కంచికచర్ల
| కంచికచెర్ల | |
| — రెవిన్యూ గ్రామం — | |
| రాష్ట్రం | ఆంధ్రప్రదేశ్ |
|---|---|
| జిల్లా | కృష్ణా |
| మండలం | కంచికచెర్ల |
| ప్రభుత్వము | |
| - సర్పంచి | శ్రీ గద్దె ప్రసాద్ |
| జనాభా (2011) | |
| - మొత్తం | 22,756 |
| - పురుషులు | 11,225 |
| - స్త్రీలు | 11,531 |
| - గృహాల సంఖ్య | 6,434 |
| పిన్ కోడ్ | 521180 |
| ఎస్.టి.డి కోడ్ | 08678 |
| కంచికచెర్ల | |
| — మండలం — | |
 |
|
  కంచికచెర్ల |
|
| అక్షాంశరేఖాంశాలు: Coordinates: 16°41′43″N 80°22′43″E / 16.695394°N 80.378609°E | |
|---|---|
| రాష్ట్రం | ఆంధ్రప్రదేశ్ |
| జిల్లా | కృష్ణా జిల్లా |
| మండల కేంద్రం | కంచికచెర్ల |
| గ్రామాలు | 16 |
| ప్రభుత్వము | |
| - మండలాధ్యక్షుడు | |
| జనాభా (2001) | |
| - మొత్తం | 67,662 |
| - పురుషులు | 33,990 |
| - స్త్రీలు | 33,672 |
| అక్షరాస్యత (2001) | |
| - మొత్తం | 60.53% |
| - పురుషులు | 68.67% |
| - స్త్రీలు | 52.30% |
| పిన్‌కోడ్ | 521180 |
కంచికచర్ల కృష్ణా జిల్లా, ఇదే పేరుతో ఉన్న మండలం యొక్క కేంద్రము. ఇది సమీప పట్టణమైన విజయవాడ నుండి 15 కి. మీ. దూరంలో ఉంది. 2011 భారత జనగణన గణాంకాల ప్రకారం ఈ గ్రామం 6434 ఇళ్లతో, 22756 జనాభాతో 2950 హెక్టార్లలో విస్తరించి ఉంది. గ్రామంలో మగవారి సంఖ్య 11225, ఆడవారి సంఖ్య 11531. షెడ్యూల్డ్ కులాల సంఖ్య 5419 కాగా షెడ్యూల్డ్ తెగల సంఖ్య 884. గ్రామం యొక్క జనగణన లొకేషన్ కోడ్ 589155[1].పిన్ కోడ్: 521180, ఎస్.టి.డి.కోడ్ = 08678.
గ్రామ చరిత్ర[మార్చు]
1969లో కంచికచెర్ల గ్రామంలో కోటేశు అనే దళిత యువకుణ్ణి అగ్రకులాలకు చెందినవారు కొందరు సజీవ దహనం చేసిన దారుణ ఘటన చోటుచేసుకుంది. ఈ ఘటన రాష్ట్రవ్యాప్తంగా సంచలనం సృష్టించి దళితుల చైతన్యం, ఉద్యమంలో నేపథ్యంగా నిలిచింది. అసంఘటితంగా ఉన్న దళితుల ఉద్యమం ఈ సంఘటన తర్వాత క్రమక్రమంగా సంఘటిత రూపాన్ని తీసుకోవడంతో ఇదొక ప్రధాన మైలురాయిగా నిలిచింది.[2] ఈ సంఘటన అదే గ్రామానికి చెందిన, అప్పటికి 5 సంవత్సరాల పిల్లాడిగా ఉన్న కలేకూరు ప్రసాద్ వంటివారిని ప్రభావితులను చేసింది. అనంతర కాలంలో కలేకూరి ప్రసాద్ పీపుల్స్ వార్లో చేరి నక్సలైట్ కావడమూ, చుండూరు ఘటన తర్వాత నక్సలైట్ ఉద్యమం నుంచి బయటకి వచ్చి దళిత ఉద్యమాన్ని నిర్మించినవారిలో చేరడమూ జరిగాయి.
సమీప గ్రామాలు[మార్చు]
[3] పొన్నవరం 3కి.మీ గొట్టిముక్కల 5 కి.మీ నరసింహారావుపాలెం 5 కి.మీ జమ్మవరం 5 కి.మీ కీసర 6 కి.మీ
సమీప మండలాలు[మార్చు]
అమరావతి, నందిగామ, వీరులపాడు, యెర్రుపాలెం
సమాచార, రవాణా సౌకర్యాలు[మార్చు]
కంచికచర్లలో పోస్టాఫీసు సౌకర్యం, సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. కంచికచెర్ల, నందిగామ నుండి రోడ్డురవాణా సౌకర్యం ఉంది. విజయవాడ రైల్వేస్ట్ఘేషన్ 35 కి.మీ దూరంలో ఉంది.
