పూడివాడ

వికీపీడియా నుండి
Jump to navigation Jump to search
పూడివాడ
—  రెవిన్యూ గ్రామం  —
రాష్ట్రం ఆంధ్రప్రదేశ్
జిల్లా గుంటూరు
మండలం నగరం
ప్రభుత్వము
 - సర్పంచి
జనాభా (2011)
 - మొత్తం 3,484
 - పురుషుల సంఖ్య 1,713
 - స్త్రీల సంఖ్య 1,771
 - గృహాల సంఖ్య 1,144
పిన్ కోడ్ 522268
ఎస్.టి.డి కోడ్ 08648

పూడివాడ, గుంటూరు జిల్లా, నగరం మండలానికి చెందిన గ్రామం. ఇది మండల కేంద్రమైన నగరం నుండి 2 కి. మీ. దూరం లోను, సమీప పట్టణమైన రేపల్లె నుండి 18 కి. మీ. దూరంలోనూ ఉంది. 2011 భారత జనగణన గణాంకాల ప్రకారం ఈ గ్రామం 1144 ఇళ్లతో, 3484 జనాభాతో 827 హెక్టార్లలో విస్తరించి ఉంది. గ్రామంలో మగవారి సంఖ్య 1713, ఆడవారి సంఖ్య 1771. షెడ్యూల్డ్ కులాల సంఖ్య 710 కాగా షెడ్యూల్డ్ తెగల సంఖ్య 64. గ్రామం యొక్క జనగణన లొకేషన్ కోడ్ 590491[1].పిన్ కోడ్: 522268. ఎస్.టి.కోడ్ = 08648.

గ్రామ భౌగోళికం[మార్చు]

సమీప గ్రామాలు[మార్చు]

ఈ గ్రామానికి సమీపంలో బలుసులపాలెం, సిరిపూడి, చినమట్లపూడి, పెదమట్లపూడి, పిట్టువారిపాలెం గ్రామాలు ఉన్నాయి.

విద్యా సౌకర్యాలు[మార్చు]

గ్రామంలో ప్రభుత్వ ప్రాథమిక పాఠశాలలు ఆరు, ప్రభుత్వ ప్రాథమికోన్నత పాఠశాల ఒకటి ఉన్నాయి బాలబడి, మాధ్యమిక పాఠశాల‌లు నగరంలో ఉన్నాయి. సమీప జూనియర్ కళాశాల, ప్రభుత్వ ఆర్ట్స్ / సైన్స్ డిగ్రీ కళాశాల నగరంలోను, ఇంజనీరింగ్ కళాశాల బాపట్లలోనూ ఉన్నాయి. సమీప వైద్య కళాశాల గుంటూరులోను, పాలీటెక్నిక్‌ రేపల్లెలోను, మేనేజిమెంటు కళాశాల బాపట్లలోనూ ఉన్నాయి. సమీప వృత్తి విద్యా శిక్షణ పాఠశాల నగరంలోను, అనియత విద్యా కేంద్రం రేపల్లెలోను, దివ్యాంగుల ప్రత్యేక పాఠశాల గుంటూరు లోనూ ఉన్నాయి.

వైద్య సౌకర్యం[మార్చు]

ప్రభుత్వ వైద్య సౌకర్యం[మార్చు]

పూడివాడలో ఉన్న ఒక ప్రాథమిక ఆరోగ్య ఉప కేంద్రంలో డాక్టర్లు లేరు. ఒకరు పారామెడికల్ సిబ్బంది ఉన్నారు. ఒక పశు వైద్యశాలలో ఒక డాక్టరు, ఒకరు పారామెడికల్ సిబ్బందీ ఉన్నారు. సమీప సామాజిక ఆరోగ్య కేంద్రం, ప్రాథమిక ఆరోగ్య కేంద్రం గ్రామం నుండి 5 కి.మీ. లోపు దూరంలో ఉన్నాయి. డిస్పెన్సరీ, సంచార వైద్య శాల గ్రామం నుండి 5 కి.మీ. లోపు దూరంలో ఉన్నాయి. మాతా శిశు సంరక్షణ కేంద్రం, టి. బి వైద్యశాల గ్రామం నుండి 10 కి.మీ. కంటే ఎక్కువ దూరంలో ఉన్నాయి. అలోపతి ఆసుపత్రి, ప్రత్యామ్నాయ ఔషధ ఆసుపత్రి, కుటుంబ సంక్షేమ కేంద్రం గ్రామం నుండి 10 కి.మీ. కంటే ఎక్కువ దూరంలో ఉన్నాయి.

