పౌడీ
పౌడీ | |
|---|---|
పట్టణం | |
 పౌడీ నుండీ పశ్చిమ హిమాలయాల ఎడమ వైపు దృశ్యం | |
| Nickname: గఢ్వాల్ | |
  పౌడీ ఉత్తరాఖండ్ పటంలో పౌడీ స్థానం | |
| Coordinates: 30°09′N 78°47′E / 30.15°N 78.78°E | |
| దేశం |  India |
| రాష్ట్రం | దస్త్రం:..Uttarakhand Flag(INDIA).png Uttarakhand |
| జిల్లా | పౌడీ గఢ్వాల్ |
| Elevation | 1,765 మీ (5,791 అ.) |
| Population (2011) | |
| • Total | 25,440 |
| భాషలు | |
| • అధికారిక | హిందీ |
| Time zone | UTC+5:30 (IST) |
| PIN Code | 246001 |
| Telephone code | +91-1368 |
.png){kind=link}
పౌడీ భారతదేశంలోని ఉత్తరాఖండ్ రాష్ట్రంలోని పౌడీ గర్వాల్ జిల్లాలో ఉన్న పట్టణం. పౌడీ గర్హ్వాల్ డివిజన్ ప్రధాన కార్యాలయం ఇక్కడే ఉంది.
భౌగోళికం[మార్చు]
పౌడీ 30°09′N 78°47′E / 30.15°N 78.78°E వద్ద [1] సముద్ర మట్టానికి 1,765 మీటర్ల ఎత్తున ఉంది. ఇక్కడి నుండి నందా దేవి, త్రిశూల్, గంగోత్రి గ్రూప్, తలయ్యా-సాగర్, నిఖంతా, బ్యాండర్ పూంచ్, స్వర్గారోహిణి, కేదార్నాథ్, కర్చా కుండ్, సాతోపంథ్, చౌకంభా, ఘోరీపర్వత్, హాతి పర్వత్, సుమేరు, మొదలైన మంచుతో కప్పబడిన హిమాలయ శిఖరాలు కనిపిస్తాయి. కండోలియా-టెక్కా మీదుగా సతత హరిత దేవదారు వృక్షాల వెంట నడక ఆహ్లాదం కలిగిస్తుంది. ప్రపంచవ్యాప్తంగా ఉన్న పర్యాటకులు, పరిశోధకులు, విద్యార్థులు ఈ పట్టణాన్ని సందర్శిస్తారు. ట్రెక్కర్లు, పారాగ్లైడింగ్ ప్రియులు, ప్రకృతి ప్రేమికులకు ఈ ప్రదేశం స్వర్గధామం
శీతోష్ణస్థితి[మార్చు]
ఈ ప్రాంతంలో ఉప-ఉష్ణోగ్రత నుండి సమశీతోష్ణ వాతావరణం ఉంటుంది. ఇది ఏడాది పొడవునా ఆహ్లాదకరంగా ఉంటుంది. పౌడీ శీతోష్ణస్థితి చలికాలంలో చాలా చల్లగా ఉంటుంది. జనవరి లేదా ఫిబ్రవరి నెలల్లో ఈ ప్రాంతంలో తక్కువ నుండి మితమైన హిమపాతం సంభవిస్తుంది. వర్షాకాలంలో శీతోష్ణస్థితి చాలా చల్లగా ఉంటూ పట్టణాన్ని పచ్చదనంతో కప్పేస్తుంది.
జనాభా వివరాలు[మార్చు]
2011 జనగణన ప్రకారం [2] పౌడీ నగర్ పాలికా పరిషత్తు జనాభా 25,440, అందులో 13,090 మంది పురుషులు, 12,350 మంది స్త్రీలు. 0-6 సంవత్సరాల వయస్సు గల పిల్లల జనాభా 2766. ఇది పౌడీ మొత్తం జనాభాలో 10.87%. రాష్ట్రంలో లింగనిష్పత్తి 963 ఉండగా, పౌడీలో 943గా ఉంది. పిల్లల్లో లింగనిష్పత్తి రాష్ట్ర సగటు 890 కాగా పౌడీలో 877. ఇక్కడి అక్షరాస్యత 92.18%. రాష్ట్ర సగటు 78.82%. పౌడీలో పురుషుల అక్షరాస్యత 95.74% కాగా స్త్రీల అక్షరాస్యత 88.44%. పౌడీలో 6,127 గృహాలున్నాయి.
2001 జనగణన నాటికి [3] పౌడీ జనాభా 24,742. ఇందులో పురుషులు 53% స్త్రీలు 47%. జనాభాలో 12% మంది ఆరేళ్ళ లోపు పిల్లలు. పౌడీ గర్వాల్‌లో సాధారణంగా ఉపయోగించే భాష గఢ్వాలీ.
