వేమూరు

వేమూరు
—  రెవిన్యూ గ్రామం  —
రాష్ట్రం	ఆంధ్ర ప్రదేశ్
జిల్లా	గుంటూరు
మండలం	వేమూరు
ప్రభుత్వము
- సర్పంచి
జనాభా (2001)
- మొత్తం	9,744
- పురుషుల సంఖ్య	4,730
- స్త్రీల సంఖ్య	5,014
- గృహాల సంఖ్య	2,640
పిన్ కోడ్	522261
ఎస్.టి.డి కోడ్ : 08644

వేమూరు
—  మండలం  —
గుంటూరు జిల్లా పటములో వేమూరు మండలం యొక్క స్థానము
వేమూరు ఆంధ్రప్రదేశ్ పటములో వేమూరు యొక్క స్థానము
అక్షాంశరేఖాంశాలు: 16.1775°N 80.7425°E / 16.1775; 80.7425
రాష్ట్రం	ఆంధ్ర ప్రదేశ్
జిల్లా	గుంటూరు
మండల కేంద్రము	వేమూరు
గ్రామాలు	12
ప్రభుత్వము
- మండలాధ్యక్షుడు
జనాభా (2001)
- మొత్తం	44,070
- పురుషులు	22,090
- స్త్రీలు	21,980
అక్షరాస్యత (2001)
- మొత్తం	67.89%
- పురుషులు	73.35%
- స్త్రీలు	62.44%
పిన్ కోడ్	522261

వేమూరు (ఆంగ్లం: Vemuru), గుంటూరు జిల్లా లోని ఒక గ్రామము, మండలము. పిన్ కోడ్: 522 261., ఎస్.టి.డి.కోడ్ = 08644.

గ్రామ చరిత్ర

ఆంధ్ర ప్రదేశ్ రాజధాని ప్రాంత అభివృద్ధి ప్రాధికార సంస్థ (సీఆర్‌డీఏ) పరిధిలోకి వస్తున్న మండలాలు, గ్రామాలను ప్రభుత్వం విడిగా గుర్తిస్తూ ఉత్తర్వులు జారీచేసింది. ప్రస్తుతం గుర్తించిన వాటిలోని చాలా గ్రామాలు వీజీటీఎం పరిధిలో ఉన్నాయి. గతంలో వీజీటీఎం పరిధిలో ఉన్న వాటితోపాటుగా ఇప్పుడు మరిన్ని కొన్ని గ్రామాలు చేరాయి. సీఆర్‌డీఏ పరిధిలోకి వచ్చే గుంటూరు, కృష్ణా జిల్లాల్లోని మండలాలు, గ్రామాలను గుర్తిస్తూ పురపాలక శాఖ ముఖ్య కార్యదర్శి ఉత్తర్వులు జారీ చేశారు.

గుంటూరు జిల్లా పరిధిలోని మండలాలు

తాడేపల్లి, మంగళగిరి, తుళ్లూరు, దుగ్గిరాల, తెనాలి, తాడికొండ, గుంటూరు మండలం, చేబ్రోలు, మేడికొండూరు, పెదకాకాని, వట్టిచెరుకూరు, అమరావతి, కొల్లిపర, వేమూరు, కొల్లూరు, అమృతలూరు, చుండూరు మండలాలతో పాటు ఆయా మండలాల పట్టణ ప్రాంతం కూడా సీఆర్‌డీఏ పరిధిలోకి వస్తుంది.

గ్రామ భౌగోళికం

సమీప గ్రామాలు

వరాహపురం 1 కి.మీ; చంపాడు 2 కి.మీ; రావికంపాడు 3 కి.మీ; పోతుమర్రు 3 కి.మీ; కొల్లూరు 4కి.మీ.

సమీప మండలాలు

తూర్పున కొల్లూరు మండలం, పశ్చిమాన అమృతలూరు మండలం, పశ్చిమాన తెనాలి మండలం, దక్షణాన భట్టిప్రోలు మండలం.

గ్రామంలోని విద్యా సౌకర్యాలు

ప్రభుత్వ జూనియర్ కళాశాల.

గ్రామంలోని మౌలిక సదుపాయాలు

వైద్య సౌకర్యం

ఉత్తమ ప్రాథమిక ఆరోగ్య కేంద్రం:- ఈ కేంద్రానికి గుంటూరు జిల్లాలోనే ఉత్తమ ఆరోగ్య కేంద్రంగా గుర్తింపు వచ్చింది. 69వ స్వాతంత్ర్య దినోత్సవం సందర్భంగా ఈ కేంద్రం వైద్యాధికారి శ్రీ సింహాచలం, 2015,ఆగస్టు-15వ తేదీనాడు, మంత్రి శ్రీ ప్రత్తిపాటి పుల్లారావుగారి చేతులమీదుగా, ప్రశంసాపత్రం అందుకున్నారు. []

బ్యాంకులు

ది గుంటూరు జిల్లా కేంద్ర సహకార బ్యాంక్ లిమిటెడ్:- ఈ బ్యాంకుశాఖ 2015,జూన్-24 నాడు, 26వ వార్షికోత్సవం జరుపుకున్నది. [6]

