జూపల్లి కృష్ణారావు

జూపల్లి కృష్ణారావు
తరువాత	బీరం హర్షవర్ధన్ రెడ్డి
వ్యక్తిగత వివరాలు
జననం	(1955-08-10) 1955 ఆగస్టు 10 కొల్లాపూర్, నాగర్‌కర్నూల్ జిల్లా , తెలంగాణ
రాజకీయ పార్టీ	తెలంగాణ రాష్ట్ర సమితి
జీవిత భాగస్వామి	సుజన
సంతానము	వరుణ్, అరుణ్
నివాసము	హైదరాబాద్, తెలంగాణ, భారతదేశం

జూపల్లి కృష్ణారావు కొల్లాపూర్ అసెంబ్లీ నియోజకవర్గం మాజీ ఎమ్మెల్యే మరియు తెలంగాణ ప్రభుత్వ మాజీ కేబినేట్ మంత్రి. ఈయన తెలంగాణ ప్రభుత్వంలో పంచాయతీరాజ్ మరియు గ్రామీణాభివృద్ధి శాఖ మంత్రిగా విధులు నిర్వహించారు.

జననం

తెలంగాణ రాష్ట్రంలోని నాగర్‌కర్నూల్ జిల్లా కొల్లాపూర్లో 1955, ఆగస్టు 10 న జన్మించారు.

వివాహం

జూపల్లి కృష్ణారావుకు సుజనతో వివాహం జరిగింది. వీరికి ఇద్దరు కుమారులు (వరుణ్ జూపల్లి, అరుణ్ జూపల్లి) ఉన్నారు.

ఉద్యోగం - వ్యాపారం

జూపల్లి కృష్ణరావు ఒక బ్యాంకు ఉద్యోగిగా తన జీవితాన్ని ప్రారంభించారు. క్రమంగా నిర్మాణరంగంలోకి ప్రవేశించి విజయం సాధించారు.

రాజకీయ జీవితం

జూపల్లి కృష్ణారావు 1999, 2004, 2009, 2012 ఉపఎన్నికలు మరియు 2014లలో కొల్లాపూర్ అసెంబ్లీ నియోజకవర్గం నుండి ఎమ్మెల్యేగా ఎన్నికయ్యారు. కొల్లాపూర్ నియోజకవర్గం నుండి వరుసగా 5 సార్లు ఎన్నికైన మొదటి ఎమ్మెల్యేగా జూపల్లి కృష్ణారావు. వై.యస్. రాజశేఖరరెడ్డి మంత్రివర్గంలో ఆహార, పౌర సరఫరా, లీగల్ కొలతల వినిమయ వ్యవహారాల శాఖల మంత్రిగా పనిచేశారు. ఆ తర్వాత నల్లారి కిరణ్ కుమార్ రెడ్డి మంత్రివర్గంలో ఎండోమెంట్ శాఖ మంత్రిగా కూడా పనిచేశారు.

2011, అక్టోబరు 30న కాంగ్రెస్ పార్టీని వదిలిపెట్టి తెలంగాణ రాష్ట్ర సమితి చేరారు.