Coordinates: 18°17′21″N 79°28′26″E / 18.2891°N 79.4739°E / 18.2891; 79.4739

జమ్మికుంట

వికీపీడియా నుండి
Jump to navigation Jump to search
  ?జమ్మికుంట
తెలంగాణ • భారతదేశం
అక్షాంశరేఖాంశాలు: 18°17′21″N 79°28′26″E / 18.2891°N 79.4739°E / 18.2891; 79.4739
కాలాంశం భాప్రాకా (గ్రీ.కా+5:30)
విస్తీర్ణం 30.97 కి.మీ² (12 చ.మై)[1]
జిల్లా (లు) కరీంనగర్ జిల్లా
జనాభా
జనసాంద్రత
32,645[2] (2011 నాటికి)
• 1,054/కి.మీ² (2,730/చ.మై)
అధికార భాష తెలుగు
పురపాలక సంఘం జమ్మికుంట నగర పంచాయతి


జమ్మికుంట, తెలంగాణ రాష్ట్రం, కరీంనగర్ జిల్లా, జమ్మికుంట మండలానికి చెందిన గ్రామం. 2016 అక్టోబరు 11 న చేసిన తెలంగాణ జిల్లాల పునర్వ్యవస్థీకరణకు ముందు ఈ గ్రామం పాత కరీంనగర్ జిల్లాలో, ఇదే మండలంలో ఉండేది.  [3] ఇది కరీంనగర్ కి 55 కి. మీ., వరంగల్ కి 47 కి.మీ., హైదరాబాదుకు182 కి. మీ. దూరంలో ఉంది. 2011 జమ్మికుంట పురపాలకసంఘంగా ఏర్పడింది.[4]

గణాంకాలు[మార్చు]

పట్టణ జనాభా:2011 భారత జనగణన గణాంకాల ప్రకారం ఈ గ్రామం 8436 ఇళ్లతో, 32645 జనాభాతో 3097 హెక్టార్లలో విస్తరించి ఉంది. గ్రామంలో మగవారి సంఖ్య 16894, ఆడవారి సంఖ్య 15751.[5] షెడ్యూల్డ్ కులాల సంఖ్య 6088 కాగా షెడ్యూల్డ్ తెగల సంఖ్య 200. గ్రామం యొక్క జనగణన లొకేషన్ కోడ్ 572550.పిన్ కోడ్: 505122.

ప్రభుత్వం, రాజకీయాలు[మార్చు]

పౌర పరిపాలన

జమ్మికుంట గ్రామ పంచాయితీని ప్రభుత్వం 2011లో నగర పంచాయతీగా మార్పు చేసింది.ఈ పట్టణం లోని పరిపాలన వార్డుల సంఖ్య మొత్తం 20. దీని అధికార పరిధి 30.97 km2 (11.96 sq mi).[1]

విద్యా సౌకర్యాలు[మార్చు]

గ్రామంలో 15 ప్రైవేటు బాలబడులు ఉన్నాయి. ప్రభుత్వ ప్రాథమిక పాఠశాలలు 29, ప్రైవేటు ప్రాథమిక పాఠశాలలు 15, ప్రభుత్వ ప్రాథమికోన్నత పాఠశాలలు 21 , ప్రైవేటు ప్రాథమికోన్నత పాఠశాలలు 15, ప్రభుత్వ మాధ్యమిక పాఠశాలలు 13, ప్రైవేటు మాధ్యమిక పాఠశాలలు 15 ఉన్నాయి. 8 ప్రభుత్వ జూనియర్ కళాశాలలు, 6 ప్రైవేటు జూనియర్ కళాశాలలు ఒక ప్రభుత్వ ఆర్ట్స్ / సైన్స్ డిగ్రీ కళాశాల, 2 ప్రైవేటు ఆర్ట్స్ / సైన్స్ డిగ్రీ కళాశాలలు ఉన్నాయి. 2 ప్రైవేటు వృత్తి విద్యా శిక్షణ పాఠశాలలు ఉన్నాయి.సమీప ఇంజనీరింగ్ కళాశాల హుజూరాబాద్లో ఉంది. సమీప వైద్య కళాశాల, మేనేజిమెంటు కళాశాల, పాలీటెక్నిక్ వరంగల్లో ఉన్నాయి.సమీప అనియత విద్యా కేంద్రం, దివ్యాంగుల ప్రత్యేక పాఠశాల వరంగల్ లో ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

