బూదాటి వెంకటేశ్వర్లు

వికీపీడియా నుండి
Jump to navigation Jump to search
Prof Budati Venkateswarlu
ఆచార్య బూదాటి వెంకటేశ్వర్లు
జననంబూదాటి వెంకటేశ్వర్లు
08.08-1964
రాజాపేట గుంటూరుజిల్లా, ఆంధ్రప్రదేశ్
నివాస ప్రాంతంవారణాసి భారత దేశముIndia
వృత్తితెలుగు ఆచార్యులు
ఉద్యోగంబెనారస్ హిందూ విశ్వవిద్యాలయం
ప్రసిద్ధిఅధ్యాపకులుగా
మతంహిందూ
తండ్రిబూదాటి సుబ్రహ్మణ్యo
తల్లిబూదాటి అప్పమ్మ
వెబ్‌సైటు
http://profbudati.blogspot.in//

బూదాటి వెంకటేశ్వర్లు (Budati Venkateswarlu) అధ్యాపకులు, సాహిత్య విమర్శకులు, భాషావ్యాకరణశాస్త్ర పండితులు, కవి.[1] వీరు బెనారస్ హిందూ విశ్వవిద్యాలయం తెలుగు శాఖాధ్యక్షులుగా ప్రస్తుతం విధులు నిర్వహిస్తున్నారు.[2]

జీవిత విశేషాలు

బూదాటి వెంకటేశ్వర్లు రాజాపేట (చిలకలూరిపేట మండలం) గుంటూరు జిల్లాలో బూదాటి సుబ్రహ్మణ్యం బూదాటి అప్పమ్మ దంపతులకు జన్మించారు. ప్రాథమిక విద్య రాజాపేటలో, హైస్కూల్ విద్య పురుషోత్తమ పట్టణంలో, కళాశాల విద్య గణపవరంలో చదువుకున్నారు. ఎం.ఏ నాగార్జన విశ్వవిద్యాలయంలో చదివారు. ఎం.ఏ లో రెండు బంగారు పతకాల్ని పొందారు. నాగార్జున విశ్వవిద్యాలయంలోని తెలుగు శాఖలో మొట్ట మొదటగా యు.జి.సి వారు నిర్వహించే నెట్ పరిక్ష ఉత్తీర్ణులై ఫెలోషిప్ (జెఆర్.ఎఫ్)ను పొందారు. పరిశోధన కోసం ఆంధ్ర విశ్వ కళాపరిషత్తుకు వెళ్లి హరివంశము-ఎఱ్ఱన, సోమనల తులనాత్మక పరిశీలన అనే అంశంపై డాక్టరేట్ పొందారు. ప్రతిష్టాత్మకమైన బెనారస్ హిందూ విశ్వవిద్యాలయం నుండి 2023లో డిలీట్ దొకటర్స్ ఆఫ్ లెటర్స్ పొందారు

ఉద్యోగ జీవితం

బూదాటి వెంకటేశ్వర్లు మొదటగా ఒంగోలులోని SSN రెసిడెన్షియల్ కళాశాలలో తెలుగు సంస్కృత అధ్యాపకునిగా ఉద్యోగ జీవితం ప్రారంభించారు. ఆ తరువాత నరసరావుపేటలోని శ్రీమతి కాసు రాఘవమ్మ బ్రహ్మానంద రెడ్డి కళాశాలలో పనిచేసారు. ఈటివి కొత్తగా ప్రారంభమైన కాలంలో స్టోరీ డిపార్టుమెంటులో రెండు సంవత్సరాలు పనిచేశారు. 1998లో ఆంధ్రప్రదేశ్ పబ్లిక్ సర్వీసు కమీషన్ వారు నిర్వహించిన పోటీ పరీక్షలో ఉత్తీర్ణులై ప్రభుత్వ డిగ్రీ కళాశాలలో అధ్యాపకులుగా ఎంపికయ్యారు. సత్తుపల్లి జలగం వెంగళ రావు ప్రభుత్వ డిగ్రీ కళాశాలలోను, ఖమ్మం SR & GNR ప్రభుత్వ డిగ్రీ కళాశాలలోను 2006 వరకు పనిచేశారు. కుప్పంలోని ద్రావిడ విశ్వ విద్యాలయంలో 2006 నుంచి సహఆచార్యులుగా, ఆచార్యులుగా, తెలుగు శాఖ అధ్యక్షులుగా 2016 పనిచేసారు. 2016 నుంచి దేశంలోనే ప్రసిద్ధి చెందిన బెనారస్ హిందూ విశ్వవిద్యాలయంలో తెలుగు శాఖలో ఆచార్యులుగా పనిచేస్తునారు. 2018లో ఆంధ్ర ప్రదేశ కేంద్రీయ విశ్వవిద్యాలయంవారి ఆహ్వానం మేరకు డిప్యుటేషన్ పై వెళ్ళి ఒక విద్యా సంవత్సరం పనిచేశారు.2022 జనవరి నుండి నుండి శాఖాధ్యక్షులుగా బాధ్యతలు నిర్వహిస్తున్నారు.

