కలివికోడి

వికీపీడియా నుండి
ఇక్కడికి గెంతు: మార్గసూచీ, వెతుకు
కలివికోడి స్టాంపు
కలివికోడి
కలివికోడి
పరిరక్షణ స్థితి
శాస్త్రీయ వర్గీకరణ
రాజ్యం: ఎనిమేలియా
విభాగం: కార్డేటా
తరగతి: ఏవ్స్
క్రమం: కారడ్రిఫార్మెస్
కుటుంబం: గ్లేరియోలిడే
జాతి: రైనాప్టిలస్
ప్రజాతి: ఆర్. బైటార్క్వేటస్
ద్వినామీకరణం
రైనాప్టిలస్ బైటార్క్వేటస్
బ్లిత్, 1848

అత్యంత అరుదైన, అంతరించిపోతున్న జీవుల జాబితా లోని పక్షి కలివికోడి (Kalivikodi). 1848 లో జెర్డాన్ ఈ పక్షిని కనుగొన్నాడు. ఇంగ్లీషులో దీన్ని జెర్డాన్స్ కోర్సర్ (en:Jerdon's_courser) అని అంటారు. దీని శాస్త్రీయ నామం - రినోప్టిలస్ బైటర్క్వేటస్ (Rhinoptilus bitorquatus). భారత ప్రభుత్వపు "అటవీ జంతు సంరక్షణ చట్టం 1972" కింద ఈ పక్షి సంరక్షించబడింది.

పేరు వెనక చరిత్ర[మార్చు]

భూమిపై కలివికోడి జాతి అంతరించిపోయిందంటూ Bronx జంతుప్రదర్శనశాల వద్ద ఏర్పాటు చేసి కలివికోడి సమాధిచిహ్నం

కలివి పొదలు ముడ్లతో వుండే చిన్న చిన్న గుల్మాలు, వాటి మధ్యలో ఈ కోడిలాంటి పక్షి ఎక్కువగా కనిపిస్తుంది. పరిగెత్తడమే కానీ ఎగరటం సరిగా రాని ఈ కోడిని పొదల్లో తప్పవిడిగా రక్షణ వుండదు. అందుకే అక్కడి పొదల్లో ఎక్కువగా చూడటంతో కలివి కోడి అనిపిలిచారట. దీనివల్ల ఐతన్నలాంటి వారికి ఉద్యోగం వచ్చింది. ప్రకటనల్లో దీన్ని పట్టుకుంటే నజరానాలు అనటంతో కలివిని కలిమి(wealth) కోడి చేసుకుని పిలుచుకున్నారు


గోదావరి, పెన్నా నదీలోయలలో కనిపించే పక్షి ఇది. దీన్ని స్థానికంగా జత పట్టీల చిటానా అనికూడా పిలుస్తారు. 1900 నుంచి కనుమరుగైన ఈ నిశాచర (Nocturnal) పక్షి, 1986 జనవరి తొలి వారంలో మళ్ళీ కనిపించింది. దురదృష్టవశాత్తు ఈ పక్షి మృతి చెందిన కారణంగా బొంబాయి నేచురల్ హిస్టరీ సొసైటీ వారు తొలిసారిగా ఈ పక్షిని మ్యూజియంలో ఉంచారు. అప్పటినుండి, ఈ పక్షి వైఎస్ఆర్ జిల్లా రెడ్డిపల్లి ప్రాంతంలోని చిట్టడవుల్లో కనిపిస్తూనే ఉంది. ఈ ప్రాంతాన్ని లంకమల్లేశ్వర అభయారణ్యం పేరిట కలివికోడి నివాసంగా ప్రభుత్వం ప్రకటించింది.

తెలుగుగంగ ప్రాజెక్టు పనుల్లో భాగంగా శ్రీ వీరబ్రహ్మేంద్రస్వామి జలాశయం నుండి తవ్వుతున్న ఉపకాలువలు, కలివికోడి నివాసప్రాంతాల గుండా పోతుండడంతో ఈ పక్షి ఉనికికి ప్రమాదం ఏర్పడింది.

