మేదరమెట్ల

వికీపీడియా నుండి
Jump to navigation Jump to search


మేదరమెట్ల
గ్రామం
మేదరమెట్ల is located in Andhra Pradesh
మేదరమెట్ల
మేదరమెట్ల
అక్షాంశ రేఖాంశాలు: 15°43′00″N 80°01′00″E / 15.716667°N 80.016667°E / 15.716667; 80.016667Coordinates: 15°43′00″N 80°01′00″E / 15.716667°N 80.016667°E / 15.716667; 80.016667 Edit this at Wikidata
దేశంభారతదేశం
రాష్ట్రంఆంధ్రప్రదేశ్
జిల్లాప్రకాశం జిల్లా
మండలంకొరిశపాడు మండలం Edit this on Wikidata
ప్రాంతీయ ఫోన్ కోడ్+91 (08593 Edit this at Wikidata)
పిన్(PIN)523212 Edit this at Wikidata

మేదరమెట్ల ప్రకాశం జిల్లా కొరిశపాడు మండలానికి చెందిన గ్రామము.[1] పిన్ కోడ్ నం. 523 212., ఎస్.టి.డి.కోడ్ = 08592.

విషయ సూచిక

గ్రామం పేరు వెనుక చరిత్ర[మార్చు]

మేదర వృత్తి చేసేవారు తొలిగా గ్రామంలో ఆవాసం ఏర్పరుచుకోవడం వల్ల మేదరమెట్ల గ్రామానికి ఆ పేరు ఏర్పడిందని గ్రామనామాలు అధ్యయనం చేసిన బాలగంగాధరరావు పేర్కొన్నారు.[2]

గ్రామ భౌగోళికం[మార్చు]

సమీప గ్రామాలు[మార్చు]

కొరిశపాడు 4 కి.మీ, కొత్తకోట 4 కి.మీ, బొడ్డువాని పాలెం 5 కి.మీ, రావినూతల 5 కి.మీ, కుర్రవానిపాలెం 7 కి.మీ.

సమీప మండలాలు[మార్చు]

ఉత్తరాన అద్దంకి మండలం, దక్షణాన మద్దిపాడు మండలం, ఉత్తరాన జనకవరం పంగులూరు మండలం, తూర్పున నాగులుప్పలపాడు మండలం.

గ్రామంలో విద్యా సౌకర్యాలు[మార్చు]

శారద డిగ్రీ కళాశాల[మార్చు]

బి.సి.విద్యార్ధుల వసతి గృహం[మార్చు]

జిల్లా పరిషత్తు ఉన్నత పాఠశాల[మార్చు]

  1. ఈ పాఠశాల విద్యార్థులు, హ్యాండ్ బాల్ పోటీలలో రాష్ట్ర, జాతీయ స్థాయి పోటీలలో తమ సత్తా చాటుచున్న మెరికలు. దినసరి కూలీ బిడ్డలు, అందుకున్న ప్రోత్సాహం అంతంతమాత్రమే అయినా, హ్యాండ్ బాల్ అంటే మేదరమెట్ల జట్టే అన్న స్థాయికి చేర్చారు. గత 5 సంవత్సరాలుగా జిల్లా జట్టుకు వెన్నెముకగా నిలుచుచూ, గల్లీ నుండి ఢిల్లీ దాకా, మేదరమెట్ల పాఠశాల కీరి కిరీటం ఎగురవేయుచున్నారు. అసోసియేషను సహకారంతో రాష్ట్ర, జాతీయస్థాయిలో రాణింంచుచున్నారు. [ఈనాడు ప్రకాశం; 2014, డిసెంబరు-21; 9వపేజీ]
  2. ఈ పాఠశాల రాష్ట్రంలోనే ఆదర్శ ఉన్నత పాఠశాలగా ఎన్నిక అయినది. ఈ పాఠశాల వార్షికోత్సవం, 2015, మార్చి-13వ తేదీనాడు ఘనంగా నిర్వహించారు. [ఈనాడు ప్రకాశం/అద్దంకి; 2015, మార్చి-14; 2 వపేజీ]
  3. ఈ పాఠశాల విద్యార్థి పి.సాయికిరణ్, స్కూల్ గేంస్ ఫెడెరేషన్ ఆధ్వర్యంలో 2015, నవంబరు-14 నుండి 17 వరకు, పశ్చిమగోదావరి జిల్లాలోని నారాయణపురంలో నిర్వహించిన రాష్ట్రస్థాయి అండర్-17 క్రికెట్ పోటీలలో తన ప్రతిభ చాటి, జాతీయస్థాయి పోటీలకు ఎంపికైనాడు. ఇతడు డిసెంబరు/2015లో ముంబాయిలో నిర్వహించు జాతీయస్థాయి పోటీలలో పాల్గొంటాడు. [11]
  • మాంటిస్సోరి పాఠశాల

