, సహకార బ్యాంకు గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. సమీకృత బాలల అభివృద్ధి పథకం, ఆటల మైదానం గ్రామం నుండి 5 కి.మీ. లోపు దూరంలో ఉన్నాయి. సినిమా హాలు, గ్రంథాలయం గ్రామం నుండి 5 కి.మీ.లోపు దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

పరిటాలలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 197 హెక్టార్లు
  • వ్యవసాయం సాగని, బంజరు భూమి: 39 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 135 హెక్టార్లు
  • వ్యవసాయం చేయదగ్గ బంజరు భూమి: 11 హెక్టార్లు
  • సాగులో లేని భూముల్లో బీడు భూములు కానివి: 90 హెక్టార్లు
  • బంజరు భూమి: 224 హెక్టార్లు
  • నికరంగా విత్తిన భూమి: 1302 హెక్టార్లు
  • నీటి సౌకర్యం లేని భూమి: 1316 హెక్టార్లు
  • వివిధ వనరుల నుండి సాగునీరు లభిస్తున్న భూమి: 300 హెక్టార్లు

నీటిపారుదల సౌకర్యాలు[మార్చు]

పరిటాలలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 20 హెక్టార్లు
  • చెరువులు: 280 హెక్టార్లు

ఉత్పత్తి[మార్చు]

పరిటాలలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, ప్రత్తి, పెసర. అపరాలు, కాయగూరలు

ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

పారిశ్రామిక ఉత్పత్తులు[మార్చు]

బియ్యం

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 9459.[9] ఇందులో పురుషుల సంఖ్య 4692, స్త్రీల సంఖ్య 4767, గ్రామంలో నివాస గృహాలు 2253 ఉన్నాయి. గ్రామ విస్తీర్ణం 1998 హెక్టారులు.

జనాభా (2011) - మొత్తం 9,726 - పురుషుల సంఖ్య 4,862 - స్త్రీల సంఖ్య 4,864 - గృహాల సంఖ్య 2,703

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. వెంకట శివరావు, దిగవల్లి (1944). కథలు-గాథలు (కందనూరు నవాబు రాజరికం) (1 సంపాదకులు.). విజయవాడ: దిగవల్లి వెంకట శివరావు. pp. 127–140. Retrieved 1 December 2014.
  3. Deccan Heritage, H. K. Gupta, A. Parasher, A. Parasher-Sen, D. Balasubramanian, Indian National Science Academy, Orient Blackswan, 2000. p. 145; ISBN 8173712859
  4. Journal of the Geological Society of India, Geological Society of India, 1996, Item notes: v.47
  5. Deccan Studies, Centre for Deccan Studies, 2002, Hyderabad, Item notes: v.2 2004
  6. In Retrospect : Andhra Pradesh : heroes and heroines of Telangana armed struggle: Sagas of Heroism and Sacrifice of Indian Revolutionaries, I. M. Sharma, 2001, Ravi Sasi Enterprises; ISBN 8190113941
  7. "పరిటాల". Retrieved 13 June 2016. Cite web requires |website= (help)
  8. Hanuman's Tale: The Messages of a Divine Monkey, P. Lutgendof, 2007, p. 9, Oxford University Press US; ISBN 0195309219
  9. భారత ప్రభుత్వం నిర్వహించిన 2011 గణాంకాల జాలగూడు

వెలుపలి లింకులు [మార్చు]

[8] ఈనాడు కృష్ణా; 2015, మే-7; 11వపేజీ. [9] ఈనాడు అమరావతి; 2015, జూలై-3; 35వపేజీ. [10] ఈనాడు అమరావతి/నందిగామ; 2017, ఏప్రిల్-8; 2వపేజీ.

"https://te.wikipedia.org/w/index.php?title=పరిటాల&oldid=2743947" నుండి వెలికితీశారు