దర్శనీయ ప్రదేశాలు[మార్చు]
- కండోలియా ఆలయం -కండోలియా దేవత స్థానిక దేవత. ఈ ఆలయం దట్టమైన పైన్ అడవుల మధ్య ఉంది. ఈ ప్రాంతంలో, కండోలియా ఠాకూర్ ఆశీస్సులతో ప్రతి శుభ కార్యాన్ని ప్రారంభించడం ఆచారం. ప్రతి సంవత్సరం, ఆలయంలో మే-జూన్ నెలలో భండారా (విందు) జరుగుతుంది. దీనికి లక్షలాది మంది భక్తులు హాజరవుతారు.
- నాగ్ దేవ్ ఆలయం: ఇది పైన్, రోడోడెండ్రాన్ అటవుల్లో ఉన్న ఒక చిన్న దేవాలయం. ఈ ఆలయం నాగదేవత (పాము దేవుడు)కి చెందినది.
- క్యుంకాలేశ్వర్ ఆలయం - ఇది 8వ శతాబ్దపు పురాతనమైన శివాలయం. దీన్ని ఆది శంక్రాచార్యులు స్థాపించాడు. ఈ దేవాలయం ఒక చారిత్రికమైన పుణ్యక్షేత్రం క్యుంకాలేశ్వర్ ఆలయం ఆలయ ప్రాంగణంలో చేసిన కళాత్మక శిల్పాలకు ప్రసిద్ధి చెందింది. ఆలయంలో సంస్కృత విద్యాలయం గురుకులం కూడా ఉన్నాయి, ఇక్కడ చిన్న పిల్లలు వేదాలు పురాణాలు నేర్చుకోవడానికి వస్తారు.
- లక్ష్మీ నారాయణ దేవాలయం - ప్రధాన నగరంలోని ప్రధాన లక్ష్మీ-నారాయణ దేవాలయం రోడ్డులో ఉంది.
- హనుమాన్ మందిర్ -నగరం నుండి 2 కి.మీ. దూరంలో దేవదారు అడవిలో ఈ ఆలయం ఉంది.
- మెథడిస్ట్ చర్చి-ఈ చర్చి 100 సంవత్సరాల నాటిది. ఇది పట్టణంలోని దిగువ చోప్రా ప్రాంతంలో ఉంది.
- మెథడిస్ట్ చర్చి, గాడోలి - చర్చి గడోలి ప్రాంతంలో ఉన్న మెథడిస్ట్ కమ్యూనిటీకి చెందినది.
- ధారా రోడ్ - నగరంలో అభివృద్ధి చెందుతున్న మార్కెట్ ప్రాంతం
- ఖిర్సు -పౌడీ నగరానికి 15కి.మీ దూరంలో ఉన్న ఈ చిన్న, పర్యాటక గ్రామంలో వసంతకాలంలో పూలు పండ్లతో నిండిన ఆపిల్ తోటలు ఉన్నాయి. గఢ్వాల్ మండల్ వికాస్ నిగమ్ (GMVN) ఖిర్సులో ఒక టూరిస్ట్ రెస్ట్ హౌస్ (TRH)ని నడుపుతోంది.
- చౌఖంబ వ్యూ పాయింట్ -ఇది నుండి 4 కి.మీ. దూరంలో ఉంది. ఇక్కడి నుండి ఇద్వాల్ లోయ, చౌఖంబ శిఖరాన్ని చూడవచ్చు. ఇది ఓక్, రోడోడెండ్రాన్ యొక్క దట్టమైన అడవిలో ఉంది.
- రాన్సీ గ్రౌండ్ -ఇది ఉంది పట్టణం నుండి 2.5 కి.మీ. దూరంలో ఉంది. పౌడీలోని ఎత్తైన ప్రదేశాలలో ఒకటి. రాన్సీ ఒక పిక్నిక్ స్పాట్. ఇక్కడ ఒక స్టేడియం ఉంది. ఇది ఆసియాలో రెండవ ఎత్తైన స్టేడియం.
- నాగ్‌దేవ్ ఎవర్‌గ్రీన్ ఫారెస్ట్ - ఏడాది పొడవునా ఆహ్లాదకరమైన నడక.
- లక్ష్మణ దేవాలయం - 1000 సంవత్సరాలకు పైగా పురాతనమైనదిగా పరిగణించబడే లక్ష్మణుని ఆలయం.
- దండ నాగరాజ ఆలయం -ఇది శ్రీకృష్ణుని ఆలయం.
మూలాలు[మార్చు]
- ↑ Falling Rain Genomics, Inc - Pauri
- ↑ "Census India 2011 Pauri".
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.