రేపల్లె

రేపల్లె
పట్టణం
రేపల్లె
నిర్దేశాంకాలు: 16°N 80.9°E / 16; 80.9
దేశం	భారతదేశం
రాష్ట్రం	ఆంధ్రప్రదేశ్
జిల్లా	బాపట్ల జిల్లా
మండలం	రేపల్లె మండలం
విస్తీర్ణం
• మొత్తం	10.97 కి.మీ2 (4.24 చ. మై)
జనాభా వివరాలు (2011)
• మొత్తం	50,866
• సాంద్రత	4,600/కి.మీ2 (12,000/చ. మై.)
జనగణాంకాలు
• లింగ నిష్పత్తి	1086
ప్రాంతీయ ఫోన్ కోడ్	+91 ( 8648  )
పిన్(PIN)	522265
జాలస్థలి

రేపల్లె బాపట్ల జిల్లా లోని పట్టణం, అదే పేరుతో గల మండలానికి కేంద్రం.

భౌగోళికం

జిల్లా కేంద్రమైన బాపట్లకు పశ్చిమంగా 48 కి.మీ దూరంలో, సమీప నగరమైన గుంటూరు కు ఆగ్నేయంగా 71 కి.మీ దూరంలో ఈ పట్టణం వున్నది.

జనగణన వివరాలు

2011 జనగణన ప్రకారం పట్టణ జనాభా 50,866.

పరిపాలన

రేపల్లె పురపాలక సంఘం పట్టణ పరిపాలన నిర్వహిస్తుంది.

రవాణా సౌకర్యాలు

రేపల్లె బస్సు నిలయం

రేపల్లెలో బస్సు డిపో ఉంది. చుట్టుపక్కల అన్ని గ్రామాలకు రేపల్లె నుండి బస్సులు ఉన్నాయి. పెనుమూడి వారధి 2006 లో నిర్మితమవటంతో రేపల్లె నుండి కృష్ణా జిల్లాలో ఉన్న గ్రామాలకు బస్సు సర్వీసులు ప్రారంభించడం జరిగింది. రేపల్లె, గుంటూరు డివిజన్ లో తెనాలి - రేపల్లె మార్గానికి చివరి స్టేషను. రేపల్లె నుండి తెనాలి,గుంటూరు, హైదరాబాద్కు రైళ్ళు ఉన్నాయి.

విద్యా సౌకర్యాలు

గ్రంథాలయం

దశబ్దాల చరిత్ర కలిగిన రేపల్లె గ్రంథాలయంలో 32,000 గ్రంథాలుండేవి. ఈ భవనం శిథిలమవడంతో, ఒక నూతన భవనం నిర్మాణం కొరకు ప్రవాసాంధ్రుడు పరుచూరి శ్రీరామకృష్ణయ్య ఛారిటబుల్ ట్రస్ట్ ఛైర్మన్ పరుచూరి శ్రీనాథ్, 25 లక్షల రూపాయలు వితరణగా అందించడానికి ముందుకు వచ్చారు. పురపాల సంఘం పాలక వర్గం స్పందించి, చంద్రమౌళి పార్కులో 15 సెంట్ల స్థలం కేటాయించింది. భవన నిర్మాణానికి గ్రంథాలయ సంస్థ 35 లక్షల రూపాయల నిధులు మంజూరుచేసింది.

దర్శనీయ ప్రదేశాలు/దేవాలయాలు

1. పెనుమూడి గ్రామం వద్ద ఉన్న కృష్ణా నది ఒడ్డు. 214 జాతీయ రహదారి వారధిపక్కన శ్రీ శ్రీ శ్రీ అయ్యప్ప స్వామి దేవస్థానం, లక్ష్మి గణపతి ఆలయం, సుబ్రహ్మణ్యేశ్వవర స్వామి ఆలయం, మాలికాపురత్తమ్మ ఆలయం శివాలయం, సత్యనారాయణ స్వామి ఆలయం, దంపతి సమేతంగా నవగ్రహ ఆలయం మొదలైన ఆలయాలు నిర్మాణంలో ఉన్నవి

ప్రముఖులు

• సముద్రాల రాఘవాచార్య, సంగీత దర్శకుడు.
• చంద్రమౌళి, గ్రంథాలయ ఉద్యమకారుడు.
• కాండూరి సీతారాయ్య, స్వాతంత్ర్య సమరయోధుడు
• పరుచూరి బ్రదర్స్, సిని రచయితలు, నటులు.