శ్రీనివాస మూర్తి

ఎ. శ్రీనివాస మూర్తి
జననం	విజయనగరం, ఆంధ్రప్రదేశ్
మరణం	2023 జనవరి 27 చెన్నై
మరణ కారణం	గుండెపోటు
జాతీయత	భారతీయుడు
వృత్తి	డబ్బింగ్‌ ఆర్టిస్ట్‌
క్రియాశీల సంవత్సరాలు	1990 - 2023
తల్లిదండ్రులు	ఎ.వి.ఎన్.మూర్తి (తండ్రి)

శ్రీనివాస మూర్తి భారతీయ డబ్బింగ్‌ ఆర్టిస్ట్‌. ఆయన ఆంగ్ల సినిమాలను దక్షిణాదిలోని భాషల్లోకి డబ్బింగ్ చెప్పేవాడు. అలాగే తమిళం, హిందీ, కన్నడ వంటి ఇతర భాషల నుంచి తెలుగులోకి అనువాదమయ్యే చిత్రాల హీరోలకు డబ్బింగ్‌ చెప్పేవాడు. తెలుగు సినిమాల్లో ప్రతి నాయకులకు కూడా గాత్రం అందించి మెప్పించాడు.

వెయ్యికి పైగా చిత్రాలకు డబ్బింగ్‌ చెప్పిన ఆయన డబ్బింగ్‌ ఆర్టిస్ట్‌గా సూర్య, అజిత్, మోహన్ లాల్, రాజశేఖర్, కార్తి‌, విక్రమ్‌.. ఇలా మరెందరో స్టార్ హీరోలకు పనిచేసాడు. బాలీవుడ్‌ స్టార్స్‌ సల్మాన్‌ ఖాన్‌, షారుఖ్‌ ఖాన్‌లకు కూడా ఆయన గొంతు బాగా సరిపోయేది. 1998లో వచ్చిన శివయ్య సినిమాలో రాజశేఖర్‌కు డబ్బింగ్‌ చెప్పాడు. ఈ సినిమాకు గాను ఆయనకు డబ్బింగ్‌ ఆర్టిస్ట్‌గా నంది అవార్డు వరించింది. సహాయనటుడిగానూ ఆయన పలు చిత్రాల్లో నటించాడు.

నందమూరి బాలకృష్ణ నటించిన గౌతమీపుత్ర శాతకర్ణి, ఉయ్ కొడతారా? ఉలిక్కి పడతారా? తమిళ డబ్బింగ్ చిత్రాలకు శ్రీనివాస మూర్తి గాత్రం అందించాడు. అమితాబ్ బచ్చన్ నటించిన థగ్స్ ఆఫ్ హిందుస్థాన్ తెలుగు చిత్రానికి కూడా ఆయన డబ్బింగ్ చెప్పాడు.

ఆంధ్రప్రదేశ్ లోని విజయనగరంలో జన్మించిన ఆయన తెలుగుతో పాటు ఇంగ్లిష్, తమిళం, కన్నడ, హిందీ భాషల్లో అనర్గళంగా మాట్లాడగలడు. శ్రీనివాస మూర్తి తండ్రి ఎ.వి.ఎన్.మూర్తి కూడా ప్రముఖ డబ్బింగ్ కళాకారుడు, గాయకుడు.

సినిమాలు

• వివేకం
• ఆశ ఆశ ఆశ
• ఎంత వాడు గాని
• గ్యాంబ్లర్‌
• ఆవేశం
• వాలి
• రెడ్‌
• ఆట
• ఆరంభం
• సింగం
• సింగమ్‌ 2
• సింగం 3
• రాక్షసుడు
• 24
• వీడొక్కడే
• ఆరు
• నువ్వు నేను ప్రేమ
• అపరిచితుడు
• స్వామి 2
• మల్లన్న
• ఇంకొకడు
• శివ తాండవం
• మా ఆయన బంగారం
• సింహరాశి
• ఆయుధం
• మా అన్నయ్య
• శివయ్య
• శేషు
• పీఎస్‌వీ గరుడ వేగ
• సూర్యుడు
• మెకానిక్‌ అల్లుడు

మరణం

52 ఏళ్ల శ్రీనివాస మూర్తి 2023 జనవరి 27న చెన్నైలోని తన నివాసంలో గుండెపోటుతో తుది శ్వాస విడిచాడు.