ప్రైవేటు వైద్య సౌకర్యం[మార్చు]

గ్రామంలోఒక ప్రైవేటు వైద్య సౌకర్యం ఉంది. డిగ్రీ లేని డాక్టరు ఒకరు ఉన్నారు.

తాగు నీరు[మార్చు]

గ్రామంలో కుళాయిల ద్వారా రక్షిత మంచినీటి సరఫరా జరుగుతోంది. కుళాయిల ద్వారా శుద్ధి చేయని నీరు కూడా సరఫరా అవుతోంది. బావుల నీరు కూడా అందుబాటులో ఉంది. గ్రామంలో ఏడాది పొడుగునా చేతిపంపుల ద్వారా నీరు అందుతుంది.

పారిశుధ్యం[మార్చు]

గ్రామంలో మురుగునీటి పారుదల వ్యవస్థ లేదు. మురుగునీటిని శుద్ధి ప్లాంట్‌లోకి పంపిస్తున్నారు. గ్రామంలో సంపూర్ణ పారిశుధ్య పథకం అమలవుతోంది. సామాజిక మరుగుదొడ్డి సౌకర్యం లేదు. ఇంటింటికీ తిరిగి వ్యర్థాలను సేకరించే వ్యవస్థ లేదు. సామాజిక బయోగ్యాస్ ఉత్పాదక వ్యవస్థ లేదు. చెత్తను వీధుల పక్కనే పారబోస్తారు.

సమాచార, రవాణా సౌకర్యాలు[మార్చు]

పూడివాడలో సబ్ పోస్టాఫీసు సౌకర్యం ఉంది. పోస్టాఫీసు సౌకర్యం, పోస్ట్ అండ్ టెలిగ్రాఫ్ ఆఫీసు గ్రామానికి 5 కి.మీ. లోపు దూరంలో ఉన్నాయి. లాండ్ లైన్ టెలిఫోన్, పబ్లిక్ ఫోన్ ఆఫీసు, మొబైల్ ఫోన్ మొదలైన సౌకర్యాలు ఉన్నాయి. ఇంటర్నెట్ కెఫె / సామాన్య సేవా కేంద్రం, ప్రైవేటు కొరియర్ గ్రామానికి 5 కి.మీ. లోపు దూరంలో ఉన్నాయి. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు తిరుగుతున్నాయి. సమీప గ్రామాల నుండి ఆటో సౌకర్యం కూడా ఉంది. వ్యవసాయం కొరకు వాడేందుకు గ్రామంలో ట్రాక్టర్లున్నాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరంలో ఉన్నాయి. ప్రధాన జిల్లా రహదారి, జిల్లా రహదారి గ్రామం గుండా పోతున్నాయి. జాతీయ రహదారి, రాష్ట్ర రహదారి గ్రామం నుండి 10 కి.మీ.కి పైబడిన దూరంలో ఉన్నాయి. గ్రామంలో తారు రోడ్లు, కంకర రోడ్లు, మట్టిరోడ్లూ ఉన్నాయి.

మార్కెటింగు, బ్యాంకింగు[మార్చు]

గ్రామంలో వ్యవసాయ పరపతి సంఘం ఉంది. గ్రామంలో స్వయం సహాయక బృందం, పౌర సరఫరాల కేంద్రం ఉన్నాయి. వాణిజ్య బ్యాంకు గ్రామం నుండి 5 కి.మీ. లోపు దూరంలో ఉంది. రోజువారీ మార్కెట్, వారం వారం సంత, వ్యవసాయ మార్కెటింగ్ సొసైటీ గ్రామం నుండి 5 కి.మీ. లోపు దూరంలో ఉన్నాయి. ఏటీఎమ్, సహకార బ్యాంకు గ్రామం నుండి 5 నుండి 10 కి.మీ. దూరంలో ఉన్నాయి.

