గంగినేనిపాలెం

వికీపీడియా నుండి
Jump to navigation Jump to search
గంగినేనిపాలెం
—  రెవిన్యూ గ్రామం  —
రాష్ట్రం ఆంధ్రప్రదేశ్
జిల్లా కృష్ణా
మండలం జి.కొండూరు
ప్రభుత్వము
 - సర్పంచి
జనాభా (2011)
 - మొత్తం 2,619
 - పురుషులు 1,317
 - స్త్రీలు 1,302
 - గృహాల సంఖ్య 738
పిన్ కోడ్ 521229
ఎస్.టి.డి కోడ్ 08865

గంగినేనిపాలెం, కృష్ణా జిల్లా, జి.కొండూరు మండలానికి చెందిన గ్రామము. పిన్ కోడ్ నం.521 229., యస్.టీ.డీ.కోడ్ = 08865 గంగినేనిపాలెం కృష్ణా జిల్లా, జి.కొండూరు మండలం లోని గ్రామం. ఇది మండల కేంద్రమైన జి.కొండూరు నుండి 12 కి. మీ. దూరం లోను, సమీప పట్టణమైన విజయవాడ నుండి 42 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 738 ఇళ్లతో, 2619 జనాభాతో 626 హెక్టార్లలో విస్తరించి ఉంది. గ్రామంలో మగవారి సంఖ్య 1317, ఆడవారి సంఖ్య 1302. షెడ్యూల్డ్ కులాల సంఖ్య 598 కాగా షెడ్యూల్డ్ తెగల సంఖ్య 113. గ్రామం యొక్క జనగణన లొకేషన్ కోడ్ 589126[1].పిన్ కోడ్: 521229, యస్.టీ.డీ.కోడ్ = 08865

విషయ సూచిక

గ్రామ భౌగోళికం[మార్చు]

[2] సముద్రమట్టానికి 35 మీటర్లు ఎత్తు నవున్నది

సమీప గ్రామాలు[మార్చు]

ఈ గ్రామానికి సమీపంలో గూడెంమాధవరం, గడ్డమణుగు, చెన్నారావుపాలెం, జి.కొండూరు, అల్లూరు గ్రామాలు ఉన్నాయి.

సమీప మండలాలు[మార్చు]

మైలవరం, యెర్రుపాలెం, వీరులపాడు, ఇబ్రహీంపట్టణం

సమాచార, రవాణా సౌకర్యాలు[మార్చు]

గంగినేనిపాలెంలో పోస్టాఫీసు సౌకర్యం ఉంది. సబ్ పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామం నుండి 10 కి.మీ.కి పైబడిన దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉంది. ఇంటర్నెట్ కెఫె / సామాన్య సేవా కేంద్రం గ్రామం నుండి 10 కి.మీ.కి పైబడిన దూరంలో ఉంది. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. రైల్వే స్టేషన్ ఉంది. ట్రాక్టరు సౌకర్యం గ్రామానికి 5 నుండి 10 కి.మీ. దూరంలో ఉంది. ప్రైవేటు బస్సు సౌకర్యం గ్రామం నుండి 10 కి.మీ.కి పైబడిన దూరంలో ఉంది. జిల్లా రహదారి గ్రామం నుండి 5 నుండి 10 కి.మీ. దూరంలో ఉంది. జాతీయ రహదారి, రాష్ట్ర రహదారి, ప్రధాన జిల్లా రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి. ఈ గ్రామమునకు గంగినేని రైల్వేస్టేషన్ ఉంది.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి , ప్రభుత్వ మాధ్యమిక పాఠశాల ఒకటి ఉన్నాయి. సమీప బాలబడి జి.కొండూరులో ఉంది. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల ఇబ్రహీంపట్నంలోను, ఇంజనీరింగ్ కళాశాల చెవుటూరులోనూ ఉన్నాయి. సమీప వైద్య కళాశాల, మేనేజిమెంటు కళాశాల, పాలీటెక్నిక్ విజయవాడలో ఉన్నాయి. సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల విజయవాడలో ఉన్నాయి.