గ్రామములో మౌలిక వసతులు[మార్చు]

రక్షిత మంచినీటి పథకం[మార్చు]

స్థానిక తమ్మవరం రహదారిలో నాలుగున్నర కోట్ల రూపాయలతో నిర్మించిన ఈ పథకానికి, తమ్మవరం ద్వారా, గుండ్లకమ్మ జలాశయం నీరు వచ్చుచున్నది. ఈ నీటిని ఫిల్టర్లద్వారా శుద్ధిచేసి, చుట్టుప్రక్కల 22 గ్రామాలకు పంపవలసియుండగా, ప్రస్తుతం పది గ్రామాలకే ఈ శుద్ధినీరు పంపించున్నారు. [9]

ప్రాథమిక ఆరోగ్య కేంద్రం.[మార్చు]

ఈ ఆరోగ్యకేంద్రం పరిధిలో మణికేశ్వరం, కొంగపాడు, వేలమూరిపాడు, విప్పర్లపాలెం, రాజీవ్ కాలనీ, వెంకటాపురం గ్రామాలు ఉన్నాయి.

బ్యాంకులు[మార్చు]

  1. ఆంధ్రా బ్యాంక్
  2. ఇండియన్ బ్యాంక్.
  3. ఆంధ్రప్రగతి గ్రామీణ బ్యాంక్.

గ్రామ పంచాయతీ[మార్చు]

  1. ఈ గ్రామ మేజర్ పంచాయతీ 1959 జూలై 26 న ఏర్పడింది. ప్రస్తుత గ్రామ జనాభా = 11,000. ఆదాయం = రు.30 లక్షలపైన.[3]
  2. 2013 జూలైలో ఈ గ్రామ పంచాయతీకి నిర్వహించిన ఎన్నికలలో శ్రీ శ్రీధర్, సర్పంచిగా ఎన్నికైనారు. ఉపసర్పంచిగా శ్రీ మన్నె శ్రీధర్ ఎన్నికైనారు. [10]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ భూనీలా సమేత శ్రీ వెంకటేశ్వరస్వామి ఆలయం[మార్చు]

గ్రామములోని అద్దంకిరోడ్డులోని ఈ ఆలయంలో, వైకుంఠ ఏకాదశికి ప్రత్యేక పూజా కార్యక్రమాలు వైభవంగా నిర్వహించెదరు. ఉత్తర ద్వారదర్శనానికి గూడా, భక్తులు అధిక సంఖ్యలో వచ్చి స్వామివారిని దర్శించుకుంటారు. ఈ ఆలయ 30వ వార్షిక బ్రహ్మోత్సవాలు 2014, జూన్-14వ తేదీ శనివారం నుండి ప్రారంభమైనవి. ఈ ఉత్సవాలలో భాగంగా, జూన్-16, సోమవారం నాడు, ఉదయం 7 గంటల నుండి నిత్యహోమం, బలిహరణ, విశేషపూజలు నిర్వహించారు. చందనంతో స్వామివారిని అలంకరించారు. సాయంత్రం ఆరు గంటల నుండి, స్వామివారిని హనుమంతవాహనంపై గ్రామోత్సవం నిర్వహించారు. మంగళవారం 108 కలశాలతో క్షీరాభిషేకం నిర్వహించారు. సాయంత్రం గరుడవాహనంపై స్వామివారి గ్రామోత్సవం నిర్వహించారు. 18వ తేదీ బుధవారం నాడు, వెంకటేశ్వరుని పెళ్ళికుమారునిగా పుష్పాలంకరణ చేసెదరు. 2014, జూన్-19న, ఉదయం 9 గంటలకు, స్వామివారి తిరు కళ్యాణం నిర్వహించెదరు. [5]

ఈ ఆలయంలో స్వామివారి 33వ వార్షిక బ్రహ్మోత్సవాలు, 2017,జూన్-11వతేదీ ఆదివారం నుండి ప్రారంభమగును. [12]

శ్రీ గంగా భ్రమరాంబా సమేత శ్రీ మల్లేశ్వరస్వామివారి ఆలయం[మార్చు]

ఈ ఆలయంలో, 2014,జూన్-14,శనివారం నాడు, వేదమంత్రాల మధ్య, స్వామివారి శాంతికల్యాణం నిర్వహించారు. అనంతరం బాణాసంచా కాలుస్తూ గ్రామోత్సవం నిర్వహించారు. భక్తులకు తీర్ధప్రసాదాలు అందజేసినారు. [3]

ఈ ఆలయంలో స్వామివారి వార్షిక తిరునాళ్ళు 2015, మే నెల-1వ తేదీనుండి, 7వ తేదీ వరకు నిర్వహించెదరు. [6]

శ్రీ షిర్డీ సాయి మందిరం[మార్చు]