జమ్మికుంటలో ఉన్న ఒక సామాజిక ఆరోగ్య కేంద్రంలో ఆరుగురు డాక్టర్లు , 13 మంది పారామెడికల్ సిబ్బందీ ఉన్నారు. నాలుగు ప్రాథమిక ఆరోగ్య ఉప కేంద్రాల్లో డాక్టర్లు లేరు. 8 మంది పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. ఒక కుటుంబ సంక్షేమ కేంద్రంలో ఇద్దరు డాక్టర్లు , ఇద్దరు పారామెడికల్ సిబ్బందీ ఉన్నారు. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, డిస్పెన్సరీ గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలో34 ప్రైవేటు వైద్య సౌకర్యాలున్నాయి. ఎమ్బీబీయెస్ డాక్టర్లు 9 మంది, ఎమ్బీబీయెస్ కాకుండా ఇతర డిగ్రీ చదివిన డాక్టర్లు 8 మంది, డిగ్రీ లేని డాక్టర్లు 17 మంది ఉన్నారు. ఒక మందుల దుకాణం ఉంది.

తాగునీటి సమస్య[మార్చు]

జమ్మికుంట పట్టణ ప్రజల కోసం యాభై సంవత్సరాల క్రితం మండలంలోని విలాసాగర్ వాగు నుంచి పైపులైన్ వేసి మానేరు నుంచి నీరందిస్తున్నారు. నాటి జనాభాకు అనుగుణంగా 450 నల్లా కనెక్షన్ల కోసం పైపులైన్ వేశారు. జమ్మికుంట వ్యాపార కేంద్రంగా మారడం, పట్టణ జనాభా పెరగడం వల్ల తాగునీటి సమస్య తీవ్రరూపం దాల్చింది. 2014 నాటికి పట్టణంలో 5,400 నల్లా కనెక్షన్లు ఉండగా,జనాభా 30 వేలు దాటింది. దీంతో 20 వార్డుల్లో నాలుగురోజులుకోసారి నీరందిస్తున్నారు. వేసవిలో నీటికి కటకట తప్పడం లేదు. ప్రజలు వ్యవసాయబావులు, మినరల్‌వాటర్ ప్లాంట్లను ఆశ్రయిస్తున్నారు.పిట్టలవాడ, కేశవాపురం, మోత్కులగూడెం, దుర్గాకాలనీ, ఆబాది జమ్మికుంట ప్రాంతాల్లో సరైన పైపులైన్ల నిర్మించకపోవడం వల్ల నీటి కటకటాలు తప్పడం లేదు.[6]

పారిశుధ్యం[మార్చు]

గ్రామంలో భూగర్భ మురుగునీటి వ్యవస్థ ఉంది. మురుగునీరు బహిరంగ కాలువల ద్వారా కూడా ప్రవహిస్తుంది. మురుగునీరు బహిరంగంగా, కచ్చా కాలువల ద్వారా కూడా ప్రవహిస్తుంది. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

జమ్మికుంటలో పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు ఉన్నాయి. సబ్ పోస్టాఫీసు సౌకర్యం గ్రామానికి 5 కి.మీ. లోపు దూరంలో ఉంది. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్, ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ మొదలైన సౌకర్యాలు ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులుప్రైవేటు బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. రైల్వే స్టేషన్ ఉంది.ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో ఏటీఎమ్, వాణిజ్య బ్యాంకు, సహకార బ్యాంకు, వ్యవసాయ పరపతి సంఘం ఉన్నాయి. గ్రామంలో స్వయం సహాయక బృందం, పౌర సరఫరాల కేంద్రం, వారం వారం సంత, వ్యవసాయ మార్కెటింగ్ సొసైటీ ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో ఆటల మైదానం, సినిమా హాలు, గ్రంథాలయం, పబ్లిక్ రీడింగ్ రూం ఉన్నాయి. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ స్టేషన్, జనన మరణాల నమోదు కార్యాలయం ఉన్నాయి.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 15 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