ఎవరు,ఎప్పుడు కనుక్కున్నారు?[మార్చు]

ఆంధ్రప్రదేశ్, తెలంగాణా ప్రాంతాలలో కలివికోడి విస్తరణను సూచించే పటం
కలివికోడి గుడ్డు దీనిని Aberdeen విశ్వవిద్యాలయంలోని జంతుశాస్త్ర ప్రదర్శనశాలలో భధ్రపరిచారు.
  • 1848 లో మొదటిసారి భ్రిటీస్ సైనిక వైద్యాధికారి థామస్ జి జెర్ధాన్ కలివికోడిని గుర్తించారు. తరవాత 50 సంవత్సరాలు అడపా తడపా కనబడుతూవచ్చింది. 1900లో హోవర్డ్ క్యాంబెల్ కంటపడింది. కాని మరి 85 సంవత్సరాలు తెరమరుగయిపోయింది. విలుప్తమయిందనే భావించారు. బాంబే నేచురల్ హిస్టరీ సొసైటి, అమెరికా స్మిత్‌సోనియన్ ఇన్‌స్టిట్యూట్ వారు వచ్చి ఈ ప్రాంతాలు క్షుణ్ణంగా పరిశీలించినా ఫలితం లేకపోయింది. దాంతో పక్షి శాస్త్రం (ornithology) శాస్త్రవేత్తలు ఈ పక్షిని అంతరించిపోయిన జాబితాలోనే వేశారు.
  • జెర్డాన్ చేసిన ఈ విలువైన పనికి గుర్తింపుగా ఆయన పేరు మీదనే కలివికోడికి జెర్డాన్ కోర్సెస్ అనే పేరు పెడుతున్నట్లు 1988 లో ప్రకటించారు.
  • 1932లో హైదరాబాదు ఆర్నిథాలజీ స్వర్వే సంస్థద్వారా ప్రపంచ ప్రఖ్యాత పక్షిశాస్త్రవేత్త సలీం అలీ ఈ పక్షిని కనుక్కోవడం కోసం పరిశోధన చేసారు. ఈ పక్షినమూనా బొమ్మలను ఫారెస్టు అధికారులకే కాకుండా, అడవుల్లో వేటకు,కలపకోసం వెళ్లే వాళ్ళకు కూడా అందేలా చేసారు. తను స్వయంగా చాలా చోట్ల పర్యటించి ఈ వివరాలను అర్ధం అయ్యేలా తెలియజేసే వారు.
  • 1986 జనవరి 05 న కడపజిల్లా రెడ్డిపల్లి ‘ఐతన్న’ అనే సాధారణ గొర్రెల కాపరికి ఈ పక్షుల జంటను గమనించానని సమాచారం ఇచ్చాడు. అందులో ఒక పక్షిని భందించి తన ఇంటికి తీసుకుని వచ్చాడు. పోస్టర్లలో వున్న పక్షితో పూర్తి పోలికలు వున్నాయని గమనించాడు. ఈ విషయాన్ని భరత్ భూషన్ గారు నిర్ధారించుకుని బాంబేలోని సలీం అలీకి కూడా సమాచారం చెప్పారు.
  • ఆఘమేఘాల మీద నాల్రోజులు గడవక ముందే జనవరి 09 నాటికే సలీం అలీ అక్కడికి చేరుకున్నారు. కానీ ఆ పక్షి నీరూ, ఆహారం ఎంతకీ ముట్టక ఆయన చేరుకునే సమయానికే ప్రాణాలు విడిచింది. ఆ పక్షిదేహాన్ని ఇప్పటికీ బాంబే మ్యూజియంలో భద్రపరచి వుంచారు.

కలివికోడి కోసం అభయారణ్యం[మార్చు]

కలివికోడి లో రకాలు
  • కలివికోడి ఆవాస ప్రాంతంగా 464.5 చదరపు కిలోమీటర్ల ప్రాంతాన్ని గుర్తించారు. దాన్ని శ్రీలంకమల్లేశ్వర వన్యప్రాణి అభయారణ్యంగా ఏర్పాటు చేసారు. మరో 1,037 చదరపు కిలోమీటర్ల విస్తీర్ణంతో పెనుశిల నరశింహ వన్యప్రాణి అభయారణ్యం కూడా ఏర్పాటు చేసారు. ఈ పిట్టతో పాటు లెపార్డ్, సాంభర్ లేడి, చుక్కల హరిణం, బ్లాక్ బక్ (కృష్ణ హరిణం) వంటివి ఇక్కడ రక్షణ పొందుతున్నాయి.

వీటిపాదముద్రలు వగైరా ఆధారాల ద్వారా ఇప్పుడు వీటి సంఖ్య 25 నుంచి 200 మధ్య వుండొచ్చని అంచనాలు చెపుతున్నారు.

