సుల్తాన్‌పూర్ (ఎలిగేడ్)

వికీపీడియా నుండి
Jump to navigation Jump to search

సుల్తాన్‌పూర్, తెలంగాణ రాష్ట్రం, పెద్దపల్లి జిల్లా, ఎలిగేడు మండలంలోని గ్రామం.[1]

సుల్తాన్ పూర్
—  రెవిన్యూ గ్రామం  —
రాష్ట్రం తెలంగాణ
జిల్లా పెద్దపల్లి జిల్లా
మండలం ఎలిగేడు
ప్రభుత్వము
 - సర్పంచి
జనాభా (2011)
 - మొత్తం 3,474
 - పురుషుల సంఖ్య 1,708
 - స్త్రీల సంఖ్య 1,766
 - గృహాల సంఖ్య 903
పిన్ కోడ్
ఎస్.టి.డి కోడ్

ఇది మండల కేంద్రమైన ఎల్గేడ్ నుండి 4 కి. మీ. దూరం లోను, సమీప పట్టణమైన కరీంనగర్ నుండి 21 కి. మీ. దూరంలోనూ ఉంది.

గణాంక వివరాలు[మార్చు]

2011 భారత జనగణన గణాంకాల ప్రకారం ఈ గ్రామం 903 ఇళ్లతో, 3474 జనాభాతో 740 హెక్టార్లలో విస్తరించి ఉంది. గ్రామంలో మగవారి సంఖ్య 1708, ఆడవారి సంఖ్య 1766. షెడ్యూల్డ్ కులాల సంఖ్య 884 కాగా షెడ్యూల్డ్ తెగల సంఖ్య 9. గ్రామం యొక్క జనగణన లొకేషన్ కోడ్ 572010[2].పిన్ కోడ్: 505525.

విద్యా సౌకర్యాలు[మార్చు]

ఇక్కడి వెలసిన ప్రాథమిక ఉన్నత పాఠశాల ఎంతో మంది విద్యావంతులను తీర్చిదిద్దింది. ఈ పాఠశాల కేవలం సుల్తాన్ పూర్ విద్యార్థులనే కాకుండా చుట్టుప్రక్కల గ్రామాల్లోని విద్యార్థులను కూడా విద్యావంతులుగా తీర్చిదిద్దుతుంది. ఈ పాఠశాలలో చదివిన వారిలో కొంతమంది సొంతవూరిపై మమకారంతో వ్యవసాయము మరియు వారివారి కులవృత్తులను చేస్తూ జీవనాన్ని సాగిస్తున్నారు. ఇంకొంతమంది ఉన్నత విద్యలను అభ్యసించి పట్టణాల్లో పలురకాల ఉద్యోగాలు చేస్తున్నారు. మరికొంతమంది వ్యాపారాలు చేస్తున్నారు.గ్రామంలో ఒక ప్రైవేటు బాలబడి ఉంది. ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.ఈ గ్రామములో ప్రాథమిక, సెకండరీ పాఠశాలలు ఉన్నాయి. ఈ గ్రామములోని పాఠశాలకు పక్క గ్రామము లైన శివపల్లి, బుర్హమియాపేట్ నుండి కూడా విద్యార్థులు వస్తారు.సమీప జూనియర్ కళాశాల గర్రేపల్లిలోను, ప్రభుత్వ ఆర్ట్స్ / సైన్స్ డిగ్రీ కళాశాల సుల్తానాబాద్లోనూ ఉన్నాయి. సమీప వైద్య కళాశాల బొమ్మకల్లోను, పాలీటెక్నిక్‌ కరీంనగర్లోను, మేనేజిమెంటు కళాశాల భూపతిపురంలోనూ ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల కరీంనగర్లో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

సుల్తాన్‌పూర్లో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఇద్దరు పారామెడికల్ సిబ్బంది ఉన్నారు.సమీప ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉంది. పశు వైద్యశాల గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, సంచార వైద్య శాల, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో4 ప్రైవేటు వైద్య సౌకర్యాలున్నాయి. డిగ్రీ లేని డాక్టర్లు నలుగురు ఉన్నారు.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

సబ్ పోస్టాఫీసు సౌకర్యం గ్రామానికి 5 నుండి 10 కి.మీ. దూరంలో ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామం నుండి 10 కి.మీ.కి పైబడిన దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి.

జిల్లా రహదారి గ్రామం గుండా పోతోంది. ప్రధాన జిల్లా రహదారి గ్రామం నుండి 5 కి.మీ. లోపు దూరంలో ఉంది. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు, సహకార బ్యాంకు, వ్యవసాయ పరపతి సంఘం గ్రామం నుండి 5 కి.మీ. లోపు దూరంలో ఉన్నాయి. వారం వారం సంత గ్రామం నుండి 5 కి.మీ. లోపు దూరంలో ఉంది.

