బస్వరాజు సారయ్య
| బస్వరాజు సారయ్య | |||
| |||
శాసనమండలి సభ్యుడు
| |||
| పదవీ కాలం 14 నవంబరు 2020 - ప్రస్తుతం | |||
బిసి సంక్షేమ శాఖ మాజీ మంత్రి
| |||
| పదవీ కాలం 2010 - 2014 | |||
శాసనసభ్యుడు
| |||
| పదవీ కాలం 1999-2014 | |||
| నియోజకవర్గం | తూర్పు వరంగల్ శాసనసభ నియోజకవర్గం | ||
|---|---|---|---|
వ్యక్తిగత వివరాలు
|
|||
| జననం | డిసెంబరు 5, 1955 మట్టెవాడ, వరంగల్లు | ||
| రాజకీయ పార్టీ | కాంగ్రెస్ 
| ||
| ఇతర రాజకీయ పార్టీలు | భారత్ రాష్ట్ర సమితి | ||
| తల్లిదండ్రులు | చేరాలు (తండ్రి) | ||
| జీవిత భాగస్వామి | లక్ష్మీ | ||
| నివాసం | హైదరాబాదు, తెలంగాణ | ||
బస్వరాజు సారయ్య తెలంగాణకు చెందిన రాజకీయ నాయకుడు, మాజీ మంత్రి. కాంగ్రెస్ పార్టీ తరపున తూర్పు వరంగల్ శాసనసభ నియోజకవర్గం నుండి వరుసగా మూడుసార్లు ఎమ్మెల్యేగా గెలిచిన సారయ్య, బిసి (వెనుకబడిన కులాల) సంక్షేమ శాఖ మంత్రిగా పనిచేశాడు. దక్షిణ భారతదేశంలోనే తొలి రజక ఎమ్మెల్యేగా గుర్తింపు పొందాడు.[1] 2016లో తెలంగాణ రాష్ట్ర సమితిలో చేరిన సారయ్య 2020, నవంబరులో శాసనమండలి సభ్యుడిగా (గవర్నర్ కోటా) ప్రమాణ స్వీకారం చేశాడు.[2]
జావిత విషయాలు
[మార్చు]సారయ్య 1955, డిసెంబరు 5న వరంగల్లులోని మట్టెవాడలో జన్మించాడు. ఇతని తండ్రిపేరు చేరాలు. ఐటిఐ పూర్తిచేశాడు. సారయ్యకు లక్ష్మీతో వివాహం జరిగింది.
రాజకీయ ప్రస్థానం
[మార్చు]వరంగల్ మున్సిపాలిటీలో మూడుసార్లు కౌన్సిలర్‌గా ఎన్నికయ్యాడు, మున్సిపాలిటీ వైస్‌చైర్మన్‌గా కూడా పనిచేశాడు. వరంగల్ జిల్లా కాంగ్రెస్ అధ్యక్షుడిగా పనిచేశాడు.
1999లో జరిగిన ఉమ్మడి ఆంధ్రప్రదేశ్ శాసనసభ ఎన్నికల్లో కాంగ్రెస్ పార్టీ తరపున పోటిచేసి తెలుగుదేశం పార్టీ అభ్యర్థి పూడి రమేష్ బాబుపై 9,251 ఓట్ల తేడాతో గెలుపొంది తొలిసారిగా అసెంబ్లీలో అడుగుపెట్టాడు. 2004లో జరిగిన అసెంబ్లీ ఎన్నికల్లో వరంగల్ శాసనసభ నియోజకవర్గం నుండి కాంగ్రెస్ పార్టీ తరపున పోటిచేసి తెలుగుదేశం పార్టీ అభ్యర్థి గుండు సుధా రాణీపై 41,167 ఓట్ల తేడాతో గెలుపొందాడు. 2009లో అసెంబ్లీ ఎన్నికల్లో కాంగ్రెస్ పార్టీ తరపున పోటిచేసి ప్రజారాజ్యం పార్టీ అభ్యర్థి వై. ప్రదీప్ రావుపై 7,255 ఓట్ల తేడాతో గెలుపొందాడు. 2010 నుండి 2014 వరకు మాజీ ముఖ్యమంత్రి కిరణ్ కుమార్ రెడ్డి మంత్రివర్గంలో వెనుకబడిన కులాల సంక్షేమ శాఖ మంత్రిగా ఉన్నాడు.[3]
2014లో తెలంగాణ తొలి శాసనసభ ఎన్నికల్లో కాంగ్రెస్ పార్టీ తరపున పోటీచేసి టిఆర్ఎస్ పార్టీ అభ్యర్థి కొండా సురేఖ చేతిలో 55,085 ఓట్ల తేడాతో ఓడిపోయాడు. 2016, ఫిబ్రవరి 23న తెలంగాణ రాష్ట్ర సమితిలో చేరాడు.[4] ఆయన 2017లో తెలంగాణ రాష్ట్ర సమితి ప్రధాన కార్యదర్శిగా నియమితుడయ్యాడు.[5] ఆయన 2020, నవంబరు 18న గవర్నర్ కోటాలో తెలంగాణ రాష్ట్ర సమితి తరపున ఎమ్మెల్సీగా ప్రమాణస్వీకారం చేశాడు.[6][7]
ఆయన 2024 జూలై 5న టీపీసీసీ అధ్యక్షుడు, ముఖ్యమంత్రి రేవంత్‌ రెడ్డి, ఏఐసీసీ ఇంచార్జ్ దీపాదాస్ మున్షీ సమక్షంలో కాంగ్రెస్ పార్టీలో చేరాడు.[8]
మూలాలు
[మార్చు]- ↑ నమస్తే తెలంగాణ, తెలంగాణ (14 November 2020). "దక్షిణాదిలో తొలి రజక ఎమ్మెల్యే". ntnews. Archived from the original on 14 November 2020. Retrieved 14 November 2020.
- ↑ The Hans India, Telangana (14 November 2020). "Telangana Cabinet strikes balance with MLC posts". www.thehansindia.com. Archived from the original on 14 November 2020. Retrieved 14 November 2020.
- ↑ "Archive News". The Hindu. Retrieved 2020-11-14.
- ↑ The New Indian Express (24 February 2016). "Rude Jolt to Congress as Saraiah Joins TRS". The New Indian Express. Archived from the original on 13 మే 2021. Retrieved 13 May 2021.
- ↑ Sakshi (10 October 2017). "67 మందితో టీఆర్‌ఎస్‌ రాష్ట్ర కార్యవర్గం". Archived from the original on 12 జనవరి 2022. Retrieved 12 January 2022.
- ↑ ETV Bharat News (18 November 2020). "ప్రమాణ స్వీకారం చేసిన కొత్త ఎమ్మెల్సీలు". ETV Bharat News (in ఇంగ్లీష్). Archived from the original on 13 మే 2021. Retrieved 13 May 2021.
- ↑ 10TV (14 November 2020). "తెలంగాణలో ముగ్గురికి ఎమ్మెల్సీ పదవులు | Three MLC posts in Telangana". 10TV (in telugu). Archived from the original on 13 మే 2021. Retrieved 13 May 2021.
{{cite news}}: CS1 maint: numeric names: authors list (link) CS1 maint: unrecognized language (link) - ↑ NT News (5 July 2024). "కాంగ్రెస్‌లో చేరిన ఆరుగురు ఎమ్మెల్సీలు." Archived from the original on 5 July 2024. Retrieved 5 July 2024.