పాలపర్రు

పాలపర్రు
రెవెన్యూ గ్రామం
పాలపర్రు
అక్షాంశ రేఖాంశాలు: 16°4′0.001″N 80°16′59.999″E
దేశం	భారతదేశం
రాష్ట్రం	ఆంధ్రప్రదేశ్
జిల్లా	గుంటూరు
మండలం	పెదనందిపాడు
విస్తీర్ణం	12.37 కి.మీ2 (4.78 చ. మై)
జనాభా  (2011)	3,027
• జనసాంద్రత	240/కి.మీ2 (630/చ. మై.)
అదనపు జనాభాగణాంకాలు
• పురుషులు	1,472
• స్త్రీలు	1,555
• లింగ నిష్పత్తి	1,056
• నివాసాలు	921
ప్రాంతపు కోడ్	+91 ( )
పిన్‌కోడ్	522603
2011 జనగణన కోడ్	590338

పాలపర్రు, గుంటూరు జిల్లా, పెదనందిపాడు మండలంలోని గ్రామం. ఇది మండల కేంద్రమైన పెదనందిపాడు నుండి 7 కి. మీ. దూరం లోను, సమీప పట్టణమైన చిలకలూరిపేట నుండి 13 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 921 ఇళ్లతో, 3027 జనాభాతో 1237 హెక్టార్లలో విస్తరించి ఉంది. గ్రామంలో మగవారి సంఖ్య 1472, ఆడవారి సంఖ్య 1555. షెడ్యూల్డ్ కులాల సంఖ్య 1191 కాగా షెడ్యూల్డ్ తెగల సంఖ్య 87. గ్రామ జనగణన లొకేషన్ కోడ్ 590338.పెదనందిపాడు నుండి 7 కిలో మీటర్ల దూరంలో ఈ గ్రామం ఉంది. చిలకలూరిపేట నుండి 13 కిలో మీటర్ల దూరంలో ఈ గ్రామం ఉంది. అందుబాటు లోని పట్టణాలు: గుంటూరు (38 కి.మీ.)

గ్రామం పేరు వెనుక చరిత్ర

పూర్వం గ్రామం ఏర్పడక ముందు ఈ ప్రదేశంనకు ఎక్కడెక్కడనుండో పశువుల మందలను తోలుకొని వచ్చి ఇక్కడ మంద చేసుకుని ఉంటూ, ఇక్కడ లభించిన గడ్డి (తృణ) నీటి (జల) వసతివలన, స్తల విశేషం వలన మందలను విస్తరింప చేసుకొని పాలు పితుకుతూ ఈ ప్రాంతంలో నివాసాలు ఏర్పరుచుకున్నందున పాలపర్రు అనే పేరు వాడుకలోకి వచ్చినట్లుగా గుంటూరు జిల్లా గ్రామ కైఫియ్యత్తులు మొదటి భాగం, పేజి నెంబరు 33 లో పాలపర్రు గ్రామ కైఫియ్యత్తు మొదటి పేరా ద్వారా తెలుస్తుంది.ప్రభుత్వ రికార్డుల్లో ఈ గ్రామం పేరు పాలపర్రు, కానీ ప్రజలు మాత్రం వాడుకలో పాలపర్తి అనే పిలుస్తుంటారు.

సమీప గ్రామాలు

ఈ గ్రామానికి పెదనందిపాడు 3 కి.మీ, అన్నవరం 4 కి.మీ, అన్నపర్రు 5 కి.మీ, సందెపూడి 6 కి. మీ., గోపాళంవారిపాలెం 7 కి.మీ దూరంలో ఉన్నాయి.

విద్యా సౌకర్యాలు

గ్రామంలో ప్రభుత్వ ప్రాథమిక పాఠశాలలు రెండు, ప్రభుత్వ ప్రాథమికోన్నత పాఠశాల ఒకటి, ప్రభుత్వ మాధ్యమిక పాఠశాల ఒకటి ఉన్నాయి.సమీప బాలబడి పెదనందిపాడులో ఉంది.

సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల పెదనందిపాడులోను, ఇంజనీరింగ్ కళాశాల గుంటూరులోనూ ఉన్నాయి. సమీప మేనేజిమెంటు కళాశాల పెదనందిపాడులోను, వైద్య కళాశాల, పాలీటెక్నిక్‌లు గుంటూరులోనూ ఉన్నాయి.సమీప వృత్తి విద్యా శిక్షణ పాఠశాల, అనియత విద్యా కేంద్రం, దివ్యాంగుల ప్రత్యేక పాఠశాల గుంటూరులో ఉన్నాయి.

గ్రామంలో 2 ప్రాథమిక పాఠశాలతో పాటుగా 10 ఎకరాల సువిశాల విస్తీర్ణంలో ఒక ఉన్నత పాఠశాల ఉన్నాయి. వీటితో పాటుగా ఒక అంగన్ వాడి పాఠశాల ఉంది. ఉన్నత విద్య కొరకు గ్రామం లోని విద్యార్థులు దగ్గరలోని పెదనందిపాడు, చిలకలూరిపేట ల లోని జూనియర్ కళాశాలలకు, దూరప్రాంతాలలోని కార్పొరేట్ కళాశాలలకు వెళ్ళుచున్నారు. ఇటీవల పార్లమెంట్ సభ్యులు, కేంద్ర మంత్రి శ్రీ వైఎస్ సుజనా చౌదరి గారు గ్రామాన్ని దత్తత తీసుకొని పలు అభివృద్ధి కార్యక్రమాలు చేపట్టారు.

వైద్య సౌకర్యం

ప్రభుత్వ వైద్య సౌకర్యం

పాలపర్రులో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు.

డిస్పెన్సరీ, పశు వైద్యశాల గ్రామం నుండి 5 కి.మీ. లోపు దూరంలో ఉన్నాయి. ప్రాథమిక ఆరోగ్య కేంద్రం గ్రామం నుండి 5 నుండి 10 కి.మీ. దూరంలో ఉంది. సంచార వైద్య శాల గ్రామం నుండి 5 నుండి 10 కి.మీ. దూరంలో ఉంది. సమీప సామాజిక ఆరోగ్య కేంద్రం, మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.గ్రామంలో వైద్యం కొరకు ముగ్గురు ఆర్.ఎం.పి వైద్యులు ఉన్నారు. వారిలో ఇటీవల ఒకరు మరణించారు. మిగిలిన ఇద్దరు వైద్యులు గ్రామస్ధులకు వైద్య సేవలు అందిస్తున్నారు. వీటితో పాటుగా గవర్నమెంటు వారి ప్రాథమిక ఆరోగ్య కేంద్రము కూదా గ్రామంలో ఉంది.

ప్రైవేటు వైద్య సౌకర్యం

గ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు. ఒక మందుల దుకాణం ఉంది.

తాగు నీరు

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. చెరువు ద్వారా గ్రామానికి తాగునీరు లభిస్తుంది.

పారిశుధ్యం

గ్రామంలో మురుగునీటి పారుదల వ్యవస్థ లేదు. మురుగునీటిని నేరుగా జలవనరుల్లోకి వదులుతున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు

పాలపర్రులో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 నుండి 10 కి.మీ. దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 నుండి 10 కి.మీ. దూరంలో ఉన్నాయి.

గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం గ్రామానికి 5 కి.మీ. లోపు దూరంలో ఉంది. రైల్వే స్టేషన్ గ్రామం నుండి 10 కి.మీ.కి పైబడిన దూరంలో ఉంది.

ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి గ్రామం నుండి 5 నుండి 10 కి.మీ. దూరంలో ఉంది. రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉంది. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.ఈ గ్రామంలో ఈ మధ్యనే సిమెంట్ రహదారులు నిర్మించారు.

మార్కెటింగు, బ్యాంకింగు

గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. ఏటీఎమ్, వాణిజ్య బ్యాంకు గ్రామం నుండి 5 కి.మీ. లోపు దూరంలో ఉన్నాయి. వ్యవసాయ పరపతి సంఘం గ్రామం నుండి 5 నుండి 10 కి.మీ. దూరంలో ఉంది. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 నుండి 10 కి.మీ. దూరంలో ఉన్నాయి. సహకార బ్యాంకు గ్రామం నుండి 10 కి.మీ.కి పైబడిన దూరంలో ఉంది.

