నిజాంపట్నం

వికీపీడియా నుండి
ఇక్కడికి గెంతు: మార్గసూచీ, వెతుకు
నిజాంపట్నం
—  రెవిన్యూ గ్రామం  —
రాష్ట్రం ఆంధ్ర ప్రదేశ్
జిల్లా గుంటూరు
మండలం నిజాంపట్నం
ప్రభుత్వము
 - సర్పంచి శ్రీమతి మోపిదేవి విజయనిర్మల
జనాభా (2001)
 - మొత్తం 20,638
 - పురుషుల సంఖ్య 10,583
 - స్త్రీల సంఖ్య 10,055
 - గృహాల సంఖ్య 5,114
పిన్ కోడ్ 522 314
ఎస్.టి.డి కోడ్ 08648
నిజాంపట్నం
—  మండలం  —
గుంటూరు జిల్లా పటములో నిజాంపట్నం మండలం యొక్క స్థానము
గుంటూరు జిల్లా పటములో నిజాంపట్నం మండలం యొక్క స్థానము
నిజాంపట్నం is located in ఆంధ్ర ప్రదేశ్
నిజాంపట్నం
ఆంధ్రప్రదేశ్ పటములో నిజాంపట్నం యొక్క స్థానము
అక్షాంశరేఖాంశాలు: 15°56′13″N 80°39′49″E / 15.936901°N 80.663567°E / 15.936901; 80.663567
రాష్ట్రం ఆంధ్ర ప్రదేశ్
జిల్లా గుంటూరు
మండల కేంద్రము నిజాంపట్నం
గ్రామాలు 8
ప్రభుత్వము
 - మండలాధ్యక్షుడు
జనాభా (2001)
 - మొత్తం 60,930
 - పురుషులు 31,210
 - స్త్రీలు 29,710
అక్షరాస్యత (2001)
 - మొత్తం 56.09%
 - పురుషులు 65.75%
 - స్త్రీలు 45.92%
పిన్ కోడ్ 522314

నిజాంపట్నం(Nizampatnam), ఆంధ్ర ప్రదేశ్ రాష్ట్రములోని గుంటూరు జిల్లాలోని ఒక మండలము. పిన్ కోడ్ నం. 522 314., ఎస్.టి.డి.కోడ్ = 08648.

విషయ సూచిక

గ్రామ చరిత్ర[మార్చు]

నిజాంపట్నం ఒక ప్రాచీన ఓడ రేవు. పూర్వము దీనిని పెద్దపల్లి అని పిలిచేవారు. డచ్చి ఈస్ట్ ఇండియా కంపెనీ కోరమండల్ తీరములో తమ మొదటి ఫ్యాక్టరీని 1606లో ఇక్కడ నెలకొల్పినది. ఇక్కడ లినెన్ బట్ట తయారుచేసేవారు. డచ్చివారి ఫ్యాక్టరీ 1669లో మూతపడినది. దక్షిణ భారతదేశములో మొదటి బ్రిటిషు వర్తక స్థావరము 1611లో ఇక్కడ నెలకొల్పారు. 1621లో బ్రీటిషు వారు ఇక్కడ ఫ్యాక్టరీ పెట్టారు. నిజాం దీన్ని ఉత్తర సర్కారులలో భాగముగా ఫ్రెంచి వారికి రాసిచ్చాడు కాని 1759లో సలాబత్ జంగ్ బ్రిటిషు వారి దత్తముచేశాడు.

ప్రస్తుతం నిజాంపట్నం మండలం రేపల్లె శాసనసభ నియోజకవర్గంలో కొనసాగుతోంది. కిందటి (అనగా 2004) సార్వత్రిక ఎన్నికలలో ఈ మండలం కూచినపూడి నియోజకవర్గంలో ఉండటం జరిగింది. ఆ తరువాతి పునర్వ్యవస్తీకరణ సంఘం ఈ మండలాన్ని రేపల్లె నియోజకవర్గం లోకి మార్చడం జరిగింది.

