ఈశ్వర్
| ఈశ్వర్ | |
|---|---|
 | |
| దర్శకత్వం | జయంత్ సి పరాంజి |
| రచన | దీనరాజ్ (కథ) జయంత్ సి పరాన్జీ (చిత్రానువాదం) పరుచూరి సోదరులు (సంభాషణలు) |
| నిర్మాత | కోళ్ళ అశోక్ కుమార్ |
| తారాగణం | ప్రభాస్ శ్రీదేవి విజయ్ కుమార్ రేవతి శివకృష్ణ బ్రహ్మానందం గుండు హనుమంతరావు బిక్షు డా. కోట్ల హనుమంతరావు |
| ఛాయాగ్రహణం | జవహర్ రెడ్డి |
| కూర్పు | మార్తాండ్ కె. వెంకటేష్ |
| సంగీతం | ఆర్. పి. పట్నాయక్ |
విడుదల తేదీ | 11 నవంబర్ 2002 |
| దేశం | భారతదేశం |
| భాష | తెలుగు |
| బడ్జెట్ | 50 లక్షలు |
| బాక్సాఫీసు | 5 కోట్ల 35 లక్షలు |
ఈశ్వర్ సినిమా 2002లో వచ్చిన యాక్షన్ రొమాన్స్ కామిడి ఎంటర్టైనర్. ప్రభాస్,[1] శ్రీదేవి విజయ్ కుమార్, రేవతి, శివకృష్ణ, బ్రహ్మానందం, గుండు హనుమంతరావు, ఎన్.జె. బిక్షు, డా. కోట్ల హనుమంతరావు తదితరులు ముఖ్యపాత్రాలలో నటించిన ఈ సినిమాకి జయంత్ సి పరాన్జి దర్శకత్వం వహించారు. నిర్మాత అశోక్ కుమార్. సంగీతం ఆర్. పి. పట్నాయక్. ప్రభాస్, శ్రీదేవి విజయ్ కుమార్ లకు ఇది మొదటి సినిమా.[2]
కథ
[మార్చు]ఈశ్వర్ (ప్రభాస్) తల్లిలేని యువకుడు. దూల్ పేటలోని మురికివాడలో నివసిస్తుంటాడు. ఈశ్వర్ తండ్రి (శివ కృష్ణ) పొరుగు ప్రజల సహాయంతో గుడంబా (సారాయి) తయారు చేస్తుంటాడు. కళాశాలకు వెళుతున్న ఇందు (శ్రీదేవి) అందం చూసిన ఈశ్వర్ మొదటి చూపులోనే ప్రేమలో పడతాడు. 20 సంవత్సరాలుగా తన కోసం ఉన్న సుజాత (రేవతి) ను ఈశ్వర్ తండ్రి వివాహం చేసుకుంటాడు. ఈశ్వర్ సుజాతను ద్వేషిస్తుంటాడు. ఇందు తండ్రి స్థానిక ఎమ్మెల్యే (అశోక్ కుమార్) ఈశ్వర్ చంపాలని చూస్తుంటాడు. ఎవరు గెలిచారనే మిగతా కథ.
నటవర్గం
[మార్చు]- ఈశ్వర్ - ప్రభాస్
- ఇందు - శ్రీదేవి విజయ్ కుమార్
- బ్రహ్మాణుడు - బ్రహ్మానందం
- ఈశ్వర్ తల్లి - రేవతి
- ఈశ్వర్ తండ్రి - శివకృష్ణ
- ఇందు తండ్రి - అశోక్ కుమార్
- ఈశ్వర్ స్నేహితుడు- డా. కోట్ల హనుమంతరావు
- ఈశ్వర్ స్నేహితుడు- అదిరే అభి
నిర్మాణం
[మార్చు]దర్శకుడు జయంత్ సి. పరాంజీ మహేష్ బాబుతో టక్కరిదొంగ చేస్తున్న సమయంలో నిర్మాత కొల్లా అశోక్ కుమార్ కి తనతో ఒక సినిమా చేస్తానని మాట ఇచ్చాడు. ప్రేమ, యాక్షన్ కలబోసిన కథతో ఒక సినిమా తీయాలని అనుకున్నాడు. ఇందుకు సరిపడా కథానాయకుడి కోసం వెతుకుతుండగా కృష్ణంరాజు అన్న కొడుకైన ప్రభాస్ సత్యానంద్ దగ్గర నటనలో శిక్షణ తీసుకుంటున్నట్లు తెలిసింది. తాము అనుకుంటున్న మాస్ హీరో పాత్రకు ప్రభాస్ సరిపోతాడని భావించి అవకాశం ఇచ్చారు. మొదట్లో ప్రభాస్ శిక్షణ పూర్తి కాలేదని చెప్పినా, తాను నటించగలడని భరోసా ఇచ్చి మరీ ఈ సినిమాలోకి తీసుకున్నారు.[2]
పాటల జాబితా
[మార్చు]కోటలోని రాణి, రచన: సిరివెన్నెల సీతారామశాస్త్రి , గానం రాజేష్ , ఉష, నిహాల్, లెనినా , కౌసల్య.
అమీర్ పేట, రచన: సిరివెన్నెల సీతారామశాస్త్రి, గానం.ఆర్ పి పట్నాయక్
ఓలమ్మో ఓలమ్మో, రచన: సిరివెన్నెల సీతారామశాస్త్రి గానం.ఆర్ పీ పట్నాయక్ , ఉష
గుండెలో వలవ , రచన:సిరివెన్నెల సీతారామశాస్త్రి గానం.రాజేష్, ఉష
ఇన్నాళ్ళు , రచన: సిరివెన్నెల సీతారామశాస్త్రి, గానం . రాజేష్, ఉష
దిందిరాన , రచన: సిరివెన్నెల సీతారామశాస్త్రి ,గానం.రాజేష్, ఉష
తిల్లాన థీమ్ మ్యూజిక్, గానం.ఆర్ పి పట్నాయక్ .
మూలాలు
[మార్చు]- ↑ "Launch on new hero Prabhas". idlebrain.com. 20 March 2000. Retrieved 12 March 2011.
- ↑ 2.0 2.1 "Prabhas: సమయం కోరిన ప్రభాస్.. నో చెప్పిన డైరెక్టర్.. అలా మొదలైంది 'ఈశ్వర్'". EENADU. Retrieved 2025-11-11.