మేదరమెట్ల గ్రామంలోని సాయినగరులో వేంచేసియున్న ఈ మందిరం 11వ వార్షికోత్సవం, 2015, జూన్-5,6 తేదీలలో నిర్వహించెదరు. ఈ కార్యక్రమాన్ని పురస్కరించుకొని, ఆలయంలో స్వామివారికి కాగడా హారతి, సంకీర్తన, అభిషేకాలు, హోమాలు, అన్నదానం తదితర కార్యక్రమాలు నిర్వహించెదరు. [7]

శ్రీ షిర్డీ సాయి ఆలయం[మార్చు]

మేదరమెట్ల గ్రామంలోని పున్నయ్య ఆసుపత్రి సమీపంలోని ఈ అలయంలో, 11వ వార్షికవేడుకల సందభంగా, 2015, జూన్-2వ తేదీ మంగళవారం సాయంత్రం, శ్రీ సాయినాధుని నగర ఊరేగింపు నిర్వహించెదరు. 3వ తేదీ బుధవారంనాడు, ధాన్యాభిషేకం, సత్సంగం చేపట్టెదరు. అనంతరం విచ్చేసిన భక్తులకు అన్నప్రసాద వితరణ నిర్వహించెదరు. [8]

బొడ్డురాయి (శీతలాంబ)[మార్చు]

గ్రామంలో ప్రధాన పంటలు[మార్చు]

వరి, అపరాలు, కాయగూరలు

గ్రామంలో ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

గ్రామ విశేషాలు[మార్చు]

ఈ గ్రామాభివృద్ధికి 1949 నుండి 1986 వరకూ యర్రం కోటిరెడ్డి, మన్నె సీతారామయ్య తదితరులు కృషిచేశారు. 1986 నుండి 2001 వరకూ, 15 ఏళ్ళపాటు సమస్యాతకంగా ముద్ర పడిన ఈ గ్రామంలో, తరువాత నాయకులలో క్రమంగా వివేచన మేల్కొంది. గొడవలు వదలి గ్రామాభివృద్ధికి ముందుకొచ్చారు. గ్రామంలో కోట్లాది రూపాయలతో సిమెంటురోడ్లు ఏర్పాటు చేశారు. బైపాస్ రోడ్ ఏర్పడటంతో భూముల ధరలు పెరిగినవి. భారీ పరిశ్రమలు ఏర్పడటంతో ఉపాధి అవకాశాలు మెరుగైనవి. మేదరమెట్ల ఇప్పుడు అభివృద్ధి పథంలో వడివడిగా అడుగులేస్తోంది.[4]

ఈ గ్రామ సమీపంలో తమ్మవరం వెళ్ళే దారిలో మిరపకాయలను వినియోగించి నూనె తీసే ఒక కర్మాగారం 2013లో ఏర్పాటుచేసారు. ఈ కర్మాగారంలో సుమారు 600 మందికి పైగా పనిచేస్తున్నారు.</ref> ఈనాడు ప్రకాశం; 2016, సెప్టెంబరు-26,3వపేజీ.</ref>

మూలాలు[మార్చు]

  1. భారత ప్రభుత్వం నిర్వహించిన 2011 గణాంకాల జాలగూడు
  2. తెలుగువారి ఊళ్ల పేర్లు – ఇంటి పేర్లు:యార్లగడ్డ బాలగంగాధరరావు:తెలుగు పలుకు: 2013 తానా సమావేశాల ప్రత్యేక సంచిక
  3. ఈనాడు ప్రకాశం/అద్దంకి, సెప్టెంబరు 26, 2013.
  4. ఈనాడు ప్రకాశం; జులై-20,2013. 8వపేజీ.

వెలుపలి లంకెలు[మార్చు]

  • గ్రామం గణాంకాల వివరణకు ఇక్కడ చూడండి.[1]

[5] ఈనాడు ప్రకాశం/అద్దంకి; 2014,జూన్-8; 1వపేజీ. [6] ఈనాడు ప్రకాశం/అద్దంకి; 2015,మే-8; 3వపేజీ. [7] ఈనాడు ప్రకాశం/అద్దంకి; 2015,మే-29; 2వపేజీ. [8] ఈనాడు ప్రకాశం/అద్దంకి; 2015,జూన్-2; 1వపేజీ. [9] ఈనాడు ప్రకాశం/అద్దంకి; 2015, జూన్-15; 1వపేజీ. [10] ఈనాడు ప్రకాశం/అద్దంకి; 2015,సెప్టెంబరు-10; 2వపేజీ. [11] ఈనాడు ప్రకాశం; 2015,నవంబరు-26; 15వపేజీ. [12] ఈనాడు ప్రకాశం/అద్దంకి; 2017,జూన్-11; 2వపేజీ.



ఇదే పేరుగల తెలంగాణా రాష్ట్రంలోని మరియొక గ్రామం కొరకు, మేదరమట్ల చూడండి.