వేదిక:వర్తమాన ఘటనలు/2008 ఆగష్టు 29

2008 ఆగస్టు 29 (2008-08-29)!(శుక్రవారం)

ఝార్ఖండ్ శాసనసభలో జరిగిన విశ్వాస పరీక్షలో నెగ్గి శిబూ సోరెన్ ఆరవ ముఖ్యమంత్రిగా పదవి అధిష్టించాడు. 2008 భారత కంపెనీల చట్టానికి కేంద్ర మంత్రి మండలి ఆమోదించింది. అక్టోబరు పార్లమెంటు సమావేశాలలో ఈ బిల్లును ప్రవేశపెడతారు. ఒరిస్సా విధానసభలో బిజూజనతాదళ్-భారతీయ జనతా పార్టీ సంకీర్ణ ప్రభుత్వంపై ప్రవేశపెట్టిన అవిశ్వాస తీర్మానం వీగిపోయింది. శ్రీలంక క్రికెట్ జట్టుతో జరిగిన చివరి వన్డేలో భారత క్రికెట్ జట్టు ఓటమి చెందింది. ఆధిక్యం తగ్గిననూ సీరీస్‌ను 3-2 తేడాతో గెలుచుకుంది. ప్రముఖ క్రికెట్ క్రీడాకారుడు, భారత వన్డే జట్టు కెప్టెన్ మహేంద్రసింగ్ ధోనితో పాతు మరో 11 క్రీడాకారులకు అర్జున అవార్డులను ప్రధానం చేశారు. రాష్ట్రపతి భవన్‌లో జరిగిన కార్యక్రమంలో రాష్ట్రపతి ప్రతిభా పాటిల్ ఈ అవార్డులను అందజేశారు. దక్షిణాఫ్రికాతో జరిగిన మూడవ వన్డేలో ఇంగ్లాండ్ జట్టు 126 పరుగుల తేడాతో విజయం సాధించింది.