ఆరోగ్యం, పోషణ, వినోద సౌకర్యాలు[మార్చు]

గ్రామంలో సమీకృత బాలల అభివృద్ధి పథకం, అంగన్ వాడీ కేంద్రం, ఇతర పోషకాహార కేంద్రాలు, ఆశా కార్యకర్త ఉన్నాయి. గ్రామంలో పబ్లిక్ రీడింగ్ రూం ఉంది. గ్రామంలో వార్తాపత్రిక పంపిణీ జరుగుతుంది. అసెంబ్లీ పోలింగ్ కేంద్రం, జనన మరణాల నమోదు కార్యాలయం ఉన్నాయి. ఆటల మైదానం గ్రామం నుండి 5 కి.మీ. లోపు దూరంలో ఉంది. గ్రంథాలయం గ్రామం నుండి 5 కి.మీ.లోపు దూరంలో ఉంది. సినిమా హాలు గ్రామం నుండి 5 నుండి 10 కి.మీ. దూరంలో ఉంది.

విద్యుత్తు[మార్చు]

గ్రామంలో గృహావసరాల నిమిత్తం విద్యుత్ సరఫరా వ్యవస్థ ఉంది. రోజుకు 7 గంటల పాటు వ్యవసాయానికి, 21 గంటల పాటు వాణిజ్య అవసరాల కోసం కూడా విద్యుత్ సరఫరా చేస్తున్నారు.

భూమి వినియోగం[మార్చు]

పూడివాడలో భూ వినియోగం కింది విధంగా ఉంది:

  • వ్యవసాయేతర వినియోగంలో ఉన్న భూమి: 139 హెక్టార్లు
  • బంజరు భూమి: 3 హెక్టార్లు
  • నికరంగా విత్తిన భూమి: 683 హెక్టార్లు
  • నీటి సౌకర్యం లేని భూమి: 11 హెక్టార్లు
  • వివిధ వనరుల నుండి సాగునీరు లభిస్తున్న భూమి: 675 హెక్టార్లు

నీటిపారుదల సౌకర్యాలు[మార్చు]

పూడివాడలో వ్యవసాయానికి నీటి సరఫరా కింది వనరుల ద్వారా జరుగుతోంది.

  • కాలువలు: 675 హెక్టార్లు

ఉత్పత్తి[మార్చు]

పూడివాడలో ఈ కింది వస్తువులు ఉత్పత్తి అవుతున్నాయి.

ప్రధాన పంటలు[మార్చు]

వరి, మినుము

గ్రామ పంచాయతీ[మార్చు]

  1. ఉత్తర కాపులపాలెం, పూడివాడ గ్రామ పంచాయతీలోని ఒక శివారు గ్రామం.
  2. 2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి కాసాని సిద్ధాంతమ్మ, సర్పంచిగా ఎన్నికైనారు. [2]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ సంతాన వేణుగోపాలస్వామి దేవస్థానము[మార్చు]

  1. ప్రఖ్యాతిగాంచిన ఈ ఆలయంలో, ప్రతీ సంవత్సరం స్వామి వారి బ్రహ్మొత్సవాలు విశేషంగా జరుగుతాయి. ఈ ఆలయంలో స్వామివారి కల్యాణోత్సవాలు ప్రతి సంవత్సరం వైశాఖమాసంలో శుక్ల ఏకాదశి నుండి త్రయోదశి వరకూ, మూడు రోజులపాటు వైభవంగా నిర్వహించెదరు. [5]
  2. ఈ ఆలయంలో రాజ్యలక్ష్మీ అమ్మవారి ఉత్సవ విగ్రహాన్ని, 2015, మే నెల-3వతేదీ ఆదివారంనాడు ప్రతిష్ఠించారు. ఈ విగ్రహాన్ని దాత శ్రీమతి తన్నీరు కమలాదేవి బహూకరించారు. [7]
  3. ఈ ఆలయ గాలిగోపురాల పునఃప్రారంభోత్సవం, 2016, ఫిబ్రవరి-14వతేదీ రథసప్తమి రోజున, కన్నులపండువగా నిర్వహించారు. [9]