గ్రామంలో 2015, సెప్టెంబరు 23 న ఉదయం 11 గంటలకు, సిండికేట్ బ్యాంకు నూతనశాఖను ప్రారంభించారు.

ఆరోగ్యం, పోషణ, వినోద సౌకర్యాలు

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. గ్రంథాలయం గ్రామం నుండి 5 కి.మీ.లోపు దూరంలో ఉంది. ఆటల మైదానం గ్రామం నుండి 5 నుండి 10 కి.మీ. దూరంలో ఉంది. సినిమా హాలు గ్రామం నుండి 5 నుండి 10 కి.మీ. దూరంలో ఉంది.

విద్యుత్తు

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 21 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం

పాలపర్రులో భూ వినియోగం కింది విధంగా ఉంది:

• వ్యవసాయేతర వినియోగంలో ఉన్న భూమి: 163 హెక్టార్లు
• వ్యవసాయం సాగని, బంజరు భూమి: 1 హెక్టార్లు
• శాశ్వత పచ్చిక ప్రాంతాలు, ఇతర మేత భూమి: 1 హెక్టార్లు
• బంజరు భూమి: 147 హెక్టార్లు
• నికరంగా విత్తిన భూమి: 923 హెక్టార్లు
• నీటి సౌకర్యం లేని భూమి: 319 హెక్టార్లు
• వివిధ వనరుల నుండి సాగునీరు లభిస్తున్న భూమి: 751 హెక్టార్లు

నీటిపారుదల సౌకర్యాలు

పాలపర్రులో వ్యవసాయానికి నీటి సరఫరా కింది వనరుల ద్వారా జరుగుతోంది.

• ఇతర వనరుల ద్వారా: 751 హెక్టార్లు

ఉత్పత్తి

పాలపర్రులో ఈ కింది వస్తువులు ఉత్పత్తి అవుతున్నాయి.

ప్రధాన పంటలు

ప్రత్తి, పొగాకు, శనగ

త్రాగునీటి సౌకర్యం

గ్రామంలో త్రాగునీరు, మురుగు కాలువల వ్యవస్థ సమర్ధంగా నిర్వహించబదుతున్నాయి. త్రాగునీటి కొరకు మంచినీటి చెరువు ఒడ్డునే ఒక నీటి ట్యాంకు నిర్మించారు. ఈ త్యాంకు నుండి గ్రామం లోనికి ప్రతి రోజూ ఉదయం, సాయంత్రం నీటి సరఫరా జరుగుతుంది. త్రాగు నీటి కొరకు ప్రత్యేక నీటి శుద్ధి కేంద్రం నెలకొల్పారు.

1. ఈ గ్రామంలో గల పెద్ద చెరువు, ఒకప్పుడు పరిసర ప్రాంతాల వారికి కూడా నీటిఎద్దడి నుండి కాపాడేది అని పెద్దలు ఇప్పటికి చెప్తుంటారు.
2. పంటలకి వర్షపు నీరు లేదా నాగార్జున సాగర్ 'కుడి కాలువ' నీరు మాత్రమే ఆధారం.

వీటితో పాటుగా గ్రామానికి 2 కిలో మీటర్ల దూరములో ఉన్న నల్లమద వాగు నుండి లిఫ్టు ద్వారా నీటిని ఎత్తి పోసే సౌకర్యం ఉంది.

గ్రామ రాజకీయాలు

గ్రామంలో ప్రధానముగా 2 రాజకీయ పార్టీలు ఉన్నాయి. 1. తెలుగు దేశం పార్టీ 2. భారత కమ్యూనిస్టు పార్టీ.

2013 జూలైలో ఈ గ్రామ పంచాయతీకి జరిగిన ఎన్నికలలో జంపని సంజీవరావు, సర్పంచిగా ఎన్నికైనాడు. ఉపసర్పంచిగా నెహ్రూ ఎన్నికైనాడు.ప్రస్తుతం గ్రామం ప్రత్తిపాడు శాసనసభ నియోజక వర్గంలో భాగంగా ఉంది. ప్రస్తుత శాసన సభ్యుడు రావెల కిశోర్ బాబు. ప్రస్తుతం గ్రామం గుంటూరు పార్లమెంట్ నియోజక వర్గంలో భాగంగా ఉంది. ప్రస్తుత పార్లమెంట్ సభ్యుడు గల్లా జయదేవ్

