క్రిస్ గేల్
1979, సెప్టెంబర్ 21న జమైకా లోని కింగ్‌స్టన్లో జన్మించిన క్రిస్టోఫర్ క్రిస్ హెన్రీ గేల్ (Christopher "Chris" Henry Gayle) వెస్ట్‌ఇండీస్కు చెందిన క్రికెట్ క్రీడాకారుడు. ఎడమ చేతితో బ్యాటింగ్, కుడి చేతితో బౌలింగ్ చేయగల నైపుణ్యం ఇతనికి ఉంది. 2001 జూలైలో క్రిస్ గేల్స్, డారెన్ గంగాతో కలిసి జింబాబ్వేపై బులావయో మ్యాచ్‌లో తొలి వికెట్టుకు 214 పరుగుల భాగస్వామ్యం చేసి రికార్డు సృష్టించారు.
విషయ సూచిక
టెస్ట్ క్రికెట్[మార్చు]
క్రిస్ గేల్స్ ఇంతవరకు 70 టెస్టుమ్యాచ్‌లు ఆడి 4658 పరుగులు చేశాడు. అందులో 7 సెంచరీలు మరియు 28 అర్థసెంచరీలు ఉన్నాయి. అతని అత్యధిక టెస్ట్ స్కోరు 317 పరుగులు. బౌలింగ్‌లో 59 టెస్ట్ వికెట్లు కూడా సాధించాడు.
వన్డే క్రికెట్[మార్చు]
వన్డేలలో 176 మ్యాచ్‌లు ఆడి 6244 పరుగులు సాధించాడు. అందులో 15 సెంచరీలు మరియు 34 అర్థసెంచరీలు ఉన్నాయి. వన్డేలలో అతని అత్యధిక స్కోరు 153 (నాటౌట్) . బౌలింగ్‌లో 142 వన్డే వికెట్లు కూడా సాధించాడు.
ప్రపంచ కప్ క్రికెట్[మార్చు]
క్రిస్ గేల్ 2003 మరియు 2007 ప్రపంచ కప్ క్రికెట్ టోర్నమెంట్లలో వెస్ట్‌ఇండీస్ తరఫున ప్రాతినిధ్యం వహించాడు.
ట్రిపుల్ సెంచరీ[మార్చు]
2005లో దక్షిణాఫ్రికా]]తో జరిగిన నాలుగవ టెస్ట్ మ్యాచ్‌లో క్రిస్ గేల్ 317 పరుగులు సాధించి తన ప్రతిభను నిరూపించాడు. అంతకు ముందు అదే సీరీస్ తొలి టెస్టులో జట్టు తరఫున స్పాన్సర్‌షిప్ వివాదం వల్ల మరో ఆరుగురు వెస్ట్‌ఇండీస్ క్రికెటర్లతో పాటు ఆడలేకపోయాడు. రెండో మరియు మూడవ టెస్టు మ్యాచ్ ఆడిననూ అంతగా రాణించలేడు. ఆ తరువాత నాలుగవ మ్యాచ్‌లో తన విశ్వరూపాన్ని ప్రదర్శించి దక్షిణాఫ్రికా బౌలింగ్‌ను చితకబాది తన క్రీడా జీవితంలోనే అత్యధిక టెస్ట్ స్కోరును సాధించాడు.
బయటి లింకులు[మార్చు]
- CricketArchive page on Chris Gayle
- Cricinfo page on Chris Gayle
- 75 Years of West Indies Cricket 1928-2000 by Ray Goble and Keith AP Sandiford ISBN 1-870518-78-0
- BBC
- Highest ODI Scores
|
||||||
|
||||||