గ్రామం పేరు వెనుక చరిత్ర[మార్చు]

గ్రామ భౌగోళికం[మార్చు]

సమీప గ్రామాలు[మార్చు]

ఈ గ్రామానికి సమీపంలో పెదపులుగు వారి పాలెం,ఆముదాలపల్లి,తుమ్మలపల్లి,ఖాజీపాలెం,పెదమట్లపూడి గ్రామాలు ఉన్నాయి.

సమీప మండలాలు[మార్చు]

గ్రామానికి రవాణా సౌకర్యాలు[మార్చు]

గ్రామంలో విద్యా సౌకర్యాలు[మార్చు]

ప్రభుత్వ జూనియర్ కళాశాల[మార్చు]

ఈ కళాశాల 1999 లో ప్రారంభించారు.

సాంఘిక సంక్షేమ శాఖ గురుకుల పాఠశాల/కళాశాల[మార్చు]

నిజంపట్నం గ్రామంలో రు. 9.5 కోట్ల అంచనా వ్యయంతో, సాంఘిక సంక్షేమ శాఖ ఆధ్వర్యంలో, ఒక గురుకుల పాఠశాల/కళాశాల, నిర్మాణం పూర్తి అయినది. రెండు నెలల క్రితం ప్రారంభించారు. నాలుగురోజుల క్రితం ఈ పాఠశాలను పల్లపట్ల నుండి ఇక్కడకు మార్చారు. ఇక్కడ ప్రస్తుతం 600 మందికి పైగా విద్యార్థులు విద్యనభ్యసించుచున్నారు. [3]&[15]

జిల్లా పరిషత్తు ఉన్నత పాఠశాల[మార్చు]

  1. ఈ పాఠశాలలో రు. 4 లక్షల వ్యయంతో నిర్మించనున్న కళావేదిక నిర్మాణానికి, 2014,డిసెంబరు-6వ తేదీన శంకుస్థాపన నిర్వహించారు. దాత శ్రీ ఇంద్రగుపా, తన తండ్రి తూనుగుంట్ల రామచంద్రరావు ఙాపకార్ధం ఈ కళవేదికకు విరాళం అందజేసినారు. [7]
  2. ఈ పాఠశాలలో చదువుచున్న పందరబోయిన సువర్ణకుమారి అను క్రీడాకారిణి, 2015,సెప్టెంబరు-7వ తేదీనాడు, చెరుకుపల్లిలో నిర్వహించిన ఎంపిక పోటీలలో ఈమె తన ప్రతిభ ప్రదర్శించి, రాష్ట్రస్థాయి కబడ్డీ పోటీలలో జిల్లా జట్టుకు ప్రాతినిధ్యం వహించుటకు ఎంపికైనది. అక్టోబరు/2015 లో వినుకొండలో నిర్వహించు రాష్ట్రస్థాయి పోటీలలో పాల్గొనడానికి జిల్లా జట్టుకు ఎంపిక చేసిన 14 మంది క్రీడాకారులలో ఈమె ఒకరు. [15]
  3. ఈ పాఠశాలలో 9వ తరగతి చదువుచున్న నర్రా శ్రీకృష్ణ అను విద్యార్థి రూపొందించిన "కిసాన్ రక్షక్" అను ప్రాజెక్టును అక్టోబరులో నిర్వహించిన రాష్ట్రస్థాయి విఙాన ప్రదర్శనలో ప్రదర్శించగా, అది జాతీయస్థాయి విఙాన ప్రదర్శనకు ఎంపికైనది. 2015,డిసెంబరు-6,7 తేదీలలో న్యూఢిల్లీలో నిర్వహించు జాతీయస్థాయి పోటీలలో దీనిని ప్రదర్శించెదరు. రైతులు ఆరుగాలం శ్రమించి పొలాలలో పండించిన పంట, కళ్ళాలలో తడవకుండా ఎలా కాపాడుకోవాలో తెలియజేయడమే ఈ ప్రాజెక్టు ముఖ్యోద్దేశ్యం. [18]

బి.సి.బాలికల వసతిగృహం[మార్చు]

నిజాంపట్నంలో రు. 68 లక్షల వ్యయంతో బి.సి.బాలికల వసతిగృహం నిర్మించుచున్నారు. [14]

