షాదీ ముబారక్ పథకం
| షాదీ ముబారక్ | |
|---|---|
 షాదీ ముబారక్ లోగో | |
| ప్రాంతం | తెలంగాణ, భారతదేశం |
| ప్రధాన వ్యక్తులు | తెలంగాణ ప్రజలు |
| స్థాపన | అక్టోబర్ 2, 2014 |
| వెబ్ సైటు | అధికారిక వెబ్ సైట్ |
| నిర్వాహకులు | ముఖ్యమంత్రి కల్వకుంట్ల చంద్రశేఖరరావు, తెలంగాణ ప్రభుత్వం |
షాదీ ముబారక్ పథకం తెలంగాణ రాష్ట్రం లోని ముస్లిం మైనారిటీ వర్గాలకు చెందిన యువతుల వివాహాల కోసం రూ. 1,00,116 చొప్పున ఆర్థిక సాయం అందించే లక్ష్యంతో తెలంగాణ రాష్ట్ర ప్రభుత్వం 2014, అక్టోబర్ 2న ప్రవేశపెట్టిన పథకం.[1] 2017, మార్చి 13న ప్రవేశపెట్టిన 2017-18 తెలంగాణ బడ్జెట్ లో ఈ పథక ఆర్థిక సాయాన్ని రూ.51వేల నుండి రూ.75,116 లకు పెంచారు. 2018, మార్చి 19న రూ.1,00,116 కు పెంచారు.[2] దివ్యాంగ ఆడబిడ్డలకు రూ.1,25,016 అందజేస్తోంది.
ప్రారంభం
[మార్చు]తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖరరావు గారు అక్టోబరు 2, 2014 నుంచి ఈ పథకాన్ని అమలులోకి తీసుకొచ్చారు.[1][3] 18ఏళ్లు వయోపరిమితి ఉన్న ముస్లిం మైనారిటీ వర్గాలకు చెందిన యువతులకు ఈ పథకం వర్తిస్తుంది. గ్రామాల్లో ఆదాయం రూ.లక్షన్నర, పట్టణాల్లో రూ.2 లక్షల ఆదాయం ఉన్న వారు ఈ పథకానికి అర్హులు.
నియమాలు - అర్హతలు
[మార్చు]- అర్హులైన యువతులు తమ వివాహానికి నెల రోజుల ముందు మీ-సేవ కేంద్రాల నుంచి దరఖాస్తు చేసుకోవాలి
- ముస్లిం మైనారిటీ వర్గాలకు చెందిన యువతులు మాత్రమే ఈ పథకానికి అర్హులు
- ధరఖాస్తుదారులు తెలంగాణ రాష్ట్రానికి చెందిన వారై ఉండాలి. వారి కుటుంబ సభ్యుల ఆదాయం రూ. 2 లక్షలకు మించకూడదు
- వివాహ సమయానికి అమ్మాయి వయసు 18 సంవత్సరాలు పూర్తయి ఉండాలి
- బ్యాంకు ఖాతా పుస్తకం (వధువు పేరు మీద ఏదైనా జాతీయ బ్యాంకు నుంచి తీసుకున్న బ్యాంకు ఖాతా పుస్తకంపై వధువు ఫొటో తప్పనిసరిగా ఉండాలి)
కావలసిన ధ్రువపత్రాలు
[మార్చు]- పుట్టిన తేదీ ధృవపత్రం (మీసేవ ద్వారా సంబంధిత అధికారులు జారీ చేసినది)
- కులం ధృవీకరణ పత్రం (మీసేవ ద్వారా సంబంధిత అధికారులు జారీ చేసినది)
- ఆదాయ ధృవీవకరణ పత్రం (వివాహం జరుగు తేదీ నాటికి 6 నెలలలోపు మీ-సేవ ద్వారా సంబంధిత అధికారిచేత జారీ చేసినది)
- పెళ్లికూతురు, పెళ్ళికుమారుడికి చెందిన ఇద్దరి ఆధార్ కార్డులు
- బ్యాంకు ఖాతా పుస్తకం (వధువు పేరు మీద ఏదైనా జాతీయ బ్యాంకు నుంచి తీసుకున్న బ్యాంకు ఖాతా పుస్తకంపై వధువు ఫొటో తప్పనిసరిగా ఉండాలి)
- వివాహ ఆహ్వాన పత్రిక
- వివాహం జరిపించిన గ్రామ పంచాయతీ/చర్చి /మసీదు/ ఏ ఇతర అధికారిక సంస్థ ద్వారా అందిన ఉత్తరం
ధరఖాస్తు విధానం
[మార్చు]తెలంగాణ ఈపాస్ Archived 2017-06-07 at the Wayback Machineలో ధరఖాస్తు చేసుకోవాలి. పెళ్ళికి 10 రోజుల ముందు ఆర్థిక సహాయం అందేలా ప్రభుత్వం ఏర్పాట్లు చేసింది.
