చెవుటూరు
చెవుటూరు | |
|---|---|
 | |
.svg)  చెవుటూరు | |
| అక్షాంశ రేఖాంశాలు: 16°41′43.944″N 80°36′1.620″E / 16.69554000°N 80.60045000°E | |
| దేశం | భారతదేశం |
| రాష్ట్రం | ఆంధ్రప్రదేశ్ |
| జిల్లా | ఎన్టీఆర్ |
| మండలం | జి.కొండూరు |
| విస్తీర్ణం | 16.29 కి.మీ2 (6.29 చ. మై) |
| జనాభా (2011) | 3,256 |
| • జనసాంద్రత | 200/కి.మీ2 (520/చ. మై.) |
| అదనపు జనాభాగణాంకాలు | |
| • పురుషులు | 1,665 |
| • స్త్రీలు | 1,591 |
| • లింగ నిష్పత్తి | 956 |
| • నివాసాలు | 852 |
| ప్రాంతపు కోడ్ | +91 ( ) |
| పిన్‌కోడ్ | 521229 |
| 2011 జనగణన కోడ్ | 589133 |
చెవుటూరు ఎన్టీఆర్ జిల్లా, జి.కొండూరు మండలం లోని గ్రామం. ఇది మండల కేంద్రమైన జి.కొండూరు నుండి 3 కి. మీ. దూరం లోను, సమీప పట్టణమైన విజయవాడ నుండి 35 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 852 ఇళ్లతో, 3256 జనాభాతో 1629 హెక్టార్లలో విస్తరించి ఉంది. గ్రామంలో మగవారి సంఖ్య 1665, ఆడవారి సంఖ్య 1591. షెడ్యూల్డ్ కులాల సంఖ్య 623 కాగా షెడ్యూల్డ్ తెగల సంఖ్య 96. గ్రామ జనగణన లొకేషన్ కోడ్ 589133. 2022 లో చేసిన జిల్లాల పునర్వ్యవస్థీకరణకు ముందు ఈ గ్రామం కృష్ణా జిల్లాలో, ఇదే మండలంలో ఉండేది..[2][3]
సమీప గ్రామాలు
[మార్చు]ఈ గ్రామానికి సమీపంలో కందులపాడు, కుంటముక్కల, జి.కొండూరు, పినపాక, గడ్డమనుగు గ్రామాలు ఉన్నాయి.[4]
సమాచార, రవాణా సౌకర్యాలు
[మార్చు]చెవుటూరులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం గ్రామానికి 5 కి.మీ. లోపు దూరంలో ఉంది. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామానికి 5 నుండి 10 కి.మీ. దూరంలో ఉన్నాయి. రాష్ట్ర రహదారి, జిల్లా రహదారి గ్రామం గుండా పోతున్నాయి. జాతీయ రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. మైలవరం, కొండపల్లి నుండి రోడ్డురవాణా సౌకర్యం కలాదు. రైల్వేస్టేషన్: విజయవాడ 22 కి.మీ దూరంలో ఉంది.
విద్యా సౌకర్యాలు
[మార్చు]గ్రామంలో ప్రభుత్వ ప్రాథమిక పాఠశాల ఒకటి, ప్రభుత్వ ప్రాథమికోన్నత పాఠశాల ఒకటి ఉంది. బాలబడి జి.కొండూరులోను, మాధ్యమిక పాఠశాల మైలవరంలోనూ ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల, ఇంజనీరింగ్ కళాశాల మైలవరంలో ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ విజయవాడలో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల విజయవాడలో ఉన్నాయి.
- శ్రీ వాణీ ఫార్మసీ కళాశాల.
- ఈ గ్రామ ప్రాథమిక పాఠశాలలో స్కూలు అసిస్టెంట్ గా పనిచేయుచున్న శ్రీ ఎం.బాబూరావుగారికి జిల్లా ఉపాధ్యాయ విద్యా శిక్షణా సంస్థ (డైట్) పురస్కారం దక్కినది. "డైట్" అంగలూరు ఆధ్వర్యంలో అధ్యాపకుల బృందం ఏటా జిల్లాలోని పాఠశాలలను సందర్శించి, కొంతమంది ప్రతిభావంతులైన ఉపాధ్యాయులను ఎంపిక చేసి ఈ పురస్కారం ప్రదానం చేస్తారు. అంగలూరులోని డైట్ కళాశాలలో 11-7-2013న ఈ పురస్కారప్రదానం జరుగును[5].