రచనలు

  1. కరదీపిక 1988
  2. మువ్వల సవ్వడి 1992
  3. సౌదామినీలు 1999
  4. ఆనందశాఖి 2006
  5. తెలుగు బోధన సమస్యలు - పరిష్కారాలు 2006
  6. ఆధునిక భాషాబోధన సందర్భం - చిన్నయసూరి 2009
  7. విజయ విలాసము 2010
  8. సర్పయాగము 2010
  9. కరదీపిక (అలంకారాలు) 2011
  10. నీతి సీసశతకవ్యాఖ్య (తాళ్ళపాక పెద తిరుమలాచార్యులు) 2011
  11. తెలుగు ప్రశ్నోత్తర కౌముది 2011
  12. భారతీయ గ్రంథ ప్రరిష్కరణ పద్ధతులు 2012 (S.M.కత్రే పుస్తకానికి అనువాదం )
  13. తెలుగు సాహిత్య సౌందర్య మీమాంస 2012
  14. తెలుగు సాహిత్య ప్రక్రియలు - ధోరణులు 2012
  15. ఎర్రన్న కవితాతత్త్వము 2012
  16. లోనారసి (వ్యాస సంకలనం) 2013
  17. చిన్నప్ప రెడ్డి కథ (వీరగాధ పరిశోధన) 2013
  18. అలంకార చంద్రిక 2013
  19. సంప్రదాయ తెలుగు వ్యాకరణాలు 2014
  20. ఆనంద కందళి (సాహిత్య వ్యాస సంకలనం) 2016
  21. భాగవతం (చతుర్థ స్కంధవ్యాఖ్య) 2016
  22. సువర్ణ సౌరభం (వ్యాస సంకలనం) – 2017
  23. చామీకరం (వ్యాస సంకలనం) – 2019
  24. గాంధీ శతక౦ (మంగిపూడి) - వ్యాఖ్యానం – 2019
  25. క్రీస్తు చరిత్ర (గుర్రం జాషువ) - వ్యాఖ్యానం (గుర్రం జాషువా) – 2022
  26. నిరుద్ధ భారతం (మంగిపూడి) - వ్యాఖ్యానం - 2022
  27. అంతరాలోకనం (సాహిత్య వ్యాసాలు) - 2023[3]
  28. మనుచరిత్రము (అల్లసాని పెద్దన) – వ్యాఖ్యానం -2024
  29. సాహిత్యంలో పాత్ర సృజన పద్దతులు 2024

పురస్కారాలు

  • 2024లో సాహిత్య విమర్శ విభాగంలో తెలుగు విశ్వవిద్యాలయం - కీర్తి పురస్కారం (2022)[4]
  • 2023లో ఆంధ్రప్రదేశ ప్రభుత్వంవారి గిడుగు భాషా పురస్కారం
  • 2023లో 'సహృదయ సాహిత్య సాంస్కృతిక సంస్థ, వరంగల్' ద్వారా 'సహృదయ సాహిత్య పురస్కారం'
  • 2022లో మాడభూషి సాహిత్య కళాపరిషత్ వారి సాహిత్య పురస్కారం
  • 2020లో 'నాగభైరవ కళాపీఠం, ఒంగోలు' వారిచే 'నాగభైరవ అవార్డు'
  • 2014లో 'తెలుగు శాఖ, మద్రాసు విశ్వవిద్యాలయం' ద్వారా 'లైఫ్ టైమ్ అచీవ్‌మెంట్ అవార్డు'

మూలాలు

  1. ↑ "'Telugu Panduga' at Dravidian varsity".
  2. ↑ {https://bhu.ac.in/Site/FacultyList/1_115_692_Department-of-Telugu-Facultyv Department of Telugu, Baranaras Hindu University, Varanasi}
  3. ↑ {https://www.andhrajyothy.com/2023/prathyekam/budati-venkateswarlu-written-book-antaraalookanam-released-in-varanasi-psnr-997317.html Budati Venkateswarlu: ఆచార్య బూదాటి వెంకటేశ్వర్లు రచించిన 'అంతరాలోకనం' ఆవిష్కరణ 2023-01-25}
  4. ↑ "తెలుగు విశ్వవిద్యాలయం కీర్తి పురస్కారాల ప్రదానం". EENADU. 2024-03-21. Archived from the original on 2024-03-20. Retrieved 2024-03-21.

బాహ్య లింకులు

"https://te.wikipedia.org/w/index.php?title=బూదాటి_వెంకటేశ్వర్లు&oldid=4214125" నుండి వెలికితీశారు