విద్యా సౌకర్యాలు[మార్చు]
గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు 9, ప్రైవేటు ప్రాథమిక పాఠశాలలు 8, ప్రభుత్వ ప్రాథమికోన్నత పాఠశాల ఒకటి, ప్రైవేటు ప్రాథమికోన్నత పాఠశాలలు 8, ప్రభుత్వ మాధ్యమిక పాఠశాలలు రెండు, ప్రైవేటు మాధ్యమిక పాఠశాలలు ఆరు ఉన్నాయి. ఒక ప్రభుత్వ జూనియర్ కళాశాల, 3 ప్రైవేటు జూనియర్ కళాశాలలు 2 ప్రైవేటు ఆర్ట్స్ / సైన్స్ డిగ్రీ కళాశాలలు ఉన్నాయి. ఒక ప్రైవేటు ఇంజనీరింగ్ కళాశాల ఉంది.గ్రామంలో ఒక ప్రైవేటు మేనేజిమెంటు కళాశాల ఉంది. సమీప వైద్య కళాశాల విజయవాడలోను, పాలీటెక్నిక్ నందిగామలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం నందిగామలోను, దివ్యాంగుల ప్రత్యేక పాఠశాల విజయవాడ లోనూ ఉన్నాయి.
- దేవినేని వెంకటరమణ & డా.హిమశేఖర్ మిక్ కాలేజ్ ఆఫ్ టెక్నాలజీ.
- ఇమాక్యులేట్ డిగ్రీ కళాశాల.
- ఎస్.వి.ఎస్. గవర్నమెంట్ జూనియర్ కాలేజి.
- వి.రాణి హైస్కూల్.
- జిల్లా పరిషత్తు ఉన్నత పాఠశాల.- ఈ పాఠశాల 69వ వార్షికోత్సవాలు, 2017,ఫిబ్రవరి-14వతేదీనాడు నిర్వహించారు. [7]
- ఎం.ఎన్.ఆర్. స్కూల్ ఆఫ్ ఎక్సలెన్స్.
- శ్రీ తేజా పబ్లిక్ స్కూల్.
- విజ్ఞాన్ కాన్వెంట్.
- మండల పరిషత్తు ప్రాథమికన్నత పాఠశాల, అంబేడ్కర్ కాలనీ.
- మండల పరిషత్తు ప్రాథమికన్నత పాఠశాల, అరుంధతీ కాలనీ.
గ్రామంలో మౌలిక వసతులు[మార్చు]
బ్యాంకులు[మార్చు]
ఐసిఐసిఐ బ్యాంకు 08678- 274355
వైద్య సౌకర్యం[మార్చు]
ప్రభుత్వ వైద్య సౌకర్యం[మార్చు]
కంచికచర్లలో ఉన్న ఒకప్రాథమిక ఆరోగ్య కేంద్రంలో నలుగురు డాక్టర్లు, 10 మంది పారామెడికల్ సిబ్బందీ ఉన్నారు. మూడు ప్రాథమిక ఆరోగ్య ఉప కేంద్రాల్లో డాక్టర్లు లేరు. ఆరుగురు పారామెడికల్ సిబ్బంది ఉన్నారు. ఒక డిస్పెన్సరీలో ఒక డాక్టరు, ముగ్గురు పారామెడికల్ సిబ్బందీ ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ఒక కుటుంబ సంక్షేమ కేంద్రంలో ఇద్దరు డాక్టర్లు, ఆరుగురు పారామెడికల్ సిబ్బందీ ఉన్నారు. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం[మార్చు]
గ్రామంలో18 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ఆరుగురు, ఎమ్బీబీయెస్ కాకుండా ఇతర డిగ్రీలు చదివిన డాక్టరు ఒకరు, డిగ్రీ లేని డాక్టర్లు 11 మంది, ముగ్గురు నాటు వైద్యులు ఉన్నారు. 10 మందుల దుకాణాలు ఉన్నాయి.
