రావులపల్లి గుర్నాథరెడ్డి

రావులపల్లి గుర్‌నాథ్‌రెడ్డి 1944, ఫిబ్రవరి 15న మహబూబ్ నగర్ జిల్లా కోడంగల్ మండలం రావులపల్లిలో జన్మించాడు. 1972లో రాజకీయరంగ ప్రవేశం చేసి కోడంగల్ గ్రామపంచాయతి సర్పంచిగా ఎన్నికయ్యాడు. 1978లో తొలిసారిగా కొడంగల్ శాసనసభ నియోజకవర్గం నుంచి ఇండిపెండెంట్‌గా పోటీచేసి కాంగ్రెస్ పార్టీ అభ్యర్థి పులివీరన్నపై విజయం సాధించాడు. ఆ తర్వాత కాంగ్రెస్ పార్టీలో చేరి 1983లో ఇండిపెండెంట్ అభ్యర్థి నందారం వెంకటయ్యపై గెలుపొందినాడు. 1989, 1999, 2004లలో తెలుగుదేశం పార్టీ అభ్యర్థులపై విజయం సాధించి మొత్తం 5 సార్లు శాసనసభకు ఎన్నికయ్యాడు. 2009లో తెలుగుదేశం పార్టీ యువనాయకుడు రేవంత్ రెడ్డి చేతిలో పరాజయం పొందినాడు.