ఏటీఎమ్ గ్రామం నుండి 10 కి.మీ.కి పైబడిన దూరంలో ఉంది. రోజువారీ మార్కెట్, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. శాసనసభ పోలింగ్ కేంద్రం, జనన మరణాల నమోదు కార్యాలయం ఉన్నాయి. గ్రంథాలయం గ్రామం నుండి 5 కి.మీ.లోపు దూరంలో ఉంది. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 12 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

సుల్తాన్‌పూర్లో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 19 హెక్టార్లు
  • వ్యవసాయం సాగని, బంజరు భూమి: 31 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 12 హెక్టార్లు
  • తోటలు మొదలైనవి సాగవుతున్న భూమి: 2 హెక్టార్లు
  • వ్యవసాయం చేయదగ్గ బంజరు భూమి: 8 హెక్టార్లు
  • సాగులో లేని భూముల్లో బీడు భూములు కానివి: 87 హెక్టార్లు
  • బంజరు భూమి: 447 హెక్టార్లు
  • నికరంగా విత్తిన భూమి: 130 హెక్టార్లు
  • నీటి సౌకర్యం లేని భూమి: 213 హెక్టార్లు
  • వివిధ వనరుల నుండి సాగునీరు లభిస్తున్న భూమి: 453 హెక్టార్లు

నీటిపారుదల సౌకర్యాలు[మార్చు]

ఈ గ్రామము గుండా శ్రీరాంసాగర్ కెనాల్ ప్రవహిస్తుంది. దీని నీరే ఈ గ్రామములోని పంటలకు ఆధారము మరియు ఈ నీటిని నిల్వ చేయడానికి రెండు చెరువులు ఉన్నాయి. ఈ చెరువుల్లోని నీటిని కెనాల్ రానప్పుడు పంటలు పండించడానికి ఉపయోగిస్తారు. దీని ఫలితంగా వలన సుల్తాన్ పూర్ గ్రామము సంపన్న గ్రామముగా పేరుగాంచింది. ఏటా కొన్ని వేల బస్తాల వడ్లు ఈ గ్రామము నుండి ఎగుమతి అవుతాయి. ఈ గ్రామము అన్ని రకాల పంటలకు ప్రసిద్ధి చెందింది. ఇక్కడ వరి ఎక్కువగా పండిస్తారు.అంతేకాకుండా మొక్కజొన్న,పల్లి, ప్రత్తి మరియు అన్ని రకాల కాయగూరలు పండిస్తారు.ఇక్కడి ప్రజలు పంటలు పండించడములో ఎన్నో రకాల అధునాతన పద్ధతులను అవలంబిస్తారు. వరి ఉత్పత్తిలో ఈ గ్రామము మండలములోని ఇతర గ్రామాలకంటే ముందజలో ఉంది. అందుకే ఈ గ్రామము "అన్నపూర్ణ గ్రామము"గా పిలవబడుతుంది. చుట్టుప్రక్కల గ్రామాల ప్రజలు కూడా ఈ గ్రామానికి వచ్చి తమ సందేహాలను తీర్చుకుంటారు.

  • కాలువలు: 336 హెక్టార్లు* బావులు/బోరు బావులు: 30 హెక్టార్లు* చెరువులు: 87 హెక్టార్లు

ఉత్పత్తి[మార్చు]

సుల్తాన్‌పూర్లో ఈ కింది వస్తువులు ఉత్పత్తి అవుతున్నాయి.ఇక్కడి ప్రజలు ఎక్కువగా వ్యవసాయము మీద ఆధారపడి జీవనాన్ని సాగిస్తున్నారు.ఎటుచూసినా పచ్చని పొలాలతో కలకలలాడుతుంది.

ప్రధాన పంటలు[మార్చు]

వరి, మొక్కజొన్న, ప్రత్తి

విశేషాలు[మార్చు]

ఇప్పటి వరకు ఎంతో మంది మహానుభావులు, స్వతంత్ర సమరయోధులు ఈ గ్రామములో జన్మించారు. భిన్నత్వములో ఏకత్వమునకు ఈ గ్రామము పేరుగాంచింది. ఇప్పుడిప్పుడే అన్ని రంగాల్లో ప్రగతిని సాధిస్తున్నది.

గ్రామ పంచాయతీ[మార్చు]

ఈ గ్రామానికి ఇప్పటివరకు ఈ దిగువ వారు సర్పంచ్ లుగా పనిచేసారు

  1. వూర మల్లారావు.
  2. తానిపర్తి కాంతారావు.
  3. కళ్లెం లక్షణ్.
  4. కాటం సత్తయ్య.
  5. కొండ తిరుపతి.
  6. తానిపర్తి సునీత సుధాకర్ రావు .

ఈ గ్రామాన్ని తెలుగుదేశం నేతలు అయిన కీ.శే.నందమూరి తారక రామారావు, నారా చంద్రబాబునాయుడు సందర్శించారు.

మూలాలు[మార్చు]

  1. తెలంగాణ ప్రభుత్వ ఉత్తర్వు సంఖ్య GO Ms No 227  Revenue (DA-CMRF) Department, Dated: 11-10-2016   
  2. "Office of the Registrar General & Census Commissioner, India - Village amenities of 2011". Cite web requires |website= (help)

వెలుపలి లింకులు[మార్చు]