జిల్లా పరిషత్తు ఉన్నత పాఠశాల[మార్చు]

  1. ఈ పాఠశాలలో గంగినేని గ్రామం నుండియేగాక, విద్యార్థులు చుట్టుప్రక్కల గ్రామాలయిన తిమ్మాపురం, దుగ్గిరాలపాడు, తెల్లదేవరపాడు, సున్నంపాడు నుండి గూడా సైకిళ్ళపై ప్రతి రోజూ వచ్చి, విద్యనభ్యసించుచున్నారు. ప్రస్తుతం ఈ పాఠశాలలో 30 మంది విద్యార్థులున్నారు. ఈ గ్రామానికి చెందిన శ్రీ నాగోజీ వెంకటేశ్వరకుమార్, ఈ పాఠశాలలోనే చదువుకొని, ప్రస్తుతం వ్యాపారరీత్యా, హైదరాబాదులో స్థిరపడినారు. అయినాగానీ వీరు తన స్వగ్రామాన్నీ, తను చదువుకున్న పాఠశాలనీ అభివృద్ధిచేయాలని నిశ్చయించుకొని, పాఠశాలలో విద్యార్థుల సౌకర్యార్ధం, ఒక సైకిల్ స్టాండ్ నిర్మాణం కోసం, ఒకటిన్నర లక్షల రూపాయలవిలువైన సామాగ్రిని వితరణచేసారు. ఇదేగాక, పాఠశాల ఆవరణలో మెరకతోలి చదును చేయించున్నారు. [6]
  2. ఈ పాఠశాల ఆవరణలో, 2015, ఆగస్టు-25వ తేదీనాడు, జామాయిల్ మొక్కల నడుమ, 300 టేకుమొక్కలు నాటినారు. [9]
  3. ఈ పాఠశాలలో 2016, జనవరి-26న చదువులతల్లి సరస్వతీదేవి విగ్రహాన్ని ఆవిష్కరించారు. కీ.శే. మంగళంపాటి పుల్లారావు ఙాపకార్ధం, ఆయన కుమారుడు, గ్రామసర్పంచి శ్రీ వెంకటేశ్వరరావు, వారి కుటుంబ సభ్యుల వితరణతో, విగ్రహంతోపాటు, ముందుభాగంలో సిమెంట్ ఫ్లోరింగ్ చేయించారు. ఈ పాఠశాలలో ప్రతి సంవత్సరం, పదవ తరగతి పరీక్షలలో ప్రథమస్థానం పొందిన విద్యార్థికి, రు. 5, 116-00 ప్రోత్సాహక నగదు బహుమతి అందించెదనని, గ్రామస్థుడు శ్రీ రాధాకృష్ణ, ఈ సందర్భంగా ప్రకటించారు. [11]
  4. ఈ పాఠశాల వార్షికోత్సవాన్ని 2016, ఫిబ్రవరి-19వ తేదీనాడు నిర్వహించెదరు. [12]

గ్రామములో మౌలిక వసతులు[మార్చు]

బ్యాంకులు[మార్చు]

సెంట్రల్ బ్యాంక్ ఆఫ్ ఇండియా. ఫోన్ నం. 0866/2892203. సెల్ = 8886999523. గంగినేని గ్రామములో ఈ బ్యాంక్ శాఖను 1983, సెప్టెంబరు-26వ తేదీనాడు ప్రారంభించారు. [10]

గ్రామానికి వ్యవసాయం మరియు సాగునీటి సౌకర్యం[మార్చు]

గంగినేని చెరువు[మార్చు]

ఈ చెరువుకు గతంలో ఇబ్రహీంపట్నం మేజరునుండి సరఫరా వాహిని ఏర్పాటుచేసారు. కానీ గత కొంతకాలంగా సరఫరా వాహినిలో నీరులేక, ఎక్కడికక్కడ పూడిపోవడం, కొన్నిచోట్ల ఆక్రమణలకు గురికావడంతో చెరువుకు నీరు చేరక, రైతులు ఇబ్బందులు పడుచున్నారు. ఇప్పుడు కాలువలకు మరమ్మత్తులుచేసి, సమీపంలోని వాగుజాలులో కలిపినారు. నీరు వాగుజాలునుండి నేరుగా చెరువుకు చేరుకుంటుంది. తాజాగా సాగర్ జలాలతో చెరువులు నింపాలని ప్రభుత్వం ఆదేశించడంతో చెరువుకు పుష్కలంగా నీరు చేరి తద్వారా వేసవిలో భూగర్భజలాలు పెరిగి, మంచినీటి కొరత అధిగమించవచ్చు. [5]

గ్రామ పంచాయతీ[మార్చు]

ఈ గ్రామ పంచాయతీకి 2013 జూలైలో జరిగిన ఎన్నికలలో శ్రీ మంగళంపాటి వెంకటేశ్వరరావు సర్పంచిగా గెలుపొందారు. [3]

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

గంగినేనిపాలెంలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సంచార వైద్య శాల గ్రామం నుండి 5 కి.మీ. లోపు దూరంలో ఉంది. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు. ఒక మందుల దుకాణం ఉంది.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

మురుగునీరు బహిరంగ కాలువల ద్వారా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ పరివార పట్టాభి సీతారామచంద్రస్వామి దేవాలయం[మార్చు]

ఈ దేవాలయం ప్రారంభించి 125 ఏళ్ళయినది.