ఇతర వివరాలు
[మార్చు]వివాహం జరిగిన తరువాత కళ్యాణలక్ష్మి పథకం కింద ఆర్థిక సాయం చేయాలనే నిబంధనను మార్చి, పెళ్ళి అవసరాలకోసం డబ్బును ముందే అందించాలన్న ఉద్దేశంతో దరఖాస్తు చేసిన కొద్ది రోజులలోనే ఆ దరఖాస్తు ఫారాలను పరిశీలించి, రూ.1,00,116 ఆర్థిక సాయం వధువు పేరుమీద ఉన్న బ్యాంకు ఖాతాలో జమచేస్తారు. జిల్లా కేంద్రంలోని సాంఘిక సంక్షేమశాఖ కార్యాలయంలో, లేదా దగ్గరలోని తహసీల్దార్ కార్యాలయంలో పూర్తి సమాచారం పొందవచ్చు. ఈ పథకం ద్వారా మార్చి 2018 నాటికి 3,65,000 మందికి లబ్ధి చేకూరింది.[4] షాదీముబారక్‌కు 2020-2021 వార్షిక సంవత్సరం రూ. 300 కోట్లు ప్రతిపాదించగా, ప్రతి మూడునెలలకు రూ.75 కోట్ల చొప్పున నిధులు మంజూరు చేశారు.[5]
షాదీముబారక్, కల్యాణలక్ష్మి పథకాల కింద 2021, సెప్టెంబరు 18వ తేదీనాటికి 7,14,575 మంది ఆడపిల్లలకు లబ్ధిచేకూరింది. దీనికోసం ప్రభుత్వం రూ.5,556.54 కోట్లు వెచ్చించింది. 2022, నవంబరు 18వ తేదీనాటికి 11,62,917 మంది ఆడపిల్లల పెళ్ళిలకు రూ.10,000 కోట్లు అందజేయబడింది. ఆర్థికసాయాన్ని అందజేశారు. ఇప్పటివరకు ఈ పథకానికి 13,18,983 మంది దరఖాస్తు చేసుకోగా, అందులో 11,62,917 మందికి ఈ పథకం వచ్చింది.[6]
బడ్జెట్ వివరాలు
[మార్చు]- 2014-15 బడ్జెటులో ఈ పథకానికి 100 కోట్ల రూపాయలు కేటాయించబడింది.
- 2018 తెలంగాణ రాష్ట్ర బడ్జెట్లో ఈ పథకానికి 1,450 రూపాయలు కేటాయించారు.[7][8]
మూలాలు
[మార్చు]- ↑ 1.0 1.1 తెలంగాణ ప్రభుత్వం, పథకాలు. "Shaadi Mubarak Scheme". www.telangana.gov.in. Archived from the original on 19 May 2017. Retrieved 14 March 2017.
- ↑ నమస్తే తెలంగాణ, తెలంగాణ న్యూస్ (20 March 2018). "1,00,116 కల్యాణ లక్ష్మి-షాదీ ముబారక్ సాయం పెంపు". Retrieved 20 March 2018.[permanent dead link]
- ↑ మన తెలంగాణ వార్తలు. "నేటి నుంచి కల్యాణలక్ష్మి, షాదీ ముబారక్ ప్రారంభం". manatelanganavarthalu.com. Archived from the original on 13 April 2017. Retrieved 14 March 2017.
- ↑ నమస్తే తెలంగాణ, బతుకమ్మ (ఆదివారం సంచిక) (2 June 2019). "మన తెలంగాణ ఘన తెలంగాణ". Archived from the original on 2 June 2019. Retrieved 15 June 2019.
- ↑ మన తెలంగాణ, రాష్ట్ర వార్తలు (26 November 2021). "కల్యాణలక్ష్మీ, షాదీముబారక్ పథకాలకు నిధులు మంజూరు". Punnam Venkatesh. Archived from the original on 28 November 2021. Retrieved 28 November 2021.
- ↑ telugu, NT News (2022-11-21). "సంక్షేమంలో తెలంగాణ సరికొత్త రికార్డు.. కల్యాణలక్ష్మి @ 10000 కోట్లు". www.ntnews.com. Archived from the original on 2022-11-21. Retrieved 2022-11-23.
- ↑ "తెలంగాణ బడ్జెట్ 2018: ఈటల ప్రసంగం". Samayam Telugu. 2018-03-15. Archived from the original on 2022-10-12. Retrieved 2022-10-12.
- ↑ Mar 15, TIMESOFINDIA COM / Updated:; 2018; Ist, 13:23 (2018-03-15). "Telangana Budget 2018: Highlights of Telangana budget 2018-19 | Hyderabad News - Times of India". The Times of India (in ఇంగ్లీష్). Archived from the original on 2018-04-17. Retrieved 2022-10-12.
{{cite web}}:|last2=has numeric name (help)CS1 maint: extra punctuation (link) CS1 maint: numeric names: authors list (link)