ఉమామహేశ్వరి

ఉమామహేశ్వరి సంస్కృత హరికథ కళాకారిణి.

జననం

ఉమామహేశ్వరి సంగీత విద్యాంసుల కుటుంబంలో 1965లో జన్మించింది.

కళారంగం

చిన్నతనంలోనే కర్నాటక సంగీతం అభ్యసించిన ఉమామహేశ్వరి, హరికథపై అభిరుచిని పెంచుకుంది. 1975లో తూర్పు గోదావరి జిల్లా కపిలేశ్వరపురంలోని శ్రీసర్వారాయ హరికథా పాఠశాలలో చేరి సంగీత నాట్యాలతో పాటు సంస్కృతమూ అభ్యసించింది.

1985 నవంబరు 26న మధ్యప్రదేశ్ లోని ఉజ్జయినిలో జరిగిన కాళిదాసు జయంతి మహా సభలలో ప్రసిద్ధ సంస్కృత పండితుల సమక్షంలో ఉమామహేశ్వరి కాళిదాసు కుమార సంభవాన్ని సంస్కృత హరికథ గానం చేసింది. ఈమె పాండిత్యానికి కాళిదాస అకాడమి ప్రియపాత్రమైంది. నాటి నుంచి ఉమామహేశ్వరి ఆరేళ్ల పాటు వరుసగా కాళిదాసు కావ్య నాటకాలను అకాడమిలో హరికథలుగా ప్రదర్శించింది.

ఉమామహేశ్వరి సంస్కృత కీర్తలను ప్రముఖ సంగీత విద్యాంసులు నల్లాన్ చక్రవర్తుల కృష్ణమాచార్యులు రచించేవాడు. పొట్టి శ్రీరాములు తెలుగు విశ్వవిద్యాలయంకి పొట్టి శ్రీరాములుపై హరికథ, రామకృష్ణ మిషన్కి రామకృష్ణ పరమహంస పై హరికథ రచించింది.

హరికథా ప్రదర్శనలు

• భోపాల్ సంగీత అకాడమీ, బరోడా అరవింద్ సొసైటీ, విశాఖపట్టణం ఆంధ్ర విశ్వవిద్యాలయం, న్యూఢిల్లీ సంగీత నాటక అకాడమీ, బెనారస్ హిందూ విశ్వవిద్యాలయం మొదలైన సంస్థల్లో హరికథా గానం చేసింది.
• 1989 మే 17న శంకరాచార్యుల 1200వ జయంతి ఉత్సవాల్లో నాటి ప్రధాని రాజీవ్ గాంధీ సమక్షంలో హిమాలయాల్లోని బదరీనాథ్లో హరికథా గానం చేసింది.
• మూడుసార్లు అమెరికా లోని హార్వర్డ్ విశ్వవిద్యాలయంలో నేర్వహించిన వేద సమ్మేలనంలో పాల్గొన్నది.
• కౌలాలంపూర్లో జరిగిన రెండవ ప్రపంచ తెలుగు మహాసభల్లోనూ హరికథా గానం చేసింది.

సత్కారాలు - గుర్తింపులు

• మద్రాసు సంగీత సత్కారం
• భారత రాష్ట్రపతులు నీలం సంజీవరెడ్డి, జ్ఞానీ జైల్‌సింగ్ లచే సత్కారం
• తిరుమల తిరుపతి, భద్రాచలం, శ్రీశైలం, అన్నవరం వంటి దేవస్థానాలలో సత్కారం
• కాశీ లోని జ్ఞాన ప్రవాహం అనే సంస్థ ఉమామహేశ్వరి సంస్కృత హరికథలను రికార్డు చేసింది.