ఆహారం విహారం[మార్చు]

కలివి పొదలు ఈ అరుదైన పక్షికి ఈ పేరు రావడానికి కారణమైనవి, దీని నివాసానికి అనుకూలమైనవి కూడా

వీటి పెరుగుదలకు అనువైనవి ముళ్ళపొదలు గల అటవీ ప్రాంతాలు. ముళ్ళనుకలిగి, చిన్నగా వుండే కలివి పొదల్లో ఈపక్షి ఎక్కువగా తిరుగుతుంది. ఈ పక్షి ప్రయాణం దాదాపు కాలినడకనే చేస్తుంది. అందుకే ముళ్ళులేని ప్రాంతాల్లో వీటికి రక్షణ కూడా కష్టం చెద పురుగులే దీనికి ప్రధాన ఆహారం. చీమలు, ఉసుర్లు వంటి చిన్న చిన్న పురుగులను ఎన్నింటిని తిన్నా చెదలు కనిపిస్తే ఎక్కువగా సంబరపడిపోతుంటుంది. కలివిపొదల కొమ్మలు, రెమ్మలు నేలకు తాకుతూ ఉండడంతో వీటిని చెదలు ఎక్కువగా ఆశ్రయిస్తుంటాయి. పైన మట్టి పూత వేసి లోన ఎంత దాక్కున్నా అవి కలివికోడి దృష్టి నుంచి తప్పించుకోలేవు. రాత్రి మాత్రమే ఇది ఆహారం తీసుకొని పగలంతా విశ్రాంతిగా ఉంటుంది. కలివికోడి మల విసర్జనను(రెట్ట)ను గుర్తించి పలుమార్లు పరిశోధకులు చేసిన పరీక్షల్లో ఈ విషయం బైటపడింది. కలివికోడి ‘విసర్జన’లో చెదలకు సంబంధించిన పెంకుల్లాంటి జీర్ణం కాని నోటి భాగాలు (మాండిబుల్స్‌) కనిపించాయి.

తెలుగుగంగ ప్రాజెక్టు నే దారిమళ్ళించిన కలివికోడి[మార్చు]

పిడికెడు దాటని ఈ పిట్ట వేల కోట్లతో ప్రభుత్వం చేపట్టిన తెలుగుగంగ ప్రాజెక్టు దారిమళ్ళించింది. దీని దెబ్బకు భారీ ప్రొక్లెయిన్లే జంకాయి. తెలుగుగంగ కాలువ దారి మళ్లించుకోక తప్పని పరిస్థితులు తలెత్తాయి. తన ఆవాసంలో తిప్పిన కాల్వను మళ్లీ పూడ్చి వేసేదాకా వదలలేదు. అందుకు బాధ్యులైన వారిని కోర్టుకీడ్చి దోషులుగా నిలబెట్టింది. తెలుగుగంగ పథకం కింద శ్రీవీరబ్రహ్మేంద్రస్వామి రిజర్వాయరు దిగువన తెలుగుగంగ కుడి ప్రధాన కాల్వ 30 కిమీ నుంచి 40 కిమీ వరకు కలివికోడి ఆవాసమైన అభయారణ్యంలో తవ్వకాలు జరిపేందుకు తెలుగుగంగ అధికారులు సిద్ధమయ్యారు.

ప్రొక్లైన్లతో 400 మీటర్ల కాలువ తవ్వకం పూర్తియన తర్వాత. అభయారణ్యంలోకి అనుమతి లేకుండా అక్రమంగా ప్రవేశించి తవ్వకాలు జరిపినట్లు గుర్తించిన కడప అటవీశాఖాధికారులు 2005 నవంబరు 23న ఈ విషయమై కేసు నమోదు చేశారు. ఐవి ఆర్‌సి ఎల్‌ కంపెనీకి చెందిన ప్రొక్లైన్‌, జీపు సీజ్‌ చేశారు. సెక్షన్‌ 27-1, 29 ఐపిసి 141,149,వైల్డ్‌లైఫ్‌ ప్రొటె క్షన్‌ యాక్టు 1972ల కింద గంగ పనులు చేస్తున్న ఐవి ఆర్‌సి ఎల్‌ కంపెనీ అధికారులు తొమ్మిది మందిపై కేసులు నమోదు చేసి కోర్టుకు అప్పగించారు. బాంబే నేచురల్‌ హిస్టరీ సొసైటీ కూడా దీనిపై తీవ్రంగా స్పందించింది. అరుదైన కలివికోడి ఉనికినే ప్రశ్నార్ధకం చేస్తున్నారని ఆందోళన వెలిబుచ్చింది.

