ముత్తరాజు సుబ్బారావు

ముత్తరాజు సుబ్బారావు
జననం	ముత్తరాజు సుబ్బారావు జనవరి 14, 1888 పోతెగుంట, సైదాపురం మండలం నెల్లూరు జిల్లా ఆంధ్రప్రదేశ్
మరణం	సెప్టెంబర్ 17, 1922
నివాస ప్రాంతం	ఆంధ్రప్రదేశ్
వృత్తి	నాటక రచయిత
మతం	హిందు.

ముత్తరాజు సుబ్బారావు (జనవరి 14, 1888 - సెప్టెంబర్ 17, 1922) సుప్రసిద్ధ నాటక రచయిత. వీరు శ్రీకృష్ణ తులాభారం నాటక రచన ద్వారా ప్రసిద్ధులయ్యారు.

జననం

సుబ్బారావు 1888, జనవరి 14న నెల్లూరు జిల్లా రాపూరు సమీపంలోని పోతెగుంట లో జన్మించారు.

విద్యాభ్యాసం - ఉద్యోగం

వీరు బి.ఎ. పట్టా పొంది బందరులోని నొబుల్ కళాశాలలో చరిత్రను బోధించే అధ్యాపకులుగా పనిచేశారు.

రచనా ప్రస్థానం

వీరి ఇతర రచనలు ఉత్తర రామచరిత్ర, రాజ్యశ్రీ, చంద్రగుప్త. వీటిలో రాజ్యశ్రీ నాటకాన్ని చెన్నపురిలోని సుగుణవిలాస సభవారు ఏర్పరచిన పోటీలకు రాసింది. దానికి స్వర్ణపతకం వీరికి లభించింది. ఇవి కాక బి.ఎ. చదివే విద్యార్థుల కోసం చరిత్ర పుస్తకాలు రచించారు. ముత్తరాజు సుబ్బారావు శ్రీకృష్ణ తులాభారం (నాటకం) కోసం రాసిన పద్యాలను శ్రీకృష్ణ తులాభారం సినిమాలో వావడం జరిగింది.

మరణం

సంపాదించిన డబ్బునంతా ధర్మాలు చేసి చివరికి నిరుపేదగా 1922 సెప్టెంబరు 17 తేదీన పరమపదించారు.