చంద్ర గ్రహణం

వికీపీడియా నుండి

ఇక్కడికి గెంతు: పేజీకి సంబంధించిన లింకులు, అన్వేషణ

మార్చి 3, 2007 నాటి చంద్ర గ్రహణం.

సంపూర్ణ చంద్ర గ్రహణం

చంద్రునికి సూర్యునికి మధ్యగా భూమి వచ్చినపుడు, సూర్యుని కాంతి చంద్రునిపై పడకుండా భూమి అడ్డుపడటంతో భూమిపై నున్నవారికి చంద్రుడు కనిపించడు. దీన్ని చంద్ర గ్రహణం (Lunar Eclipse) అంటారు. ఇది ఎప్పుడూ పౌర్ణమి నాడు జరుగుతుంది. చంద్ర గ్రహణం చాలాసేపు (కొన్ని గంటలు) మొత్తం అర్థగోళం అంతా కనిపిస్తుంది.

[మార్చు] చంద్రగ్రహణానికి కావలసిన పరిస్థితులు

చంద్రగ్రహణానికి క్రింది పరిస్థితులు కావలెను.

చంద్రుడు, భూమి మరియు సూర్యుడు ఒకే సరళరేఖలో వుండాలి.
చంద్రుడికీ సూర్యుడికీ మధ్య భూమి వుండాలి.
నిండు పౌర్ణమి రాత్రి వుండాలి.
చంద్రగ్రహణ కాలము చంద్రుడి స్థాన కక్ష్యాబిందువులపై ఆధారపడి వుంటుంది.

[మార్చు] చంద్రగ్రహణం ఏర్పడిన తేదీలు

ఫిబ్రవ 21, 2008 న సంపూర్ణ చంద్రగ్రహణం ఏర్పడింది.ఆగస్టు 16, 2008న పాక్షిక చంద్రగ్రహణం ఏర్పడవచ్చు. మరలా తిరిగి సంపూర్ణ చంద్రగ్రహణం, డిసెంబర్ 21, 2010 వ తేదీన చూడవచ్చని శాస్త్రవేత్తల అంచనా.

[మార్చు] కొన్ని విశేషాలు

చంద్రగ్రహణమేర్పడే పరిస్థితిలో భూమిపైనున్నవారికి చంద్రగ్రహణం కనబడితే, అదే సమయంలో చంద్రుడిపైనుండి వీక్షిస్తే? సూర్యగ్రహణం కనబడుతుంది.సూర్యగ్రహణానికి చంద్ర గ్రహణానికి ఉన్న తేడా ఏమిటంటే, చంద్ర గ్రహణం నాడు చంద్రుడు కనపడనట్లే సూర్య గ్రహణం నాడు, సూర్యుడు కనపడడు. ఇది చంద్రుడు, సూర్యుడు మరియు భూమి మధ్యలోనుంచి ప్రయాణిస్తున్నపుడు ఏర్పడుతుంది.సూర్యగ్రహణం వలే కాకుండా చంద్ర గ్రహణాన్ని వీక్షించడం వలన కళ్ళకు ఎటువంటి హానీ జరగదు.రక్షణ కోసం ఎటువంటి కళ్ళజోడు అవసరం లేదు. టెలిస్కోప్ కూడా అవసరం లేదు. కేవలం రెండు కళ్ళతో కూడా వీక్షించవచ్చు. కాకపోతే దూరదృశ్యాలను చూడడానికి ఉపయోగించే బైనాక్యులర్స్ ను వాడితే చంద్ర గ్రహణాన్ని మరింత స్పష్టంగా వీక్షించవచ్చు.

[మార్చు] రకాలు

భూమి యొక్క నీడను ఛాయ మరియు ప్రచ్ఛాయ అని రెండు రకాలుగా విభజించవచ్చు. ఛాయ అనగా సూర్యుకాంతి భూమి మీద పడినప్పుడు సూర్యకాంతి పూర్తిగా కనిపించని భాగము. దీనివలన సంపూర్ణ గ్రహణం ఏర్పడుతుంది. ప్రచ్ఛాయ అంటే సూర్యకాంతిలో కొద్ది భాగం మాత్రమే భూమిచే అడ్డగించబడిన ప్రాంతం. దీనివలన గ్రహణం పాక్షికంగా ఏర్పడుతుంది. చంద్రుడు కొద్ది భాగం మాత్రమే భూమి యొక్క ఛాయలోకి ప్రవేశించినపుడు దానిని పాక్షిక చంద్రగ్రహణం అనీ పూర్తిగా భూమి ఛాయలోకి ప్రవేశించినపుడు దానిని సంపూర్ణ చంద్రగ్రహణం అనీ వ్యవహరిస్తారు.

[మార్చు] ఇవీ చూడండి

[మార్చు] చిత్రమాలిక

ఆగస్టు 2007. సంపూర్ణ చంద్రగ్రహణ సమయంలో చంద్రుని దగ్గర ఎక్కువ నక్షత్రాల దర్శనం.	ఆగస్టు 2007. సంపూర్ణ చంద్రగ్రహణం మరియు పాలపుంత.	అక్టోబరు 2004 చంద్రగ్రహణ సమయాన "మల్టీ ఎక్స్పోషర్" చిత్రాలు.	చంద్రగ్రహణం, కిర్మాన్, ఇరాన్.
ఫిబ్రవరి 2008, చంద్రగ్రహణం, రెగీనా, కెనడా నుండి వీక్షణం.