- చెవుటూరు ప్రాథమికోన్నత పాఠశాల, కార్పొరేటు పాఠశాలలను తలపిస్తున్నది. లోపల ప్రశాంతవాతావరణం, ఎదురుగా జాతిపిత మహాత్మా గాంధీజీ విగ్రహం, ప్రోత్సాహక మిచ్చే గ్రామస్థులు, అంకితభావంతొ పనిచేసే ఉపాధ్యాయులు, సమన్వయంతో పనిచేసే ప్రధానోపాధ్యాయుడు, వెరసి ఈ పాఠశాల మండలంలోనే పెద్ద పాఠశాలగా నిలిచింది. ఇక్కడ విద్యార్థులకు, కంప్యూటరు శిక్షణ, హిందీ బోధనలోనూ శిక్షణ ఇస్తున్నారు. గోడలపై తీర్చిదిద్దిన వర్ణమాలలు, దేశనాయకుల చిత్రాలు విద్యార్థులను ఆకర్షిచుచున్నవి. పలువురు దాతలు, ఇన్వర్టరు, క్రీడా సామగ్రి, మద్యహ్న భోజన పళ్ళేలూ, ఏకరూప దుస్తులు, టై, బెల్టులు, చెప్పులు, వైద్యశిబిరల నిర్వహణ, ప్రోత్సాహక నగదు బహుమతులు, బెంచీలు, కుర్చీలు, విద్యుత్తు సౌకర్యాల కల్పన మొదలగునవి అందజేసి, పాఠశాల అభివృద్ధికి తోడ్పడుచున్నారు.
వైద్య సౌకర్యం
[మార్చు]ప్రభుత్వ వైద్య సౌకర్యం
[మార్చు]చెవుటూరులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. పశు వైద్యశాల, సంచార వైద్య శాల, కుటుంబ సంక్షేమ కేంద్రం గ్రామం నుండి 5 నుండి 10 కి.మీ. దూరంలో ఉన్నాయి. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ గ్రామం నుండి 10 కి.మీ. కంటే ఎక్కువ దూరంలో ఉన్నాయి.
ప్రైవేటు వైద్య సౌకర్యం
[మార్చు]గ్రామంలో5 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు ఇద్దరు, ఎమ్బీబీయెస్ కాకుండా ఇతర డిగ్రీలు చదివిన డాక్టర్లు ఇద్దరు, డిగ్రీ లేని డాక్టరు ఒకరు, ఇద్దరు నాటు వైద్యులు ఉన్నారు. రెండు మందుల దుకాణాలు ఉన్నాయి.
తాగు నీరు
[మార్చు]గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.
పారిశుధ్యం
[మార్చు]మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.
గ్రామానికి సాగు/త్రాగునీటి సౌకర్యం
[మార్చు]ముత్యవాని చెరువు:- ఈ చెరువులో కొన్నిరోజులుగా, ప్రభుత్వం ప్రవేశపెట్టిన నీరు-చెట్టు కార్యక్రమంలో భాగంగా, పొక్లెయినుల సాయంతో, పూడికతీత కార్యక్రమం ముమ్మరంగా సాగుచున్నది. రైతులు ట్రాక్టర్లతో ఈ చెరువు మట్టిని తమ పొలాలకు ఎరువుగా తరలించుచున్నారు. ఇంతవరకు, నాలుగువేల క్యూబిక్ మీటర్ల మట్టిని తీసికొని వెళ్ళినారు. ఈ విధంగా చేయడంవలన, చెరువులో నీటినిలువ సామర్ధ్యం పెరుగుటయే గాక, తమ భూములకు సారవంతమైన ఎరువు లభించుచున్నదని రైతులు సంతోషం వ్యక్తం చేస్తున్నారు.
గ్రామ పంచాయతీ
[మార్చు]2013 జూలైలో ఈ గ్రామ పంచాయతీకి జరిగిన ఎన్నికలలో సూరంనేని సౌజన్య, సర్పంచిగా ఎన్నికైంది. ఉపసర్పంచిగా పామర్తి వెంకటేశ్వరరావు ఎన్నికైనాడు.
దర్శనీయ ప్రదేశములు/దేవాలయములు
[మార్చు]శ్రీ నూకాలమ్మ తల్లి ఆలయం:-చెవుటూరు పొలాలలో వేంచేసియున్న శ్రీ నూకాలమ్మ తల్లి వార్షిక ఉత్సవాలను 2015, మార్చి-3,4,5 తేదీలలో (మంగళ, బుధ, గురు వారాలలో) ఘనంగా నిర్వహించారు. గ్రామం సుభిక్షంగా ఉండాలని కోరుతూ, అనాదిగా అమ్మవారికి పూజలు నిర్వహించుచూ, పంటలు చేతికి అంది వచ్చిన తరువాత, అమ్మవారిచెంత పొంగళ్ళు వండి, నైవేద్యాలు సమర్పించడం ఆనవాయితీ. [4]
మార్కెటింగు, బ్యాంకింగు
[మార్చు]గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు, సహకార బ్యాంకు గ్రామం నుండి 5 కి.మీ. లోపు దూరంలో ఉన్నాయి. రోజువారీ మార్కెట్, వారం వారం సంత గ్రామం నుండి 5 కి.మీ. లోపు దూరంలో ఉన్నాయి. ఏటీఎమ్ గ్రామం నుండి 5 నుండి 10 కి.మీ. దూరంలో ఉంది. వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉంది.
