ప్రియా రామన్

ప్రియా రామన్
జననం	(1974-06-18) 1974 జూన్ 18 తిరువనంతపురం
వృత్తి	నటి టెలివిజన్ నిర్మాత
క్రియాశీల సంవత్సరాలు	1993 – 2008 2017 – ప్రస్తుతం
జీవిత భాగస్వామి	రంజిత్ ​ ​ (m. 1999; div. 2014)​ ​ ​ (m. 2018)​

ప్రియా రామన్ (జననం 1974 జూన్ 18) భారతీయ నటి, టెలివిజన్ నిర్మాత. ఆమె మలయాళం, తమిళం, తెలుగు, కన్నడ సినిమాల్లో నటించింది. అలాగే మలయాళం, తమిళ భాషల టెలివిజన్ ధారావాహికలలో కూడా నటిస్తోంది. ఆమె మొదటి చిత్రం 1993లో రజనీకాంత్ నిర్మించిన చిత్రం వల్లి. ఆమె రెండవ చిత్రం అర్థనా, ఐ. వి. శశి దర్శకత్వం వహించి 1993లో విడుదలైంది, ఆమె మలయాళ చిత్ర పరిశ్రమలో అరంగేట్రం చేసింది.

కెరీర్

మలయాళ దర్శకుడు జోషి 1993లో మమ్ముట్టితో సైన్యం చిత్రంలో ఆమెను ఎయిర్‌ఫోర్స్ పైలట్‌ పాత్రకు ఎంపిక చేసాడు.

ఆమె సినిమాలతో పాటు, బాలాజీ టెలిఫిల్మ్స్ స్వర్ణమయూరం, పావకూతు, ఓర్మా నిర్మించిన తమిళ సీరియల్ దుర్గ, మలయాళం టీవి సీరియల్ కావ్యాంజలి వంటి అనేక తమిళ, మలయాళ టెలివిజన్ ధారావాహికలలో కూడా నటించింది. ఆమె జీ తమిళ సీరియల్, సెంబరుతిలో నటించింది. ఆమె అదే ఛానెల్‌లో జీన్స్ అనే సెలబ్రిటీ రియాలిటీ గేమ్ షోను కూడా హోస్ట్ చేసింది.

ఆమె 1999లో సౌతేలా అనే హిందీ చిత్రంలోనూ నటించింది. కాగా తెలుగులో 1994లో మావూరి మహారాజుతో అరంగేగ్రం చేసి దేశ ద్రోహులు(1995), లీడర్, శుభసంకల్పం, దొరబాబు, శ్రీవారి ప్రియురాలు(1996), శ్రీకృష్ణార్జున విజయం, పడి పడి లేచే మనసు (2018) తదితర చిత్రాలలో నటించింది.