ప్రభుత్వ ఐ.టి.ఐ.[మార్చు]

శివపురం ప్రాధమిక పాఠశాల[మార్చు]

గ్రామంలోని మౌలిక సదుపాయాలు[మార్చు]

బ్యాంకులు[మార్చు]

  1. ది గుంటూరు జిల్లా కేంద్ర సహకార బ్యాంక్ లిమిటెడ్. ఫోన్ నం. 08648/257728., సెల్ = 9703918473.
  2. స్టేట్ బ్యాంక్ ఆఫ్ ఇండియా:- గ్రామములో ఈ బ్యాంక్ శాఖను 28,నవంబరు-1977 నాడు ప్రారంభించారు. [17]

గ్రామానికి సాగు/త్రాగునీటి సౌకర్యం[మార్చు]

గ్రామ పంచాయతీ[మార్చు]

  1. శ్రీ మోపిదేవి హరనాథబాబు, మాజీ సర్పంచ్.
  2. ఈ గ్రామ పంచాయతీకి 2013 జూలైలో జరిగిన ఎన్నికలలో, శ్రీమతి మోపిదేవి విజయనిర్మల సర్పంచిగా ఎన్నికైనారు. ఉపసర్పంచిగా శ్రీ నాళం సురేష్ ఎన్నికైనారు. [1]&[7]

గ్రామంలోని దర్శనీయ ప్రదేశములు/దేవాలయాలు[మార్చు]

శ్రీ గోకర్ణేశ్వర స్వామి వారి ఆలయo[మార్చు]

చోళరాజుల కాలంలో తిమ్మ భూపాలుడు నేటి నిజాంపట్నాన్ని పరిపాలించేవాడు. ఆ సమయంలో, ఆవు చెవిలోనుండి శివలింగం ఉద్భవించడంతో, ఈ ఆలయానికి ఆ పేరు వచ్చింది. అతి పురాతనమైన ఈ ఆలయ పునర్నిర్మాణానికి, 2013 డిసెంబరు 7 శనివారం ఉదయం శంకుస్థాపన జరిగింది. ఈ అలయ పునర్నిర్మాణానికి గ్రామస్థులు రు. 8 లక్షలు విరాళాలు సమకూర్చగా, ప్రభుత్వం రు. 16 లక్షలు మంజూరు చేసింది. [2]

ఈ ఆలయంలో ప్రతి సంవత్సరం మహాశివరాత్రి ఉత్సవాలు వైభవంగా నిర్వహించెదరు.

ఈ ఆలయ ప్రాంగణంలో ఆంజనేయస్వామివారి విగ్రహ ప్రతిష్ఠకై, 2015,డిసెంబరు-23వ తేదీ గురువారం ఉదయం 11-15 గంటలకు శంకుస్థాపన నిర్వహించారు. నిజాంపట్నానికి చెందిన కీ.శే.పీతా కృష్ణమూర్తి, కాంతమ్మ దంపతుల ఙాపకార్ధం, వారి కుమారుడు శ్రీ సీతారామరాజు, కోడలు శ్రీమతి వెంకటేశ్వరమ్మ ఈ విగ్రహాన్ని ఏర్పాటుచేస్తున్నారు. [19]

శ్రీ మొగదారమ్మ" అమ్మవారి ఆలయం[మార్చు]

నిజాంపట్నం గ్రామంలో మత్స్యకారులు మొగదారమ్మ అమ్మవారిని తమ ఆరాధ్యదైవంగా కొలుస్తున్నారు. ఈ అమ్మవారి వార్షిక సంబరాలు ప్రతి సంవత్సరం వైశాఖ శుక్ల పౌర్ణమికి ఐదు రోజులపాటు వైభవంగా నిర్వహించెదరు. [4]

శ్రీ కనకదుర్గమ్మ అమ్మవారి ఆలయం[మార్చు]

