టాయ్ కెమెరా

వికీపీడియా నుండి
Jump to navigation Jump to search

టాయ్ కెమెరా (ఆంగ్లం: Toy camera) అనగా ఒక చవకైన, ప్రాథమిక ఫిలిం ఆధారిత కెమెరా.

టాయ్ కెమెరాలు సాధారణంగా ప్లాస్టిక్ తో నిర్మించబడి ఉంటాయి. కేవలం రెండు నుండి నాలుగు రకాల సూక్ష్మరంధ్రాలు కలిగి ఉంటాయి. షట్టరు వేగాలు కూడా పరిమితంగా ఉంటాయి.

పేరుకి బొమ్మ కెమెరాలు అయినా ఇవి పూర్తి స్థాయిలో పనిచేసి చక్కని ఛాయాచిత్రాలని తీయగలవు. వీటితో తీసే ఛాయాచిత్రాలు పలు అసాధరణ ప్రభావాలకి లోను కావటం ఆసక్తిదాయకం.

చరిత్ర[మార్చు]

లుబిటెల్[మార్చు]

లుబిటెల్

రెండవ ప్రపంచ యుద్ధం తర్వాత జర్మనీ కి చెందిన ఉన్నత స్థాయి దృశ్యసాధనాలు, ఫోటోగ్రఫిక్ పరిశ్రమ సోవియట్ యూనియన్ చేతులలోకి వచ్చాయి. అప్పటికే యుద్ధం వలన సోవియట్ యూనియన్ ఆర్థిక వ్యవస్థ చితికిపోయిననూ, ఒక చవకైన టి ఎల్ ఆర్ కెమెరాని సోవియట్ రూపొందించటం జరిగింది. కాంసొమొలెట్స్ ఎస్ పేరు గల ఈ కెమెరాకు కొన్ని మెరుగులు దిద్ది లుబిటెల్ గా పేరు మార్చటం జరిగింది. బేక్ లైట్ తో నిర్మించబడ్డ ఈ కెమెరా చక్కని ఛాయాచిత్రాలు తీయటం, పాతబడే కొద్దీ బేక్ లైట్ తో నిర్మించటం వలన లైట్ లీకు లు రావటం వంటి ఆసక్తికర పరిమాణాలు ఈ కెమెరాలో గుర్తించబడ్డవి. సోవియట్ లోనే కాక ఇతర దేశాలలో కూడా లుబిటెల్ కు మంచి ఆదరణ లభించటం తో లుబిటెల్ లో పలు వేరియంట్ లు తయారు చేయటం జరిగింది.

లుబిటెల్ కెమెరాలతో తీయబడిన ఫోటోలు[మార్చు]

డయానా[మార్చు]

డయానా

హాంగ్ కాంగ్ లోని కౌలూన్ బే కి చెందిన గ్రేట్ వాల్ ప్లాస్టిక్ ఫ్యాక్టరీ చే నిర్మించబడ్డ ఒక చవకైన కెమెరా. అయితే ఇది టీ ఎల్ ఆర్ కెమెరా కాదు. కేవలం ఒక పాయింట్ అండ్ షూట్ కెమెరా. కానీ ప్లాస్టిక్ తో నిర్మించబడ్డ దీని కటకాలు ఫోటోలలో సాఫ్ట్ ఫోకస్ ను తీసుకువచ్చేవి. దీనితో ఫోటోలు పిక్టోరియలిజం/ఇంప్రెషనిజం వంటి కళా ఉద్యమాలను పోలిన ఫోటోగ్రాఫ్ లను సృష్టించటంతో ఈ కెమెరా ప్రత్యేకతను సంతరించుకొంది.

డయానా కెమెరా తో తీసిన ఛాయాచిత్రాలు[మార్చు]

లోమో ఎల్ సి-ఏ[మార్చు]

లోమో ఎల్ సి-ఏ

1992 లో ఆస్ట్రియాలోని వియన్నాకి చెందిన కొందరు విద్యార్థులకు రష్యా లోని సెయింట్ పీటర్స్‌బర్గ్ కు చెందిన లోమో పిఎల్ సి అనే సంస్థచే రూపొందించబడిన లోమో ఎల్ సి-ఏ అనే కెమెరా దొరికింది. దీంతో తీసిన ఛాయాచిత్రాలు విగ్నెటింగ్ కు లోనవటం, వాటిలో Color Contrast (వర్ణ సంతృప్తత) మితిమీరి కనబడటం వంటివి జరిగాయి. ఈ ఫోటోలు వియన్నాలో ప్రదర్శించటంతో అవి పలు ఫోటోగ్రఫర్ల నీరాజనాలు అందుకొన్నాయి. దీంతో లోమోగ్రఫీ కళాసంబంధిత ఉద్యమంగా ఏర్పడింది.