కొణిజేటి రోశయ్య సమావేశ మందిరం

ఈ మందిరాన్ని, శ్రీ కొణిజేటి రోశయ్య ఉమ్మడి ఆంధ్రప్రదేశ్ రాష్ట్ర ముఖ్యమంత్రిగా ఉన్న సమయంలో, 25 లక్షల రూపాయల వ్యయంతో నిర్మించారు. [12]

గ్రామ పంచాయతీ

2013 జూలైలో ఈ గ్రామ పంచాయతీకి జరిగిన ఎన్నికలలో శ్రీమతి మన్నె వాణి, సర్పంచిగా ఎన్నికైనారు. [4]

గ్రామంలోని దర్శనీయ ప్రదేశములు/దేవాయాలములు

శ్రీ వేణుగోపాల స్వామి ఆలయము

ఈ ఆలయానికి రెండు శతబ్దాల చరిత్ర ఉంది. ఈ ఆలయం శిథిలావస్థకు చేరడంతో దాత, తిరుమల తిరుపతి దేవస్థానం విశ్రాంత ఉప కార్యనిర్వహణధికారి, శ్రీ కోగంటి మల్లిఖార్జునరావు స్పందించి, తన స్వంతనిధులు ఆరు లక్షల రూపాయలు వెచ్చించి, అలయ పునర్నిర్మాణం చేసారు. [8]

ఈ ఆలయంలో 2015,నవంబరు-30వ తేదీ సోమవారం ఉదయం ఉత్తరద్వారా ప్రారంభం, ధ్వజస్తంభం, గరుడస్వామి విగ్రహ ప్రతిష్ఠా కార్యక్రమం నిర్వహించెదరు. ఈ కార్యక్రమాలలో భాగంగా, ఆదివారం నాడు ధ్వజస్తంభాన్నికి మేళతళాలతో గ్రామోత్సవం నిర్వహించారు. [9]

శ్రీ కట్లమ్మ తల్లి దేవాలయo

శతాబ్దాల చరిత్ర ఉన్న, ఈ గ్రామంలోని శ్రీ కట్లమ్మ తల్లి దేవాలయ పునర్నిర్మాణం చేశారు. 2014,ఫిబ్రవరి-2న పండితుల వేదమంత్రోశ్ఛారణల మధ్య, అమ్మవారి విగ్రహం, పోతురాజుస్వామి విగ్రహ ప్రతిష్ఠ జరిగింది. ఈ పునర్నిర్మాణానికి గ్రామస్థులు, స్థానికులు, భక్తులు, రు.20 లక్షల విరాళాలందించారు. [1]&[2]

ఈ ఆలయ వార్షిక వేడుకలను, 2016,ఫిబ్రవరి-2వ తేదీ మంగళవారంనాడు వైభవంగా నిర్వహించారు. [10]

శ్రీ అభయాంజనేయస్వామివారి ఆలయం

ఈ ఆలయ వార్షికోత్సవం, 2015,మార్చి-5వ తేది. ఫాల్గుణ పౌర్ణమి, గురువారం నాడు వైభవంగా నిర్వహించారు. ఉదయం నుండి ఆలయంలో భక్తి గీతాలాలపించారు. భక్తులు స్వామివారికి విశేష పూజలు చేసి తీర్ధప్రసాదాలు అందుకున్నారు. [4]

గ్రామములోని ప్రధాన పంటలు

వరి, అపరాలు, కాయగూరలు

గ్రామములోని ప్రధాన వృత్తులు

వ్యవసాయం, వ్యవసాయాధారిత వృత్తులు

మండలంలోని ప్రముఖులు

సినీ, రాజకీయ రంగాలలో వేమూరు నియోజకవర్గనికి ఒక ప్రత్యేకత ఉంది. ఆయా రంగాలలో పలువురు ఉద్దండులు ఈ ప్రాంతానికి చెందినవారే కావటం విశేషం. సంగీత ప్రపంచంలో తనకంటూ కొన్ని పేజీలు ఏర్పరచుకున్న శ్రీ ఘoటశాల వెంకటేశ్వరరావు, భట్టిప్రోలు మండలం పెదపులివర్రు గ్రామంలో కొంతకాలం పాటు నివాసం ఉన్నారు. ప్రముఖ సినీ దర్శకుడు, కళాతపస్వి శ్రీ కె.విశ్వనాధ్, గూడా ఆ గ్రామానికి చెందినవారే. సుప్రసిద్ధ చలనచిత్ర నటులు శ్రీ గుమ్మడి వెంకటేశ్వరరావు గూడా ఈ నియోజక పరిధిలోని కొల్లూరు మండలానికి చెందిన రావికంపాడు గ్రామస్థులే. [3]