తాగు నీరు[మార్చు]
గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం[మార్చు]
గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
గ్రామ పంచాయతీ[మార్చు]
2013-జూలైలో ఈ గ్రామ పంచాయతీకి నిర్వహించిన ఎన్నికలలో శ్రీ గద్దె ప్రసాద్, సర్పంచిగా ఎన్నికైనారు. ఉపసర్పంచిగా శ్రీ యాదాల క్రీస్తురాజు ఎన్నికైనారు. [4]
గ్రామములోని దర్శనీయ ప్రదేశములు/దేవాలయాలు[మార్చు]
శివాలయం[మార్చు]
శ్రీ రామాలయం[మార్చు]
శివసాయిక్షేత్రం[మార్చు]
శ్రీ నాగలక్ష్మీ అమ్మవారి ఆలయం[మార్చు]
శ్రీ మహాలక్ష్మీ అమ్మవారి ఆలయం[మార్చు]
ఈ ఆలయ వార్షికోత్సవాలు 2017,ఫిబ్రవరి-14వతేదీ మంగళవారం నుండి 16వతేదీ గురువారం వరకు నిర్వహించెదరు. 15వతేదీ బుధవారంనాడు, భక్తులు అమ్మవారికి బోనాలు సమర్పించారు. అనంతరం మహాలక్ష్మీ హోమం నిర్వహించారు. నవగ్రహ, రుద్రహోమం నిర్వహించారు. ఈ వేడుకలలో భాగంగా 16వతేదీ గురువారంనాడు అమ్మవారికి ఊయలసేవ, పూర్ణాహుతి, నిత్య హోమాలు నిర్వహించారు. అనంతరం భక్తులకు అన్నసమారాధన నిర్వహించారు. [8]
గ్రామ ప్రముఖులు[మార్చు]
- కలేకూరు ప్రసాద్ (యువక) (25.10.1964 -17.5.2013). ప్రజాకవి, దళిత ఉద్యమకారుడు.
- దేవిరెడి. నరసింహరావు, ప్రజాఉద్యమ నాయకుడు.
- శ్రీ దొడ్డపనేని రామారావు:- ఈ గ్రామానికి చెందిన వీరు, స్వాతంత్ర్య సమరయోధులు, సీనియర్ సి.పి.ఎం. నాయకులు. వీరు కమ్యూనిస్టు నేతగా ఎన్నో ఉద్యమాలు చేసి పలువురుకి ఆదర్శంగా నిలిచారు. వీరు తమ 90 సంవత్సాల వయసులో నేను-నా ఊరు అను పేరుతో ఒక పుస్తకాన్ని రచించారు. తన జీవితంలో కంచికచర్ల గ్రామంలో జరిగిన వాస్తవాలను అక్షరరూపంలోనికి తెచ్చారు. ఈ పుస్తకంలో, 1945 నుండి నేటివరకు, గ్రామంలోని వ్యవసాయం, జాతరలు, కులాలు, పంచాయతీ ఎన్నికలు వగైరా పలు అంశాలగురించి వివరించారు. ఈ పుస్తకాన్ని, 2014,డిసెంబరు-14వ తేదీన, కంచికచెర్లలోని మండల పరిషత్తు కార్యాలయంలో ఆంధ్రప్రదేశ్ రాష్ట్ర మంత్రి శ్రీ దేవినేని ఉమామహేశ్వరరావు, ఎం.ఎల్.ఏ. శ్రీమతి సౌమ్య చేతులమీదుగా ఆవిష్కరించారు
గ్రామ విశేషాలు[మార్చు]
కంచికచర్ల మండలంలోని మోగులూరు గ్రామం మరియూ చందర్లపాడు మండలంలోని ఏటూరు గ్రామాల మధ్య, మునేరు నదిపై, రు. 20 కోట్లతో, ఒక కాజ్ వే నిర్మించదానికి ప్రభుత్వం సూత్రప్రాయంగా అంగీకరించింది.
నన్నపనేని ఛారిటబుల్ ట్రస్ట్.
గ్రామాలు[మార్చు]
జనాభా[మార్చు]
- 2011 జనాభా లెక్కల ప్రకారం గ్రామాలవారీగా జనాభా పట్టిక :[4]
| క్రమ సంఖ్య | ఊరి పేరు | గడపల సంఖ్య | మొత్తం జనాభా | పురుషుల సంఖ్య | స్త్రీలు |
|---|---|---|---|---|---|
| 1. | బతినపాడు | 187 | 788 | 401 | 387 |
| 2. | చేవిటికల్లు | 610 | 2,530 | 1,301 | 1,229 |
| 3. | గండెపల్లి | 877 | 3,498 | 1,755 | 1,743 |
| 4. | గనియతుకూరు | 1,066 | 4,522 | 2,302 | 2,220 |
| 5. | గొట్టుముక్కల | 1,057 | 4,237 | 2,107 | 2,130 |
| 6. | కంచికచర్ల | 4,800 | 20,112 | 10,121 | 9,991 |
| 7. | కీసర | 751 | 3,212 | 1,624 | 1,588 |
| 8. | కునికినపాడు | 272 | 996 | 496 | 500 |
| 9. | మొగులూరు | 1,457 | 5,766 | 2,925 | 2,841 |
| 10. | మున్నలూరు | 336 | 1,101 | 517 | 584 |
| 11. | పరిటాల | 2,253 | 9,459 | 4,692 | 4,767 |
| 12. | పెండ్యాల | 1,414 | 6,590 | 3,333 | 3,257 |
| 13. | పెరకలపాడు | 374 | 1,398 | 683 | 715 |
| 14. | సేరి అమరవరం | 262 | 1,081 | 537 | 544 |
| 15. | వేములపల్లి | 518 | 2,372 | 1,196 | 1,176 |
మార్కెటింగు, బ్యాంకింగు[మార్చు]
గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.