లోమో ఎల్ సి-ఏ తో తీయబడిన ఛాయాచిత్రాలు[మార్చు]

హోల్గా[మార్చు]

హోల్గా

1980వ దశకంలో టీ. ఎం. లీ అనే వ్యక్తి హోల్గాని నిర్మించాడు. దిగువ మధ్య తరగతి వారు ప్రత్యేక సందర్భాలలో సకుటుంబసపరివారసమేతంగా ఫోటోలు దిగటానికి ఈ కెమెరా నిర్మించబడింది. డయానా కెమెరా వలె ఛాయాచిత్రాలలో హోల్గా కూడా సాఫ్ట్ ఫోకస్ ను పిక్టోరియలిజం, ఇంప్రెషనిజం ల పోలికలను తెస్తుంది. డయానా కెమెరా నాజూకు గా ఉంటుంది. డయానాతో పోలిస్తే హోల్గా ధృఢంగా ఉంటుంది.

హోల్గా కెమెరా తో తీయబడ్డ ఛాయాచిత్రాలు[మార్చు]

స్మెనా[మార్చు]

టాయ్ కెమెరాల యొక్క ఆసక్తికర అసాధారణ ప్రభావాలు[మార్చు]

ప్లాస్టిక్ కటకాల వలన[మార్చు]

ప్లాస్టిక్ తో నిర్మించబడిన వీటి కటకాల వలన ఛాయాచిత్రాలు పలు ఆసక్తికరమైన ప్రభావాలకి లోనవుతాయి. అవి

నిర్మాణ శైలి వలన[మార్చు]

టాయ్ కెమెరాల నిర్మాణం కూడా తక్కువ బరువుగల ప్లాస్టిక్ తోనే, అది కూడా పురాతన నిర్మాణ పద్ధతుల ద్వారా జరుగుతుంది. లోపభూయిష్టమైన ఈ నిర్మాణం వలన కటకం గుండానే కాక వేరే దిశ నుండి కెమెరాలోకి కాంతి ప్రవేశించటం వలన ఛాయాచిత్రాలు లైట్ లీక్స్ (కాంతి తప్పటం) కి గురి కావటం జరుగుతుంది.

ఆధునిక కాలంలో టాయ్ కెమెరాల పై ఆసక్తి[మార్చు]

తర్వాతి కాలంలో నిర్మించబడిన అధునాతన కెమెరాలలో గాజుతో చేసిన కటకాలని వాడటం, లోపరహిత నిర్మాణ పద్ధతులని అవలంబించటంతో ఈ దుష్ప్రభావాలని అధిగమించారు. అయితే 1990వ సంవత్సరం నుండి ఇటువంటి ప్రభావాలు/కెమెరాలపై ఛాయాగ్రహకులలో ప్రపంచవ్యాప్తంగా ఆసక్తి పెరిగింది. అదే పనిగా ఇటువంటి ప్రభావాలని ఛాయాచిత్రాలతో తీసుకురావటం అరుదైన నైపుణ్యంగా గుర్తింపబడి, ఆ నైపుణ్యాన్ని కనబరచిన ఛాయాచిత్రకారులకి/ఛాయాచిత్రాలకి పలు పురస్కారాలని తెచ్చిపెట్టింది. ప్రపంచవ్యాప్తంగా టాయ్ కెమెరాల పనితనం ప్రదర్శింపబడటమే కాక, కొనియాడబడింది. ఛాయాచిత్రకళకి సంబంధించిన వివిధ పత్రికలు ఈ కెమెరాల లోపాలని వాటి ధర్మాలుగా పరిగణించి వీటి ఫోటోగ్రఫిని ఒక కళగా అభివర్ణించాయి. ఇటువంటి ఛాయాచిత్రాలపై పలు పుస్తకాలు అచ్చు అయ్యాయి.

ఇప్పటి అధునాతన డిజిటల్ కెమెరాలు కూడా టాయ్ కెమెరా ఎఫెక్ట్ అని ఒక ఆప్షన్ ని ప్రతి కెమెరాలో ఉంచటం, ఆ ప్రభావాలని తేవటానికి అత్యంత ఖరీదైన కటకాలని, ఇతర సామాగ్రిని ప్రత్యేకించి తయారు చేయటం టాయ్ కెమెరాల పనితనానికి, వాటిపై ఉన్న జనాదరణలకి నిదర్శనం.

ఇవి కూడా చూడండి[మార్చు]

మూలాలు[మార్చు]

  1. న్యూ యార్క్ టైంస్ లో టాయ్ కెమెరాల గురించి
  2. ఎన్ పీ ఆర్ లో టాయ్ కెమెరాల గురించి