ఈ ఆలయంలో ప్రతి సంవత్సరం, దసరా శరన్నవరాత్రి ఉత్సవాలు అత్యంత వైభవంగా నిర్వహించెదరు. ఈ ఆలయంలో అమ్మవారికి వార్షిక ఉత్సవాలు ప్రతి సంవత్సరం శ్రావణమాసంలో వైభవంగా నిర్వహించెదరు. [5]

శ్రీ అంకమ్మ తల్లి ఆలయం[మార్చు]

నిజాంపట్నం మండల కేంద్రంలోని జల్సా బాజారులో వేంచేసియున్న శ్రీ అంకమ్మ తల్లి కొలువులు, 2015,మే నెల-8,9,10 తేదీలలో వైభవంగా నిర్వహించారు. చివరిరోజైన 10వ తేదీ ఆదివారంనాడు, అమ్మవారి ఉత్సవ విగ్రహాలను గ్రామవీధులలో ఊరేగించారు. అమ్మవారికి ప్రత్యేకపూజలు చేసి, మొక్కుబడులు తీర్చుకున్నారు. [9]

శ్రీ నాగార్పమ్మ తల్లి ఆలయం[మార్చు]

గ్రామంలోని యల్లావుల వారి ఇలవేలుపు శ్రీ నాగార్పమ్మ తల్లి సంబరాలు, కొలుపులు, 2015,మే నెల-12వ తేదీ మంగళవారంనుండి, 15వ తేదీ శుక్రవారం వరకు, వైభవంగా నిర్వహించారు. [10]

శ్రీ గుడారంకమ్మ అమ్మవారి ఆలయం[మార్చు]

గ్రామములోని నర్రావారి ఇలవేలుపు అయిన ఈ అమ్మవారి మూడురోజులు నిర్వహించే, వార్షిక సంబరాలలో భాగంగా, 2015,మే-30వ తేదీ శనివారంనాడు, అమ్మవారి గ్రామోత్సవం ఘనంగా నిర్వహించారు. 31వతేదీ ఆదివారంనాడు, అమ్మవారికి ప్రత్యేకపూజలు నిర్వహించారు. సుదూరప్రాంతాలనుండి భక్తులు ఆలయానికి వచ్చి అమ్మవారికి మొక్కులు తీర్చుకున్నారు. మూడవ రోజూ, చివరి రోజైన సోమవారంనాడు గూడా భక్తులు ఆలయానికి వచ్చి మొక్కులు తీర్చుకున్నారు. సోమవారంతో అమ్మవారి సంబరాలు ముగింపుకు వచ్చినవి. [11]

శ్రీ నన్నూరమ్మ తల్లి దేవర ఆలయం[మార్చు]

దొంతిబోయినవారి ఇలవేలుపు అయిన ఈ ఆలయంలోని అమ్మవారి వార్షిక కొలుపులు, 2015,జూన్-5వ తేదీ శుక్రవారం నుండి 7వ తేదీ ఆదివారం వరకు, నిర్వహించెదరు. ఈ ఉత్సవాలలో భాగంగా, 5వ తెదీ శుక్రవారంనాడు, అమ్మవారికి ప్రత్యేకపూజలు నిర్వహించి, గ్రామోత్సవం నిర్వహించారు. 7వ తేదీ ఆదివారం భక్తులు, మొక్కులు తీర్చుకున్నారు. [12]

శ్రీ నిజపురి పాండురంగవిఠలేశ్వరస్వామివారి దేవస్థానం[మార్చు]

శ్రీ వేణుగోపాలస్వామివారి ఆలయం[మార్చు]

శ్రీ సువర్చలా సహిత శ్రీ ఆంజనేయస్వామివారి ఆలయం[మార్చు]

హనుమజ్జయంతి సందర్భంగా, 2017,మే-22వతేదీ సోమవారంనాడు, అలంకరించిన వాహనంపై శ్రీ సువర్చలా సహిత శ్రీ ఆంజనేయస్వామివారి ఉత్సవ విగ్రహాలతో, మేళతాళాలతో, గ్రామోత్సవం కన్నులపండువగా నిర్వహించారు. భక్తులు టెంకాయలు సమర్పించి మొక్కుబడులు తీర్చుకున్నారు. [21]