ఆరోగ్యం, పోషణ, వినోద సౌకర్యాలు
[మార్చు]గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. గ్రంథాలయం, పబ్లిక్ రీడింగ్ రూం గ్రామం నుండి 5 కి.మీ.లోపు దూరంలో ఉన్నాయి. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు గ్రామం నుండి 5 నుండి 10 కి.మీ. దూరంలో ఉంది.
విద్యుత్తు
[మార్చు]గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.
భూమి వినియోగం
[మార్చు]చెవుటూరులో భూ వినియోగం కింది విధంగా ఉంది:
- అడవి: 426 హెక్టార్లు
- వ్యవసాయేతర వినియోగంలో ఉన్న భూమి: 98 హెక్టార్లు
- వ్యవసాయం సాగని, బంజరు భూమి: 158 హెక్టార్లు
- శాశ్వత పచ్చిక ప్రాంతాలు, ఇతర మేత భూమి: 24 హెక్టార్లు
- తోటలు మొదలైనవి సాగవుతున్న భూమి: 2 హెక్టార్లు
- వ్యవసాయం చేయదగ్గ బంజరు భూమి: 102 హెక్టార్లు
- సాగులో లేని భూముల్లో బీడు భూములు కానివి: 218 హెక్టార్లు
- బంజరు భూమి: 174 హెక్టార్లు
- నికరంగా విత్తిన భూమి: 427 హెక్టార్లు
- నీటి సౌకర్యం లేని భూమి: 643 హెక్టార్లు
- వివిధ వనరుల నుండి సాగునీరు లభిస్తున్న భూమి: 176 హెక్టార్లు
నీటిపారుదల సౌకర్యాలు
[మార్చు]చెవుటూరులో వ్యవసాయానికి నీటి సరఫరా కింది వనరుల ద్వారా జరుగుతోంది.
- బావులు/బోరు బావులు: 131 హెక్టార్లు
- చెరువులు: 45 హెక్టార్లు
ఉత్పత్తి
[మార్చు]చెవుటూరులో ఈ కింది వస్తువులు ఉత్పత్తి అవుతున్నాయి.
ప్రధాన పంటలు
[మార్చు]ప్రత్తి, వరి, మామిడి, అపరాలు, కాయగూరలు
పారిశ్రామిక ఉత్పత్తులు
[మార్చు]బియ్యం
ప్రధాన వృత్తులు
[మార్చు]వ్యవసాయం, వ్యవసాయాధారిత వృత్తులు
గ్రామ విశేషాలు
[మార్చు]ఈ గ్రామానికి చెందిన ఏలియా కుమార్తె సంధ్య అను విద్యార్థిని, కుంటముక్కల బాలికల్;అ గురుకుల పాఠశాలలో పదవ తరగతి చదివి, 2017, మార్చిలో పరీక్షలు వ్రాసినది. ఆ పరీక్షలలో ఈమె పదికి పది గ్రేడ్ మార్కులు సాధించింది. ఈ సందర్భంగా ఈమెకు గన్నవరం సమీపంలోని ఆత్కూరులోని స్వర్ణభారతి ట్రస్ట్ భవనంలో, 2017, జూన్-15న కేంద్ర రైల్వేశాఖా మంత్రులు శ్రీ సురేష్ ప్రభు, వెంకయ్యనాతుడుగారల చేతులమీదుగా ప్రశంసా పత్రం, మూడువేల రూపాయల నగదు ఓచరునూ అందించారు.
గణాంకాలు
[మార్చు]2001 వ.సంవత్సరం జనాభా లెక్కల ప్రకారం గ్రామ జనాభా 2829. ఇందులో పురుషుల సంఖ్య 1423, స్త్రీల సంఖ్య 1406, గ్రామంలో నివాసగృహాలు 740 ఉన్నాయి.గ్రామ విస్తీర్ణం 1629 హెక్టారులు.
మూలాలు
[మార్చు]- ↑ 2011 ఆంధ్ర ప్రదేశ్ జనగణన డేటా - గ్రామాలు దత్తాంశ సమితి (in ఇంగ్లీష్), భారత రిజిస్ట్రార్ జనరల్, జనగణన కమిషనరు కార్యాలయం, Wikidata Q42501043, archived from the original on 11 July 2017
- ↑ "ఆంధ్రప్రదేశ్ రాజపత్రము" (PDF). ahd.aptonline.in. Archived from the original (PDF) on 2022-09-06. Retrieved 2022-09-06.
- ↑ "Office of the Registrar General & Census Commissioner, India - Village amenities of 2011".
- ↑ "చెవుటూరు". Archived from the original on 4 నవంబరు 2017. Retrieved 14 June 2016.
- ↑ ఈనాడు కృష్ణా/మైలవరం, జులై 11, 2013. 2వ పేజీ