గ్రామ ప్రముఖులు

• వేమూరి గగ్గయ్య ప్రముఖ రంగస్థల నటుడు ఈ గ్రామంలోనే జన్మించారు.
• కొణిజేటి రోశయ్య ఈ గ్రామంలో మాజీ ముఖ్యమంత్రి జన్మించారు.
• నిమ్మగడ్డ బ్రహ్మయ్య చాలా కాలం ఈ గ్రామ సర్పంచ్ గా పనిచేశారు.
• దేవు శంకర్ అంతర్జాతీయ శిల్పి.ఈ గ్రామానికి చెందిన శ్రీ దేవు శంకర్ , ప్రముఖ శిల్పి. ఆయన చేయిపడితే ఎటువంటి శిల అయినా అద్భుతరూపాన్ని సంతరించుకుంటుంది. సజీవరూపాన్ని సాక్షాత్కరింపజేసే ఆ శిల్పాలు దేశవిదేశాలలో ఖ్యాతికెక్కినవి. ఎన్.టి.రామారావు ముఖ్యమంత్రిగా ఉన్న తరుణంలో హైదరాబాదు ట్యాంక్ బండ్ మీద ప్రతిష్ఠించిన 105 అడుగుల ఎత్తయిన తెలుగుతల్లి విగ్రహం ఈయన తయారుచేసినదే. లోక్ సభలో కొలువుదీరిన ప్రముఖులు కీ.శే.టంగుటూరి ప్రకాశం, కీ.శే.ఆచార్య ఎన్.జి.రంగా, కీ.శే.నందమూరి తారకరామారావు గార్ల విగ్రహాలు, శ్రీ శంకర్ గారి శిల్పకళా నైపుణ్యానికి ప్రతీకలు. ఆయన ప్రతిభను గుర్తించిన ప్రముఖులు ఆయనకు, పంచశిల్పబ్రహ్మ బిరుదును ఇచ్చి సత్కరించారు. 2016,ఏప్రిల్-8వ తేదీ దుర్ముఖి నామ సంవత్సర ఉగాది వేడుకలలో ఆంధ్రప్రదేశ్ ప్రభుత్వం, వీరిని హంస పురస్కారానికి ఎంపీచేసింది. [11] 2016 డిసెంబరు 16 న కన్నుమూశారు.
• నాదెండ్ల భాస్కరరావు
• యడ్లపాటి వెంకటరావు
• ఆలపాటి ధర్మారావు
• ఆలపాటి రాజేంద్రప్రసాద్
• కల్లూరి చంద్రమౌళి
• నక్కా ఆనందబాబు
• సోమరౌతు పాల్ రాజు
• కొడాలి వీరయ్య చౌదరి
• ఎస్.రామస్వామిచౌదరి

గణాంకాలు

• 2001 వ.సంవత్సరం జనాభా లెక్కల ప్రకారం
• జనాభా 9744
• పురుషుల సంఖ్య 4730
• మహిళలు 5014
• నివాస గృహాలు 2640
• విస్తీర్ణం 2284 హెక్టారులు
• ప్రాంతీయ భాష తెలుగు

మండలంలోని గ్రామాలు

• అబ్బన గూడవల్లి
• బలిజపల్లె
• చదలవాడ
• కాకర్లమూడి
• చావలి
• జంపని
• చంపాడు
• కుచ్చళ్లపాడు
• పెనుమర్రు
• పెరవలి (గుంటూరు)
• పెరవలిపాలెం
• పోతుమర్రు
• పులిచింతలపాలెం (నిర్జన గ్రామము)
• వరహాపురం
• వేమూరు
• కోడిపర్రు
• బూతుమిల్లి
• వెల్లబాడు

మూలములు

• [1] గ్రామ గణాంకాల వివరాల కొరకు ఇక్కడ చూడండి
• భారత ప్రభుత్వం నిర్వహించిన 2011 గణాంకాల జాలగూడు గ్రామ గణాంకాల వివరాల కొరకు ఇక్కడ చూడండి.

వెలుపలి లింకులు

[2] ఈనాడు గుంటూరు రూరల్/వేమూరు; 2014,ఫిబ్రవరి-3; 1వపేజీ. [3] ఈనాడు గుంటూరు రూరల్; 2013,జులై-17; 8వపేజీ. [4] ఈనాడు గుంటూరు/వేమూరు; 2013,జులై-26; 2వపేజీ. [5] ఈనాడు గుంటూరు రూరల్/వేమూరు; 2015,మార్చి-6; 1వపేజీ. [6] ఈనాడు గుంటూరు సిటీ; 2015,జూన్-24; 39వపేజీ. [7] ఈనాడు గుంటూరు సిటీ; 2015,ఆగస్టు-16; 35వపేజీ. [8] ఈనాడు గుంటూరు సిటీ; 2015,నవంబరు-22; 35వపేజీ. [9] ఈనాడు గుంటూరు సిటీ; 2015,నవంబరు-30; 38వపేజీ. [10] ఈనాడు గుంటూరు సిటీ; 2016,ఫిబ్రవరి-3; 35వపేజీ. [11] ఈనాడు గుంటూరు సిటీ; 2016,ఏప్రిల్-8; 8వపేజీ. [12] ఈనాడు గుంటూరు సిటీ/వేమూరు; 2016,అక్టోబరు-30; 2వపేజీ.

• 

  పెరవలి వేంకటేశ్వర ఆలయం ఒకటి