గ్రామంలోని దర్శనీయ ప్రదేశములు/దేవాలయములు

1. శివాలయం.
2. శ్రీ వేణుగోపాలస్వామివారి ఆలయం.
3. శ్రీ రామాలయం.
4. శ్రీ వీరాంజనేయస్వామివారి ఆలయం.
5. శ్రీమద్విరాట్ పోతులూరి వీరబ్రహ్మేంద్రస్వామివారి అలయం.
6. తెలుగు బాప్టిస్టు చర్చి
7. ఏఈఎల్సీ చర్చి
8. మసీదు

మృతవీరుల స్మారక స్థూపం

1950 సంవత్సరం పీడిత ప్రజల విముక్తికై పోరాడిన 14 మంది యువకులను కాంగ్రెస్ ప్రభుత్వంచే హత్య చేయబడ్డారు, మరణించిన ఆ అమర వీరుల ఆశయ చిహ్నమే ఈ స్మారక స్థూపం, చెరువు గట్టు పై ఊరి ప్రారంభంలో ఉంటుంది.

గ్రామంలోని ప్రధాన వృత్తులు

ప్రజల ముఖ్య జీవనాధారం వ్యవసాయం, .

గ్రామ ప్రముఖులు

• ముద్దన చెంచయ్య విద్యా దాత
• తేళ్ల సుబ్బారావు గ్రామ ప్రముఖులు
• పెద్దిపాగ ప్రకాశం కమ్యూనిస్టు ఉద్యమ నేత
• జంపని వెంకటేశ్వర్లు మాజీ సర్పంచి
• నంగినేని చౌదరి బాబు గూడవల్లి గౌతం విద్యా సంస్ధల అధినేత
• రాజుపాలెం రాంబాబు ప్రకాశం జిల్లా విజిలెన్స్ అధికారి
• తేళ్ళ సత్యవతి ఆచార్యులు

గ్రామ విశేషాలు

ప్రతి నంవత్సరం గ్రామంలో వినాయక చవితి, సంక్రాంతి, దీపావళి, దసరా, క్రిస్మస్ మొదలగు పండుగలు ప్రజలందరు ఆనందోత్సాహాలతో జరుపుకొంటారు. ప్రతి సంవత్సరం సంక్రాంతి పండుగకు గ్రామం లోని చెరువులో వేంకటేశ్వర స్వామి వారి తెప్పోత్సవం ఘనంగా జరుగుతుంది. అలాగే వినాయక చవితి పందుగకు గ్రామంలో వినాయ ప్రతిమ లను పూజించి గ్రామోత్సవం నిర్వహిస్తారు. వీటితో పాటుగా బ్రహ్మం గారి జెండా ఊరేగింపు, పీర్ల చావిడి జెండా ఊరేగింపు మొదలగునవి వైభవంగా నిర్వహిస్తారు.

గ్రామంనకు చెందిన పోపూరి శ్రీధర్ మనవూరు చారిటబుల్ ఆర్గనైజేషన్ అనే స్వచ్ఛంద సంస్ధను స్ధాపించి గ్రామస్తులతో పాటు చుట్టు పక్కల గ్రామాల ప్రజలకు సహాయ సహకారలు అందిస్తున్నారు.

పాలపర్రు గ్రామంలో ఉన్న యువకులు అందరూ కలసి సంఘాలుగా ఏర్పడి ప్రజలందకి వైద్యా, గుడుల బాగోగులు మొదలైనవి చేస్తున్నారు ఆంతే తప్ప ఏ ఒక్కరు సహాయాలు అందించటం లేదు ఊరిలో ఉన్న పెద్దలు అందరూ కలసి కట్టుగా ఉన్నారు గణుకే ఇంకా అనేక అభివృద్ధి కార్యక్రమాలు చేస్తున్నారు కానీ ఎవరో ఒకరు చేయట్లేదు అంటే

గణాంకాలు

• 2001 వ. సంవత్సరం జనాభా లెక్కల ప్రకారం గ్రామ జనాభా 3478 ఇందులో పురుషుల సంఖ్య సంఖ్య 1688, మహిళల సంఖ్య1790, గ్రామంలో నివాస గృహాలు 940 ఉన్నాయి.