ఆరోగ్యం, పోషణ, వినోద సౌకర్యాలు[మార్చు]
గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి.
విద్యుత్తు[మార్చు]
గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం[మార్చు]
కంచికచర్లలో భూ వినియోగం కింది విధంగా ఉంది:
- వ్యవసాయేతర వినియోగంలో ఉన్న భూమి: 575 హెక్టార్లు
- వ్యవసాయం సాగని, బంజరు భూమి: 6 హెక్టార్లు
- శాశ్వత పచ్చిక ప్రాంతాలు, ఇతర మేత భూమి: 72 హెక్టార్లు
- వ్యవసాయం చేయదగ్గ బంజరు భూమి: 14 హెక్టార్లు
- సాగులో లేని భూముల్లో బీడు భూములు కానివి: 170 హెక్టార్లు
- బంజరు భూమి: 302 హెక్టార్లు
- నికరంగా విత్తిన భూమి: 1811 హెక్టార్లు
- నీటి సౌకర్యం లేని భూమి: 2223 హెక్టార్లు
- వివిధ వనరుల నుండి సాగునీరు లభిస్తున్న భూమి: 60 హెక్టార్లు
నీటిపారుదల సౌకర్యాలు[మార్చు]
కంచికచర్లలో వ్యవసాయానికి నీటి సరఫరా కింది వనరుల ద్వారా జరుగుతోంది.
- చెరువులు: 60 హెక్టార్లు
ఉత్పత్తి[మార్చు]
కంచికచర్లలో ఈ కింది వస్తువులు ఉత్పత్తి అవుతున్నాయి.
ప్రధాన పంటలు[మార్చు]
ప్రత్తి, పెసర, పొగాకు, వరి, అపరాలు, కాయగూరలు
ప్రధాన వృత్తులు[మార్చు]
వ్యవసాయం, వ్యవసాయాధారిత వృత్తులు
చిత్ర మాలిక[మార్చు]
కంచికచెర్ల చెరువు, కృష్ణా జిల్లా
కంచికచెర్ల చెరువు, కృష్ణా జిల్లా
కంచికచెర్ల చెరువు, కృష్ణా జిల్లా
కంచికచెర్ల చెరువు, కృష్ణా జిల్లా
కంచికచెర్ల చెరువు, కృష్ణా జిల్లా
కంచికచెర్ల చెరువు, కృష్ణా జిల్లా
కంచికచెర్ల చెరువు, కృష్ణా జిల్లా
వనరులు[మార్చు]
- ↑ "Office of the Registrar General & Census Commissioner, India - Village amenities of 2011".
- ↑ అద్దేపల్లి, రామమోహనరావు (మార్చి 2001). "తెలుగు కవిత్వంలో దళితవాదం". ఈమాట. Retrieved 5 February 2016.
- ↑ "కంచికచెర్ల". Retrieved 13 June 2016.
- ↑ "2011 జనాభా లెక్కల అధికారిక జాలగూడు". Archived from the original on 2013-10-05. Retrieved 2013-05-03.
వెలుపలి లింకులు[మార్చు]
[2] ఈనాడు కృష్ణా; 2014, ఆగస్టు-6; 1,2 పేజీలు. [3] ఈనాడు విజయవాడ; 2014,డిసెంబరు-15; 7వపేజీ. [4] ఈనాడు కృష్ణా; 2015,మార్చి-12; 16వపేజీ. [5] ఈనాడు అమరావతి; 2015,మే-28; 34వపేజీ. [6] ఈనాడు అమరావతి/నందిగామ; 2017,ఫిబ్రవరి-13; 1వపేజీ. [7] ఈనాడు అమరావతి/నందిగామ; 2017,ఫిబ్రవరి-15; 1వపేజీ. [8] ఈనాడు అమరావతి/నందిగామ; 2017,ఫిబ్రవరి-17; 1వపేజీ.