అద్దంకి నాంచారమ్మ తాటిమ్మ నగరం పక్కలమ్మ అమ్మవారు[మార్చు]

ఆధ్యాత్మిక విశేషాలు[మార్చు]

  1. పూడివాడ గ్రామంలో శ్రీరామనవమికి ప్రతి సంవత్సరం, ఐదురోజులపాటు అత్యంత భక్తిశ్రద్ధలతో, ఉత్సవాలు నిర్వహించెదరు. మొదటి నాలుగు రోజులూ, రాత్రివేళలలో పలు సాంస్కృతిక కార్యక్రమాలు నిర్వహించెదరు. ఆఖరిరోజైన 5వ రోజున, శ్రీ సీతారాముల గ్రామోత్సవం నిర్వహించెదరు. ఆరోజున వసంతోత్సవం గూడా నిర్వహించెదరు. [4]
  2. శ్రీ తిరుమల తిరుపతి ప్రచారకమిటీ ఆధ్వర్యంలో, తిరుప్పావై ప్రచార ఉపన్యాస కార్యక్రమం, పూడివాడ శివారు, పడమటిపాలెం, శ్రీరామ మందిరంలో 2013, డిసెంబరు-23, సోమవారం నిర్వహించారు. ప్రచారకమిటీ సభ్యులు దేవాలయంలో ఉదయం, సాయంత్రం విశేషపూజలు, భక్తిగేయాలు, భజనలు నిర్వహించారు. ఈ పూజాకార్యక్రమాలలో పూడివాడ, కమ్మవారిపాలెం, ఉత్తర కాపుపాలెం గ్రామస్థులు పాల్గొన్నారు. [3]

గ్రామంలోని ప్రధాన పంటలు[మార్చు]

వరి, అపరాలు, కాయగూరలు

గ్రామంలోని ప్రధాన వృత్తులు[మార్చు]

వ్యవసాయం, వ్యవసాయాధారిత వృత్తులు

గ్రామ ప్రముఖులు[మార్చు]

మొవ్వ వృషాధ్రిపతి[మార్చు]

వీరు పూడివాడ గ్రామంలో శ్రీ శ్రీనివాస పెరుమాళ్ళు. బాలమాంబ దంపతులకు, 1941లో జన్మించారు. వీరు తాత నుండి సంగీతఙానం, తండ్రి నుండి సాహిత్యఙానం అందిపుచ్చుకున్నారు. వీరిని గురించి సాహితీ ప్రపంచంలో తెలియనివారు అరుదు. పండిత కుటుంబం నుండి వచ్చిన ఆయన అధ్యాపక వృత్తితోపాటు, ఆధ్యాత్మిక. సాహిత్య, నాటక, వ్యాఖ్యాన రంగాలలో రాణించి తనదైన ముద్ర వేసినారు. గంభీరమైన గాత్రంతో ఆయన దేశ, విదేశాలలో పలుప్రదర్శనలిచ్చారు. ఆలిండియా రేడియో, దూరదర్శన్, టీవీలు, తి.తి.దేవస్థానం కార్యక్రమాలలో విరివిగా పాల్గొని, వందలాది ప్రదర్శనలతో వీక్షకులు, శ్రోతలను ఆకట్టుకున్నారు. బర్మింగ్ హాం (లండన్), అమెరికా తానా సభలలో ఆయన ప్రసంగాలు ప్రశంసల జల్లులు కురిపించినవి.

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 3657.[2] ఇందులో పురుషుల సంఖ్య 1852, స్త్రీల సంఖ్య 1805, గ్రామంలో నివాస గృహాలు 1085 ఉన్నాయి.గ్రామ విస్తీర్ణం 827 హెక్టారులు.

మూలాలు[మార్చు]

  1. "Office of the Registrar General & Census Commissioner, India - Village amenities of 2011". Cite web requires |website= (help)
  2. "భారత ప్రభుత్వం నిర్వహించిన 2011 గణాంకాల జాలగూడు". మూలం నుండి 2015-04-15 న ఆర్కైవు చేసారు. Retrieved 2013-10-21. Cite web requires |website= (help)



"https://te.wikipedia.org/w/index.php?title=పూడివాడ&oldid=2903619" నుండి వెలికితీశారు