శ్రీ కన్యకాపరమేశ్వరీ అమ్మవారి ఆలయం[మార్చు]

గ్రామములో సంతబజారులో, ఈ ఆలయాన్ని నూతనంగా నిర్మించారు. [20]

గ్రామంలో ప్రధాన పంటలు[మార్చు]

వరి, అపరాలు, కాయగూరలు

గ్రామంలో ప్రధాన వృత్తులు[మార్చు]

వ్యవసాయం, వువసాయాధారిత వృత్తులు

గ్రామ ప్రముఖులు[మార్చు]

శ్రీ తాతా పోతురాజు[మార్చు]

1965 లో జరిగిన భారత్-పాక్ యుద్ధంలో వీరు తన తెగువ, ధైర్యసాహసాలు ప్రదర్శించి, తన రైఫిల్ తో పాక్ యుద్ధ విమానం "శాబర్ జెట్"ను కూల్చివేసి ఇతర సైనికులకు ఆదర్శంగా నిలిచారు. ఈ ఉత్సాహంతో మన సైనికులు మరో 40 పాక్ యుద్ధవిమానాలను కూల్చివేసినారు. నాటి రాష్ట్రపతి శ్రీ సర్వేపల్లి రాధాకృష్ణన్, వీరికి "వీర చక్ర" పురస్కారంతో గౌరవించి, ఆ స్టేజిపైననే వీరిని తెలుగులో ప్రత్యేకంగా అభినందించారు. అప్పుడే అక్కడ నాటి ప్రధానమంత్రి శ్రీమతి ఇందిరాగాంధీ వీరితో కరచాలనం చేసి సాదరంగా అభినందించడం విశేషం. భారత్-పాక్ 1965 యుద్ధ విజయం లభించి 50 సంవతరాలు అయిన సందర్భంగా, 2015,ఆగస్టు-28వ తేదీనుండి సెప్టెంబరు-22వ తేదీవరకు, భారత ప్రభుత్వం స్వర్ణోత్సవ సంబరాలను జరుపుకుంటున్న నేపథ్యంలో, 2015,సెప్టెంబరు-22వ తెదీనాడు వీరిని తెనాలి పట్టణంలో ఘనంగా సన్మానించారు. అదే రోజున వీరి జీవిత విశేషాలను, యుద్ధంలో ఆయన చేసిన సాహసాలనూ ఉదాహరణలతో వివరించిన, తెలుగు జాతి కీర్తి పతాక - వీరచక్ర శ్రీ తాతా పోతురాజు అను పుస్తకాన్ని గూడా ఆవిష్కరించారు. ఈ పుస్తకాన్ని, "తెనాలి ప్రచురణలు" అను సంస్థవారు ముద్రించారు. [16]

మోపిదేవి వెంకట రమణారావు[మార్చు]

2004 మరియు 2009 శాసనసభ ఎన్నికలలో కూచినపూడి మరియు రేపల్లె నుండి పోటి చేసి గెలిచిన మోపిదేవి వెంకట రమణారావు గారు ఈ గ్రామ వాస్తవ్యులే. వారు ఉమ్మడి ఆంధ్ర ప్రదేశ్ రాష్ట్ర ప్రభుత్వంలో సాంకేతిక విద్య మరియు న్యాయ శాఖా మాత్యులుగా పనిచేసారు.

గ్రామ విశేషాలు[మార్చు]

  1. నిజాంపట్నంలో 2014,నవంబరు-25న, నూతనంగా నిర్మించిన కోస్ట్ గార్డ్ స్టేషనును ప్రారంభించారు. ఇండియన్ కోస్ట్ గార్డ్ డైరెక్టర్ జనరల్, వైస్ అడ్మిరల్ అనురాగ్ జి. తప్తియాల్, దీనిని ప్రారంభించారు. భారతదేశం మొత్తం మీద ఇలాంటి స్టేషన్లు 42 ఉన్నాయి. ఆర్మీ, నేవీ, ఎయిర్ ఫోర్స్ మాదిరిగానే కోస్త్ గార్డ్ గూడా ప్రజలకు ఉత్తమమైన సేవలు అందిస్తుందనీ, ఏ అవసరమున్నా ప్రజలు వీరి సేవలు వినియోగించుకోగలరనీ, ఈ సందర్భంగా ఆయన తెలియజేసినారు. [6]
  2. ఈ గ్రామానికి చెందిన ఆక్వా రైతు శ్రీ విశ్వనాధపల్లి వెంకటేశ్వరరావుకు జాతీయస్థాయిలో ఉత్తమ టైగర్ ఆక్వా సాగు పురస్కారం అందుకున్నారు. వీరికి ఒకేసారి రెండు పురస్కారాలు లభించడం ప్రశంసనీయం. [8]