జమ్మికుంటలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 518 హెక్టార్లు
  • వ్యవసాయం సాగని, బంజరు భూమి: 16 హెక్టార్లు
  • శాశ్వత పచ్చిక ప్రాంతాలు, ఇతర మేత భూమి: 65 హెక్టార్లు
  • తోటలు మొదలైనవి సాగవుతున్న భూమి: 90 హెక్టార్లు
  • వ్యవసాయం చేయదగ్గ బంజరు భూమి: 74 హెక్టార్లు
  • సాగులో లేని భూముల్లో బీడు భూములు కానివి: 276 హెక్టార్లు
  • బంజరు భూమి: 718 హెక్టార్లు
  • నికరంగా విత్తిన భూమి: 1336 హెక్టార్లు
  • నీటి సౌకర్యం లేని భూమి: 1557 హెక్టార్లు
  • వివిధ వనరుల నుండి సాగునీరు లభిస్తున్న భూమి: 774 హెక్టార్లు

నీటిపారుదల సౌకర్యాలు[మార్చు]

జమ్మికుంటలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 487 హెక్టార్లు* బావులు/బోరు బావులు: 287 హెక్టార్లు

ఉత్పత్తి[మార్చు]

జమ్మికుంటలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

ప్రత్తి, వరి, మొక్కజొన్న

విశేషాలు[మార్చు]

దేశములోనే వ్యాపార రంగంలో అగ్రస్తానంలో నిలిచింది,.జిల్లా లోనే పెద్ద దైన బ్రిడ్జి జమ్మికుంట లోనే ఉంది, జిల్లా లోనే అతి పెద్ద మార్కెట్ ఇక్కడే ఉంది,.గడిచిన 15 ఏళ్లలో 100 దాక పరిశ్రమలు కొలువు తీరాయి. రెండు వ్యవసాయ మార్కెట్లు ఉన్నాయి. అపర బద్రాద్రిగా కిర్తికెక్కిన ఇల్లంతకుంట శ్రీరామ చంద్ర దేవస్తానం జమ్మికుంట మండలంలోనిదే. పేరు గాంచిన బిజిగిర్ షరీఫ్ కూడా ఈ మండలంలోనే ఉంది. జమ్మికుంటకు 10 కిలో మీటర్ల దూరంలో విలాసాగర్ లో రైల్వేబ్రిడ్జ్ చాల చూడదగిన ప్రదేశం.

మూలాలు[మార్చు]

  1. 1.0 1.1 "Urban Local Body Information" (PDF). Directorate of Town and Country Planning. Government of Telangana. Archived from the original (PDF) on 15 జూన్ 2016. Retrieved 28 June 2016.
  2. "Jammikunta Population". Census 2011. Retrieved 14 October 2015.
  3. "కరీంనగర్ జిల్లా" (PDF). తెలంగాణ గనుల శాఖ. Archived (PDF) from the original on 2021-01-06. Retrieved 2021-01-06. {{cite web}}: |archive-date= / |archive-url= timestamp mismatch; 2022-01-06 suggested (help)
  4. "Basic Information of Municipality, Jammikunta Municipality". jammikuntamunicipality.telangana.gov.in. Retrieved 12 May 2021.
  5. http://www.census2011.co.in/data/village/572550-jammikunta-andhra-pradesh.html
  6. https://www.sakshi.com/news/andhra-pradesh/our-water-effect-98777?pfrom=inside-related-article

వెలుపలి లంకెలు[మార్చు]