శ్రీ ప్రసన్నాంజనేయస్వామి ఆలయం[మార్చు]

ఈ ఆలయం గ్రామ చెరువు సమీపంలో ఉంది.

శ్రీ ముత్యాలమ్మ అమ్మవారి ఆలయం[మార్చు]

  1. నూతనంగా నిర్మించిన ఈ అలయంలో విగ్రహ ప్రతిష్ఠా కార్యక్రమాలు, 2015, జూన్-8వ తేదీ సోమవారం ప్రారంభించారు. సోమవారంనాడు, విష్వక్సేనపూజ, పుణ్యాహవచనం, అఖండ దీపారాధన, వాస్తుపూజ, వాస్తుహోమం నిర్వహించారు. నాలుగురోజులపాటు, దీపారాధన, పూజాదికాలు, హోమాలను నిర్విఘ్నంగా నిర్వహించి, 11వతేదీ గురువారం ఉదయం 8-28 గంటలకు, అమ్మవారి విగ్రహప్రతిష్ఠ నిర్వహించి, ధూప దీప నైవేద్యాలు సమర్పించారు. [7]
  2. నూతనంగా ప్రతిష్ఠించిన ఈ ఆలయంలో, 2015, జూన్-14వ తేదీ ఆదివారంనాడు, బోనాల ఉత్సవం ఘనంగా నిర్వహించారు. ఇంటి ఆడబడుచులు, మహిళలు అమ్మవారికి సమర్పించే నైవేద్యాన్ని, ఉదయన్నే సిద్ధంచేసుకొని గ్రామ వీధులలో ప్రదర్శన ద్వారా ఆలయానికి చేరుకొని, అమ్మవారికి బోనాలు సమర్పించారు. ఆలయం నిర్మించిన తరువాత తొలిసారి బోనాలపండుగ నిర్వహించడంతో, భక్తులు భారీగా తరలివచ్చారు. [8]

గ్రామ విశేషాలు[మార్చు]

  1. ఈ గ్రామవాసియైన శ్రీ కోపూరు వెంకటసుబ్బారావుగారు, అచ్చ తెలుగు రైతులాగా, మాటల చమత్కారిగా, హాస్యాన్ని చిందిస్తూ, అనర్గళంగా ఉపన్యసించగలరు. వీరు గంగినేని గ్రామ సర్పంచిగా, జిల్లా గ్రంథాలయ సంస్థ అధ్యక్షులుగా వివిధ ప్రభుత్వ రంగసంస్థల డైరెక్టరుగా, సుదీర్ఘకాలం సేవలందించారు. 1959 నుండి 1988 వరకూ గ్రామ సర్పంచిగా పనిచేసి, గ్రామాభివృద్ధికి పాటుపడ్డారు. జి.కొండూరు నుండి గ్రామం మీదుగా కె.జి.వై రోడ్డు ఏర్పాటులో కీలక పాత్ర వహించారు. జిల్లా పరిషత్తు ఉన్నత పాఠశాలకు వెళ్ళేటందుకు రహదారి సౌకర్యం కోసం, తన స్వంత పొలం 40 సెంట్లభూమిని విరాళంగా ఇచ్చారు. గ్రామంలో యస్.సి.వాడ, ఎర్రగడ్డ ప్రాంతాలలో వాగులపై కల్వర్టులు, రైల్వేస్టేషనుకు వెళ్ళే దారిలో పులివాగు, వాగుపై వంతెన నిర్మాణాలకూ కృషిచేశారు. గ్రామాభివృద్ధిలో తనదైన ముద్రవేశారు. 1971 నుండి 1986 వరకూ మరియూ 2004 నుండి 2008 వరకూ, జిల్లా గ్రంథాలయ సంస్థ అధ్యక్షులుగా పనిచేశారు. తన హయాంలో గ్రంథాలయ సిబ్బంది జీతభత్యాల పెంపుదల, సకాలంలో విడుదల, గ్రామీణ ప్రాంతాలలో గ్రంథాలయ విస్తరణకూ కృషి చేశారు. [2]
  2. గంగినేని గ్రామానికి చెందిన విశ్రాంత గ్రంథాలయాధికారి, యూనియన్ ఉపాధ్యక్షులూ అయిన శ్రీ కోట బాబూరావును, భారతీయ దళిత సాహిత్య అకాడమీ, న్యూఢిల్లీ వారు, జాతీయ ఫెలోషిప్ పురస్కారానికి ఎంపికచేసారు. దళితుల అభ్యున్నతి కోసం వీరు చేసిన కృషికి, వీరిని ఈ పురస్కారానికి ఎంపికచేసారు. న్యూఢిల్లీలోని పంచశీల ఆశ్రమంలో, 2014, డిసెంబరు-13వ తేదీనాడు, వీరికి ఈ పురస్కారాన్ని అందజేసినారు. [4]