గణాంకాలు[మార్చు]

2001 వ.సంవత్సరం జనాభా లెక్కల ప్రకారం గ్రామ జనాభా 20,638.[1] ఇందులో పురుషుల సంఖ్య సంఖ్య 10,583, స్త్రీల సంఖ్య 10,055,గ్రామంలో నివాస గృహాలు 5,114 ఉన్నాయి.గ్రామ విస్తీర్ణం 2276 హెక్టారులు.

మండల గణాంకాలు[మార్చు]

మండలంలోని గ్రామాలు[మార్చు]

మూలాలు[మార్చు]

బయటి లింకులు[మార్చు]

[2] ఈనాడు గుంటూరు రూరల్/రేపల్లె; 2013,డిసెంబరు-8; 1వపేజీ. [3] ఈనాడు గుంటూరు రూరల్/రేపల్లె; 2014,మార్చి-13; 1వపేజీ. [4] ఈనాడు గుంటూరు రూరల్/రేపల్లె; 2014,మే-11; 2వపేజీ. [5] ఈనాడు గుంటూరు రూరల్/రేపల్లె; 2014,సెప్టెంబరు-27; 1వపేజీ. [6] ఈనాడు గుంటూరు రూరల్; 2014,నవంబరు-26; 16వపేజీ. [7] ఈనాడు గుంటూరు రూరల్/రేపల్లె; 2014,డిసెంబరు-7; 2వపేజీ. [8] ఈనాడు గుంటూరు రూరల్/రేపల్లె; 2015,ఫిబ్రవరి-23; 1వపేజీ. [9] ఈనాడు గుంటూరు రూరల్/రేపల్లె; 2015,మే-11; 1వపేజీ. [10] ఈనాడు గుంటూరు రూరల్/రేపల్లె; 2015,మే-16; 2వపేజీ. [11] ఈనాడు గుంటూరు రూరల్/రేపల్లె; 2015,జూన్-2; 3వపేజీ. [12] ఈనాడు గుంటూరు రూరల్/రేపల్లె; 2015,జూన్-9; 2వపేజీ. [13] ఈనాడు గుంటూరు రూరల్/రేపల్లె; 2015,జులై-15; 1వపేజీ. [14] ఈనాడు గుంటూరు రూరల్/రేపల్లె; 2015,ఆగస్టు-12; 1వపేజీ. [15] ఈనాడు గుంటూరు రూరల్/రేపల్లె; 2015,సెప్టెంబరు-9; 2వపేజీ. [16] ది హిందు, ఆంగ్ల దినపత్రిక; 2015,సెప్టెంబరు-2; 2వపేజీ మరియు ఈనాడు గుంటూరు సిటీ; 2015,సెప్టెంబరు-23; 7వపేజీ. [17] ఈనాడు గుంటూరు రూరల్; 2015,నవంబరు-28; 2వపేజీ. [18] ఈనాడు గుంటూరు రూరల్/రేపల్లె; 2015,డిసెంబరు-3; 1వపేజీ. [19] ఈనాడు గుంటూరు రూరల్/రేపల్లె; 2015,డిసెంబరు-25; 2వపేజీ. [20] ఈనాడు గుంటూరు రూరల్/రేపల్లె; 2016,ఏప్రిల్-1; 1వపేజీ. [21] ఈనాడు గుంటూరు రూరల్/రేపల్లె; 2017,మే-23; 1వపేజీ.

బయటి లింకులు[మార్చు]