వల్లభనేని వంశీ మోహన్

వల్లభనేని వంశీ మోహన్
ఆంధ్రప్రదేశ్ శాసనసభ సభ్యుడు
పదవీ కాలం 2014 – 2024 ఫిబ్రవరి 26
ముందు	దాసరి బాలవర్ధనరావు
తరువాత	యార్లగడ్డ వెంకటరావు
నియోజకవర్గం	గన్నవరం
వ్యక్తిగత వివరాలు
జననం	1972 గన్నవరం, కృష్ణా జిల్లా, ఆంధ్రప్రదేశ్ రాష్ట్రం
జాతీయత	భారతీయుడు
రాజకీయ పార్టీ	వై.యస్.ఆర్. కాంగ్రెస్ పార్టీ
సంతానం	2
వృత్తి	రాజకీయ నాయకుడు

వల్లభనేని వంశీ మోహన్ ఆంధ్రప్రదేశ్ రాష్ట్రానికి చెందిన రాజకీయ నాయకుడు, సినిమా నిర్మాత. ఆయన గన్నవరం శాసనసభ నియోజకవర్గం నుండి రెండుసార్లు ఎమ్మెల్యేగా గెలిచాడు.

జననం, విద్యాభ్యాసం

వల్లభనేని వంశీ 1972లో ఆంధ్రప్రదేశ్ రాష్ట్రం, కృష్ణా జిల్లా, గన్నవరంలో జన్మించాడు. ఆయన 1995లో తిరుపతి ఎస్వీ యూనివర్సిటీ నుంచి ఎంవీఎస్సీ పూర్తి చేసి గోల్డ్ మెడల్ సాధించాడు. వంశీ ప్రస్తుతం హైదరాబాద్ లోని ఇండియన్ స్కూల్ ఆఫ్ బిజినెస్ లో పబ్లిక్ పాలసీలో అడ్వాన్స్డ్ మెనేజే మెంట్ కోర్సు చేస్తున్నాడు.

రాజకీయ జీవితం

వల్లభనేని వంశీ మోహన్ 2014లో జరిగిన అసెంబ్లీ ఎన్నికల్లో టీడీపీ అభ్యర్థిగా తన సమీప ప్రత్యర్థి వైసీపీ అభ్యర్థి దుట్టా రామచంద్రరావుపై 9,400 ఓట్లతో గెలిచి తొలిసారి ఎమ్మెల్యేగా అసెంబ్లీకి ఎన్నికయ్యాడు. ఆయన 2019లో జరిగిన అసెంబ్లీ ఎన్నికల్లో టీడీపీ అభ్యర్థిగా పోటీ చేసి తన సమీప ప్రత్యర్థి వైసీపీ అభ్యర్థి యార్లగడ్డ వెంకటరావుపై 838 ఓట్లతో గెలిచి రెండోసారి ఎమ్మెల్యేగా అసెంబ్లీకి ఎన్నికయ్యాడు.

వల్లభనేని వంశీ టీడిపిని విడి వైసీపీకి మద్దతుగా ఉండడంతో టీడీపీ వేసిన పిటిషన్‌తో ఆ పార్టీని వీడిన ఆయనపై అనర్హత వేటు వేస్తూ 2024 ఫిబ్రవరి 26న స్పీకర్‌ తమ్మినేని సీతారాం నిర్ణయం తీసుకున్నాడు.

వల్లభనేని వంశీమోహన్ 2024లో జరిగిన ఆంధ్రప్రదేశ్ శాసనససభ ఎన్నికలలో గన్నవరం నియోజకవర్గం వైఎస్‌ఆర్‌సీపీ అభ్యర్థిగా పోటీ చేసి తన సమీప ప్రత్యర్థి టీడీపీ అభ్యర్థి యార్లగడ్డ వెంకటరావు చేతిలో 37,628 ఓట్ల తేడాతో ఓడిపోయాడు.

నిర్మించిన సినిమాలు

• పున్నమి నాగు (2009)
• అదుర్స్ (2010)
• టచ్ చేసి చూడు (2018)

జైలు జీవితం

ఆంధ్రప్రదేశ్ రాష్ట్రంలో కూటమి ప్రభుత్వం ఏర్పాటైన తరువాత టీడీపీ కార్యాలయంపై దాడి, ఇతర కేసుల్లో 2025 ఫిబ్రవరి 13న వల్లభనేని వంశీని పోలీసులు అరెస్ట్ చేయగా, ఆ తరువాత ఆయనకు కోర్టు బెయిల్ మంజూరు చేయగా 137 రోజుల పాటు జైలు జీవితం గడిపిన ఆయన 2025 జులై 2న విజయవాడ జైలు నుంచి విడుదలయ్యాడు.