మార్కెటింగు, బ్యాంకింగు[మార్చు]

గ్రామంలో వాణిజ్య బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, సహకార బ్యాంకు గ్రామం నుండి 10 కి.మీ.కి పైబడిన దూరంలో ఉన్నాయి. వారం వారం సంత, వ్యవసాయ మార్కెటింగ్ సొసైటీ గ్రామం నుండి 10 కి.మీ.కి పైబడిన దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 10 కి.మీ.కి పైబడిన దూరంలో ఉంది. సినిమా హాలు, గ్రంథాలయం, పబ్లిక్ రీడింగ్ రూం గ్రామం నుండి 10 కి.మీ.కి పైబడిన దూరంలో ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

గంగినేనిపాలెంలో భూ వినియోగం కింది విధంగా ఉంది:

  • అడవి: 137 హెక్టార్లు
  • వ్యవసాయేతర వినియోగంలో ఉన్న భూమి: 16 హెక్టార్లు
  • వ్యవసాయం సాగని, బంజరు భూమి: 102 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 17 హెక్టార్లు
  • తోటలు మొదలైనవి సాగవుతున్న భూమి: 1 హెక్టార్లు
  • నికరంగా విత్తిన భూమి: 353 హెక్టార్లు
  • నీటి సౌకర్యం లేని భూమి: 319 హెక్టార్లు
  • వివిధ వనరుల నుండి సాగునీరు లభిస్తున్న భూమి: 34 హెక్టార్లు

నీటిపారుదల సౌకర్యాలు[మార్చు]

గంగినేనిపాలెంలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • బావులు/బోరు బావులు: 34 హెక్టార్లు

ఉత్పత్తి[మార్చు]

గంగినేనిపాలెంలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

ప్రత్తి, వరి, మామిడి

పారిశ్రామిక ఉత్పత్తులు[మార్చు]

బియ్యం

గణాంకాలు[మార్చు]

జనాభా (2011) - మొత్తం 2, 619 - పురుషుల సంఖ్య 1, 317 - స్త్రీల సంఖ్య 1, 302 - గృహాల సంఖ్య 738

2001 వ.సంవత్సరం జనాభా లెక్కల ప్రకారం గ్రామ జనాభా 2566.[3] ఇందులో పురుషుల సంఖ్య 1269, స్త్రీల సంఖ్య 1297, గ్రామంలో నివాసగృహాలు 603 ఉన్నాయి. గ్రామ విస్తీర్ణం 626 హెక్టారులు.

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. "గంగినేనిపాలెం". Retrieved 14 June 2016. Cite web requires |website= (help)
  3. భారత ప్రభుత్వం నిర్వహించిన 2011 గణాంకాల జాలగూడు

వెలుపలి లింకులు[మార్చు]

[2] ఈనాడు కృష్ణా; 2013, జూలై-16; 8వపేజీ. [3] ఈనాడు కృష్ణా/మైలవరం; 2013, ఆగస్టు-7; 1వపేజీ. [4] ఈనాడు కృష్ణా/మైలవరం; 2014, డిసెంబరు-15; 2వపేజీ. [5] ఈనాడు కృష్ణా/మైలవరం; 2014, డిసెంబరు-19; 1వపేజీ. [6] ఈనాడు కృష్ణా/మైలవరం; 2014, డిసెంబరు-25; 1వపేజీ. [7] ఈనాడు అమరావతి; 2015, జూన్-12; 32వపేజీ. [8] ఈనాడు అమరావతి; 2015, జూన్-15; 31వపేజీ. [9] ఈనాడు అమరావతి; 2015, ఆగస్టు-26; 28వపేజీ. [10] ఈనాడు అమరావతి; 2015, సెప్టెంబరు-26; 30వపేజీ. [11] ఈనాడు అమరావతి; 2016, జనవరి-27; 28వపేజీ. [12] ఈనాడు అమరావతి/మైలవరం; 2016, ఫిబ్రవరి-19; 2వపేజీ.