2006 మార్చిలో సుప్రీంకోర్టు సమస్య పరిష్కారం కోసం సాధికారిక కమిటిని వేసింది. ఈ కమిటిలో బి ఎన్‌హెచ్‌ ఎస్‌ డైరెక్టర్‌, ప్రభుత్వ కార్యదర్శి, నీటిపారుదల చీఫ్‌ ఇంజనీరులు సభ్యులుగ ఏర్పరచింది. దానితో పాటు ఈ విషయాన్ని గమనించిన ప్రభుత్వం ఇప్పటికే ప్రస్తుతం ఉన్న కాలువ తవ్వకం అలైన్‌మెంట్‌ను మార్చుకొనేందుకు సిద్ధంగా ఉన్నట్లు నివేదిక సమర్పించింది. ఆ తర్వాత ప్రభుత్వం తెలుగుగంగ కాలువ దారి మళ్ళించింది. అంతేకాకుండా దీని ఫోటో తీసినందుకు ఆనందమోహన్ అనే ఉన్నత అటవీశాఖాధికారి కేంద్రప్రభుత్వపరంగా అభినందనలు కూడా అందాయి. ఇక చీఫ్ కన్సర్వేటర్ ఆఫ్ ఫారెస్ట్ అడవిలో 4, 5 సార్లు దానిని చూశారు. దాని సంతతి క్రమంగా అధికమవుతోందని తెలుస్తోంది.

నీటి పారుదల శాఖ వారు లంక మల్లీశ్వరం అభయారణ్యంగుండా కాలువ తవ్వటానికి అనుమతించినప్పుడు contractor భారీగా యంత్ర సామగ్రిని అడవికి తరలించిన సమయంలో Bombay Natural History Society Research Scholar భరత్ భూషణ్ వాటిని కనుగొని సకాలంలో అటవీ శాఖ అధికారులను హెచ్చరించటంతో వారు ఆ సామగ్రిని స్వాధీనం చేసుకొని కాంట్రాక్టర్ పై కేసు పెట్టడం జరిగింది. దరిమెలా BNHS Director అసద్ రహ్మాని, W.W.F. మరియు Birdwatchers Society of Andhra Pradesh సభ్యులు, రాష్ట్ర ప్రభుత్వ అధికారులను కలిసి కాలువ దారి మళ్ళింపు యొక్క ఆవశ్యకత గురించి చెప్పి వారిని ఒప్పించటం లో కృతకృత్యులయ్యారు.

కలివికోడి కూత[మార్చు]

Electronic call player
కలివికోడి కూతను రికార్డు చేసేందుకు వాడిన ఎలక్ట్రానిక్ ప్లేయర్
కలివికోడి కూత

బొంబాయి నేచురల్ హిస్టరీ సొసైటీ (Bombay Natural History Society - BNHS) కు చెందిన సీనియర్ పరిశోధకులు ప్రకాశన్ జగన్నాధన్ ఈ పక్షి అరుపును కూడా రికార్డు చేసారు. ‘‘ ట్విక్-టూ ట్విక్-టూ ’’ అంటూ అరుస్తుంది.కోయిలను మించి పోయి అరగంటైనా నిరంతరంగా కూత పెట్టే ఈ పక్షి నవంబరు నుంచి మార్చి మధ్య ఎక్కువగా కూత పెడుతూ ఉంటుంది.ఈ కూతను చిన్న బాక్సుల్లో రీరికార్డు చేసి ప్రజలకు వినిపిస్తూ ఈ పక్షి ఆవాసం గుర్తించేందుకు ప్రకటనలు, బోర్డుల ద్వారా ప్రచారం చేస్తున్నారు. పక్కనున్న చిత్రంలోని ప్లే బటన్ ప్రెస్ చేయటం ద్వారా మీరు పక్షికూతను వినవచ్చు

కెమెరా ట్రాప్[మార్చు]

తీతువుపిట్ట, పూరేలు, కంజులను పోలి ఉండే ఈ కలివికోడి కాళ్ల వేళ్లను కెమెరా ట్రాప్‌ల ద్వారా గుర్తించారు. తొలిసారి ఇండియాలో ఈ కెమెరాట్రాప్‌ను కలివికోడి కోసం కడప జిల్లాలో ఉపయోగిస్తున్నారు. ఇన్‌ఫ్రారెడ్‌ కట్‌ అయితే ఫ్లాష్‌ వెలిగే ఈ కెమెరాలను ఇక్కడ ఎనిమిదింటిని ఏర్పాటు చేశారు. కలివికోడి తిరుగాడే ఆవాసాలను గుర్తించి మెత్తటి ఇసుక మట్టిని పట్టిలుగా నేలపై పోసి కాలి వేళ్లను గమనిస్తున్నారు. ట్రాకింగ్‌ స్ట్రిప్‌లపై పడ్డ పాదం గుర్తులను ఒకే స్థలంలో నెలరోజులు పరిశీలన చేసి ట్రైల్‌ మాస్టర్‌ కెమెరాలు ఉపయోగిస్తున్నారు.

మూలాలు, వనరులు[మార్చు]

బయటి లింకులు[మార్చు]

Commons-logo.svg
వికీమీడియా కామన్స్‌లో కి సంబంధించిన మీడియా ఉంది.
"http://te.wikipedia.org/w/index.php?title=కలివికోడి&oldid=1340808" నుండి వెలికితీశారు